Popular Bible Verses from Roma 4

Share

Qa Wakantanka wahoye cin he ceṭunhda kin on kaktihanhan śni; tuka wacinyanpi on wakiśaka un, qa Wakantanka yatan. Qa taku iwahoye cin ho ecen econ kta okihi e he nina wicada.

Wowapi qon iyececa; Ikcewicaśta oyate ota ateniyanpi kta e ecihde ce; Wakantanka wicaṭe cin ake ni wicaye c̣a, taku tona un śni kin hena taku un kin iyecen cajeyata ece kin he wacinyan kin heon etanhan.

Iye waunḣtanipi kin on wicaqupi, qa owotanna unyawapi kte cin on ake najinkiyapi qon.

Oyate ota ateyapi kte cin he apepica śni, tuka wacinyan un kin heon ape, taku eyapi qon iyececa; Nicinca iyenaka kta ce.

Heon etanhan, he wacinyanpi kin on, wowaonśida eciyatanhan kte cin heon, qa wahoyapi qon cincapi kin owasin en wicakiciyusutapi kta, tona woope eciy atanhan un kin heceedan śni, tuka tona Abraham, unkiye owasin ateunyanpi kin, wacinye ciqon en opapi kin hena koya.

Tona taku śica econpi qon wicakicicajujupi, qa waḣtanipi kin yutokan iyewicakiciciyapi kin hena wicayawaśtepi ece. Wicaśta kin tuwe Itancan kin woaḣtani kiciyawa śni kin he yawaśtepi ce.

Wowapi wakan kin token eya he. Abraham Wakantanka wacinyan, qa woowotanna kiciyawapi qon.