Δημοφιλή Βιβλικά εδάφια από Luk 14

Κοινοποίηση

“Emi egafis sifi'mai Ae', ma esis owa' sesambala mamasas wauhiamas wauhupawa batawisas asasisi soloma sahin owan wambota asasinai, ea' ambagof asasimi wapoti', esis ina nambimb sepe la'ifis sepe alupisi ae'asi, owa'.

Ae' efa' nimanim awami anda' maol Godi sehe ega' lawag usi'inai tu'wanainai. Emi egafis owa' senda'am na'ama etin si'i ae' ma sieili, epes isima ina la'ifis setaga alupisi ae'asi, owa'.

Dei' main, epes emi egafis sefela agof asasimi atom, God nonda'as sisila'. Ea' epes emi egafis senda' agof asasimi misila'i, anona nemaf God nefela agofa esis.”

Ea' ipe' na'ama etin. Ipe' emi egafipa owa'etina pewa' alafugah ma amamaga ipe'imi ma pesambalom, ipe' ina nambimb la'ifipa pepe alupipei ae'ipei, owa'.

Enin epen ipe'ini i'i nenda' anona ipat lu'unai nolata ilif, enin nenda'am ni'imama? Enin ata' nope nomonas motamea andeande' nili' ma nogawa andeande' otamba amama nanda' ipatami. Nambimb otamba ananimi mondahama ipat anama hi'ilana o owa'? I'i owa'etina nenda' amama meali', ma nili' nonda' simen etina owa' nonda' ipat anama hi'ilana. Nambimb epes hiesi satolonai si'i basef aman anama sonda' findiwana si'iam si'i, ‘Epen inima nasefela ipat anama, ea' enin owa' la'ifin nembefanae.’

Ine' nenda' gwa'aimi lu'wami, nefala isima kwahusa amamagai, bo'wagah awomisi, naep mase'asi. Epes isima ina la'ifisa sogwamena gwa'aimi ine', owa'. I'i ine' nenda'am na'ama, nendanifel nepe andeande'. Ea' anona nemaf God nogwamena amamaga amama bu'wami nemaf anama epes isima sanda' waf bu'unai saga'i sohafel wapoti'.”

Ipe' pegawa sol amama bu'wami. Ea' i'i sol amama mumbul owa' usihim, owa'etin. Nambimb ipe' penda'am pi'imama usihim wapoti'? Owa'. Sol amama ina bo'oma ape' monda'am aof, o mokwahom moloma umba bulmakaum, owa'etin. Ape' mokwahom etin. Emi egafipa aligah magalipei pame' basefi, pilam.”