Yauhaas 11
11
Laxalus Tuag
1Muaj ib tug txivneej hu ua Laxalus nyob huv lub zog Npethanis, nwg mob nyaav heev. Npethanis yog lub zog kws Malis hab nwg tug namlaug Mathas nyob. #Lukas 10:38-39 ( 2Tug Malis nuav yog tug kws muab tshuaj tswqaab laub rua tug Tswv ob txhais kutaw hab muab nwg cov plaubhau lug so; tug Laxalus kws mob nyaav heev ntawd yog Malis tug nug.) #Yauh 12:3 3Obtug ob vivncaug txawm xaa xuv moog rua Yexus tas, “Tug Tswv, Koj tug phoojywg kws Koj hlub mob nyaav heev.”
4Thaus Yexus nov le ntawd, Nwg has tas, “Laxalus tug mob nuav yuav tsi ua rua nwg tuag; tabsis yuav ua rua Vaajtswv tau koobmeej, sub Nwg tug Tub txhaj tau koobmeej hab.”
5Yexus yeej hlub Mathas hab nwg tug namhluas hab Laxalus puab heev. 6Tabsis thaus kws Nwg nov tas Laxalus mob nyaav heev ntawd, Nwg tseem nyob qhov qub chaw ntawd tau ob nub ntxiv. 7Tomqaab ntawd Yexus txawm has rua Nwg cov thwjtim tas, “Peb cale rovqaab moog rua nraag lub xeev Yudas.”
8Cov thwjtim teb tas, “Xwbfwb, nyavnyuas tsi ntev taag lug nuav cov tuabneeg kws nyob nraag tub yuav muab pobzeb ntaus Koj; es Koj tseem yuav rovqaab moog nraag hab lov?”
9Yexus has tas, “ib nub muaj kaum-ob txoogteev puas yog? Yogle ntawd, tug kws taug kev nruabnub yuav tsi dlawm, ruaqhov nwg pum qhov kaaj kws ci rua lub nplajteb. 10Tabsis yog nwg taug kev montuj, nwg yuav dlawm, ruaqhov nwg tsi muaj qhov kaaj.” 11Tomqaab kws Yexus has le nuav taag, Nwg rov has tas, “Laxalus kws yog peb tug phoojywg tau pw tsaugzug lawm, tabsis Kuv yuav moog tsaa nwg sawv.”
12Cov thwjtim teb tas, “Tug Tswv, yog nwg tsaug taug zug lawm, nwg tug mob yeej yuav zoo xwb.”
13Qhov Yexus has ntawd, yog Nwg has tas Laxalus tub tuag lawm, tabsis cov thwjtim xaav tas yog Yexus has txug qhov kws Laxalus pw tsaugzug le tej tuabneeg xwb. 14Yogle ntawd, Yexus txhaj qha qhov tseeb rua puab has tas, “Laxalus tub tuag lawm, 15tabsis vim xaav rua mej, Kuv zoosab kws Kuv tsi tau nrug nwg nyob tod, sub mej txhaj yuav ntseeg Kuv. Peb cale moog saib nwg.”
16Thaumas (kws hu ua Ntxaib) txhaj has rua nwg cov phoojywg thwjtim has tas, “Peb cale nrug Xwbfwb moog, peb txhaj yuav tau nrug Nwg tuag uake!”
Yexus Yog Kev Sawv Rov Lug Hab Yog Txujsa
17Thaus Yexus moog txug, Nwg nov tas puab tub muab Laxalus log tau plaub nub lawm. 18Lub zog Npethanis nyob nrug dleb ntawm lub nroog Yeluxalees kwvlaam le 3 kilumev. 19Cov tuabneeg Yudais muaj coob leej tau tuaj nplig Mathas hab Malis obtug sab, ruaqhov obtug tug nug tuag lawm.
20Thaus Mathas nov tas Yexus taabtom taug kev tuaj, Mathas txawm moog tog Yexus, tabsis Malis nyob huv tsev. 21Mathas has rua Yexus tas, “Tug Tswv, yog Koj nrug peb nyob ntawm nuav, kuv tug nug yeej yuav tsi tuag! 22Tabsis kuv paub tas txawm nwgnuav los, yog Koj thov ib yaam dlaabtsi ntawm Vaajtswv, Nwg yeej yuav muab yaam ntawd rua Koj xwb.”
23Yexus has rua Mathas tas, “Koj tug nug yeej yuav sawv rovqaab lug muaj txujsa xwb.”
24Mathas teb tas, “Kuv paub tas thaus txug nub kawg nwg yeej yuav sawv rovqaab lug muaj txujsa dlua.”
25Yexus has rua Mathas tas, “Kuv yog kev sawv huv qhovtuag rovqaab lug hab yog txujsa. Tug kws ntseeg Kuv, txawm yog nwg tuag lawm los nwg yeej yuav rov muaj txujsa; 26tug kws muaj sa nyob hab ntseeg Kuv, tug ntawd yuav tsi tuag ib zag le. Koj puas ntseeg tej lug nuav?”
27Mathas teb tas, “Yog lau, tug Tswv! Kuv ntseeg tas Koj yog tug Mexiyas, kws yog Vaajtswv Leejtub kws tau lug rua huv nplajteb nuav.”
Yexus Quaj
28Tomqaab kws Mathas has le nuav taag, Mathas txawm rov lug hab has tuabywv rua nwg tug namhluas Malis has tas, “Xwbfwb tuaj txug lawm, Nwg nug-nug txug koj.” 29Thaus Malis nov le ntawd, nwg txawm sawvtseeg hab tawm nrawm nroog moog cuag Yexus. ( 30Yexus tuaj tsi tau txug huv zog, Nwg tseem nyob tom qhov chaw kws Mathas moog tog Nwg.) 31Thaus cov Yudais kws tuaj nplig Malis huv tsev pum Malis sawvtseeg tawm nrawm nroog moog lawm, puab txawm lawv nwg qaab moog. Puab xaav tas nwg yuav moog quaj tom lub ntxaa.
32Thaus Malis moog txug ntawm qhov chaw kws Yexus nyob, nwg pum dlheev Yexus, nwg txawm txhuscaug ndlua rua ntawm Yexus kutaw. Nwg has tas, “Tug Tswv, yog Koj nrug peb nyob ntawm nuav, tes ntshe kuv tug nug tub tsi tuag.”
33Thaus Yexus pum Malis hab cov Yudais kws nrug Malis tuaj ntawd quaj-quaj; ua rua Nwg ntxhuvsab hab mob Nwg lub sab kawg le. 34Yexus txhaj nug puab has tas, “Mej coj Laxalus moog log rua qhovtwg lawm?”
Puab teb tas, “Tug Tswv, lug peb coj Koj moog saib.”
35Yexus txawm quaj. 36Cov Yudais has tas, “Mej puas pum tas Nwg hlub Laxalus npaum lecaag!”
37Tabsis puab cov ntawd muaj qeeleej has tas, “Tug nuav Nwg tub qheb tau tug dligmuag kuas pumkev, Nwg tsi muaj peevxwm ua kuas Laxalus tsi xob tuag lov?”
Yexus Tsaa Laxalus Sawv Rov Muaj Sa
38Yexus rov nyuajsab kawg le, Nwg txhaj moog rua tom lub qhovntxaa zeb kws muaj ib dlaim txag zeb npug lub rooj ntxaas. 39Yexus has tas, “Mej cale muab dlaim txag zeb tshem tawm.”
Mathas kws yog tug tuag ntawd tug muam teb tas, “Tug Tswv, ntev nuav ntshe yuav tsw-tswlwj lawm, ruaqhov peb tub muab nwg log tau plaub nub lawm!”
40Yexus has rua Mathas tas, “Kuv tsi tau qha rua koj lov, has tas yog koj ntseeg koj yeej yuav pum Vaajtswv lub fwjchim xwb?” 41Yogle ntawd, puab txhaj muab dlaim txag zeb tshem tawm. Yexus txawm tsaa qhovmuag saib sau ntuj hab has tas, “Txiv, Kuv ua Koj tsaug kws Koj noog Kuv tej lug thov. 42Kuv paub tas Koj yeej ibtxwm noog Kuv tej lug thov, Kuv has le nuav kuas cov tuabneeg kws nyob ntawm nuav ntseeg tas Koj yog tug kws khaiv Kuv lug.” 43Thaus Yexus has le ntawd taag, Nwg txawm hu nrov-nrov has tas, “Laxalus, koj cale tawm lug!” 44Laxalus txawm tawm lug, tej ntaub tseem qhwv nwg teg taw, hab muaj ib dlaim ntaub npug nwg lub ntsejmuag. Yexus has rua puab tas, “Mej cale dlaws tej ntaub kws qhwv nwg hab tso nwg moog.”
Cov Thawjcoj Nrhav Kev Nteg Yexus
(Mathais 26:1-5; Malakaus 14:1-2; Lukas 22:1-2)
45Thaus cov Yudais kws tuaj saib Malis pum tej kws Yexus ua ntawd, muaj ntau leej ntseeg Yexus. 46Tabsis muaj qeeleej rov moog cuag cov Falixais hab qha tej kws Yexus ua ntawd rua puab. 47Yogle ntawd, cov Falixais hab cov thawj povthawj hlub txhaj saablaaj rua cov thawjcoj huv Koomhum qebsab, hab puab has tas, “Peb yuav ua lecaag? Tug txivneej nuav ua tau ntau yaam txujci tseemceeb kawg le! 48Yog peb ca Nwg ua le nuav moog, cov pejxeem suavdlawg yuav ntseeg Nwg taag, hab cov numtswv Loos los yuav tuaj muab lub Tuamtsev rhuav povtseg hab muab peb tsaav tuabneeg ua kuas puamtsuaj taag!”
49Puab cov ntawd muaj ib tug hu ua Kaiyafas, xyoo ntawd nwg yog tug Tuam Povthawj Hlub, nwg has tas, “Mej mas tsi paub dlaabtsi hlo le lau! 50Mej tsi paub tas ca ib tug tuag theej suavdlawg, zoo dlua le kws ca taagnrho peb tsaav tuabneeg raug puamtsuaj nua lov?” 51Qhov tseeb tag, tej lug kws Kaiyafas has ntawd tsi yog nwg laam has; vim xyoo ntawd nwg ua tug Tuam Povthawj Hlub, nwg txhaj cevlug qha uantej has tas Yexus yuav lug tuag theej cov Yudais lub txhoj, 52tsi yog rua puab xwb, tabsis Nwg yuav coj taagnrho Vaajtswv tsaav tuabneeg kws tawg uasaab uasua rua txhua qhov, kuas rov lug nyob uake.
53Txij nub ntawd lug cov Yudais tej numtswv pheej nrhav kev yuav muab Yexus tua. 54Yogle ntawd, Yexus txhajle tsi taabmeeg taug kev moog qhovtwg huv lub xeev Yudas lawm, tabsis Nwg moog rua tom ib lub nroog hu ua Efalayees kws nyob ze taj suabpuam, hab nrug Nwg cov thwjtim nyob rua tod.
55Thaus ntawd tub yuav txug lub caij kws cov Yudais ua kevcai Hlaa Dlhau, muaj tuabneeg coob-coob tuaj peg tej yaajsaab tuaj rua huv lub nroog Yeluxalees, vim puab yuav tuaj ua kevcai ntxuav uantej txug nub ua kevcai Hlaa Dlhau. 56Thaus puab tuaj uake rua huv lub Tuamtsev, puab xaam seb puas pum Yexus, puab sisnug has tas, “Mej xaav lecaag? Nwg puas yuav tuaj ua kevcai ntawm nuav los tsi tuaj ne?” 57Cov thawj povthawj hlub hab cov Falixais tub has rua suavdlawg lawm has tas yog leejtwg paub tas Yexus nyob qhovtwg, nwg yuavtsum qha rua puab paub, sub puab txhaj yuav nteg tau Yexus.
Επιλέχθηκαν προς το παρόν:
Yauhaas 11: HNJ2022
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.
Yauhaas 11
11
Laxalus Tuag
1Muaj ib tug txivneej hu ua Laxalus nyob huv lub zog Npethanis, nwg mob nyaav heev. Npethanis yog lub zog kws Malis hab nwg tug namlaug Mathas nyob. #Lukas 10:38-39 ( 2Tug Malis nuav yog tug kws muab tshuaj tswqaab laub rua tug Tswv ob txhais kutaw hab muab nwg cov plaubhau lug so; tug Laxalus kws mob nyaav heev ntawd yog Malis tug nug.) #Yauh 12:3 3Obtug ob vivncaug txawm xaa xuv moog rua Yexus tas, “Tug Tswv, Koj tug phoojywg kws Koj hlub mob nyaav heev.”
4Thaus Yexus nov le ntawd, Nwg has tas, “Laxalus tug mob nuav yuav tsi ua rua nwg tuag; tabsis yuav ua rua Vaajtswv tau koobmeej, sub Nwg tug Tub txhaj tau koobmeej hab.”
5Yexus yeej hlub Mathas hab nwg tug namhluas hab Laxalus puab heev. 6Tabsis thaus kws Nwg nov tas Laxalus mob nyaav heev ntawd, Nwg tseem nyob qhov qub chaw ntawd tau ob nub ntxiv. 7Tomqaab ntawd Yexus txawm has rua Nwg cov thwjtim tas, “Peb cale rovqaab moog rua nraag lub xeev Yudas.”
8Cov thwjtim teb tas, “Xwbfwb, nyavnyuas tsi ntev taag lug nuav cov tuabneeg kws nyob nraag tub yuav muab pobzeb ntaus Koj; es Koj tseem yuav rovqaab moog nraag hab lov?”
9Yexus has tas, “ib nub muaj kaum-ob txoogteev puas yog? Yogle ntawd, tug kws taug kev nruabnub yuav tsi dlawm, ruaqhov nwg pum qhov kaaj kws ci rua lub nplajteb. 10Tabsis yog nwg taug kev montuj, nwg yuav dlawm, ruaqhov nwg tsi muaj qhov kaaj.” 11Tomqaab kws Yexus has le nuav taag, Nwg rov has tas, “Laxalus kws yog peb tug phoojywg tau pw tsaugzug lawm, tabsis Kuv yuav moog tsaa nwg sawv.”
12Cov thwjtim teb tas, “Tug Tswv, yog nwg tsaug taug zug lawm, nwg tug mob yeej yuav zoo xwb.”
13Qhov Yexus has ntawd, yog Nwg has tas Laxalus tub tuag lawm, tabsis cov thwjtim xaav tas yog Yexus has txug qhov kws Laxalus pw tsaugzug le tej tuabneeg xwb. 14Yogle ntawd, Yexus txhaj qha qhov tseeb rua puab has tas, “Laxalus tub tuag lawm, 15tabsis vim xaav rua mej, Kuv zoosab kws Kuv tsi tau nrug nwg nyob tod, sub mej txhaj yuav ntseeg Kuv. Peb cale moog saib nwg.”
16Thaumas (kws hu ua Ntxaib) txhaj has rua nwg cov phoojywg thwjtim has tas, “Peb cale nrug Xwbfwb moog, peb txhaj yuav tau nrug Nwg tuag uake!”
Yexus Yog Kev Sawv Rov Lug Hab Yog Txujsa
17Thaus Yexus moog txug, Nwg nov tas puab tub muab Laxalus log tau plaub nub lawm. 18Lub zog Npethanis nyob nrug dleb ntawm lub nroog Yeluxalees kwvlaam le 3 kilumev. 19Cov tuabneeg Yudais muaj coob leej tau tuaj nplig Mathas hab Malis obtug sab, ruaqhov obtug tug nug tuag lawm.
20Thaus Mathas nov tas Yexus taabtom taug kev tuaj, Mathas txawm moog tog Yexus, tabsis Malis nyob huv tsev. 21Mathas has rua Yexus tas, “Tug Tswv, yog Koj nrug peb nyob ntawm nuav, kuv tug nug yeej yuav tsi tuag! 22Tabsis kuv paub tas txawm nwgnuav los, yog Koj thov ib yaam dlaabtsi ntawm Vaajtswv, Nwg yeej yuav muab yaam ntawd rua Koj xwb.”
23Yexus has rua Mathas tas, “Koj tug nug yeej yuav sawv rovqaab lug muaj txujsa xwb.”
24Mathas teb tas, “Kuv paub tas thaus txug nub kawg nwg yeej yuav sawv rovqaab lug muaj txujsa dlua.”
25Yexus has rua Mathas tas, “Kuv yog kev sawv huv qhovtuag rovqaab lug hab yog txujsa. Tug kws ntseeg Kuv, txawm yog nwg tuag lawm los nwg yeej yuav rov muaj txujsa; 26tug kws muaj sa nyob hab ntseeg Kuv, tug ntawd yuav tsi tuag ib zag le. Koj puas ntseeg tej lug nuav?”
27Mathas teb tas, “Yog lau, tug Tswv! Kuv ntseeg tas Koj yog tug Mexiyas, kws yog Vaajtswv Leejtub kws tau lug rua huv nplajteb nuav.”
Yexus Quaj
28Tomqaab kws Mathas has le nuav taag, Mathas txawm rov lug hab has tuabywv rua nwg tug namhluas Malis has tas, “Xwbfwb tuaj txug lawm, Nwg nug-nug txug koj.” 29Thaus Malis nov le ntawd, nwg txawm sawvtseeg hab tawm nrawm nroog moog cuag Yexus. ( 30Yexus tuaj tsi tau txug huv zog, Nwg tseem nyob tom qhov chaw kws Mathas moog tog Nwg.) 31Thaus cov Yudais kws tuaj nplig Malis huv tsev pum Malis sawvtseeg tawm nrawm nroog moog lawm, puab txawm lawv nwg qaab moog. Puab xaav tas nwg yuav moog quaj tom lub ntxaa.
32Thaus Malis moog txug ntawm qhov chaw kws Yexus nyob, nwg pum dlheev Yexus, nwg txawm txhuscaug ndlua rua ntawm Yexus kutaw. Nwg has tas, “Tug Tswv, yog Koj nrug peb nyob ntawm nuav, tes ntshe kuv tug nug tub tsi tuag.”
33Thaus Yexus pum Malis hab cov Yudais kws nrug Malis tuaj ntawd quaj-quaj; ua rua Nwg ntxhuvsab hab mob Nwg lub sab kawg le. 34Yexus txhaj nug puab has tas, “Mej coj Laxalus moog log rua qhovtwg lawm?”
Puab teb tas, “Tug Tswv, lug peb coj Koj moog saib.”
35Yexus txawm quaj. 36Cov Yudais has tas, “Mej puas pum tas Nwg hlub Laxalus npaum lecaag!”
37Tabsis puab cov ntawd muaj qeeleej has tas, “Tug nuav Nwg tub qheb tau tug dligmuag kuas pumkev, Nwg tsi muaj peevxwm ua kuas Laxalus tsi xob tuag lov?”
Yexus Tsaa Laxalus Sawv Rov Muaj Sa
38Yexus rov nyuajsab kawg le, Nwg txhaj moog rua tom lub qhovntxaa zeb kws muaj ib dlaim txag zeb npug lub rooj ntxaas. 39Yexus has tas, “Mej cale muab dlaim txag zeb tshem tawm.”
Mathas kws yog tug tuag ntawd tug muam teb tas, “Tug Tswv, ntev nuav ntshe yuav tsw-tswlwj lawm, ruaqhov peb tub muab nwg log tau plaub nub lawm!”
40Yexus has rua Mathas tas, “Kuv tsi tau qha rua koj lov, has tas yog koj ntseeg koj yeej yuav pum Vaajtswv lub fwjchim xwb?” 41Yogle ntawd, puab txhaj muab dlaim txag zeb tshem tawm. Yexus txawm tsaa qhovmuag saib sau ntuj hab has tas, “Txiv, Kuv ua Koj tsaug kws Koj noog Kuv tej lug thov. 42Kuv paub tas Koj yeej ibtxwm noog Kuv tej lug thov, Kuv has le nuav kuas cov tuabneeg kws nyob ntawm nuav ntseeg tas Koj yog tug kws khaiv Kuv lug.” 43Thaus Yexus has le ntawd taag, Nwg txawm hu nrov-nrov has tas, “Laxalus, koj cale tawm lug!” 44Laxalus txawm tawm lug, tej ntaub tseem qhwv nwg teg taw, hab muaj ib dlaim ntaub npug nwg lub ntsejmuag. Yexus has rua puab tas, “Mej cale dlaws tej ntaub kws qhwv nwg hab tso nwg moog.”
Cov Thawjcoj Nrhav Kev Nteg Yexus
(Mathais 26:1-5; Malakaus 14:1-2; Lukas 22:1-2)
45Thaus cov Yudais kws tuaj saib Malis pum tej kws Yexus ua ntawd, muaj ntau leej ntseeg Yexus. 46Tabsis muaj qeeleej rov moog cuag cov Falixais hab qha tej kws Yexus ua ntawd rua puab. 47Yogle ntawd, cov Falixais hab cov thawj povthawj hlub txhaj saablaaj rua cov thawjcoj huv Koomhum qebsab, hab puab has tas, “Peb yuav ua lecaag? Tug txivneej nuav ua tau ntau yaam txujci tseemceeb kawg le! 48Yog peb ca Nwg ua le nuav moog, cov pejxeem suavdlawg yuav ntseeg Nwg taag, hab cov numtswv Loos los yuav tuaj muab lub Tuamtsev rhuav povtseg hab muab peb tsaav tuabneeg ua kuas puamtsuaj taag!”
49Puab cov ntawd muaj ib tug hu ua Kaiyafas, xyoo ntawd nwg yog tug Tuam Povthawj Hlub, nwg has tas, “Mej mas tsi paub dlaabtsi hlo le lau! 50Mej tsi paub tas ca ib tug tuag theej suavdlawg, zoo dlua le kws ca taagnrho peb tsaav tuabneeg raug puamtsuaj nua lov?” 51Qhov tseeb tag, tej lug kws Kaiyafas has ntawd tsi yog nwg laam has; vim xyoo ntawd nwg ua tug Tuam Povthawj Hlub, nwg txhaj cevlug qha uantej has tas Yexus yuav lug tuag theej cov Yudais lub txhoj, 52tsi yog rua puab xwb, tabsis Nwg yuav coj taagnrho Vaajtswv tsaav tuabneeg kws tawg uasaab uasua rua txhua qhov, kuas rov lug nyob uake.
53Txij nub ntawd lug cov Yudais tej numtswv pheej nrhav kev yuav muab Yexus tua. 54Yogle ntawd, Yexus txhajle tsi taabmeeg taug kev moog qhovtwg huv lub xeev Yudas lawm, tabsis Nwg moog rua tom ib lub nroog hu ua Efalayees kws nyob ze taj suabpuam, hab nrug Nwg cov thwjtim nyob rua tod.
55Thaus ntawd tub yuav txug lub caij kws cov Yudais ua kevcai Hlaa Dlhau, muaj tuabneeg coob-coob tuaj peg tej yaajsaab tuaj rua huv lub nroog Yeluxalees, vim puab yuav tuaj ua kevcai ntxuav uantej txug nub ua kevcai Hlaa Dlhau. 56Thaus puab tuaj uake rua huv lub Tuamtsev, puab xaam seb puas pum Yexus, puab sisnug has tas, “Mej xaav lecaag? Nwg puas yuav tuaj ua kevcai ntawm nuav los tsi tuaj ne?” 57Cov thawj povthawj hlub hab cov Falixais tub has rua suavdlawg lawm has tas yog leejtwg paub tas Yexus nyob qhovtwg, nwg yuavtsum qha rua puab paub, sub puab txhaj yuav nteg tau Yexus.
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.