مَرقُس 12
12
اوزومچیلیک و باغبانلار میثالی
مَتّیٰ ۲۱:۳۳-۴۶؛ لوقا ۲۰:۹-۱۹
1سُنگرا عیسی اُلارا میثال‍لار بیلِن گورّونگ بِرمَگه باشلادی: «بیر آدام اوزوم باغلارینی اُتوردیپ، داشینا دیوار چِکیَر. شِراب بِجِرمِک اوچین، اوزومی سیقماغا بیر چوقور قازیار و بیر سانی گُزِگچیلیک دینگینی قوریار. اُنسُنگ اوزومچیلیگینی باغبانلارا کیرایاسینا بِریپ، اُزی اوزاق یُلا گیدیَر. 2حاصیل واقتی گِلِنده، اُل بیر خیدماتکَرینی اوزومینگ میوه‌سیندِن پایینی آلیپ گِل دییّپ، باغبانلارینگ یانینا ایبِریَر. 3اِمّا اُلار اُنی توتوپ یِنچیَرلِر و بُش کُووپ گُیبِریَرلِر. 4اوزومچیلیگینگ اِیه‌سی یِنه باشغا بیر خیدماتکَرینی ایبِریَر. اُلار اُنونگ کِلّه‌سینی یاریپ، اُنی ماسغارا اِدیپ ایبِریَرلِر. 5اُنسُنگ یِنه بیر خیدماتکَرینی ایبِریَر، اُلار مونی اُلدوریَرلِر. اُل شِیدیپ، اِنچِمه خیدماتکَرینی ایبِریَر. بولارینگ-دا کَبیرینی یِنچیپ، کَبیرینی اُلدوریَرلِر. 6اوزومچیلیگینگ اِیه‌سی اُل یِره ایبِرمَگه یِنه بیر آدامی قالیار، اُل-دا اُزونینگ یِکِجه عزیز اُغلودی. اُغلومی سیلارلار دییّپ فیکر اِدیَر، اُل اینگ آخیریندا باغبانلارینگ یانینا اُز اُغلونی ایبِریَر. 7اِمّا باغبانلار بیری-بیرلِرینه: ”اینه، بو میراثدار. گِلینگ، شونی اُلدورِلینگ، میراث بیزه قالار“ دییّشیَرلِر. 8اُنی توتوپ اُلدوریَرلِر و اوزومچیلیکدِن داشاری زینگیارلار. 9ایندی اوزومچیلیگینگ اِیه‌سی نَمه اِدِر؟ اُل گِلیپ، بو باغبانلاری اُلدورِر-ده، اوزومچیلیگی باشغالارا بِرِر. 10سیز مُقادِّس یازغیداقی:
”بِنّالارینگ رِد اِدِن داشی،
اُل بورچ داشی بُلدی.
11مونی خودای اِتدی،
بو ناظاریمیزدا عجاییپ بُلدی“#زِبور ۱۱۸:۲۲-۲۳
دییِن سُزلِری اُقیمادینگیزمی نَمه؟»
12بو میثالی اُزلِرینه قاقدیریپ آیدانینی دوشونِن یَهودی یُلباشچیلار عیسانی توتجاق بُلدولار. یُنه خالقدان قُرقوپ، اُنی قالدیریپ، اُز یُل‍لارینا گیتدیلِر.
روم ایمپِراطُرینگ حاقی ایمپِراطُرا
مَتّیٰ ۲۲:۱۵-۲۲؛ لوقا ۲۰:۲۰-۲۶
13عیسانی کِپده توتجاق بُلوپ، فَریسی‌لِرینگ و هیرودیسینگ طارافدارلارینینگ بیرنَچه‌سینی اُنونگ یانینا ایبِردیلِر. 14اُلار گِلیپ، اُندان: «اُستاد! بیز سِنینگ دُغرودیغینگی، هیچ کیمه طارافدارلیق اِتمِیَندیگینگی بیلیَریس، سِبَبی سِن آداملارینگ دِرِجه‌سینه باقمان، خودایینگ یُلونی حاقیقات بیلِن اُورِدیَرسینگ. هانی آیت، ایمپِراطُرا مالییات بِرمِک دُغرومی یا-دا دُغری دَل؟ بِرِیلیمی یا-دا بِرمَیلیمی؟» دییّپ سُرادیلار. 15عیسی اُلارینگ ایکی‌یوزلیدیگینی بیلیپ: «مِنی نَمه اوچین ایمتِحان اِدیَرسینگیز؟ مانگا کوموش پولی بِرینگ، گُرِیین» دییدی. 16اُلار بیر سِکّه گِتیردیلِر. عیسی اُلاردان: «بو سِکّه‌دَکی شِکیل بیلِن یازغی کیمینگکی؟» دییّپ سُرادی. اُلار: «ایمپِراطُرینگقی» دییّپ جُغاپ بِردیلِر. 17عیسی اُلارا: «ایمپِراطُرینگقینی – ایمپِراطُرا، خودایینگقینی خودایا بِرینگ» دییدی. اُلار اُنگا حایران قالدیلار.
دیرِلیش بارادا سُراق
مَتّیٰ ۲۲:۲۳-۳۳؛ لوقا ۲۰:۲۷-۴۰
18اُلومدِن سُنگ دیرِلیشینگ یُقدوغینی آیدیان صادّوقی‌لار عیسانینگ یانینا گِلیپ، اُنگا شِیله سُراق بِردیلِر: 19«اُستاد! موسی بیزه شِیله آیدیپدیر: ”اِگِر ایکی دُغانینگ بیری اُلسه، ایزیندا آیالی دول قالیپ، اُلارینگ اُغلانلاری هِم یُق بُلسا، بِیلِکی دُغانی اُنونگ آیالینا اُیلِنیپ، اُلِن دُغانینینگ نِسلینی دُوام اِتدیرسین.“#قایتادان ۲۵:۵-۶ 20یِدی دُغان باردی. بیرینجیسی بیر آیالا اُیلِندی، یُنه ایزیندا نِسل قالدیرمان اُلدی. 21ایکینجیسی هِم شُل آیالا اُیلِندی، اُل هِم ایزیندا نِسل قالدیرمان اُلدی. اُلارینگ اوچونجیسی هِم شِیله بُلدی. 22یِدیسی-ده نِسل قالدیرمادی. اُلاردان سُنگ آیال هِم اُلدی. 23ایندی قیامات گونی اُلار اُلومدِن دیرِلِنلِرینده، بو آیال اُلارینگ هایسیسینینگ آیالی بُلار؟ چونکی اُلارینگ یِدیسی هِم اُنگا اُیلِنیپدی.»
24عیسی اُلارا شِیله جُغاپ بِردی: «سیز نه مُقادِّس یازغیلاری، نه-ده خودایینگ قودراتینی بیلیَرسینگیز. یالنگیشینگیزینگ اِساسی سِبَبی هِم شوندا دَلمی؟ 25اینسانلار اُلومدِن دیرِلِنده نه اُیلِنِرلِر، نه-ده نیکاح اِدِرلِر، اُلار آسمانداقی پِریشده‌لِر یالی بُلارلار. 26اُلولِرینگ دیرِلیشی باباتدا بُلسا، موسانینگ کیتابینداقی یانیپ دوران یانداق حاقیندا اُقیمادینگیزمی؟ خودای موسی: ”مِن ابراهیمینگ، اسحاقینگ و یعقوبینگ خوداییدیرین“ دییدی.#چیقیش ۳:۶،۱۵ 27اُل اُلولِرینگ دَل-ده، دیریلِرینگ خوداییدیر. سیز قاتی یالنگیشیارسینگیز.»
اینگ واجیپ حُکوم
مَتّیٰ ۲۲:۳۴-۴۰؛ لوقا ۱۰:۲۵-۲۸
28یاقین گِلیپ، اُلارینگ چِکیشمِلِرینی اِشیدِن دین عُلَمالاردان بیری عیسانینگ اُلارا قاوی جُغاپ بِرِنینی گُروپ، اُندان: «هایسی حُکوم اینگ واجیپ حُکوم؟» دییّپ سُرادی. 29عیسی: «اینگ واجیپ حُکوم شودور: اِی اسرائیل خالقی، قولاق قُی. تانگری خوداییمیز یِکِجه تانگریدیر. 30تانگری خودایینگیزی هِمّه یورِگینگیز، هِمّه جان-تِنینگیز، بار دوشونجَنگیز و هِمّه گویجونگیز بیلِن سُیونگ.#قایتادان ۶:۴-۵ 31ایکینجیسی-ده شودور: هِمسایانگی اُزونگی سُیشونگ یالی سُی!#لاویلار ۱۹:۱۸ بولاردان اولی حُکوم بُلماز» دییّپ جُغاپ بِردی. 32اُل آدام اُنگا: «سِنینگکی دُغری، اِی اُستاد! سِن حاقیقاتی آیتدینگ. خودای یِکِجه‌دیر، اُندان باشغاسی یُقدور. 33اُنی هِمّه یورِگینگ، هِمّه عاقیلینگ بیلِن و هِمّه گویجونگ بیلِن سُیمِکلیک، هِمسایانگی اُزونگی سُیشونگ یالی سُیمِکلیک هِمّه یاقما قربانلیقلارینگ و بِیلِکی قربانلیقلارینگدان خاص مُهِمدیر» دییدی. 34عیسی اُنونگ عاقیلّی جُغاپ بِرِنینی گُروپ: «سِن خودایینگ پادیشاهلیغیندان اوزاقدا دَلسینگ» دییدی. شُندان سُنگ عیسی سُراق بِرمَگه هیچ کیم یورِک اِتمِدی.
مسیح کیمینگ اُغلی؟
مَتّیٰ ۲۲:۴۱-۴۶؛ لوقا ۲۰:۴۱-۴۴
35عیسی عیباداتخانادا خالقا اُورِدیپ اُتیرقا، اُلارا شِیله دییدی: «نَدیپ دین عُلَمالار مسیحه داوودینگ اُغلی دییَّرلِر؟ 36داوودینگ اُزی مُقادِّس روحدان ایلهام آلیپ، شِیله دییّپدیر:
”خودای مِنینگ تانگریما شِیله آیتدی:
دوشمانلارینگی آیاغینگ آشاغینا سالیانچام،
مِنینگ ساغیمدا اُتور.“#زِبور ۱۱۰:۱
37داوودینگ اُزی مسیحه تانگری دییَّر. اُنسُنگ مسیح نَهیلی داوودینگ اُغلی بُلیار؟»
اولی جِماغات اُنی خوش بُلوپ دینگلِیَردی.
عیسی ایکی‌یوزلی دین عُلَمالاری عاییپلایار
مَتّیٰ ۲۳:۱-۳۶؛ لوقا ۲۰:۴۵-۴۷
38عیسی خالقا شِیله اُورِدیپ بِردی: «دین عُلَمالاردان خاباردار بُلونگ! اُلار اوزین دُن گِییپ گِزمِگی، بازارلاردا اُزلِرینه سالام بِریلمِگینی، 39کِنیسه‌لِرده قاوی جایلاری و ضیافاتلاردا یُقارینی حالایاندیرلار. 40اُلار دول آیال‍لارینگ اُیلِرینی طالاب، گُز اوچین اوزین-اوزین دُغالار اُقیان بُلیاندیرلار. شِیله آداملار اینگ آغیر جِزا سِزاوار بُلارلار.»
دول آیالینگ صاداقاسی
لوقا ۲۱:۱-۴
41عیسی خازینانینگ قارشیسیندا اُتوریپ، اُنگا پول آتیان خالقی گُزلِیَردی. اِنچِمه بای آداملار خازینا کَن پول آتدیلار. 42بیر قاریپ دول آیال گِلیپ، خازینا ایکی کیچی سِکّه آتدی. 43عیسی شَگیرتلِرینی یانینا چاغیریپ، اُلارا: «سیزه دُغروسینی آیدیارین، بو قاریپ دول آیال خازینا هِمّه‌لِردِن کَن پول آتدی. 44بِیلِکیلِر اُزلِریندِن آرتانینی آتدیلار، یُنه بو آیال قاریپلیغینا دِگیشلی، اِلیندَکی هِمّه بار پولونی آتدی» دییدی.
Επιλέχθηκαν προς το παρόν:
مَرقُس 12: TUKIR
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Turkmen Truth