Matthew 16

Sininkhêl sin rang an zong

(Mk 8:11-13; Luk 12:54-56)

1Pharisee le Sadducee senkhatngei Jisua kôma hong ngeiin ama min-ôk rang an nuoma, masikin Pathien'n ama a pom, tih riet theina rangin sininkhêl thôn minlang rangin an ngêna.#Mat 12:38; Luk 11:16 2Nikhomrese, Jisua'n an kôm, “Nisa ahong tâkin chu, ‘kôlkung asen sikin khuo ahoi rang kêng nin ti ngâi.’ 3Male jînga chu, ‘Kôl asena, invân ânnîm sikin ruo ajuong rang kêng,’ nin ti ngâi. Invân enin khuohoi rang le hoiloi rang nin leiphuong theia, aniatachu, atûnlâia minsinnangei hi chu minlen thei mak chei!#16:3 Miziek senkhatngei chu archang 2-3 taka Jisua chongbâingei hih dôn mak ngei. 4Atûnlâi mingei hih idôrtaka saloi le pathienboi mo an ni zoi! Minsinna mi nin zong na? Nimak! Jonah minsinna hi vai kêng nin kôma minsinna nangni pêk rang chu ani zoi,”#Mat 12:39; Luk 11:29 tiin a thuona.

Masikin a mâk ngeia male a rotpat zoi.

Phariseengei le Sadduceengei chol

(Mk 8:14-21)

5Ruoisingei hah dîl râl an rakânin chu, vâipôl chôi rang an hong mingila. 6Jisua'n an kôm, “Singthei roi; Phariseengei le Sadduceengei chol renga indîn roi,”#Luk 12:1 a tipe ngeia.

7Anni han, “Vâipôl ei hong chôi loi sika mahi a ti ani,” tiin an lâia an injêk phut zoi.

8Jisua'n an misîrngei hah a rieta, an kôm, “Ithomo nin vâipôl hong chôi loi roi hah nin lâia nangni nanâkin nin jêk bang? Idôra taksônna chîn dôn mo nin ni zoi! 9Nin la rietthei tet loi mini? Mi isâng rangnga ngei ta ranga vâipôltâp rangnga ko khoi lâia hah nin riet khâiloi mo? An sâk minieng tabong izetmo nin rût minsip ha?#Mat 14:17-21 10Mi isâng minli ngei ranga vâipôltâp sari chungroi rek ha te? An sâk minieng tabong izetmo nin rût minsip ha?#Mat 15:34-38 11Nônte ithomo nin kôm vâipôl roi misîr mu-ung ti nin riet thei loi? Nangni nanâkin Phariseengei le Sadduceengei chol renga indîn roi!” a tia.

12Male ruoisingei han vâipôla chol mang ngâi renga indîn rang ni loiin, Phariseengei le Sadduceengei minchuna renga indîn ranga inningna ani ti an riet thei zoi.

Peter'n Jisua chungroi a phuongna

(Mk 8:27-30; Luk 9:18-21)

13Jisua hah Caesarea Philippi khopui kôla ramhuola a sea, mahan a ruoisingei kôm, “Miriem Nâipasal hih mingeiin tumo ani an ti?” tiin a rekel ngeia.

14“Senkhatin chu Baptispu John ani,” Adangngeiin chu “Elijah ani,” senkhat nôkin chu “Jeremiah aninônchu dêipu tumakhat mini, #Mat 14:1,2; Mk 6:14,15; Luk 9:7,8 nang an ti,” tiin an thuona.

15“Nangnîn rêkte?” ama'n, “Tumo ki ni nin ti?” tiin a rekel ngeia.

16Simon Peter'n a kôm, “Messiah, Pathien ring Nâipasal hah ni ni,” tiin a thuona.#Joh 6:68,69

17Jisua'n a kôm, “Simon John nâipasal, na ta rangin asa bâk na! Hi chongtak hih munisi renga no kôm ahong nimaka, invâna om ka Pa'n adiktakin nang a pêk ani. 18Masikin Peter; lungpui ni ni, ti nang ki ril. Hi lungpui chunga hin ko koiindang minding ka ta, thina khomin mene no nih. 19Invân Rêngram chabi nang pêk ka ta; pilchunga na khap kai chu invâna khom khap nîng a ta, pilchunga na phal kai chu invâna khom phal ani rang ani,”#Mat 18:18; Joh 20:23 a tipea.

20Male Messiah ani ti tute ril loi rangin ruoisingei hah chong a pêk ngei zoi.

Jisua tuong rang le a thi rang roi a misîr

(Mk 8:31; 9:1; Luk 9:22-27)

21Ma zora renga chu Jisua'n a ruoisingei kôm ânthârlakin a misîr phut zoia, an kôm, “Jerusalema ke se ngêt rang ani, upangei, Ochaisingei le Balam minchupungei kuta tuong ok ki tih. Thatin om ka ta, nikhomrese, sûnthum suolechu aringin kaithoiin om ki tih,” a tipe ngeia.

22Peter'n ama hah atheiin a tuonga, a kôm, “Pathien'n maha akhap, Pumapa!” ama'n, “Mahah nu chunga tung tet no nih!” tiin a ngoa.

23Jisua ânheia Peter kôm, “Soitan, ko kôm renga rotpai roh! ka lampui ni ni chakal, ni mindonngei hih Pathien renga hong suok ni maka, munisi nina renga ani sikin,” a tia.

24Male Jisua'n a ruoisingei kôm, “Tutu mi jûi a nuomin chu ama taksa rang mingilin a khros ruputin mi jûi rese.#Mat 10:38; Luk 14:27 25Tukhom a ringna mojôk a nuom kaiin machân an ta; aniatachu, keima sika an ringna machân kaiin man an tih.#Mat 10:39; Luk 17:33; Joh 12:25 26Mi'n rammuol hih apumin dôn senla, an ringna chu machân ta senla ngei, imo alâp an man ranga? Man noni ngei! An ringna man nôkna rangin ite pêk rang an dôn loi sikin. 27Miriem Nâipasal hih a Pa roiinpuinan invôn a vantîrtonngei leh a juong rang kêng ani zoi, ma tikin chu mitinin an sintho dungjûiin râisânman a pêk rang ani.#Mat 25:31; Lap 62:12; Rom 2:6 28Adiktakin nangni ki ril, hi taka om senkhatngei hih Miriem Nâipasal Rêng angin a juong an mu mâka chu thi loi rang an om,” a tia.

Επιλέχθηκαν προς το παρόν:

Matthew 16: SAKNT

Επισημάνσεις

Κοινοποίηση

Αντιγραφή

Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε

Μάθετε περισσότερα για Pathien Lekhabu Inthieng Chongtung Thar

Matthew 16

Δημοφιλή Βιβλικά εδάφια από
Matthew 16

Ακρόαση Matthew 16

Αγία Γραφή:

Sakachep

Μετάφραση: Pathien Lekhabu Inthieng Chongtung Thar - SAKNT

Matthew 16

Matthew 16

Δημοφιλή Βιβλικά εδάφια από Matthew 16

Ακρόαση Matthew 16

Αγία Γραφή:

Sakachep

Μετάφραση: Pathien Lekhabu Inthieng Chongtung Thar - SAKNT

Matthew 16

Δημοφιλή Βιβλικά εδάφια από
Matthew 16