Luke 21

Meithâinu chôiruol

(Mk 12:41-44)

1Jisua'n a en titira, Biekina chôiruol dôngna, minei ngeiin an chôiruol thâk a mua. 2Meithâi inriengte'n sumdâr chînte inik a thâklâi khom a mu saa. 3“Mi dadangngei nêkin hi meithâi inriengte hin a thâk mintam uol. 4Mi dangngei chu an nei minieng kêng an pêk, ania, ama'n chu ai dônsunte, kêng ai pêkrip,” a tia.

Biekin siet rang roi a misîrna

(Mat 24:1-2; Mk 13:1-2)

5Ruoisi senkhat ngeiin Biekin lung ânvo enhoi tie le Pathien kôma an neinunpêk an misîr lâiin, Jisua'n an kôma, 6“Nikhuo la hong tung a tih, nin mu ngei murdi amuna oma, lung inchuon reng om no nih,” a tipe ngeia.

Intakna le nuomlôna

(Mat 24:3-14; Mk 13:3-13)

7Anni han a kôma, “Minchupu, mahah tika mo ai ni rang? Ahongtung rang zora rietna minsinna imo a om rang?” tiin an rekela. 8Jisua'n, “Nangni an huong loina rangin singthei roi. Mi tamtakin Khrista ki ni, azora atung zoi kêng, keima riming pêlin hong an ta, ha mingei hah jûi no roi. 9Hanchu, indoi, insuol roi nin riet tikin chi no roi, mahah a tung masa ngêt rang ani, a zoinatak chu la tung kelen no nih,” a tia.

10Nam dang le nam dang, ram dang le ram dang indoi an ta; 11Muntina ningnupui, mâitâm, ripui lêng a ta, invâna neinun kamâmruoi le ichiom ngei inlang a tih. 12Nikhomrese, ma ngei tungmân han nangni sûr an ta, an nuom nangni lông an ta, synagog taka nin roijêk rangin pêng an ta, lung ina nangni khum an tih. Keima sikin rêngngei, roijêkpungei makunga nangni tuong an tih. 13Mahah nin ranga Thurchi Sa rilna zora sa nîng a tih. 14#Luk 12:11,12 Lei riet roi, inmo ênpiel rang, inmo ei thuon rangtie tiin nin kângmindoi no roi. 15Nin râlngeiin an sût theiloi rang dôrin chong theina le vârna nangni pêng ki tih. 16Nin nû, nin pa, nin lâibung, nin sûngsuok, nin ruolngeiin nangni minsûr an ta, senkhat chu nangni that an tih. 17Keima sikin mitinin nangni mumâk an tih. 18Ania, nin sam sangkhat te luo inmang no nih, 19Adetin inding ungla insaninjôk nin tih.

Jisua'n Jerusalem siet rang roi a rilna

(Mat 24:15-21; Mk 13:14-19)

20“Hanchu, râlmingeiin Jerusalem an huol nin mu tikin chu a siet rang ani zoi iti riet ta roi. 21Matikin chu Judea rama om ngei chu tânga rot rese ngei, asûnga om ngeiin chu suoksan rese ngei, rama om ngei chu khopuiliena lût no rese ngei. 22#Hos 9:7Lekhabua ânziek atung indikna rangin ha nikhuongei chu, ‘Phuba luok ni nîng a tih.’ 23Nupang nâivongngei le nû nâi rununêk dônngei rangin chu nikhuo intak inthangtak nîng a tih, dûktongna inthang, hi rama hin a juong tung rang sik le Pathien taksina hi mingei chunga atung rang sikin. 24Senkhat khandaiin thîng an ta, Adangngei ram tina suokin tuongin om an tih. Hanchu an zora achuk mâka Jerusalem chu Jentailngei sirdênin om a tih.”

Miriem Nâipasal juong rang roi

(Mat 24:29-31; Mk 13:24-27)

25 # Isa 13:10; Ezek 32:7; Joel 2:31; Chph 6:12,13 “Hanchu, nisa, thâ, ârsi ngeia khin minsinna om a ta, tuikhanglien rahang le tui insôn sikin pilchunga khom jâttin dengthei, lungjîng mintung a tih. 26Pilchung pumpuia ichi juong tung mindonin mingei jâmzalin inzal neng an ta, invân-lâijôla neinun bulpui ngei rujûlpai nîng a tih. 27#Dan 7:13; Chph 1:7 Male Miriem Nâipasal inlang a ta, roineina le roiinpui takin sûm lâia juong a tih. 28Hanchu, ha ngei hah a juong tung phutin chu inding ungla, tang roi, nin jôkna rang anâi zoi sikin.”

Theichang kunga inrilna

(Mat 24:32-35; Mk 13:28-31)

29Hanchu, hi chongmintêk hih Jisua'n a rila, “Theichang kung le thingkung dadang ngei mindon roi. 30A hong incher innoi nin mûn chu, kholum anâi iti nin riet ngâi. 31Ha anghan, ha ngei hong tung nin mûn chu, Pathien Rêngram a juong tung rang ani zoi iti rieng nin tih. 32Atûnlâi mingei an thi riei mân ngêtin hi neinunngei hih juongtung a tih, iti riet roi. 33Pil le invân boi a ta, ko chong chu boi no nih.”

Intûng chien anâng

34“Singthei roi, aninon chu, sâk akhoprai le ju inrûi le ringlâi nunkhohoi mindonnân nin mulung sip rai a ta, ha nikhuo hah juong tungrak a tih, 35chânga inôk anghan. Ha anghan pilchung muntina mi murdi chunga tung a tih 36Ha intakna juong tung rang adamriema nin pal theina rang, ranak nin dôn theina rang le Miriem Nâipasal makunga nin inding theina rangin indînin khotiklâi khomin chubai tho tit ngâi roi,” a tia.

37 # Luk 19:47 Jisua'n ha sûnngei hah Biekina minchûn a minhek ngâia, kholoi a hong nin chu Olive muola a jân mang rangin a se ngâi. 38Anîngtin, jînga a chongril rangâi rangin a kôma Biekina mi murdi an hong ngâi.

Επιλέχθηκαν προς το παρόν:

Luke 21: SAKNT

Επισημάνσεις

Κοινοποίηση

Αντιγραφή

Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε

Μάθετε περισσότερα για Pathien Lekhabu Inthieng Chongtung Thar

Luke 21

Δημοφιλή Βιβλικά εδάφια από
Luke 21

Ακρόαση Luke 21

Αγία Γραφή:

Sakachep

Μετάφραση: Pathien Lekhabu Inthieng Chongtung Thar - SAKNT

Luke 21

Luke 21

Δημοφιλή Βιβλικά εδάφια από Luke 21

Ακρόαση Luke 21

Αγία Γραφή:

Sakachep

Μετάφραση: Pathien Lekhabu Inthieng Chongtung Thar - SAKNT

Luke 21

Δημοφιλή Βιβλικά εδάφια από
Luke 21