ŋɩru ŋun ŋapɩlo duwəjo 5
5
asa 5
ananiya na sapera
1na gwiji gwete gwan ananiya na gwa gwuŋun gwan sapera ŋiḏɩlilo ŋagin, 2nalwɩrləjiḏi ŋuɽuna ŋagin ŋeḏi ŋɩdi ŋun ŋiḏɩlilo nalɩŋwəɽi nalmɩni apa ŋono nalɩgele ŋwara ganu ŋweḏi duwəjo. 3na buṯrus eicɩno, ananiya, gwudaro gəko na seiṯan enyeḏe gi ḏugwor ganu ḏuŋa naŋirdeijo gwuɽɩwə ganu gwun gwɩpiḏo pɽul nalmɩni dɩmama ŋe ḏɩri? 4gwune əṯəlo ŋuŋa ŋədu na? gi gwune iḏɩlilo əlgɩrucu yate yore ŋele ŋuŋa na? gwudaro gəko na ŋauməḏɩni ŋuɽun ŋeno gi ḏugwor ganu ḏuŋa? ŋa gwate gwirdeijo liji ganu no, namɩni irdeijo eloŋu ganu. 5gwune na ananiya diŋɩni ŋuɽuna ŋeno nuaici ga nuai, nal ŋɩḏe e gworki wei lun lɩdiŋɩnu. 6na jamal diɽi nalmɩɽi nanu giria ge nalgwudu kɩluḏo nalkwuri.
7naljiga mice sa jijo ṯəɽɩl ca, na gwune na gwa gwuŋun əḏio gwijɩre gwate malɩŋe ŋuɽuna ŋun ŋɩmila no. 8na buṯrus uməḏɩjo nueicɩno, uməḏɩji nyaliḏɩli ḏɩri əlgɩrucə dino a? nueico, i, dino. 9na buṯrus eicɩno, gwudaro gəko nanyalwɩrləjiḏi ŋetɩdo nanyɩḏeije gwuɽɩwə gweḏi gwele gwun gwiro elo? eʼe, ŋwara ŋweḏi liji lun lɩkwuru gwəmɩnyəŋe gwuŋa lo kouwɩr laŋapa kɩluḏo. 10na cou nyidi ŋwara ganu ŋwuŋun nuai. na jamal əḏio nalbuje mai; nalape nalgwudu kɩluḏo, nalkwuri gil gi lɩmere leḏi gwəmɩnyo gwuŋun. 11na ŋɩḏe e liji gworki leḏi kɩniso na wei lun lɩdiŋɩnu ŋuɽuna ŋeno.
ḏuwəjo dapo ŋuɽuna ŋun ŋɩbuḏo naliŋiri liji nanu
12na ḏuwəjo duji ŋuɽuna ŋun ŋɩbuḏo na ŋɩdi ŋun ŋɩmobeje liji ga ṯuṯ di de dagin kɩlɩgi ganu geḏi liji. nalaɽuwaḏa ldu lulo le letɩdo karda ganu geḏi suliman. 13na gwatɩn gwetɩdo gi liji lono gwəṯi dibɩɽeḏa nanu gwanəḏi lagin no naṯɩl liji buḏi; 14na liji lutu lun ləmɩnyu, ləmɩnyo na la dino, nalbaḏaṯe kwele gwun gwiro elo. 15na dino nalurro lun leḏeḏo nanu nalɩgele gi daṯ elo jaɽagar je na jəlbɩrɩḏ je, na ḏa buṯrus mila mar gwadare na kworo ani gɩdidɩŋil gwuŋun ideḏelo. 16na liji lutu naltuḏo gi jɩmɩrɩgen jun juɽeico urucəlim ga, nalurro lun leḏeḏo nanu na lun ləṯi diŋeroma, na wei nalmiḏe.
buṯrus na yuwana lɩḏuḏɩnu gi jei ganu jeḏi əcərio mɩna
17namɩni gwele gweḏi jɩsis diɽi na wei lun lijille liro lisadugi nalɽijo ganu. 18nalməṯo duwəjo naləḏɩje kɩrkon gi liji ganu. 19na gilio na gwiji gweḏi kanyin gweḏi gwele gwun gwiro elo nuliḏijo jɩburə jeḏi kɩrkon nuldio nuleicɩno, 20wiḏɩl kwu dunu gweḏi elo gwun gwubuḏo nyaḏuḏɩni nyuməḏɩjo liji ŋuɽuna wei ŋe ḏɩmiḏa ṯeno. 21gwune naldiŋɩni ŋuɽuna ŋeno naləḏi kwu dunu gweḏi elo gwun gwubuḏo mimmi gilio nalalɩmiḏe.
namɩni gwele gweḏi jɩsis nalwila lijille nalorniḏa liji leḏi əcərio yun yɩbuḏo yeḏi liju nalwila ldu, na liji wei lun luɽun leḏi əcərio yeḏi lisreiyil, nalwəje kɩrkon laligwuloḏa. 22na gwune na jalbuliḏ ṯɩmi nate nalɩbuje kɩrkon no, nalaɽuwa naluməḏɩjo naleicɩno, 23anamabuja kɩrkona gilaŋiṯinu muma gwerkwe, na jalbuliḏ jun jaṯɩdɩme jijɩre gi jur elo, na gwune naniḏi anate nɩmanbuje gwiji gɩdəno no. 24gwune na gwele gweḏi jalbuliḏ jeḏi dunu gweḏi elo, na jɩsis jun jɩbuḏo naldiŋɩni ŋuɽuna ŋeno, naluməḏɩni nalobaga ṯuṯ, nalarno ŋuɽun ŋeno ŋɩrṯa ŋiro. 25na gwete wila nuluməḏɩjo nuleicɩno. liji lun ləḏijanyalo kɩrkon lɩḏuḏɩnu kwu dunu gweḏi elo gwun gwubuḏo lo lalɩmi liji.
26na gwele gweḏi jalbuliḏ nalwele jalbuliḏ je naligwuloḏa, naliwila mɩno late lugwuluḏɩlo ŋɩma ŋe no, na jalbuliḏ ḏonye liji nalarno lalauce nyɩdol nye. 27na gwune naligwuloḏa nalɩgele kəcərio yun yɩbuḏo yeḏi liju nal gwele gweḏi jɩsis ɽoṯəḏɩjo nuleicɩno, 28anate numəḏɩjaje ŋuɽuna ŋɩbɩɽe najileicɩno, aṯanyalɩmiḏa jiri je ceno na? na eʼe, nyalmenyeḏe urucəlim ḏalɩmia ḏe ḏalo, na nyalar lagele ŋuwəno ŋeḏi gwiji kweno lagəri. 29na buṯrus na duwəjo naliwɩrlijo ŋuɽuna naleicɩno, gwiŋirano anəṯəjene eloŋu nəni gi liji. 30elo gweḏi lɩgwurninyo lage gwidiɽi yecuŋ gwun gwuɽinyɩḏenya na nyabuje kwaɽelo. 31na elo diɽi ḏi ḏe ḏuŋun ḏun ḏiro ḏiŋir nuduji gwele na gwiji gwe ḏɩkədəḏə ga, nuḏəḏə liji leḏi isreiyil ḏuwɩrla ga ŋuɽun ŋun ŋɩki na ḏəbɩrio ŋuɽuna ŋagin ŋun ŋɩki. 32andro lun laŋiḏi ŋuɽuna ŋeno, na dino gwuɽɩwə gwun gwɩpiḏo pɽul gwun gwiḏəḏi elo liji lun ləṯeijo nəni. 33namɩni gwune naldiŋɩni nalɩḏuge gi dugwor ganu dagin, nalurleḏiḏi ŋuɽuna lar lalɩɽinye. 34na gwete diɽelo kəcərio yun yɩbuḏo yeḏi liju gwun gwan gamalaʼil gwiro gwubarɩsi gwun gwaṯalɩmi liji ŋuɽuna ŋun ŋigelijɩlo elo musaŋ, na liji wei nəji. nuuməḏɩjo liji aldi duwəjo alɩjaga mɩce. 35nuleicɩno, ləmɩnyo le leḏi isreiyil, jil muma ŋar ŋanyalarre ŋi ləmɩnyo leno. 36gwerre ŋwamon ŋweno ṯuḏis diɽi nuarno gwiro gwiji gwubuḏo na ləmɩnyo lun liro jɩnei kwoɽo ca naliwele. na ŋu malɽinye, na wei lun ləṯeijo nəni nalwɩreḏelo ga dino. 37gɩdo ganu na gwiji gwun gwan yauḏa gweḏi jalil diɽo ŋwamon ŋwe ḏulio jiri, nugwuloḏa liji lutu gɩdo lugwun. ŋu dino nuai na liji wei lun ləṯeijo nəni nalwɩreḏelo ga dino. 38na gwunnɩno nyi gweiceijɩno, nyalḏɩmuma nanu no, ouwɩricɩlo alɩje kaja gagin. na ḏa ŋuɽun ŋeno i ŋɩru ŋeno ŋɩmaro ŋeḏi liji, ŋaje ŋete. 39na ḏa ŋɩmaro ŋeḏi elo, nya late ləṯi ŋɩma ŋanyalḏami no, gwəti wɽi nyalapiḏe eloŋale. 40nalidi nanu ŋuɽun ŋeḏi gamalaʼil, na gwune nalorniḏe duwəjo nalipi naluməḏɩjo nalarno late lumə jiri je jeḏi yecu no, nalɩkədə ga.
41naldu kəcərio yun yɩbuḏo yeḏi liju naldile ganu gi gwune liḏuɽəḏɩnu lɩdeleḏo lape ḏare gwan jiri juŋun. 42na bubruṯ kwu dunu gweḏi elo gwun gwubuḏo na gi lɩdunu wei late laṯɩlouwɩrico lanalɩmi lanumə yecu gwiro kɩrisṯo no.
Currently Selected:
ŋɩru ŋun ŋapɩlo duwəjo 5: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
ŋɩru ŋun ŋapɩlo duwəjo 5
5
asa 5
ananiya na sapera
1na gwiji gwete gwan ananiya na gwa gwuŋun gwan sapera ŋiḏɩlilo ŋagin, 2nalwɩrləjiḏi ŋuɽuna ŋagin ŋeḏi ŋɩdi ŋun ŋiḏɩlilo nalɩŋwəɽi nalmɩni apa ŋono nalɩgele ŋwara ganu ŋweḏi duwəjo. 3na buṯrus eicɩno, ananiya, gwudaro gəko na seiṯan enyeḏe gi ḏugwor ganu ḏuŋa naŋirdeijo gwuɽɩwə ganu gwun gwɩpiḏo pɽul nalmɩni dɩmama ŋe ḏɩri? 4gwune əṯəlo ŋuŋa ŋədu na? gi gwune iḏɩlilo əlgɩrucu yate yore ŋele ŋuŋa na? gwudaro gəko na ŋauməḏɩni ŋuɽun ŋeno gi ḏugwor ganu ḏuŋa? ŋa gwate gwirdeijo liji ganu no, namɩni irdeijo eloŋu ganu. 5gwune na ananiya diŋɩni ŋuɽuna ŋeno nuaici ga nuai, nal ŋɩḏe e gworki wei lun lɩdiŋɩnu. 6na jamal diɽi nalmɩɽi nanu giria ge nalgwudu kɩluḏo nalkwuri.
7naljiga mice sa jijo ṯəɽɩl ca, na gwune na gwa gwuŋun əḏio gwijɩre gwate malɩŋe ŋuɽuna ŋun ŋɩmila no. 8na buṯrus uməḏɩjo nueicɩno, uməḏɩji nyaliḏɩli ḏɩri əlgɩrucə dino a? nueico, i, dino. 9na buṯrus eicɩno, gwudaro gəko nanyalwɩrləjiḏi ŋetɩdo nanyɩḏeije gwuɽɩwə gweḏi gwele gwun gwiro elo? eʼe, ŋwara ŋweḏi liji lun lɩkwuru gwəmɩnyəŋe gwuŋa lo kouwɩr laŋapa kɩluḏo. 10na cou nyidi ŋwara ganu ŋwuŋun nuai. na jamal əḏio nalbuje mai; nalape nalgwudu kɩluḏo, nalkwuri gil gi lɩmere leḏi gwəmɩnyo gwuŋun. 11na ŋɩḏe e liji gworki leḏi kɩniso na wei lun lɩdiŋɩnu ŋuɽuna ŋeno.
ḏuwəjo dapo ŋuɽuna ŋun ŋɩbuḏo naliŋiri liji nanu
12na ḏuwəjo duji ŋuɽuna ŋun ŋɩbuḏo na ŋɩdi ŋun ŋɩmobeje liji ga ṯuṯ di de dagin kɩlɩgi ganu geḏi liji. nalaɽuwaḏa ldu lulo le letɩdo karda ganu geḏi suliman. 13na gwatɩn gwetɩdo gi liji lono gwəṯi dibɩɽeḏa nanu gwanəḏi lagin no naṯɩl liji buḏi; 14na liji lutu lun ləmɩnyu, ləmɩnyo na la dino, nalbaḏaṯe kwele gwun gwiro elo. 15na dino nalurro lun leḏeḏo nanu nalɩgele gi daṯ elo jaɽagar je na jəlbɩrɩḏ je, na ḏa buṯrus mila mar gwadare na kworo ani gɩdidɩŋil gwuŋun ideḏelo. 16na liji lutu naltuḏo gi jɩmɩrɩgen jun juɽeico urucəlim ga, nalurro lun leḏeḏo nanu na lun ləṯi diŋeroma, na wei nalmiḏe.
buṯrus na yuwana lɩḏuḏɩnu gi jei ganu jeḏi əcərio mɩna
17namɩni gwele gweḏi jɩsis diɽi na wei lun lijille liro lisadugi nalɽijo ganu. 18nalməṯo duwəjo naləḏɩje kɩrkon gi liji ganu. 19na gilio na gwiji gweḏi kanyin gweḏi gwele gwun gwiro elo nuliḏijo jɩburə jeḏi kɩrkon nuldio nuleicɩno, 20wiḏɩl kwu dunu gweḏi elo gwun gwubuḏo nyaḏuḏɩni nyuməḏɩjo liji ŋuɽuna wei ŋe ḏɩmiḏa ṯeno. 21gwune naldiŋɩni ŋuɽuna ŋeno naləḏi kwu dunu gweḏi elo gwun gwubuḏo mimmi gilio nalalɩmiḏe.
namɩni gwele gweḏi jɩsis nalwila lijille nalorniḏa liji leḏi əcərio yun yɩbuḏo yeḏi liju nalwila ldu, na liji wei lun luɽun leḏi əcərio yeḏi lisreiyil, nalwəje kɩrkon laligwuloḏa. 22na gwune na jalbuliḏ ṯɩmi nate nalɩbuje kɩrkon no, nalaɽuwa naluməḏɩjo naleicɩno, 23anamabuja kɩrkona gilaŋiṯinu muma gwerkwe, na jalbuliḏ jun jaṯɩdɩme jijɩre gi jur elo, na gwune naniḏi anate nɩmanbuje gwiji gɩdəno no. 24gwune na gwele gweḏi jalbuliḏ jeḏi dunu gweḏi elo, na jɩsis jun jɩbuḏo naldiŋɩni ŋuɽuna ŋeno, naluməḏɩni nalobaga ṯuṯ, nalarno ŋuɽun ŋeno ŋɩrṯa ŋiro. 25na gwete wila nuluməḏɩjo nuleicɩno. liji lun ləḏijanyalo kɩrkon lɩḏuḏɩnu kwu dunu gweḏi elo gwun gwubuḏo lo lalɩmi liji.
26na gwele gweḏi jalbuliḏ nalwele jalbuliḏ je naligwuloḏa, naliwila mɩno late lugwuluḏɩlo ŋɩma ŋe no, na jalbuliḏ ḏonye liji nalarno lalauce nyɩdol nye. 27na gwune naligwuloḏa nalɩgele kəcərio yun yɩbuḏo yeḏi liju nal gwele gweḏi jɩsis ɽoṯəḏɩjo nuleicɩno, 28anate numəḏɩjaje ŋuɽuna ŋɩbɩɽe najileicɩno, aṯanyalɩmiḏa jiri je ceno na? na eʼe, nyalmenyeḏe urucəlim ḏalɩmia ḏe ḏalo, na nyalar lagele ŋuwəno ŋeḏi gwiji kweno lagəri. 29na buṯrus na duwəjo naliwɩrlijo ŋuɽuna naleicɩno, gwiŋirano anəṯəjene eloŋu nəni gi liji. 30elo gweḏi lɩgwurninyo lage gwidiɽi yecuŋ gwun gwuɽinyɩḏenya na nyabuje kwaɽelo. 31na elo diɽi ḏi ḏe ḏuŋun ḏun ḏiro ḏiŋir nuduji gwele na gwiji gwe ḏɩkədəḏə ga, nuḏəḏə liji leḏi isreiyil ḏuwɩrla ga ŋuɽun ŋun ŋɩki na ḏəbɩrio ŋuɽuna ŋagin ŋun ŋɩki. 32andro lun laŋiḏi ŋuɽuna ŋeno, na dino gwuɽɩwə gwun gwɩpiḏo pɽul gwun gwiḏəḏi elo liji lun ləṯeijo nəni. 33namɩni gwune naldiŋɩni nalɩḏuge gi dugwor ganu dagin, nalurleḏiḏi ŋuɽuna lar lalɩɽinye. 34na gwete diɽelo kəcərio yun yɩbuḏo yeḏi liju gwun gwan gamalaʼil gwiro gwubarɩsi gwun gwaṯalɩmi liji ŋuɽuna ŋun ŋigelijɩlo elo musaŋ, na liji wei nəji. nuuməḏɩjo liji aldi duwəjo alɩjaga mɩce. 35nuleicɩno, ləmɩnyo le leḏi isreiyil, jil muma ŋar ŋanyalarre ŋi ləmɩnyo leno. 36gwerre ŋwamon ŋweno ṯuḏis diɽi nuarno gwiro gwiji gwubuḏo na ləmɩnyo lun liro jɩnei kwoɽo ca naliwele. na ŋu malɽinye, na wei lun ləṯeijo nəni nalwɩreḏelo ga dino. 37gɩdo ganu na gwiji gwun gwan yauḏa gweḏi jalil diɽo ŋwamon ŋwe ḏulio jiri, nugwuloḏa liji lutu gɩdo lugwun. ŋu dino nuai na liji wei lun ləṯeijo nəni nalwɩreḏelo ga dino. 38na gwunnɩno nyi gweiceijɩno, nyalḏɩmuma nanu no, ouwɩricɩlo alɩje kaja gagin. na ḏa ŋuɽun ŋeno i ŋɩru ŋeno ŋɩmaro ŋeḏi liji, ŋaje ŋete. 39na ḏa ŋɩmaro ŋeḏi elo, nya late ləṯi ŋɩma ŋanyalḏami no, gwəti wɽi nyalapiḏe eloŋale. 40nalidi nanu ŋuɽun ŋeḏi gamalaʼil, na gwune nalorniḏe duwəjo nalipi naluməḏɩjo nalarno late lumə jiri je jeḏi yecu no, nalɩkədə ga.
41naldu kəcərio yun yɩbuḏo yeḏi liju naldile ganu gi gwune liḏuɽəḏɩnu lɩdeleḏo lape ḏare gwan jiri juŋun. 42na bubruṯ kwu dunu gweḏi elo gwun gwubuḏo na gi lɩdunu wei late laṯɩlouwɩrico lanalɩmi lanumə yecu gwiro kɩrisṯo no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.