Popular Bible Verses from Roma 5

Share

Tuka waḣtanipi sa heuncapi kin he icunhan, Messiya unkiyepi on ṭe cin he en, Wakantanka token canteunkiyapi kin hduotanin.

Qa woape kin he iśten wicaye śni, Woniya Wakan unqupi kin he eciyatanhan, Wakantanka towaśte uncantepi kin en unkokicicaśtanpi kin he etanhan.

Qa hecedaii śni, nakun wokakije on unkiyuśkinpi ece; wokakije kin he wacin tankapi kaga e sdonunyanpi; Qa wacin tankapi kin he wiyukcanpi, qa wiyukcanpi kin he woape

Hecen wacinyanpi on owotanna unyawapi kin, heon etanhan Wakantanka ekta wookiye unhapi, Jesus Messiya Itancan unkiyapi kin eciyatanhan. Qa he iye eciyatanhan en unhiyupi, wowaonśida en ahan naunjinpi kin en, wacinyanpi kin on etanhan, qa Wakantanka towitan kin ape unkiyuśkinpi ece.

Takudan unkokihipi śni kin he icunhan, wanna iyehantu qehan Messiya waḣtanipi sa kin on ta.

Hecen sam iyeya, nakaha iye we kin on owotanna unyawapi kin, iye eciyatanhan wocanniye kin etanhan eunhdakupi kta.

Wicaśta wanjidan waanagoptan śni un qon he etanhan wicota waḣtani sa wicakagapi kin, he iyecen wanji waanagoptan un kin eciyatanhan wicota owotanna wicakagapi kta.

Qa hecedan śni, tuka nakun Wakantanka kin en unkiyuśkinpi, Jesus Messiya Itancan unkiyapi kin eciyatanhan, he etanhan nakaha wookiye unhapi.