ŋɩru ŋun ŋapɩlo duwəjo 4
4
asa 4
buṯrus na yuwana lɩḏuḏɩnu gi jei ganu jeḏi əcərio yun yɩbuḏo yeḏi liju
1na gwune lijɩre luməḏɩjo liji, nalwila lagin jɩsis jun jɩbuḏo na gwele gweḏi dunu gweḏi elo gwun gwubuḏo na lisadugi, 2naliɽi ganu gi gwune naṯɩluməḏɩjo liji nalalɩmi ḏidiɽo ḏe ḏeḏi liji lun laiyo yecu gwe. 3nalɩməṯo na gi gwune galo giro garage naləḏɩje kɩrkon naljaḏaṯa kəbe na galo uɽe. 4na lutu lun lɩdiŋɩnu ŋuɽuna naləmɩnyi, na ləmɩnyo laro alɩb ṯoḏɩne ca. 5na giləganu na lele lagin na liji lun luɽun na jalgaṯɩm nalaɽuwaḏa ldu urucəlim, 6annanŋale gwun gwiro gwele gweḏi jɩsis na kaiyaba na yuwana na iskandara na wei əriḏo laginŋu yeḏi gwele gweḏi jɩsis. 7gwune ḏuḏɩnu yuwanaŋa buṯrus gwe kɩlɩgi ganu lagin, nalɽoṯəḏɩjo naleicɩno, ŋɩma ŋɩrṯa i jiri jɩrṯa jun jarranyaje dino? 8na buṯrus enyeḏe gwuɽɩwə ganu gwun gwɩpiḏo pɽul nuleicɩno, lele le leḏi liji na liji lun luɽun, 9na ḏa nyalmijiḏeije gwunne ŋuɽun ŋe ŋeḏi ŋɩru ŋun ŋiŋir ŋun ŋɩmanaŋgele gɩbɩjaŋe muma, na galakwe gəko nugelini muma, 10lɩŋiḏɩl muma nyaŋa wei na liji weɩ leḏi isreiyil, gwəmɩnyo kweno gwuḏuḏɩnu ga gi jei ganu lagalo magelini muma, jiri je jeḏi yecu kɩrisṯo gweḏi nasɩra, gwun gwuɽinyɩḏenya gi luɽi lun lɩmalɩḏo ganu na ma elo diɽi gi ḏaiya, i jiri je ceno kuwei 11gɩdol giro keno gun gidonyanya lun luṯo, namɩni ŋu gɩmaro lɽa leḏi gɩḏul. 12ŋonɩn ŋede ŋe ḏɩkədəḏɩnə ga, na jiri jate jede julḏəḏə liji jun jajikədəḏɩni ga kɩḏilio no.
13gwune nalaŋu ḏibɩɽeḏa nanu ḏeḏi buṯrusŋa yuwana gwe, nallɩŋini ganu nalarno late ləlɩminu no, nalobaga ṯuṯ nallɩŋe nalarno lijo yecuŋale. 14na gwune nalaŋu gwəmɩnyəŋe gwun magelini muma gwuḏuḏɩnɩle ga nate nanəṯi ŋuɽuna ganu ŋalɩnuməḏɩjo no. 15nalgele ŋuɽuna lədu ŋɩno kəcərio yun yɩbuḏo yeḏi liju, naluməḏəṯe laginŋu, 16nalarno, ilərrɩjo liji leno galakwe? gwerkwe ganu, ŋuɽun ŋun ŋɩbuḏo ŋidujilo ŋɩmaŋini gi liji wei leḏi urucəlɩm, ilate ilarno ŋiro ga jao no. 17namɩni ŋuɽun ŋeno ŋo ŋilouwɩrico ŋaḏakaḏaṯa kɩɽelo gɩ liji, ouwɩricɩlo iluməḏɩjo ŋuɽuna ŋɩbɩɽe lo lanumə ga jiri je ceno kwiji. 18nalornɩḏe, naluməḏɩjo lo lanumə mɩna lo lanalɩmi jiri je jeḏi yecu. 19na buṯrusŋa yuwana gwe naliwɩrlijo ŋuɽuna naleicɩno, ḏa ŋɩmiŋir gi jei ganu jeḏi elo anajideŋɩnejo nyaŋ; i ajildeŋɩnejene ḏi elo, akɩmilo nyaŋa. 20namɩni anate nəṯi ŋɩma anaḏuḏɩni gi ḏuməḏo ŋuɽuna ŋun ŋaŋəḏanalo na ŋun ŋidiŋɩnanalo no. 21gwune naluməḏɩjo ŋuɽuna ŋɩbɩɽe ŋutəno nalɩkədə ga gi gwune late lɩmanbuje ŋuɽuna ŋun ŋaliŋəkɩmi gwan liji no, gi gwune na liji wei buḏi eloŋu gwan ŋuɽun ŋun ŋɩmila. 22na gɩbɩjo keno gun gɩmagelini muma ŋuɽun ŋe ŋun ŋɩbuḏo gəṯi jɩḏilio jutəno gi ḏuɽi kwoɽo.
buṯrus na yuwana lɩmaɽuwəjo lɩmeḏin
23gwune nalkədə ga nalwele gi liji lagin naluməḏɩjo ŋuɽuna wei ŋun ŋuməḏɩjɩlo jɩsis jun jɩbuḏo na liji lun luɽun. 24gwune naldiŋɩni ŋuɽuna ŋeno naluməḏɩjo eloŋu dugwor de detɩdo, naleico eloŋu no, gwele gwəri, ŋa gwiro elo gwun gelo kanyinŋ na gwɩnyəm na ḏɩrawe na ŋɩdi wei ŋun ŋijo. 25na ŋa gwaṯumə gwuɽɩwə gwe gwun gwɩpiḏo pɽul gi linyu leḏi gaḏam guŋa gan ḏauuḏ gwun gwiro gwurnəri gwəri nuarno,
gwudaro gəko na liji lun liro ga dino ɽe ganu
na liji uməḏɩni nalarno ŋuɽun ŋiro ga jai gi dugwor ganu
dagin?
26lele leḏi gɩḏilio naldiɽi
na əlmaŋa aɽuwaḏa ldu naldiɽio ḏikiḏiḏia
kwele gwun gwiro elo na kɩrisṯo gwuŋun.
27gwerkwe ganu kamɩrɩgen yeno əruḏus na bilaṯus bunṯi, na liji lun liro ga dino na liji leḏi isreiyil nalaɽuwaḏa ldu kal gete ḏikiḏiḏia ḏe ŋaɽe ŋuŋa ŋun ŋɩpiḏo pɽul ŋan yecu ŋun ŋaŋawɩrṯi, nuro kɩrisṯo, 28nalarre gi gwune ŋɩma ŋuŋa na ŋuɽun ŋun ŋɩbunyalo. 29na gwunnɩno gwele, aŋəḏi ŋuɽuna ŋagin ŋun ŋɩbɩɽe ŋun ŋar ŋalarre ŋəḏəḏə lɩwainya luŋa ŋɩma kani alɩŋumə ŋuɽuna ŋuŋa ḏɩbɩɽeḏa ḏe nanu, 30gi ḏɩwalia ḏi ḏuŋa ganu gi ḏɩmiḏia liji, na ŋuɽun ŋun ŋɩbuḏo na ŋɩdi ŋun ŋɩmobeje liji ga ṯuṯ ŋaje ŋagelini jiri je jeḏi ŋaɽe ŋuŋa ŋun ŋɩpiḏo pɽul ŋan yecu. 31gwune uməḏɩjɩlo eloŋu, na galo gun gaɽuwaḏɩne ldu ubəga, na luŋa wei lenyeḏo gwuɽɩwə ganu gwun gwɩpiḏo pɽul naṯɩlumə ŋuɽuna ŋeḏi elo ḏibɩɽeḏa ḏe nanu.
ḏiŋiriḏa ŋɩmaga laginŋu
32na leno gɩrɩpi lun ləmɩnyu ləṯi dugwor detɩdo na lulo letɩdo, gwatɩn gwetɩdo lagɩnŋu gwanarno ŋəṯune ŋiro kajaŋu no, ŋəṯɩlo ŋetɩdo laginŋu. 33na duwəjo nalaŋiḏi ḏidiɽo gi ḏaiya ḏeḏi gwele gwun gwan yecu ŋɩma ŋe ŋutu, na ḏiŋiriḏa ḏutu gworki ḏijo lagin wei. 34na gwatɩn gwetɩdo laginŋu gwibɩɽaṯɩn ŋɩdio no gi gwune luŋa wei lun ləṯi dɩri na lɩdunu naṯɩleḏɩla naṯɩlapaḏa gi ḏuwɩɽa ṯeno, 35nalɩgele ŋwara ganu ŋweḏi duwəjo nalilunijo gwete gwete gwun gwibɩɽaṯo ŋɩdio. 36na duwəjo ḏəḏə yusibŋ jiri jan barnaba, ceno jan ŋaɽe ŋeḏi ḏɩmoɽa ganu. ŋu gwiro gwulawi gweḏi amɩrɩgen yun yan gubruṯi, 37nuəṯi ḏɩri nueḏɩla nuape əlgɩrucə nugele ŋwara ganu ŋweḏi duwəjo.
Currently Selected:
ŋɩru ŋun ŋapɩlo duwəjo 4: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
ŋɩru ŋun ŋapɩlo duwəjo 4
4
asa 4
buṯrus na yuwana lɩḏuḏɩnu gi jei ganu jeḏi əcərio yun yɩbuḏo yeḏi liju
1na gwune lijɩre luməḏɩjo liji, nalwila lagin jɩsis jun jɩbuḏo na gwele gweḏi dunu gweḏi elo gwun gwubuḏo na lisadugi, 2naliɽi ganu gi gwune naṯɩluməḏɩjo liji nalalɩmi ḏidiɽo ḏe ḏeḏi liji lun laiyo yecu gwe. 3nalɩməṯo na gi gwune galo giro garage naləḏɩje kɩrkon naljaḏaṯa kəbe na galo uɽe. 4na lutu lun lɩdiŋɩnu ŋuɽuna naləmɩnyi, na ləmɩnyo laro alɩb ṯoḏɩne ca. 5na giləganu na lele lagin na liji lun luɽun na jalgaṯɩm nalaɽuwaḏa ldu urucəlim, 6annanŋale gwun gwiro gwele gweḏi jɩsis na kaiyaba na yuwana na iskandara na wei əriḏo laginŋu yeḏi gwele gweḏi jɩsis. 7gwune ḏuḏɩnu yuwanaŋa buṯrus gwe kɩlɩgi ganu lagin, nalɽoṯəḏɩjo naleicɩno, ŋɩma ŋɩrṯa i jiri jɩrṯa jun jarranyaje dino? 8na buṯrus enyeḏe gwuɽɩwə ganu gwun gwɩpiḏo pɽul nuleicɩno, lele le leḏi liji na liji lun luɽun, 9na ḏa nyalmijiḏeije gwunne ŋuɽun ŋe ŋeḏi ŋɩru ŋun ŋiŋir ŋun ŋɩmanaŋgele gɩbɩjaŋe muma, na galakwe gəko nugelini muma, 10lɩŋiḏɩl muma nyaŋa wei na liji weɩ leḏi isreiyil, gwəmɩnyo kweno gwuḏuḏɩnu ga gi jei ganu lagalo magelini muma, jiri je jeḏi yecu kɩrisṯo gweḏi nasɩra, gwun gwuɽinyɩḏenya gi luɽi lun lɩmalɩḏo ganu na ma elo diɽi gi ḏaiya, i jiri je ceno kuwei 11gɩdol giro keno gun gidonyanya lun luṯo, namɩni ŋu gɩmaro lɽa leḏi gɩḏul. 12ŋonɩn ŋede ŋe ḏɩkədəḏɩnə ga, na jiri jate jede julḏəḏə liji jun jajikədəḏɩni ga kɩḏilio no.
13gwune nalaŋu ḏibɩɽeḏa nanu ḏeḏi buṯrusŋa yuwana gwe, nallɩŋini ganu nalarno late ləlɩminu no, nalobaga ṯuṯ nallɩŋe nalarno lijo yecuŋale. 14na gwune nalaŋu gwəmɩnyəŋe gwun magelini muma gwuḏuḏɩnɩle ga nate nanəṯi ŋuɽuna ganu ŋalɩnuməḏɩjo no. 15nalgele ŋuɽuna lədu ŋɩno kəcərio yun yɩbuḏo yeḏi liju, naluməḏəṯe laginŋu, 16nalarno, ilərrɩjo liji leno galakwe? gwerkwe ganu, ŋuɽun ŋun ŋɩbuḏo ŋidujilo ŋɩmaŋini gi liji wei leḏi urucəlɩm, ilate ilarno ŋiro ga jao no. 17namɩni ŋuɽun ŋeno ŋo ŋilouwɩrico ŋaḏakaḏaṯa kɩɽelo gɩ liji, ouwɩricɩlo iluməḏɩjo ŋuɽuna ŋɩbɩɽe lo lanumə ga jiri je ceno kwiji. 18nalornɩḏe, naluməḏɩjo lo lanumə mɩna lo lanalɩmi jiri je jeḏi yecu. 19na buṯrusŋa yuwana gwe naliwɩrlijo ŋuɽuna naleicɩno, ḏa ŋɩmiŋir gi jei ganu jeḏi elo anajideŋɩnejo nyaŋ; i ajildeŋɩnejene ḏi elo, akɩmilo nyaŋa. 20namɩni anate nəṯi ŋɩma anaḏuḏɩni gi ḏuməḏo ŋuɽuna ŋun ŋaŋəḏanalo na ŋun ŋidiŋɩnanalo no. 21gwune naluməḏɩjo ŋuɽuna ŋɩbɩɽe ŋutəno nalɩkədə ga gi gwune late lɩmanbuje ŋuɽuna ŋun ŋaliŋəkɩmi gwan liji no, gi gwune na liji wei buḏi eloŋu gwan ŋuɽun ŋun ŋɩmila. 22na gɩbɩjo keno gun gɩmagelini muma ŋuɽun ŋe ŋun ŋɩbuḏo gəṯi jɩḏilio jutəno gi ḏuɽi kwoɽo.
buṯrus na yuwana lɩmaɽuwəjo lɩmeḏin
23gwune nalkədə ga nalwele gi liji lagin naluməḏɩjo ŋuɽuna wei ŋun ŋuməḏɩjɩlo jɩsis jun jɩbuḏo na liji lun luɽun. 24gwune naldiŋɩni ŋuɽuna ŋeno naluməḏɩjo eloŋu dugwor de detɩdo, naleico eloŋu no, gwele gwəri, ŋa gwiro elo gwun gelo kanyinŋ na gwɩnyəm na ḏɩrawe na ŋɩdi wei ŋun ŋijo. 25na ŋa gwaṯumə gwuɽɩwə gwe gwun gwɩpiḏo pɽul gi linyu leḏi gaḏam guŋa gan ḏauuḏ gwun gwiro gwurnəri gwəri nuarno,
gwudaro gəko na liji lun liro ga dino ɽe ganu
na liji uməḏɩni nalarno ŋuɽun ŋiro ga jai gi dugwor ganu
dagin?
26lele leḏi gɩḏilio naldiɽi
na əlmaŋa aɽuwaḏa ldu naldiɽio ḏikiḏiḏia
kwele gwun gwiro elo na kɩrisṯo gwuŋun.
27gwerkwe ganu kamɩrɩgen yeno əruḏus na bilaṯus bunṯi, na liji lun liro ga dino na liji leḏi isreiyil nalaɽuwaḏa ldu kal gete ḏikiḏiḏia ḏe ŋaɽe ŋuŋa ŋun ŋɩpiḏo pɽul ŋan yecu ŋun ŋaŋawɩrṯi, nuro kɩrisṯo, 28nalarre gi gwune ŋɩma ŋuŋa na ŋuɽun ŋun ŋɩbunyalo. 29na gwunnɩno gwele, aŋəḏi ŋuɽuna ŋagin ŋun ŋɩbɩɽe ŋun ŋar ŋalarre ŋəḏəḏə lɩwainya luŋa ŋɩma kani alɩŋumə ŋuɽuna ŋuŋa ḏɩbɩɽeḏa ḏe nanu, 30gi ḏɩwalia ḏi ḏuŋa ganu gi ḏɩmiḏia liji, na ŋuɽun ŋun ŋɩbuḏo na ŋɩdi ŋun ŋɩmobeje liji ga ṯuṯ ŋaje ŋagelini jiri je jeḏi ŋaɽe ŋuŋa ŋun ŋɩpiḏo pɽul ŋan yecu. 31gwune uməḏɩjɩlo eloŋu, na galo gun gaɽuwaḏɩne ldu ubəga, na luŋa wei lenyeḏo gwuɽɩwə ganu gwun gwɩpiḏo pɽul naṯɩlumə ŋuɽuna ŋeḏi elo ḏibɩɽeḏa ḏe nanu.
ḏiŋiriḏa ŋɩmaga laginŋu
32na leno gɩrɩpi lun ləmɩnyu ləṯi dugwor detɩdo na lulo letɩdo, gwatɩn gwetɩdo lagɩnŋu gwanarno ŋəṯune ŋiro kajaŋu no, ŋəṯɩlo ŋetɩdo laginŋu. 33na duwəjo nalaŋiḏi ḏidiɽo gi ḏaiya ḏeḏi gwele gwun gwan yecu ŋɩma ŋe ŋutu, na ḏiŋiriḏa ḏutu gworki ḏijo lagin wei. 34na gwatɩn gwetɩdo laginŋu gwibɩɽaṯɩn ŋɩdio no gi gwune luŋa wei lun ləṯi dɩri na lɩdunu naṯɩleḏɩla naṯɩlapaḏa gi ḏuwɩɽa ṯeno, 35nalɩgele ŋwara ganu ŋweḏi duwəjo nalilunijo gwete gwete gwun gwibɩɽaṯo ŋɩdio. 36na duwəjo ḏəḏə yusibŋ jiri jan barnaba, ceno jan ŋaɽe ŋeḏi ḏɩmoɽa ganu. ŋu gwiro gwulawi gweḏi amɩrɩgen yun yan gubruṯi, 37nuəṯi ḏɩri nueḏɩla nuape əlgɩrucə nugele ŋwara ganu ŋweḏi duwəjo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.