Popular Bible Verses from Luka' 10

Share

Gilahe. Naza nene amuzo mo lengemekuvoni' nenako ne'mo nene lingine satato' lisilizanikisi ido' evene' ngibilaa' ani' inite' netesi nene ngeli di goloso i-lingidamilisave. Ee, naza Satani'mi amuzo ato ato' vai' nene ivile' ivosa amuzo mo lengeme nouvoni' ne'mo nene inite' hamolitesi lengi' nene ngeli di goloso i-lingidamilisave.

Ne'mine lavo Guvelesi ve'mo ti' lo lo-imine': Eii, Matazo, gaza nene inite' mukikumu' gaka muki' gelo mulungau' nene goloso nogelaine'za inite' hamokumukovo' gelelone' o neine' nenako Malia' nene a'mine inite' lamine' nene dalosa gelave. Nemu' nene laza daline' aka nene ma hize tile-damolosusive lo line'.

Longo' o-davo Gozopo' laa' ani' mono' apize ngemaa' ive aza ti' lo lo-imine': O'moso'mi lou' gamaziu' nene ti' li gizi nizave: Lutine gatine vodinesi amuzotine vai' nesi nene Guvelesi ve O'mosotida nene mili osu' li lutine imivo' minilo. Ido' lingine lengi' okodinemu' gilaa' nani' ne'mine igi evene' avita gidini nizavemukisi nene gilii lutine ngimilo.

Nongimiselo ti' lo lo-ngidine': Evene' mene gopo ikelizaze. Mingu' nene noso' nite' muki' goloso o molani'za a'mingu' gono dalonive nene ngomosi' minekunge. Nemu' nene lingine mine melehida likevo gonolo' ve ma ngimiselavo vi minamuno dolizilizave line'.

Ne'mine lo line' nemu' nene gaza nadive lo gele nane. Evene' setihami ani' neuti' nene akalo' bili hulikave ne'mi evenele avita gidini minive nene zaho minive. Ne'mine lavo gozopotati' laa' ani' mono' apize ngemaa' ive aza ti' lo lo-imine': Muluno goloso hukive neve ne neive. Lavo Izesu' ti' lo lo-imine': Gaza vo ei' ine' ne'mine ogo minelesane.

Eii, lingine nene sipisipi ize angale ne'minisa minilisave. Sipisipi ize ingine lovo ve'inelite ngibililisa ikevo ingine a'mido' alete mili ngibililiza gavoso'ine nomivo minaa' nani' ne'minisa nene vi minilisave. Ido' lingine vovo'ningu' vi miniliza aleve neve nene sipisipi ize ngibilaa' ani' loposo gulo ne'minisa nene minilisaze. Mo vilo.