BEGGAR 36
36
Esug Hotam
1Soq tulu si Esug hotam tulungv (hoqhv Idom), 2Esu mwwg nywxw tulungam Kanaan nyi tulug nyem ko tulungam naanum: Ada, Hittait Elonwg nyem kov, Oholibama, Anag nyem kov, Hibait Jibeonwg nyem kov, 3hoo Basemat, Ismaiyelg nyem kov, Nebaiot bwrm. 4Hoo Ada Esu gab Elipajnvn bwwjnum; Basemat Reuelnvn bwwjnum; 5hoo Oholibama Jeus, Jalam, hoo Koranvn bwwnum. Soq tulu si Esug ko tuupv mwam Kanaan gvdaho dooyikho ko bwwjnum.
6Ho Esu mwwg nywxw tulungam, mwwg ko tuup tulungam, mwwg nyem ko tulungam, hoo mwwg imiq dvpar nyi mwlwngam, mwwg tuun-meengam, mwwg svb-svv mwlwngam, hoo mwwg gumn-ran Kanaan gvdaho door tiknam mwlwngam naanum. Hoo mwv mwwg bor Jakub hoqgv gvda asaq golo wknum. 7Hoggab bulug gumn-ranv vc loodab koi ko-gab bulv lvkin gob doola kumanum. Bulug gvda dook hv bulug tuun-mee dvk-twwk gab pwwma kunum hoqgab lvkin gob doola kumanum. 8Ho Esu Seir diiswg gvdaho nvmcw dooknum. (Esu si Idom).
9Soq tulu si Seir gvda diiswg Idom nyi tulug ab Esug hotamv. 10Soq tulu si Esug ko tuup tulug eminv: Elipaj Esug nywxw Adag ko tuupv, Reuel Esug nywxw Basematwg ko tuupv. 11Elipajwg ko tuup tulungv: Teman, Omar, Jepo, Gatam, hoo Kenaj. 12(Timna, Elipajwg Esug ko tuupwg, xwwbaq nywxwngv; mwn Elipaj gab Amaleknvn ko bwwjnum.) Soq tulu si Esug nywxw Adag ko tuupv. 13Soq tulu si Reuel ko tuupv: Nahat, Jera, Samma, hoo Mijja. Soq tulu si Esug nywxw Basematwg ko tuupv. 14Soq tulu si Oholibama, Anag nyem ko Jibeonwg nyem ko hosiqg Esug nywxw ko tuupv: Mwn Esu gab Jeus, Jalam, hoo Koranvn bwwjnum.
15Soq tulu si Esug peelo bo ko tuup tulungv. Esug ko tuup vbw cociq Elipaj hoqgv: peelo bo tulungv Teman, Omar, Jepo, Kenaj, 16Kora, Gatam, hoo Amalek; soq tulu si Idom gvdag Elipajwg peelo bov; soq tulu si Ada ko tuupv. 17Soq tulu si Esug ko Reuel ko tuupv: peelo bov Nahat, Jera, Samma, hoo Mijja; soq tulu si Idom gvdag peelo bo Reuel kongv; soq tulu si Esug nywxw Basematwg ko tuupv. 18Soq tulu si Esug nywxw Oholibamag ko tuupv: peelo bo Jeus, Jalam, hoo Kora; soq tulu si Anag nyem ko Esug nywxw Oholibamag peelo gob ko bwwnamv. 19Soq tulu si Esug ko tuup tulungv (hoqhv Idom), hoo soq tulu si bulug peelo bo tulungv.
20Soq tulu si nyiidub gvdaho doonbo Horit Seirwg ko tuupv: Lotan, Sobal, Jibeon, Ana, 21Dison, Ejer, hoo Disan; soq tulu si Horit nyi tulug peelo bov, Idom gvdag Seirwg ko tuupv. 22Lotan ko tuupv Hori la Hemam; hoo Lotanwg bwrmv Timna. 23Soq tulu si Sobalg ko tuupv: Alban, Manahat, Ebal, Sepo, hoo Onam. 24Soq tulu si Jibeonwg ko tuupv: Aiya la Ana; Ana mwv hwdlo mwwg abwg svdam tulungam hoqtu tuukar yikho, deexa-raraho iss oggul xulin boam kaapa bov. 25Soq tulu si Anag ko tulungv: Anag nyem kov Dison la Oholibama. 26Soq tulu si Disonwg ko tuupv: Hemdan, Esban, Itran, hoo Keran. 27Soq tulu si Ejerg ko tuupv: Bilhan, Jaaban, hoo Akan. 28Soq tulu si Disanwg ko tuupv: Uj la Aran. 29Soq tulu si Horitwg peelo tulungv: peelo bo si Lotan, Sobal, Jibeon, Ana, 30Dison, Ejer, hoo Disan; soq tulu si Horitwg peelo tulungv, Seir gvdaho peelo tulungv dvpar-dvparb doonum.
31Israel nyi tulug aoho lvpw at pvvb bwwl doogbo swwlin maata yukho, soq tulu si Idom gvdaho lvpw atwb pvvb bwwl doognum. 32Beyor gv ko tuup Bela Idom mam pvvb bwwl doognum, mwwg bopam hoq eminv Dinhaba. 33Bela siknum, hoo mwwg kwlib Bojrag Jerag ko tuup Jobab pvvb bwwl doognum. 34Jobab siknum, hoo Teman nyi tulug gvdaho Husam mwwg kwlib pvvb bwwl doognum. 35Husam siknum, hoo hiyv Midianam Moab gvdaho mviya gvnbo Bedadwg ko tuup Hadad mwwg kwlib pvvb bwwl doognum, mwwg bopam hoq eminv Abit. 36Hadad siknum, hoo Masrekag Samla mwwg kwlib pvvb bwwl doognum. 37Samla siknum, hoo Rehobotwg Soul mwwg kwlib Iupratas ho pvvb bwwl doognum. 38Soul siknum, hoo Akborwg ko tuup Baal-hanan mwwg kwlib pvvb bwwl doognum. 39Akborwg ko tuup Baal-hanan siknum, hoo Hadar mwwg kwlib pvvb bwwl doognum, mwwg bopam hoq eminv Pau; mwwg nywxw hoqg eminv Mehetabel, Matredg nyem kov, Mejahabg nyem kov.
40Soq tulu si Esug peelo bo eminv, bulug nyob tulu gvla bulug nyook doogw ko, bulug eminv: Peelo bo Timna, Alba, Jetet, 41Oholibama, Ela, Pinon, 42Kenaj, Teman, Mibjar, 43Magdiel, hoo Iram; soq tulu si Idomg peelo tulungv (hoqhv Esu, Idomg abv), bulug dootaq nyookv bulug gvdab nyiknum.
Currently Selected:
BEGGAR 36: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.