Popular Bible Verses from Luka' 11

Share

Lingine nevo ha evene' golososi nilizaha izipahatine zuho nene ha gizebo lamine' i-ngidi inite' lamine' nene ha ngimaa' nave. Nemu' nene linginesi lingivile' ogo lamine' minive Okulumoku' metibo ne'mo nene evene' ingine voku' li ezela laa' nave nene Sikalahu've lehize-lengedamilihe. O'ove. Mo atoli'mine ogo lehize-lengedeleseive.

Ne'mine oloseinako naza ti' lo nolo-lingimuve: Inite' ma dalone li O'mosola lilizave muki' nene inite' ha dalisave. Ido' O'mosolati' nene inite' ma vise' ilizave nene ha ningilisave. Ido' akahelo' okoho' izilizave nene O'moso'mo ha si'ze-ngedeleseive. Nemu' linginesi O'mosola inite' mamu' longo' ilizani' nene ha lengemeleseive. Ido' vise' ilizani' nene O'moso'mo ha lengelebizeleseive. Ido' akahelo' okoho' izilizani' nene O'moso'mo ha si'ze-lengedeleseive.

Ne'mine oloseinako naza ti' lo nolo-lingimuve: Inite' ma dalone li O'mosola lilizave muki' nene inite' ha dalisave. Ido' O'mosolati' nene inite' ma vise' ilizave nene ha ningilisave. Ido' akahelo' okoho' izilizave nene O'moso'mo ha si'ze-ngedeleseive. Nemu' linginesi O'mosola inite' mamu' longo' ilizani' nene ha lengemeleseive. Ido' vise' ilizani' nene O'moso'mo ha lengelebizeleseive. Ido' akahelo' okoho' izilizani' nene O'moso'mo ha si'ze-lengedeleseive.

Ne'mine lavo Izesu' aza ti' lo lo-ngimine': O'mosola nili ma ne'minisa lilo: Meteho ve, Gei' guliveka nene evene' vai' gelekunivo dizosa miniliho. Ido' eveneka gizebo o-ledeline' nene lelita mudise soto' iliho.

Ido' lihime di-lidave mukiliti lihime'ine nene mo hulo-ngedaa' noune' nenaze. A'mine'mine ogo leze lihimete nene hulo-ledezo. Ido' lemengu' molaa' akalo' nene lele'mizo vamozo.

Ido' nalone' noso' nitete nene gamene gamene lemezo.

Evene' volone' akate nene vete ne'mo olo' livi' ne'mino mino do soto' o-ledaa' neive. Ido' lukali'mi vele lamine' ha mineline' nene O'moso'mo okonga luka muki' nene hize labana' ele-gedeleseive. Ido' lukali'mi vele've goloso o noline' ne'mo nene okonga lukau' liti'musovo' ize vai' lo mineleseive.

Ve ma lamu vite' igisa galese lulou' nehe ido' somo lulou' nehe nene ma haleki milamilisave. Asi evene' numungu' dizilizave hize labana' ele-ngedelingumu' nene soto' lamu molaa' holomolo' milalisave.