Roma 9
9
1Messiya eciyatanhan wowicake epe, itonśni mawanica, minagi kin hee e Woniya Wakan kin kici mahdutanin;
2Nina iyomakiśice c̣a micante ekta ohinniyan iyokiśin waun.
3Mihunkawanji qa tona wicaceḣpi eciyatanhan takuwicawaye cin hena on, Messiya etanhan rnayacopi tawaṭenwaya owakihi tuka.
4Hena Israel wicaśta kin hecapi, qa atayedan cinkśi wicaye cin hena ecpi, qa wowitan, qa wicotakuye, qa woope wicaqupi kin, qa wawokiyapi kin, qa wahoyapi kin hena tawapi.
5Qa hunkake wicayapi kin etanhanpi kin hena eepi, qa hena etanhan wicaceḣpi eciyatanhan Messiya inapa, he owasin iwankam Wakantanka kin ee, owihanke wanin wowaśte yulia nunwe.
6Wakantanka oie kin ecetu śni aye cin he wake śni. Tona Israel etanhanpi kin hena owasin Israel hecapi śni.
7Qa Abraham etanhan icagapi kin heon owasin cincapi kin hecapi śni. Tuka, Isaak etanhanpi kin hena nicinca ewicakiyapi kta ce.
8He kaketu, tona Wakantanka cinca wicaye cin hena wicaceḣpi eciyatanhan cinca wicayawapi qon heon etanhan śni, tuka tona cinca wahoyapi qon hena e wicowazi kin ee iyawapi.
9Wahoyapi wicoie kin he decetu, Omaka dehantu kinhan wau kta, qa Sara cinhintku wan ton kta ce.
10Qa heceyedan śni, tuka Rebeka nakun wanjidan on, Isaak ateunyanpi kin hee on, ihduśake c̣ehan,
11Nahanḣin tonpi śni, taku waśte taku śica ko unmana nahanliin econpi śni, Wakantanka tawacin kin wicakaḣnigapi kin en sutaya un kte cin heon, wicoḣan kin eciyatanhan śni, tuka tuwe wicakico kin he eciyatanhan:
12Hehan heciyapi, Hakakta kin he tokapa kin wowidag ye kta ce.
13Owapi qon he kaketu, Jakob waśte wadaka, tuka Esau śice wadaka ce.
14Hecen token unkeyapi kta he. Wakantanka owotanna śni econ he. Hiya, hecetu śni.
15He Moses heciya; Tuwe onśiwakida kte cin he onśiwakida kta, qa tawe wacin en mduze kte cin he wacin en mduze kta ce.
16Heon etanhan tuwe cin kin eciyatanhan śni, qa tuwe inyankecin he nakun eciyatanhan śni, tuka Wakantanka onśiwicakida kin he eciyatanhan ece.
17Wowapi wakan kin he Pharo heciya; He dee on etanhan icaḣciya, niye en mitowaśake kin wahduotanin kta, qa maka owancaya micaje kin oyakapi kte cin heon.
18Heon etanhan tuwe kaḣnige cinhan, he onśikida ece; qa tuwe kaḣnige cinhan he yuteḣi ece.
19Hecen hemayakiye kta nace; Tokeca e nahanḣin wicaba he; tuwe e iye tawacin kin ecetuśniya he.
20Hiya, wicaśta kin, niś nituwe he, hecen Wakantanka i en hiyeyaya he. Taku kagapi kin he tuwe kage cin, Tokeca hecen mayakaga he, eciye kta he.
21Maka wakśica kage cin heca maka kin okihi śni he, upśija omnaye wanjidan etanhan wakśica wan woyuonihan, qa wanji iś wowiśtece on kage kte śni he.
22Hecen Wakantanka wocanniye kin hdutanin kta cin, qa towaśake kin sdonye unkiyapi kta e on wocanniye wakśica wicotakuni śni kicagapi qon hena wawacinkta yuza tanka on wicakuwa kinhan;
23Qa tona wowaonśida wakśica kin otokaheya tanhan wowitan on wiyeya ehnakapi qon, hena en iye towitan wowijice kin hduotanin kta.
24He wicakico kin hena unkiyepi, Juda oyate etanhanpi kin hecedan śni, tuka nakun Ikcewicaśta etanhanpi.
25Hose en heye ciqon iyececa; Tona mitaoyate śni kin hena mitaoyate ewicawakiye kta, qa waśte dakapi śni qon he waśte dakapi kin ewakiye kta.
26Qa tukten, Mitaoyate kin he niyepi śni ce, ewicakiyapi qon, hen, Wakantanka ni un cinca kin ewicakiyapi kta ce, eya.
27Isaya iś eya Israel oyate kin on hotanin; Israel cincapi kin miniwanca wiyaka sukaza iyecen ota yawapi eśta, tona okaptapi kin henana nipi kta ce, eya.
28Wayawapi yuptecedan kta qa wicoowotanna en hduśtan kta; maka akan Itancan kin wayawapi ptecedan wan kage kta.
29Qa he itokam Isaya heye ciqon; Sabaoth Itancan kin wicowazi wan unkokicicaptapi śni unkanś, Sodom iyecen unyakonpi kta, qa Gomorra en unkiyoptapi kta tuka.
30Hecen token unkeyapi kta he. Ikcewicaśta kin wicoowotanna iyeyapi ce, wacinyanpi kin eciyatanhan wicoowotanna kin hee.
31Tuka Israel wicoowotanna woope odepi qon hena wicoowotanna woope kin iyohipi śni.
32Tokeca he. Wacinyanpi kin eciyatanhan śni, tuka woope wicoḣan kin eciyatanhan odepi kin, heon etanhan. Inyan ibotopi kin de on siha ibotopi.
33Wowapi kagapi qon iyececa; Wanyaka wo, Zion en ihyan ibotopi, qa imnija on ḣicahanpi wan ewahde; qa tuwe he wacinye cinhan inilian kte śni.
Currently Selected:
Roma 9: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.