मती 17
17
यीसु रौ रूप बदळनौ
(मरकुस 9:2–13; लूका 9:28–36)
1छह दिनां रै पछै यीसु नै पतरस अर याकूब अर उणरा भाई यूहन्ना नै साथै लिया, अर उणौनै एकांत में किणी ऊंचै भाखर माथै लेयग्यौ। 2उठै उणौरै सांमै यीसु रूप बदळ गियौ, अर उणरौ मूंडौ सूरज री ज्यूं चमकतौ अर उणरा गाभा दीये रै ज्यूं उजळा होई गिया। 3फिर अणचेत मूसा अर एलियाह उणरै साथै बातां करते उणौनै देखिया हा।
4तो पतरस यीसु नै कयौ, “हे परभु अपणौ एठै रैणौ बड़िया है। जे थांरी इछा हो तो म्हैं एठै तीन तम्बू बणाऊं, एक थांरै लियै, एक मूसा रै लियै, अर एक एलियाह रै लियै।” 5#मत 3:17; 12:18; मरकु 1:11; लूक 3:22#2 पत 1:17,18वो बोल ही रियौ हो की एक उजळो बादळ आयनै उणरै ऊपर छायो, अर उण बादळ में ऊं ओ सबद निकळियौ, “ओ म्हारौ लाडलौ बेटौ है, जीण ऊं म्हैं खुस हूं। इणरी सुणौ।” 6चेलौ ओ सुणनै मूंडै रै तरफ पड़िया अर घणा डर गिया। 7यीसु उणौरै खनै आयनै हाथ लगायो, अर कयौ, “उठो, डरौ मत।” 8तद उणौ आपरी आंखों खोली अर यीसु नै छोड़नै अर किणी नै कोनीं देखियौ।
9जद वे भाखर ऊं उतर रिया हा तो यीसु उणौनै आ आग्या दी, “जद तांई म्हैं मिनख रौ बेटौ मरयोड़ौ में ऊं जी नीं उठूं, तद तांई जे कई थै देख्यौ हो किणी नै नीं कैणौ।” 10इण कारण यीसु रै चेलौ यीसु नै पूछयौ, “की सास्तरी क्यूं कैवै है एलियाह रौ पैला आवणौ जरुरी है?” 11यीसु जबाब दियौ, “एलियाह जरुर आवैला, अर सगळौ ठीक करणै आवैला। 12#मत 11:14पण म्हैं थांनै कहूं की एलियाह आ चुकौ है, अर लोगां उणनै नीं पिछांणयौ। पण जैड़ौ चायौ वैड़ौ इज उणरै साथै कियो। इण रीत ऊं म्हैं मिनख रौ बेटौ भी उणरै हाथ ऊं दु:ख उठाऊंला।” 13तो चेला समझया की यीसु म्हौ नै यूहन्ना बतिस्मो देणवाळै रै बारै में कैवै है।
यीसु मसीह बुरी आतमा नै फटकारी
(मरकुस 9:14–29; लूका 9:37–43a)
14जद यीसु भीड़ रै खनै पूगिया, तो एक मिनख उणरै खनै आयौ, अर गोडा टेकनै कैवण लाग्यौ, 15“हे परभु, म्हारै बेटे ऊपर दया कर! क्यूंकै उणनै मिरगी आवै है, अर वो घणौ दुखी होवै है, अर कदैई अग्नि में अर कदैई पांणी में पड़ जावै है। 16म्हैं उणनै थांरै चेलौ खनै लायौ हो, पण वे उणनै सावळ कोनीं कर सकया।” 17यीसु जबाब दियौ, “हे अविसवासी अर हठीले लोगां, म्हैं कद तांई थौरे साथै रैवूंला? कद तांई सहूंलां? उणनै म्हारै खनै लाओ।” 18तो यीसु दुस्ट आतमा नै फटकारी, अर वो उणमे ऊं निकळगी। अर छोरौ उणी घड़ी ठीक होईग्यौ।
19तद चेलौ नै एकांत में यीसु रै खनै आयनै कयौ, “म्हैं उणनै क्यूं नीं निकाळ सकया?”
20 #
मत 21:21; मरकु 11:23; 1 कुरि 13:2 यीसु उणौनै कयौ, “अपणै विसवास री कमी रै कारण, क्यूंकै म्हैं थांनै साचौ कहूं, जे थौरो विसवास राई रै दाणे रै बराबर भी हो, तो इण भाखर ऊं कैवता, ‘एठै ऊं सरकनै उठै जातौ रै,’ तो वो जातौ रैला। अर कोई बात थौरे वास्तै असम्भव नीं होवैला। 21पण आ जाति बिना पराथना अर उपवास रै कोनीं निकळै।”
आपरी मौत रै बारै में यीसु री भळै भविसयवांणी
(मरकुस 9:30–32; लूका 9:43–45)
22जद वे गलील में हा, तो यीसु उणौ ऊं कयौ, “म्हैं, मिनख रौ बेटौ मिनखौ रै हाथ में पकड़ायौ जाऊंला। 23वे म्हनै मार दैला, अर म्हैं तीजै दिन जी उठूंला।” ओ सुणन चेला घणा दुखी होया।
मिंदर रौ कर
24जद वे कफरनहूंम पूगिया, तो मिंदर रा चुंगी लेणवाळा पतरस रै खनै आयनै पूछयौ, “कांई थौरो गुरु मिंदर री चुंगी कोनीं दैवै?” 25पतरस कयौ, “हां, दैवै है।” जद पतरस घर में आयौ, तो यीसु उणनै पूछणै ऊं पैला ही उणनै कयौ, “हे समौन, थूं कांई सोचे है? धरती रा राजा कीण लोगां ऊं चुंगी या कर लेवे है? आपरै टाबरौ ऊं या परायौ ऊं?” 26पतरस उणनै कयौ, “परायौ ऊं।” यीसु उणनै कयौ, “तो टाबर बच गिया। 27तौभी इण वास्तै अपां उणौनै ठोकर नीं खिलावौ, थूं झील रै कांठै जायनै हुक नोख, अर जिकौ मछली पैला निकळै उणै पकड़नै उणरौ मूंडौ खोल दैणौ। उणमे थनै एक सिक्को मिळैला उणी नै लैयनै म्हारै अर थांरै बदळै उणनै दे दैणौ।”
Επιλέχθηκαν προς το παρόν:
मती 17: RWR
Επισημάνσεις
Αντιγραφή
Σύγκριση
Κοινοποίηση
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© NLCI CC BY-NC-ND 4.0