مَتّیٰ 1
1
عیسی مسیحینگ نِسلی
لوقا ۳:۲۳-۳۸
1ابراهیم و داوود اُغلی بُلان عیسی مسیحینگ نِسلی اینه، شِیلِدیر:
2ابراهیم اسحاقینگ آتاسیدی، اسحاق یعقوبینگ آتاسیدی، یعقوب یهودا و اُنونگ دُغانلارینینگ آتاسیدی.
3یهودا فارِص بیلِن زارِحینگ آتاسیدی، اُلارینگ اِنه‌سی تاماردی. فارِص حِصرونینگ، حِصرون هِم آرامینگ آتاسیدی.
4آرام عمینادابینگ، عمیناداب نَحشونینگ، نَحشون هِم سالمونینگ آتاسیدی.
5سالمون بوعَزینگ آتاسیدی، اُنونگ اِنه‌سی راحابدی. بوعَز عوبیدینگ آتاسیدی، اُنونگ اِنه‌سی روتدی. عوبید یَسانینگ آتاسیدی.
6یَسا داوود پادیشاهینگ آتاسیدی. داوود سلیمانینگ آتاسیدی. سلیمانینگ اِنه‌سی اوریانینگ دول آیالی باتشِبادی.
7سلیمان رِحُبعامینگ، رِحُبعام اَبیانینگ، اَبیا آسانینگ آتاسیدی.
8آسا یِهوشافاطینگ، یِهوشافاط یورامینگ، یورام عُزیانینگ آتاسیدی.
9عُزیا یوتامینگ، یوتام آحازینگ، آحاز حِزِقیانینگ آتاسیدی.
10حِزِقیا مَنَسینینگ، مَنَسی آمونینگ، آمون یوشیانینگ آتاسیدی.
11یوشیا بابِل تَبعیدینده دُغان یِکُنیانینگ و اُنونگ دُغانلارینینگ آتاسیدی.
12یِکُنیا بابِل تَبعیدیندِن سُنگرا دُغان سالتیئیلینگ آتاسیدی. سالتیئیل زِروبابِلینگ آتاسیدی.
13زِروبابِل اَبیهودینگ، اَبیهود ایلیاقیمینگ، ایلیاقیم عازورینگ آتاسیدی.
14عازور صادوقینگ، صادوق یاقیمینگ، یاقیم اِلیهودینگ آتاسیدی.
15اِلیهود ایلعازَرینگ، ایلعازَر ماتانینگ، ماتان یعقوبینگ آتاسیدی.
16یعقوب مریمینگ آدامسی یوسفینگ آتاسیدی، مریمدِن بُلسا مسیح دییّپ آدلاندیریلان عیسی دُغدی.
17شِیلِلیکده، ابراهیمدان داوودا چِنلی بُلان نِسیل‍لِر جِمی اُن دُرت آرقادیر. داوودّان بابِل تَبعیدینه چِنلی هِم اُن دُرت، بابِل تَبعیدیندِن مسیحه چِنلی هِم اُن دُرت آرقادیر.
عیسی مسیح دُغیار
لوقا ۲:۱-۷
18عیسی مسیحینگ دُغومی شِیله بُلدی: اُنونگ اِنه‌سی مریم بیلِن یوسف آداغیلیدی، اِمّا اُلار هِنیز بیرلِشمَکَلِر، مریم اُزونینگ مُقادِّس روح بیلِن گُورِلی بُلاندیغینی بیلدی. 19اُنونگ آداغیلیسی یوسف دُغری بیر آدامدی، شُنگا گُرَه اُل مریمینگ ایله ماسغارا بُلماغینی ایسلِمَن، اُنی گوزگین آیریپ گُیبِرمِگی یورِگینه دوودی. 20اِمّا یوسف مونی نییِتینه دووِندِن سُنگ، خودایینگ بیر پِریشده‌سی اُنونگ دیشینه گیریپ: «اِی داوود اُغلی یوسف! سِن مریم بیلِن اُیلِنمِکدِن قُرقما، سِبَبی اُنونگ گُوره‌سیندَکی چاغا مُقادِّس روحونگ اوستو بیلِندیر. 21اُل بیر اُغول دُغرار، سِن اُنونگ آدینا عیسی#۱:۲۱ عیسی – بو آد «خودای نِجات بِریَر» دییمِگی بیلدیردیَر. داقارسینگ، سِبَبی اُل اُز خالقینی گونَه‌لِریندِن نِجات بِرِر» دییدی. 22-23بولارینگ هِمّه‌سی خودایینگ پیغامباری سِبَبی:
«اینه، بیر باکِره قیز گُورِلی بُلوپ، اُغول دُغرار.
اُنونگ آدینا عِمانوئیل داقارلار»#اِشعیا ۷:۱۴
دییّپ آیدان سُزونینگ بِرجای بُلماغی اوچین بُلدی. بو آد «خودای بیزینگ بیلِندیر» دییِن مَعنینی بیلدیردیَر.
24یوسف اوقودان اُیانانسُنگ، خودایینگ پِریشده‌سینینگ دِستورینی یِرینه یِتیردی-ده، مریم بیلِن اُیلِندی. 25اِمّا مریم اُغلونی دُغوریانچا، یوسف اُنگا یاناشمادی. یوسف دُغان چاغانینگ آدینا عیسی داقدی.
Επιλέχθηκαν προς το παρόν:
مَتّیٰ 1: TUKIR
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Turkmen Truth