Yauhaas 12
12
Muab Roj Tswqaab Laub Rua Yexus Nyob Huv Lub Zog Npethanis
(Mathais 26:6-13; Malakaus 14:3-9)
1Rau nub uantej kws txug nub ua kevcai Hlaa Dlhau, Yexus moog rua huv lub zog Npethanis, kws yog Laxalus tug kws Yexus tau tsaa sawv huv qhovtuag rovqaab lug lub zog. 2Puab npaaj ib pluag mo rua Yexus noj nyob rua qhov ntawd, Mathas ua tug txhaab zaub-mov; Laxalus kuj yog ib tug kws nrug Yexus nyob uake ntawm lub rooj mov ntawd hab. 3Tes Malis txawm muab tau ib fwj roj tswqaab kim heev kws yog muab nroj naludas ua, lug laub rua Yexus ob txhais kutaw, hab muab nwg cov plaubhau lug so. Cov roj ntawd tswqaab thoobplawg huv tsev.
4Yexus ib tug thwjtim, kws yog Yudas Ixakali-us, tug kws yuav ntxeevsab rua Yexus, txawm has tas, 5“Uacaag tsi muab fwj roj tswqaab nuav coj moog muag 300 lub npib nyaj,#12:5: npib nyaj: saib 6:7. hab muab cov nyaj ntawd coj moog pub rua cov tuabneeg pluag?” 6Yudas has le ntawd, tsi yog vim nwg hlub tshua txug cov tuabneeg pluag, tabsis vim nwg yog tubsaab. Nwg yog tug ceev lub naab nyaj hab nwg pheej qee coj moog siv.
7Tabsis Yexus has tas, “Ca nwg ua nwg! Ca nwg khaws tej kws nwg muaj nuav tseg rua nub kws log Kuv. 8Yeej yuav muaj cov tuabneeg pluag nrug mej nyob moog le, tabsis Kuv yuav tsi nrug mej nyob moog le.” #2Kev 5:11
Cov Yudais Nrhav Kev Yuav Tua Laxalus
9Cov Yudais muaj ntau leej nov tas Yexus nyob huv lub zog Npethanis, yogle ntawd, puab txhaj moog rua huv, tsi yog puab xaav pum Yexus xwb tabsis puab xaav pum Laxalus tug kws Yexus tau tsaa sawv huv qhovtuag rovqaab lug hab. 10Vimle ntawd, cov thawj povthawj hlub txhaj nrhav kev yuav muab Laxalus tua hab, 11vim zaaj kws Yexus tsaa Laxalus sawv ntawd, ua rua cov Yudais coob leej cale tso puab tseg hab lug ntseeg Yexus lawm.
Yexus Moog Huv Yeluxalees Yaam Muajyeej
(Mathais 21:1-11; Malakaus 11:1-11; Lukas 19:28-40)
12Nub tomqaab cov tuabneeg coob-coob kws tuaj ua kevcai Hlaa Dlhau nov tas Yexus taabtom tuaj rua huv lub nroog Yeluxalees. 13Yogle ntawd, puab txhaj nqaa tej nplooj toovlaaj moog txaistog Yexus hab puab qw nrov-nrov has tas, “Hauxanas!#12:13: Hauxanas yog lulug Alamej kws txhais has tas “thov cawm peb!” Nyob rua Yexus tam, lulug nuav siv tau rua kev qhuas Vaajtswv. Thov Vaajtswv foom koobmoov rua tug kws lug huv tug Tswv lub npe lug! Thov Vaajtswv foom koobmoov rua cov Yixalayees tug vaajntxwv!” #Nnkauj 118:25-26
14Yexus pum ib tug neegluav hab Nwg caij tug neegluav ntawd, lawvle Vaajtswv Txujlug tau sau tseg lawm has tas,
15“Lub nroog Xi-oos leej ntxhais 'e, koj tsi xob ntshai!
Koj saib maj, koj tug Vaajntxwv
taabtom caij tug mivnyuas neegluav lug cuag koj.” #Xekhali 9:9
16Lub sijhawm ntawd Yexus cov thwjtim tseem tsi tau totaub le; tabsis thaus Vaajtswv tsaa Yexus sawv huv qhovtuag rovqaab lug tau tshwjchim lawm, puab maam ncu tau has tas Vaajtswv Txujlug tau has le ntawd txug Yexus hab tej kws puab tau ua lug lawm yog ua rua Yexus ntaag.
17Cov tuabneeg kws nrug Yexus uake thaus Yexus tsaa Laxalus sawv huv qhovtuag hab hu Laxalus tawm huv qhovntxaa lug, puab tub moog pav tej ntawd rua suavdlawg noog lawm. 18Yogle ntawd, txhaj muaj tuabneeg coob-coob tuaj tog Yexus, ruaqhov puab nov tas Nwg ua tau qhov txujci tseemceeb ntawd. 19Tes cov Falixais txawm sisthaam zumzawg has tas, “Mej pum lawm lov, has tas peb ua tsi tau dlaabtsi kag le! Mej saib maj, taag teb taag chaw puavleej caum Nwg qaab taag lawm lau!”
Qeetug Tuabneeg Kilis Nrhav Yexus
20Ntawm cov tuabneeg kws tau moog pehawm Vaajtswv rua lub sijhawm ua kevcai huv lub nroog Yeluxalees ntawd, muaj ibtxha yog cov tuabneeg Kilis. 21Puab moog cuag Filiv (nwg tuaj huv lub zog Npexaidas peg lub xeev Kalilais tuaj) hab has tas, “Tug tswv, peb xaav ntsib Yexus.”
22Filiv moog has rua Aanrus, tes obtug txawm moog has rua Yexus. 23Yexus teb tas, “Nwgnuav tub txug lub sijhawm kws Tuabneeg Leejtub yuav tau txais tshwjchim lawm. 24Kuv qha tseeb rua mej has tas, yog lub noob nplej tsi poob rua huv aav hab lwj moog, nwg yuav nyob ua ib lub noob xwb. Tabsis yog lwj moog lawm, nwg yuav tawgpaaj txitxiv ntau. 25Tug kws hlub nwg txujsa, tug ntawd yuav nplaam txujsa; tug kws ntxub nwg txujsa huv lub nplajteb nuav, nwg yuav ceev tau txujsa ntawd moog ibtxhis. #Math 10:39; 16:25; Malak 8:35; Lukas 9:24; 17:33 26Tug kws xaav ua Kuv tug tubkhai, tug ntawd yuavtsum nrug Kuv moog, sub Kuv nyob qhovtwg, Kuv tug tubkhai txhaj yuav nrug Kuv nyob qhov ntawd. Kuv Txiv yuav ca tug kws ua Kuv le tubkhai tau ntsejmuag.
Yexus Has Txug Nwg Txuj Kev Tuag
27“Nwgnuav Kuv nyuajsab kawg le, Kuv yuav has lecaag txhaj zoo? Kuv yuav has tas, ‘Txiv, thov tsi xob ca lub sijhawm nuav lug raug Kuv nua lov’? Tabsis tub yog vim qhov ntawd ntaag Kuv txhajle lug, sub Kuv txhaj yuav tau raug txuj kev txomnyem ntawd. 28Txiv, thov kuas koj lub npe tau koobmeej!”
Tes muaj ib lub suab has sau ntuj tuaj tas, “Kuv tub tau koobmeej lawm, tseem yuav tau txais ntxiv hab.”
29Cov tuabneeg coob-coob kws sawv ntawd kuj nov lub suab nuav, muaj qeeleej has tas yog xub nroo, tabsis muaj qeeleej has tas, “Yog ib tug timtswv ceebtsheej nrug Nwg thaam!”
30Tabsis Yexus has tas, “Lub suab ntawd tsi yog has rua Kuv, tabsis yog has rua mej. 31Nwgnuav tub txug lub sijhawm kws txavtxim rua lub nplajteb nuav lawm; nwgnuav tug kws kaav lub nplajteb nuav yuav raug muab ntab tawm moog. 32Thaus kws Kuv raug tsaa sawv huv lub nplajteb nuav lawm, Kuv yuav coj txhua tsaav tuabneeg lug cuag Kuv.” ( 33Yexus has le ntawd, tub yog Nwg qha has tas Nwg yuav tuag txomnyem lecaag.)
34Cov tuabneeg coob-coob ntawd teb tas, “Peb txuj Kevcai qha rua peb has tas, tug Mexiyas yuav nyob moog ibtxhis le. Uacaag Koj ho has tas, luas yuav muab Tuabneeg Leejtub dlai? Tuabneeg Leejtub yog leejtwg?” #Nnkauj 110:4; Yaxaya 9:7; Exek 37:25; Dani 7:14
35Yexus teb tas, “Qhov kaaj tseem yuav nrug mej nyob ib nyuas ntu ntxiv. Thaus kws tseem pumkev, mej cale rausab ntso taug kev moog, nyobtsaam tsaus mej ntuj; ruaqhov tug tuabneeg kws maub montuj, nwg yeej tsi paub tas nwg taabtom moog qhovtwg. 36Yogle ntawd, thaus tseem muaj qhov kaaj, mej cale ntseeg qhov kaaj, sub mej txhaj yuav tau ua cov tuabneeg kws nyob huv qhov kaaj.”
Cov Yudais Txuj Kev Tsi Ntseeg
Tomqaab Yexus has le ntawd taag, Nwg txawm tsiv moog nraim cev kuas puab tsi pum Nwg. 37Txawm yog Nwg tau ua ntau yaam txujci tseemceeb nuav rua puab pum los puab tseem tsi ntseeg Nwg le hab, 38tej nuav txhaj muaj tav lawvle Yaxayas, kws yog tug xwbfwb cev Vaajtswv lug tau has tseg has tas:
“Tug Tswv, leejtwg txhaj yuav ntseeg tej lug kws peb qha?
Tug Tswv ua Nwg lub fwjchim rua leejtwg pum?” #Yaxaya 53:1
39Tub yog vimle ntawd, puab txhaj tsi muaj cuabkaav ntseeg, ruaqhov Yaxayas has ntxiv tas,
40“Vaajtswv ua rua puab dligmuag
hab ua rua puab lub sab ruag,
kuas puab tej qhovmuag tsi pumkev
hab puab lub sab tsi totaub;
Vaajtswv has tas, yog tsi ua le ntawd puab yuav tsi tig lug cuag Kuv
kuas Kuv khu puab.” #Yaxaya 6:10
41Yaxayas has le ntawd, ruaqhov nwg tub pum Yexus tug tshwjchim hab yog nwg has txug Yexus zaaj ntaag.
42Txawm yogle ntawd los cov Yudais tej numtswv kuj muaj ntau leej ntseeg Yexus; tabsis vim puab ntshai cov Falixais, puab txhaj tsi qha has tas puab ntseeg Yexus rua suavdlawg paub, sub puab txhaj tsi raug ntab tawm huv lub tsev saablaaj moog. 43Puab ntshaw kuas tuabneeg qhuas puab heev dlua le ntshaw kuas Vaajtswv qhuas puab.
Yexus Cov Lug Yog Txuj Kev Txavtxim
44Yexus has nrov-nrov rua suavdlawg tas, “Tug kws ntseeg Kuv, tsi yog nwg ntseeg Kuv tuableeg xwb, tabsis yog nwg ntseeg tug kws khaiv Kuv lug. 45Tug kws pum Kuv, tug ntawd yeej pum tug kws khaiv Kuv lug hab. 46Kuv yog qhov kaaj kws lug rua lub nplajteb pumkev, sub txhua tug kws ntseeg Kuv txhaj yuav tsi nyob huv qhov tsausntuj ntxiv lawm.
47“Tug kws nov Kuv tej lug tabsis tsi ua lawvle tej lug ntawd, Kuv yuav tsi rautxim rua tug ntawd. Kuv tsi yog lug rautxim rua tuabneeg nplajteb, tabsis yog Kuv lug cawm tuabneeg nplajteb. 48Muaj ib tug kws yuav rautxim rua tug kws tsi leeg paub Kuv hab tsi noog Kuv tej lug. Thaus txug nub kawg, tej lug kws Kuv qha lawm yuav ua tug txavtxim rua tug ntawd! 49Ruaqhov Kuv tsi muaj cai yuav has ib yaam dlaabtsi lawvle Kuv lub sab xaav, tabsis tsuas yog has lawvle Leejtxiv kws khaiv Kuv lug ua tug xaaj kuas Kuv has xwb. 50Kuv paub tas Nwg tej lug qha ntawd yuav ua rua tuabneeg muaj txujsa nyob moog ibtxhis. Yogle ntawd, tej lug kws Kuv has, puavleej yog Leejtxiv kuas rua Kuv has xwb.”
Επιλέχθηκαν προς το παρόν:
Yauhaas 12: HNJ2022
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.
Yauhaas 12
12
Muab Roj Tswqaab Laub Rua Yexus Nyob Huv Lub Zog Npethanis
(Mathais 26:6-13; Malakaus 14:3-9)
1Rau nub uantej kws txug nub ua kevcai Hlaa Dlhau, Yexus moog rua huv lub zog Npethanis, kws yog Laxalus tug kws Yexus tau tsaa sawv huv qhovtuag rovqaab lug lub zog. 2Puab npaaj ib pluag mo rua Yexus noj nyob rua qhov ntawd, Mathas ua tug txhaab zaub-mov; Laxalus kuj yog ib tug kws nrug Yexus nyob uake ntawm lub rooj mov ntawd hab. 3Tes Malis txawm muab tau ib fwj roj tswqaab kim heev kws yog muab nroj naludas ua, lug laub rua Yexus ob txhais kutaw, hab muab nwg cov plaubhau lug so. Cov roj ntawd tswqaab thoobplawg huv tsev.
4Yexus ib tug thwjtim, kws yog Yudas Ixakali-us, tug kws yuav ntxeevsab rua Yexus, txawm has tas, 5“Uacaag tsi muab fwj roj tswqaab nuav coj moog muag 300 lub npib nyaj,#12:5: npib nyaj: saib 6:7. hab muab cov nyaj ntawd coj moog pub rua cov tuabneeg pluag?” 6Yudas has le ntawd, tsi yog vim nwg hlub tshua txug cov tuabneeg pluag, tabsis vim nwg yog tubsaab. Nwg yog tug ceev lub naab nyaj hab nwg pheej qee coj moog siv.
7Tabsis Yexus has tas, “Ca nwg ua nwg! Ca nwg khaws tej kws nwg muaj nuav tseg rua nub kws log Kuv. 8Yeej yuav muaj cov tuabneeg pluag nrug mej nyob moog le, tabsis Kuv yuav tsi nrug mej nyob moog le.” #2Kev 5:11
Cov Yudais Nrhav Kev Yuav Tua Laxalus
9Cov Yudais muaj ntau leej nov tas Yexus nyob huv lub zog Npethanis, yogle ntawd, puab txhaj moog rua huv, tsi yog puab xaav pum Yexus xwb tabsis puab xaav pum Laxalus tug kws Yexus tau tsaa sawv huv qhovtuag rovqaab lug hab. 10Vimle ntawd, cov thawj povthawj hlub txhaj nrhav kev yuav muab Laxalus tua hab, 11vim zaaj kws Yexus tsaa Laxalus sawv ntawd, ua rua cov Yudais coob leej cale tso puab tseg hab lug ntseeg Yexus lawm.
Yexus Moog Huv Yeluxalees Yaam Muajyeej
(Mathais 21:1-11; Malakaus 11:1-11; Lukas 19:28-40)
12Nub tomqaab cov tuabneeg coob-coob kws tuaj ua kevcai Hlaa Dlhau nov tas Yexus taabtom tuaj rua huv lub nroog Yeluxalees. 13Yogle ntawd, puab txhaj nqaa tej nplooj toovlaaj moog txaistog Yexus hab puab qw nrov-nrov has tas, “Hauxanas!#12:13: Hauxanas yog lulug Alamej kws txhais has tas “thov cawm peb!” Nyob rua Yexus tam, lulug nuav siv tau rua kev qhuas Vaajtswv. Thov Vaajtswv foom koobmoov rua tug kws lug huv tug Tswv lub npe lug! Thov Vaajtswv foom koobmoov rua cov Yixalayees tug vaajntxwv!” #Nnkauj 118:25-26
14Yexus pum ib tug neegluav hab Nwg caij tug neegluav ntawd, lawvle Vaajtswv Txujlug tau sau tseg lawm has tas,
15“Lub nroog Xi-oos leej ntxhais 'e, koj tsi xob ntshai!
Koj saib maj, koj tug Vaajntxwv
taabtom caij tug mivnyuas neegluav lug cuag koj.” #Xekhali 9:9
16Lub sijhawm ntawd Yexus cov thwjtim tseem tsi tau totaub le; tabsis thaus Vaajtswv tsaa Yexus sawv huv qhovtuag rovqaab lug tau tshwjchim lawm, puab maam ncu tau has tas Vaajtswv Txujlug tau has le ntawd txug Yexus hab tej kws puab tau ua lug lawm yog ua rua Yexus ntaag.
17Cov tuabneeg kws nrug Yexus uake thaus Yexus tsaa Laxalus sawv huv qhovtuag hab hu Laxalus tawm huv qhovntxaa lug, puab tub moog pav tej ntawd rua suavdlawg noog lawm. 18Yogle ntawd, txhaj muaj tuabneeg coob-coob tuaj tog Yexus, ruaqhov puab nov tas Nwg ua tau qhov txujci tseemceeb ntawd. 19Tes cov Falixais txawm sisthaam zumzawg has tas, “Mej pum lawm lov, has tas peb ua tsi tau dlaabtsi kag le! Mej saib maj, taag teb taag chaw puavleej caum Nwg qaab taag lawm lau!”
Qeetug Tuabneeg Kilis Nrhav Yexus
20Ntawm cov tuabneeg kws tau moog pehawm Vaajtswv rua lub sijhawm ua kevcai huv lub nroog Yeluxalees ntawd, muaj ibtxha yog cov tuabneeg Kilis. 21Puab moog cuag Filiv (nwg tuaj huv lub zog Npexaidas peg lub xeev Kalilais tuaj) hab has tas, “Tug tswv, peb xaav ntsib Yexus.”
22Filiv moog has rua Aanrus, tes obtug txawm moog has rua Yexus. 23Yexus teb tas, “Nwgnuav tub txug lub sijhawm kws Tuabneeg Leejtub yuav tau txais tshwjchim lawm. 24Kuv qha tseeb rua mej has tas, yog lub noob nplej tsi poob rua huv aav hab lwj moog, nwg yuav nyob ua ib lub noob xwb. Tabsis yog lwj moog lawm, nwg yuav tawgpaaj txitxiv ntau. 25Tug kws hlub nwg txujsa, tug ntawd yuav nplaam txujsa; tug kws ntxub nwg txujsa huv lub nplajteb nuav, nwg yuav ceev tau txujsa ntawd moog ibtxhis. #Math 10:39; 16:25; Malak 8:35; Lukas 9:24; 17:33 26Tug kws xaav ua Kuv tug tubkhai, tug ntawd yuavtsum nrug Kuv moog, sub Kuv nyob qhovtwg, Kuv tug tubkhai txhaj yuav nrug Kuv nyob qhov ntawd. Kuv Txiv yuav ca tug kws ua Kuv le tubkhai tau ntsejmuag.
Yexus Has Txug Nwg Txuj Kev Tuag
27“Nwgnuav Kuv nyuajsab kawg le, Kuv yuav has lecaag txhaj zoo? Kuv yuav has tas, ‘Txiv, thov tsi xob ca lub sijhawm nuav lug raug Kuv nua lov’? Tabsis tub yog vim qhov ntawd ntaag Kuv txhajle lug, sub Kuv txhaj yuav tau raug txuj kev txomnyem ntawd. 28Txiv, thov kuas koj lub npe tau koobmeej!”
Tes muaj ib lub suab has sau ntuj tuaj tas, “Kuv tub tau koobmeej lawm, tseem yuav tau txais ntxiv hab.”
29Cov tuabneeg coob-coob kws sawv ntawd kuj nov lub suab nuav, muaj qeeleej has tas yog xub nroo, tabsis muaj qeeleej has tas, “Yog ib tug timtswv ceebtsheej nrug Nwg thaam!”
30Tabsis Yexus has tas, “Lub suab ntawd tsi yog has rua Kuv, tabsis yog has rua mej. 31Nwgnuav tub txug lub sijhawm kws txavtxim rua lub nplajteb nuav lawm; nwgnuav tug kws kaav lub nplajteb nuav yuav raug muab ntab tawm moog. 32Thaus kws Kuv raug tsaa sawv huv lub nplajteb nuav lawm, Kuv yuav coj txhua tsaav tuabneeg lug cuag Kuv.” ( 33Yexus has le ntawd, tub yog Nwg qha has tas Nwg yuav tuag txomnyem lecaag.)
34Cov tuabneeg coob-coob ntawd teb tas, “Peb txuj Kevcai qha rua peb has tas, tug Mexiyas yuav nyob moog ibtxhis le. Uacaag Koj ho has tas, luas yuav muab Tuabneeg Leejtub dlai? Tuabneeg Leejtub yog leejtwg?” #Nnkauj 110:4; Yaxaya 9:7; Exek 37:25; Dani 7:14
35Yexus teb tas, “Qhov kaaj tseem yuav nrug mej nyob ib nyuas ntu ntxiv. Thaus kws tseem pumkev, mej cale rausab ntso taug kev moog, nyobtsaam tsaus mej ntuj; ruaqhov tug tuabneeg kws maub montuj, nwg yeej tsi paub tas nwg taabtom moog qhovtwg. 36Yogle ntawd, thaus tseem muaj qhov kaaj, mej cale ntseeg qhov kaaj, sub mej txhaj yuav tau ua cov tuabneeg kws nyob huv qhov kaaj.”
Cov Yudais Txuj Kev Tsi Ntseeg
Tomqaab Yexus has le ntawd taag, Nwg txawm tsiv moog nraim cev kuas puab tsi pum Nwg. 37Txawm yog Nwg tau ua ntau yaam txujci tseemceeb nuav rua puab pum los puab tseem tsi ntseeg Nwg le hab, 38tej nuav txhaj muaj tav lawvle Yaxayas, kws yog tug xwbfwb cev Vaajtswv lug tau has tseg has tas:
“Tug Tswv, leejtwg txhaj yuav ntseeg tej lug kws peb qha?
Tug Tswv ua Nwg lub fwjchim rua leejtwg pum?” #Yaxaya 53:1
39Tub yog vimle ntawd, puab txhaj tsi muaj cuabkaav ntseeg, ruaqhov Yaxayas has ntxiv tas,
40“Vaajtswv ua rua puab dligmuag
hab ua rua puab lub sab ruag,
kuas puab tej qhovmuag tsi pumkev
hab puab lub sab tsi totaub;
Vaajtswv has tas, yog tsi ua le ntawd puab yuav tsi tig lug cuag Kuv
kuas Kuv khu puab.” #Yaxaya 6:10
41Yaxayas has le ntawd, ruaqhov nwg tub pum Yexus tug tshwjchim hab yog nwg has txug Yexus zaaj ntaag.
42Txawm yogle ntawd los cov Yudais tej numtswv kuj muaj ntau leej ntseeg Yexus; tabsis vim puab ntshai cov Falixais, puab txhaj tsi qha has tas puab ntseeg Yexus rua suavdlawg paub, sub puab txhaj tsi raug ntab tawm huv lub tsev saablaaj moog. 43Puab ntshaw kuas tuabneeg qhuas puab heev dlua le ntshaw kuas Vaajtswv qhuas puab.
Yexus Cov Lug Yog Txuj Kev Txavtxim
44Yexus has nrov-nrov rua suavdlawg tas, “Tug kws ntseeg Kuv, tsi yog nwg ntseeg Kuv tuableeg xwb, tabsis yog nwg ntseeg tug kws khaiv Kuv lug. 45Tug kws pum Kuv, tug ntawd yeej pum tug kws khaiv Kuv lug hab. 46Kuv yog qhov kaaj kws lug rua lub nplajteb pumkev, sub txhua tug kws ntseeg Kuv txhaj yuav tsi nyob huv qhov tsausntuj ntxiv lawm.
47“Tug kws nov Kuv tej lug tabsis tsi ua lawvle tej lug ntawd, Kuv yuav tsi rautxim rua tug ntawd. Kuv tsi yog lug rautxim rua tuabneeg nplajteb, tabsis yog Kuv lug cawm tuabneeg nplajteb. 48Muaj ib tug kws yuav rautxim rua tug kws tsi leeg paub Kuv hab tsi noog Kuv tej lug. Thaus txug nub kawg, tej lug kws Kuv qha lawm yuav ua tug txavtxim rua tug ntawd! 49Ruaqhov Kuv tsi muaj cai yuav has ib yaam dlaabtsi lawvle Kuv lub sab xaav, tabsis tsuas yog has lawvle Leejtxiv kws khaiv Kuv lug ua tug xaaj kuas Kuv has xwb. 50Kuv paub tas Nwg tej lug qha ntawd yuav ua rua tuabneeg muaj txujsa nyob moog ibtxhis. Yogle ntawd, tej lug kws Kuv has, puavleej yog Leejtxiv kuas rua Kuv has xwb.”
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.