Kulaje Tar dɔ Makəturu tə̂ le
Tar dɔ Makəturu tə̂ le
Makəturu Kulaje lə njê-kaw-kulaje le to kəsə Tar kə̂ Maji kə̂ Luku dda makəturu tə̂ le. N̂-pa tar gusu kə̂ njê-kaw-kulaje kə̂ Jeju ulade ilaje nɛ̂n mbər tar laa kə lo lo.
Kunn-kutu makəturu Kulaje tə̂ le, Jeju aw darâ rɔ Lubba tə̂ (1:9). A nula Ndil-mə-nda kə̂ in rɔ Lubba tə̂ dɔ njê-kaw-kulaje laa (lo-kanyɛ̂ 2). Ndil-mə-nda le dda arə dilaje mbər tɔkə nɛ̂nje kə̂ Lubba aw dda. Kunn-kutu makəturu Kulaje tə̂ le ndərəng kɔnyɛ̂ tə̂, Ndil-mə-nda aw dda arə dəwje unnje məde arə Jeju kə dɔ marɛ̂ tə̂ dɔ marɛ̂ tə̂.
Njê-njaje go Jeju tə̂ toje to Jiipije. N̂-naynje daw dawje kəy-polo Lubba tə̂ kə̂ Jerujalɛm ngaâ daw paje tar lə Əbbədede Jeju le. A ddəw kâra baa tokə lə Jeju le, mbayje kə̂ dɔ kəy-polo Lubba tə̂ aw aajede kə kəm kə̂ maji ang (lo-kanyɛ̂ 3 ndərəng 8). Jeju-Kristə arə ddəw dəwje tɔyn karə ulaje nuju naan tə̂ kə Lubba le. Mbɔn-naan lə njê-mə-kunnje wase Egilisije unnje kute ta toje. Egilisije le aw uju kə kete kete tokə banya, Jiipije ddəm Jiipije ang ddəm eeje tə̂.
Unn kute lo-kanyɛ̂ 9 tə̂, Jeju-Kristə bbar Pɔl.
Lo-kanyɛ̂ 13 ndərəng 28 pa tar nja nja-kula lə Pɔl le.
Tar kə̂ Maji lə Kristə kə̂ Luku dda le pa tar dɔ ndɔje tə̂ lə Jeju. A Makəturu Kulaje lə njê-kaw-kulaje pa tar dɔ ndɔje tə̂ lə Egilisije kə̂ unn kute. To kar kə̂ njê-mə-kunnje aw ilaje mbər tar lə Jeju kə̂ to Kristə le kə ndɔ tɔyn, loje tə̂ tɔyn.
Currently Selected:
Kulaje Tar dɔ Makəturu tə̂ le: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA