San Mateo 1
1
Jesús myu̶j'áp myu̶jteedy
(Lc 3.23-38)
1Yaa du'un kuja'ay myiñ pu̶njaty je̱'e̱ Jesucristo myu̶j'ap'ajt myu̶jteedy'ajt. Je̱' je̱'e̱ myu̶j'ap'ajt myu̶jteedy'ajt je̱'e̱ David y je̱'e̱ Abraham:
2Abraham je̱' je̱'e̱ y'ung'ajt je̱'e̱ Isaac, je̱'e̱ Isaac je̱' je̱'e̱ y'ung'ajt je̱'e̱ Jacob, je̱'e̱ Jacob je̱' je̱'e̱ y'ung'ajt je̱'e̱ Judá y je̱'e̱ myu̶gue̱'e̱xktu̶jk. 3Judá mu̶u̶d je̱'e̱ tyo'oxyu̶jk Tamar je̱' je̱'e̱ y'ung'ajtku̶x je̱'e̱ Fares y je̱'e̱ Sara. Je̱'e̱ Fares je̱' je̱'e̱ y'ung'ajt je̱'e̱ Esrom, je̱'e̱ Esrom je̱' je̱'e̱ y'ung'ajt je̱'e̱ Aram. 4Aram je̱' je̱'e̱ y'ung'ajt je̱'e̱ Aminadab, je̱'e̱ Aminadab je̱' je̱'e̱ y'ung'ajt je̱'e̱ Naasón, je̱'e̱ Naasón je̱' je̱'e̱ y'ung'ajt je̱'e̱ Salomón. 5Salomón mu̶u̶d je̱'e̱ tyo'oxyu̶jk Rahab je̱' je̱'e̱ y'ung'ajtku̶x je̱'e̱ Booz. Je̱'e̱ Booz mu̶u̶d je̱'e̱ tyo'oxyu̶jk Rut je̱' je̱'e̱ y'ung'ajtku̶x je̱'e̱ Obed. Je̱'e̱ Obed je̱' je̱'e̱ y'ung'ajt je̱'e̱ Isaí. 6Isaí je̱' je̱'e̱ y'ung'ajt je̱'e̱ ane̱'e̱mbu̶ David, y je̱'e̱ ane̱'e̱mbu̶ David mu̶u̶d je̱'e̱ tyo'oxyu̶jk je̱'e̱ mu̶dyiibu̶ je̱'e̱ Urías najty tu̶ okto'oxyu̶jk'ajtpu̶ju̶ñ je̱' je̱'e̱ y'ung'ajtku̶x je̱'e̱ Salomón.
7Salomón je̱' je̱'e̱ y'ung'ajt je̱'e̱ Roboam, je̱'e̱ Roboam je̱' je̱'e̱ y'ung'ajt je̱'e̱ Abías, je̱'e̱ Abías je̱' je̱'e̱ y'ung'ajt je̱'e̱ Asa. 8Asa je̱' je̱'e̱ y'ung'ajt je̱'e̱ Josafat, je̱'e̱ Josafat je̱' je̱'e̱ y'ung'ajt je̱'e̱ Joram, je̱'e̱ Joram je̱' je̱'e̱ y'ung'ajt je̱'e̱ Uzías. 9Uzías je̱' je̱'e̱ y'ung'ajt je̱'e̱ Jotam, je̱'e̱ Jotam je̱' je̱'e̱ y'ung'ajt je̱'e̱ Acaz, je̱'e̱ Acaz je̱' je̱'e̱ y'ung'ajt je̱'e̱ Ezequías. 10Ezequías je̱' je̱'e̱ y'ung'ajt je̱'e̱ Manasés, je̱'e̱ Manasés je̱' je̱'e̱ y'ung'ajt je̱'e̱ Amón, je̱'e̱ Amón je̱' je̱'e̱ y'ung'ajt je̱'e̱ Josías. 11Josías je̱' je̱'e̱ y'ung'ajt je̱'e̱ Jeconías y je̱'e̱ myu̶gue̱'e̱xktu̶jk, je̱'e̱ mu̶'it tiempo mu̶naa je̱'e̱ Israel ja'ay mach yajnú̶kxu̶gu̶xyu̶ñ jim Babilonia.
12Y ko najty jim Babilonia mach tu̶ yajnú̶kxu̶gu̶xyu̶, jim je̱'e̱ Jeconías y'ung paatku̶xy y xu̶u̶mooygyu̶xy Salatiel, y je̱'e̱ Salatiel je̱' je̱'e̱ y'ung'ajt je̱'e̱ Zorobabel. 13Zorobabel je̱' je̱'e̱ y'ung'ajt je̱'e̱ Abiud, je̱'e̱ Abiud je̱' je̱'e̱ y'ung'ajt je̱'e̱ Eliaquim, je̱'e̱ Eliaquim je̱' je̱'e̱ y'ung'ajt je̱'e̱ Azor. 14Azor je̱' je̱'e̱ y'ung'ajt je̱'e̱ Sadoc, je̱'e̱ Sadoc je̱' je̱'e̱ y'ung'ajt je̱'e̱ Aquim, je̱'e̱ Aquim je̱' je̱'e̱ y'ung'ajt je̱'e̱ Eliud. 15Eliud je̱' je̱'e̱ y'ung'ajt je̱'e̱ Eleazar, je̱'e̱ Eleazar je̱' je̱'e̱ y'ung'ajt je̱'e̱ Matán, je̱'e̱ Matán je̱' je̱'e̱ y'ung'ajt je̱'e̱ Jacob. 16Jacob je̱' je̱'e̱ y'ung'ajt je̱'e̱ José, je̱'e̱ María ñiya'aydyu̶jk, y je̱'e̱ María je̱' je̱'e̱ Jesús ung'ajt, je̱'e̱ mu̶dyiibu̶ Cristo#1.16 Mesías. yajtijpu̶ñ.
17Majmé̱tzk najtzke̱'e̱xu̶'u̶ du'un paady; chonda'agy Abraham u̶xtu̶ David, y jakmajmé̱tzk najtzke̱'e̱xu̶'u̶; chonda'agy ma je̱'e̱ David u̶xtu̶ jibaad mu̶naa je̱'e̱ Israel ja'ay mach yajnú̶kxu̶gu̶xy jim Babilonia, y nan jakmajmé̱tzk najtzke̱'e̱xu̶'u̶; chonda'agy ma je̱'e̱ Israel ja'ay mach yajnú̶kxu̶gu̶xy jim Babilonia u̶xtu̶ jibaad ma je̱'e̱ Cristo mya'axung'ajtyu̶ñ.
Jesucristo mya'axung'áty
(Lc 2.1-7)
18Du'un tyuunu̶ jyajtu̶ neby je̱'e̱ Jesucristo mya'axung'ajtyu̶ñ: María, je̱'e̱ Jesús tyaj, tu̶ najty je̱'e̱ kapxy'ajtku̶xy mu̶u̶d je̱'e̱ José ko pyu̶gaangu̶xy, peru̶ ka'anu̶ najty ñaybyudu̶gu̶u̶yu̶gu̶xy ko je̱'e̱ María y'ungjomu̶'ky mu̶u̶d je̱'e̱ Espíritu Santo myu̶k'ajtu̶ñ. 19José, je̱'e̱ María ñiya'aydyu̶jk; tu'uda'agyjya'ay je̱'e̱ najty y ka'p najty je̱'e̱ María mayjya'ayjyooty xu̶'u̶wa'añ, chi wyinma'añbyaaty u̶xmadza'añ ayu'uch amechu̶ ka'p pu̶n yajnejwu̶'u̶wa'añ. 20Du'un najty tyajy myay tuna'añ du'un, ko je̱'e̱ Windzú̶n Dios y'ángel tu'ug ñayyajni'igu̶xu̶'ku̶ kuma'ayjyooty y ñu̶maayu̶: “José, David y'ok'ung y'ok'ana'k, ka'p mdajy mmay y ka'p mdzu̶gu̶'u̶y; mwinduumbú̶gu̶ch je̱'e̱ María neby je̱'e̱ mdo'oxyu̶jku̶ñ, je̱' ko je̱'e̱ ma'axúng mu̶dyiibu̶ pyade̱e̱mbyu̶ñ je̱'e̱ Espíritu Santo kyu̶xpu̶ je̱'. 21Pyaadu̶py je̱'e̱ María y'ung; y Jesús#1.21 Je̱'e̱ Jesús xyu̶u̶ du'un je̱'e̱ y'ayuukwimbu̶dzú̶my: je̱'e̱ Windzú̶n pokywyinme̱kxp. myajxu̶u̶'ádu̶ch. Du'un xyu̶u̶'ádu̶ch je̱' ko je̱' je̱'e̱ jya'ay yajpokyñi'iwa'adzaamb.”
22Adaa paady ada du'un ku̶xyu̶ tyuunu̶ jyajtu̶, wan du'un yajkuydyúnu̶ch neby je̱'e̱ Dios y'ayuuknajtzkapxu̶u̶ybyu̶ najty tu̶ nu̶ma'ayu̶ñ ko du'un myu̶naañ:
23“Ungjomu̶'u̶gu̶p je̱'e̱ to'oxy'ana'k mu̶dyiibu̶ ka'p ya'aydyu̶jk mu̶dtzu̶na'ayñu̶ju̶ñ,
y yajma'axung'ádu̶py je̱'e̱ y'ung tu'ug,
y Emmanuel myajxu̶u̶'ajtku̶xu̶ch”
(mu̶dyiibu̶ du'un ayuuk wimbu̶dzu̶u̶mbu̶ñ: “Dios mu̶u̶d u̶u̶ch ajtu̶m ajku̶xy”).
24Ko je̱'e̱ José mya'aybyu̶du̶'ky, chi du'un kuydyuuñ neby je̱'e̱ Windzú̶n Dios y'ángel najty tu̶ ñu̶ma'ayiiju̶ñ, y mu̶'it je̱'e̱ María windumbu̶jky neby tyo'oxyu̶jku̶ñ. 25Peru̶ ka'p myaamujky pyokxmujky ajku̶xy neby je̱'e̱ pu̶kyjya'ay ajku̶xyu̶ñ; u̶xtu̶ koonu̶ je̱'e̱ María y'ung yajma'axung'ajty#1.25 Je̱'e̱ y'ung yajma'axung'ajty: nije̱' jaaybyu̶du̶jk myu̶maangu̶xy: je̱'e̱ kyob'ung yajma'axung'ajty., je̱'e̱ mu̶dyiibu̶ je̱'e̱ José xyu̶u̶mooyu̶ñ Jesús.
Επιλέχθηκαν προς το παρόν:
San Mateo 1: MIXE
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005