Mata 1
1
Mezel ta papaŋ ta papaŋ hay te Yesu Kəristi
(Luk 3.23-38)
1Mawala mezel ta papaŋ ta papaŋ hay te Yesu Kəristi. Yesu sə, e heyek dapa tərsam ta Bay Deevet. Deevet ana sə, e heyek dapa tərsam ta Abəraham.
2Abəraham, ke heyek Izak.
Izak, ke heyek Zakwab.
Zakwab, ke heyekec Zuda va malamaŋ hay.
3Ava Tamar, Zuda ke heyekec Peres va Zerah.
Peres ana, ke heyek Esrawm.
Esrawm, ke heyek Aram.
4Aram, ke heyek Aminadab.
Aminadab, ke heyek Nasaŋw.
Nasaŋw, ke heyek Salma.
5Ava Rahab, Salma ke heyek Buwes.
Ava Rut, Buwes ke heyek Awbet.
Awbet, ke heyek Zesey.
6Zesey, ke heyek bay Deevet.
Ava ŋgwaz ta Uri, Deevet ke heyek Salmaŋw.
7Salmaŋw, ke heyek Rubuwam.
Rubuwam, ke heyek Abiya.
Abiya, ke heyek Asa.
8Asa, ke heyek Zuzafat.
Zuzafat, ke heyek Zuram,
Zuram, ke heyek Awziyas.
9Awziyas, ke heyek Zuwatam.
Zuwatam, ke heyek Akaz.
Akaz, ke heyek Ezekiyas.
10Ezekiyas, ke heyek Manasey.
Manasey, ke heyek Amaŋw.
Amaŋw, ke heyek Zuziyas.
11Zuziyas, ke heyekec Yakwaniya va malamaŋ hay,
e heyekec dapa masa ece həlec Isreyel hay kad pe ɓeley a Baabilaŋw.
12Ava dəɓa te mehel tec kad pe ɓel a Baabilaŋw sə,
Yakwaniya ke heyek Salatiyel.
Salatiyel, ke heyek Zerubeebel.
13Zerubeebel, ke heyek Abiyud.
Abiyud, ke heyek Eliyakim.
Eliyakim, ke heyek Azur.
14Azur, ke heyek Sadakw.
Sadakw, ke heyek Akim.
Akim, ke heyek Eliyawd.
15Eliyawd, ke heyek Iliyazar.
Iliyazar, ke heyek Mataŋ.
Mataŋ, ke heyek Zakwab.
16Zakwab, ke heyek Zezef, mawal ta Maaray
meheyek Yesu mezel Kəristi.
17E zlər fa Abəraham kasl fa bay Deevet sə, meyesl ta tərsam ana ke ŋgə dəɓa kuraw dapa yaŋ ana faɗ. Fa bay Deevet ana ŋgesey, kasl pa pas masa ece həlec Isreyel hay kad pe ɓel a Baabilaŋw sə, meyesl ta tərsam ana ke ŋgə dəɓa kuraw dapa yaŋ ana faɗ saya. Dəga dapa pas te mehəlec Isreyel hay kad pe ɓeley a Baabilaŋw ana ŋgesey kasl fe mehey te Kəristi sə, meyesl ta tərsam ana ke ŋgə dəɓa kuraw dapa yaŋ ana faɗ saya jaŋgata.
Maslaf meheyə te Yesu kad Zezef
18Mawala masa mehey te Yesu Kəristi e zlerey. Maaray mamaŋ sə, aŋga meseɓ te Zezef. Anjəkar wagaa ac ta cam vaw fa slam ana sə, Maaray ka ŋgata ava hwaɗ jaka pa gədaŋ te Mesfen Mavəna. 19Zezef maŋgusliya, masa aŋga nda maŋga mezlər eve cəvey ana, a wal mapana hwar pe ndey fa yam te ndey ta ndana hay bay, a yah cəv ta masaɗ ha tata da yaŋ ana meereɓey. 20Masa aŋga dapa mawulakiya ara nesey, a ta wala sə, maskəla ta Bay Mazlakava a ŋguzdan vaw dapa meshweney, a gwaɗa, gege: «Zezef wut ta tərsam ta bay Deevet, ke lel ta makəs Maaray, meseɓ takaa ka ŋgwazak bay, afa wat da hwaɗ tata ŋgesey sə, e dek dapa Mesfen Mavəna, 21e te heyek wat mawal, ka ta pafa mezel Yesu, afa me te mbəlec ndah tata dapa mebər tec hay sə, aŋga.» 22Jeŋ ana fakwanay nesey sə, a da ŋgata ara masa Bay Mazlakava ke gweɗ zleezle jaka pə ma ta nda mehwedek ma tata masa e gweɗ, gege: 23«Mawala, dəm dahəla masa a sən mawal bay, e te ŋgə ava hwaɗ, e te heyek wat mawal, ac ta zaliya Emanuwel, ara megweɗey: “Zlav aŋga ava andakwa.”» 24Mepərek te Zezef dapa waŋ sə, ke ŋgə jə masa maskəla ta Bay Mazlakava ta gwaɗa, kəs, a kəs Maaray meseɓ tata ka ŋgwaza. 25Amaa, ka kəs vaw ava aŋga aabay, kasl pe meheyek ta wat ana, Zezef ka pafa mezel Yesu.
Επιλέχθηκαν προς το παρόν:
Mata 1: CUVnt
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 CABTAL