Aphutna 1
1
Maniapūr Ansinna Rui
1 #
Neh 9:6; Zōb 38:4; Isa 37:16; Zer 10:12; 27:5; Zn 1:1-2; Efe 3:9; Kol 1:16; Heb 3:4; Anl 4:11 Anphuta Pathianin anvān ngāi lē phil a sin a. 2#Zōb 7:12; 33:4; Chn 30:4; Zer 4:23Phil ha ramīl abui lē ārong a ni. Tī ānthūk chunga āzīng a om a. Pathian Rathā#1:2 Pathian Rathā: Ole, “thīnthī ārāt.” chu ti chunga a lēng a.
Ni Khatna
3 #
2Ko 4:6; Heb 11:3; 1Zn 1:5-7 Pathianin, “Raāng om rase,” a tī na, hantin han raāng chu a hong āom a. 4#Ant 10:21-23; Zōb 26:10; Sām 18:28; Isa 42:16; Zer 31:35Pathianin raāng chu asāna a mū na. Hatuka Pathianin āzīng ātā raāng chu a sensāi a. 5#Sām 65:8; 74:16Pathianin raāng chu sūn a phuo na, āzīng chu zān a phuo na. Hankēng khului lē zīng ha, ni khatna a ni.
Ni Annina
6 #
Sām 24:2; Isa 40:22; 2Pe 3:5 Pathianin, “Ti lāia vānbōruok om rase, vānbōruokin tī chu tī nātā sensāi rase,” a tī na. 7#Chn 8:28Hantin han Pathianin vānbōruok chu a sin a, vānbōruok thuoia tī om lē vānbōruok chunga tī om chu a sensāi a. Havan tin han a hong āom a. 8#Zōb 9:8; Sām 19:1; Isa 40:22Pathianin vānbōruok chu anvān a phuo na. Hankēng khului lē zīng ha, nī annina a ni.
Ni Anthumna
9 #
Zōb 38:8-11; 2Pe 3:5 Pathianin, “Anvān thuoia ti ngāi chu munkhata anchun rase, tāng ahul chu anlang rase,” a tī na, hatuka havan tin han a hong āni na. 10#Zōb 38:8; Sām 33:7; 90:2Pathianin tāng ahul chu Phil a phuo na, munkhata tī ānchun chu tipui a phuo na. Pathianin hava ha asāna a mū na.
11 #
1Ko 15:38
Pathianin, “Philin chiak ngāi, rū dōn chimuru kung ngāi, a chī ei nī anga rū dōna theimarā ānsuok theikung ngāi, a chī phil chunga āom chu manmōng rase,” a tī na. Havan tin han a hong āni na. 12Philin chiak ngāi, chimuru ei nī a anga rū dōn chimuru ngāi, a chī ei nī a anga rū dōna theimarā ānsuok theikung ngāi chu a manmōng a. Pathianin hava ha asāna a mū na. 13Hankēng khului lē zīng ha, nī anthumna a ni.
Ni Manlina
14 #
Sām 104:19; Heb 6:7 Pathianin, “Zān ātā sūn ei sensāina ranga anvān vānbōruoka raāng ngāi om rase, hava ngāi ha andangna lē hunbi ngāi, nikhuo lē kum ngāi riattheina rang ni rase, a tī na. 15Phil chunga raāng āpēk ranga anvān vānbōruoka raāng ngāi om rase,” a tī na. Hatuka havan tin han a hong āni na. 16#Dān 4:19; 17:3; Chp 12:2; Isa 40:26; Izk 8:16; Am 5:8; Zak 1:17Hatuka Pathianin raāng alian anni a sin a: raāng alian uolpū chu sūn chunga ruiril ranga lē raāng asīn uolpū chu zān chunga ruiril ranga a sin a. Ārsi ngāi um a sin a. 17Pathianin hava ngāi ha phil chunga raāng āpēk ranga anvān vānbōruoka a siak a. 18#Zer 31:35; 33:20, 25Sūn lē zān chunga ruiril ranga, āzīng ātā raāng ansensāi ranga anvān vānbōruoka, a siak a. Pathianin hava ha asāna a mū na. 19Hankēng khului lē zīng ha, ni manlina a ni.
Ni Rangana
20Pathianin, “ti ngāi hin nukanei tin atam sabaka bit rase, va ngāi chu phil chunga anvān vānbōruoka zuong rase,” a tī na. 21#Zōb 3:8; Sām 74:13; 104:25-26; Isa 27:1; Izk 32:2Hankēng Pathianin tipuia nukanei alianpā ngāi lē tīna nukanei sīngansa thei tin atam sabaka, a chī u ang chipa lē manthā dōn va tin a chī ang chipa a sin a. Hava ha Pathianin asāna a mū na. 22#Lev 26:9; Izk 36:11Pathianin amāni ngāi chu bōr a pēk a, “Marā tampā dōna pung u ro, tipuia ti ngāi chu manbit u ro. Phil chunga va ngāi chu pung rase,” a tī na. 23Hankēng khului lē zīng ha, ni rangana a ni.
Ni Arukna
24Pathianin, “Philin nukanei tin a chi ngāi ang chipa: ranvāi, nukanei ālōn thei lē phila ramsa tin, a chī ei ni ang chipa, hong rasuo rase,” a tī na. Havan tin anga a hong āni na. 25#Zer 27:5Pathianin phila a chī ang chipa ramsa ngāi, a chī ang chipa ranvāi ngāi, a chī ang chipa phila ālōn nukanei dōra a sin a. Hava ha Pathianin asāna a mū na.
Pathian ei Ānphuopui Miring Ansin
26 #
Sām 8:5; 100:3; Isa 45:18; Kui 17:28-29; 1Ko 11:7; 2Ko 4:4; Kol 1:15 Hatuka Pathianin, “Koini ramīla koini anā phuozeka miring sin u rei, amāni chu tipuia nga ngāi chunga, chunga āzuong va ngāi chunga, ranvāi ngāi chunga, phil pumpui chunga, phila ālōn nukanei ngāi dōra chunga ningneina dōn u rase,” a tī na.
27 #
Sām 103:14; Mt 19:4; Mk 10:6 Hantin han Pathianin ama ramīl anga miring a sin a.
Pathian ramīla ama chu a sin a.
Amāni chu pasala lē nupanga a sin a.
28 #
Zos 24:3; Sām 8:6-8; 113:9; 115:16; Kui 17:26 Pathianin amāni chu bōr a pēk a, Pathianin amāni kōma, “Marā tampā dōna pung u ro, phil chunga bit u tānla, hava ha na racham thuoia rē u ro. Tipuia nga ngāi chunga, chunga zuong va ngāi chunga, phil chunga nukanei alōn dōra chunga ningneina dōn u ro,” a tī na.
29 #
Dān 12:15; Sām 104:14; 1Ti 4:3 Pathianin, “En ro, phil pumpui chunga rū dōn chimuru kung tin, a rū nei theimarā thingkung tin chu, ka na pēk u. Hivā hi nangni rang nēksāk chang in ti, a tī na. 30#Zōb 38:41Phila ālēng ran tin, chunga āzuong va tin lē damna ādōn phila ālōn nukanei tin ngāi rang um, a nēksāk u rang sūlbuoring tin ka pēk u na,” a tī na. Hatuka havan tin han a hong āni na. 31#Sām 104:24, 28; 119:68; Zer 10:12; 1Ti 4:4Hatuka Pathianin ama ei sin ngāi dōra chu ataktaka asa sabaka a mū na. Hankēng khului lē zīng ha, nī arukna a ni.
Currently Selected:
Aphutna 1: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.