Luka 2
2
Nywolirok pa Yesu
(Mat 1:18-25)
1I ndir no, Kayisar Agusto owodho cik ma ndiko ji ŋey wokwan ji ma piny pere gipi. 2Me oyido obedo ndiko ji marapena, aka obedo i ndir pa Kwirino jadhum ma Siria. 3Dhano je okidho i tindi ma thugin ndikirok. 4Riameno Yozefu bende oay i tindi ma Nazareth, i Galili to kidho Yuda i tindi pa Daudi m'ilwoŋo ni Bethelehem, paka go oyido obedo ja ot pa Daudi. 5Yozefu okidho ni wondiki go gi Maria m'onwaŋo yiko nywomirok gine. Maria oyido yac. 6Munyo jonitie kenyo, hongo pa Maria otundo ma nywol. 7Go onywolo wode makayo to umo gi nangin pa nyithindho, to pielo i wer ma dhok cem'iye rupiri kabedo k'onwaŋere rigo i ot wendo.
Jokwath kodi Jomalaika
8Cegin kenyo onwaŋo nitie jokwath moro m'oyido jo ni sa jokuro mwendi pajo wor gi weso. 9Malaika pa Rwoth omenyere rijo, aka dwoŋ pa Were omenyo jo, to jobwok swa. 10Malaika owaco rijo ni, “Wikiri wibedi gi lworo; kole akelo riwin wac kwoŋ kisangala madwoŋ ma bino bedo ri ji je. 11Konon i tindi pa Daudi onywol riwin Jaboth, m'obedo Kristo Rwoth. 12Aka me a ranyuth riwin, wibino nwaŋo nyathi maŋic m'oboy i nangin pa nyithindho t'ipielo i wer ma cemo dhok.” 13Gikenyo ma piyo piyo, kweth jomalaika ma polo joriwere gi malaika no to jofoyo Were munyo jowero ni,
14“Dwoŋ wobedi ri Were malo i polo,
aka i piny siem wobedi ri ji
ma silwany pere nigi jo.”
15Munyo jomalaika jotieko weyo jo jogik i polo, jokwath jowaco wegi kendi gin ni, “Weyi wakidhi Bethelehem wanen gim'otimere ma Rwoth onyutho wan me.” 16Gikenyo joredo to jonwaŋo Maria gi Yozefu kodi nyathi m'opiel i wer ma cemo dhok. 17Munyo joneno nyathi no, jowaco ri ji gima malaika owaco rijo kwoŋ nyathi no. 18Jom'owinjo wac me jouro swa gima jokwath no jowaco. 19Maria opoyo gigipiny me je to paro kwoŋe swa. 20Jokwath jodok munyo jofoyo Rwoth to jopako Were ro gigipiny je ma jowinjo aka joneno ni obedo paka owaci rijo won.
Icwoko nyingi Nyathi
21 #
Jolevi 12:3; Luk 1:31 Munyo ndelo mar'aboro ma thumo Nyathi otundo, ocwoki nyinge ni Yesu, nyinge ma malaika omiyo go mafodi k'ogam go i iy min.
Itero Yesu i Ot pa Were
22Munyo ndelo otundo ri Yozefu kodi Maria ma tero cowirok ma lonyirok paka Cik pa Musa waco, jotero Nyathi no i Yerusalem ketho go i cingi Rwoth. 23#Wok 13:2,12 (Me a gim'ondiki i cik pa Rwoth ni, “Nyathi ma jacwo je m'obedo okayo pa min, ibino miyo Rwoth.”) 24#Jolevi 12:6-8Aka jotero kiri mic bende paka ondiki i cik pa Rwoth: Akurin ario kosa nyithindhi njiwa ario. 25I Yerusalem kenyo onwaŋo nitie jal moro ma nyinge Simeo. Go oyido obedo dhano maber m'olworo Were, aka onwaŋo kiyo neno both pa Isiraili, kendo Cuny Maleŋ onwaŋo nigi go. 26Cuny Maleŋ onwaŋo otieko nyutho go ni go kilatho mafodi waŋe k'oneno Kristo pa Rwoth. 27Munyo Cuny Maleŋ owaco rigo, Simeo oay to kidho i Ot pa Were. Aka munyo jonywol jokelo Nyathi Yesu timo rigo gima Cik waco, 28Simeo otiŋo Nyathi no i cinge to foyo Were ka waco ni,
29“Rwoth, onyo pama sewila ŋeca perin i siem
paka cango iciko;
30Kole waŋan otieko neno both
31m'iyiko ni ji je jowoneni.
32 #
Isa 42:6; 49:6; 52:10 Lero ma bino menyo ri Jopath royo pa Were,
to kelo dwoŋ ri ji perin Isiraili.”
33Ba nyathi gi yokimere jocungo kenyo munyo jodhier kwoŋ gima Simeo oyido waco kwoŋ Nyathi no. 34Simeo omiyo jo silwany to waco ri Maria min Nyathi ni, “Nyathi me othuy gine ji wokel podho ri joman kodi both ri ji mathoth i Isiraili; go bino bedo ranyuth ma ji mathoth jobino piemo gine. 35To paro pa ji mathoth m'opanere bino wok kamaler, aka abor bino roko adundo nin won.” 36Kenyo onwaŋo nitie dhakodwoŋ moro ma jatuci wac Were ma nyinge Ana, nyar Fanuel, ma janono pa Aser. Go oyido oti swa aka otieko oro abirio i nywomirok pere to cwore tho, 37to doŋ citho cuka oro pere oromo piero aboro g'aŋwen. Go k'oweyo Ot pa Were, to otiyo ri Were wor g'odieceŋ munyo riyo kec gi kwayo. 38I hongo no won ama go bende odonj'iye i Ot pa Were to cako foyo Were; aka oluwo kwoŋ Nyathi no ri ji je m'onwaŋo jokuro both pa Yerusalem.
Dwoko yu Nazareth
39 #
Mat 2:23
Tekin jotieko timo gimoro je ma Cik pa Rwoth waco, jodok Galili i tindi pajo ma Nazareth. 40Nyathi no odongo gi meni, gi rieko, kendo silwany pa Were obedo gine.
Yesu kidho i Ot pa Were munyo fodi go jayac
41 #
Wok 12:1-27; Cik 16:1-8 Kisi oro jonywol pa Yesu bin jokidho Yerusalem i ndelo ma Kalima ma Kadho. 42Munyo Yesu oromo oro apar g'ario, jokidho korago i kalima paka oyido jotimo ndir je. 43Munyo kalima no orumo, jomako royo ma dok peco, to jayac Yesu odoŋ Yerusalem. Jonywol pere oyido jok'oŋeyo ameno. 44Paka oyido joparo nike go nitie i kitipa ji ma jowotho gi jo, jowotho awotha ndelo gipi, to nyaka jocako rango go bongi wade pajo gi merin pajo. 45To munyo jok'onwaŋo go, jogik Yerusalem munyo jorango go malomalo. 46I ndelo mar'adek aka jonwaŋo go i Ot pa Were obedo i dier jofonji, munyo winjo fonji pajo aka penjo jo penji moro. 47Ji je ma jowinjo go jouro swa rieko gi radwok pere. 48Jonywol pere jodhier munyo joneno go; aka yokimere owaco rigo ni, “Nyathi paran, itimo riwan ama raŋo? Panen, benin kodi an wabedo gi rembo ma kiwacere munyo warangin.” 49Odwoko jo ni, “Raŋo ma wirangan? Wikuya nike oyido aripo bedo i ot pa Baba?” 50To jok'oŋeyo dwoŋ gima go owaco rijo. 51Gikenyo Yesu odok gi jo Nazareth to winjo or pajo. Yokimere okano gigipiny me je iy'adundo. 52#1 Sam 2:26; Agec 3:4Yesu odongo i delkwoŋe aka rieko pere omedere, munyo Were gi ji jofoyo go.
Currently Selected:
Luka 2: DHOPE
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.