Aphutna 3
3
Miring Thēmna lē ei Chulna
1 #
Zōb 1:7; 2Ko 11:3; Anl 12:9 Zehova Pathianin ramsā ei sin ngāi lim bila, marūl hi huonghian khīt a ni. Nupang kōma marūlin, “Pathianin, ‘Rahuona thing tin marā sāk kiar u nō ro,’ ei na ti tatak mo?” a tī na.
2Nupangin marūl kōma, “Koinī'n rahuona thing marā tin hi na sāk kiar thei. 3Tenchu rahuon malāia thing marā chu Pathianin, ‘Hiva hi sāk u nō ta ni, tōn um u nō ta ni, hanōkten thi u na ti,’ a ti,” a tī na.
4 #
Zn 8:44; 2Ko 11:3 Hatuka marūlin nupang kōma, “Thi thak u nō ta ni. 5#Sām 7:8; Isa 14:14Asik chu hava na sāk u nikhuona han, na mit u vār in tia, Pathian anga ni u na tia, sia le sā riat u na ti, tī chu Pathianin ei riat kēng,” a tī na.
6 #
2Ko 11:3; 1Ti 2:14; Zak 1:14-15; 1Zn 2:16 Hankēng nupangin hava thing marā chu sāk ranga āsā, mit alāk lē hianna ranga ningōl a om tī a mū le chu, a marā chu a kham a, a sāk a. A bila om a tangsā um a pēk a, amā'n a sāk a. 7Hatuka aninīn u mit chu a hong āvār a, sāikorong ei ni anriat u na. Theichang buo chu āchī u na, a ning una anthuom u na.
8 #
Lev 26:12; Dān 23:14; Zōb 13:16; Zer 16:17 Zehova Pathian chu khului adāia rahuona, a kal chōi rasā a riat u na. Adam lē a thāinū chu rahuona thingkung ngāi bila Zehova Pathian makung ātā anthup u na.
Āsia Sika Pathian Khomāk Sam
9 #
1Rē 19:9, 13 Zehova Pathianin Adam chu a pāi a, “Hovan mo nei om?” a tī na. 10#Dān 5:25; 1Sa 12:18Hankēng amā'n, “Rahuona na rasā ka riat a, sāikorong kei nī sika ka rathā a tā na, kei ānthup a ni zei,” tīna a masang a. 11Pathianin, “Tū mo sāikorong nā nī tī a nā ril? Thing marā sāk nō ro tīna chong kei na pēk ātā na lei sāk mo?” a tī na. 12Hatuka pasalin, “Nangin ka bila om rang nupang nei na pēkin, hava thing marā chu a na pēk a, kei sāk a ni zei,” a tī na. 13#Rōm 7:11; 2Ko 11:3; 1Ti 2:14Zehova Pathianin nupang kōma, “Hong mo nei thō a ni zei?” a tī na. Nupangin, “Marūlin a na huong a, kei sāk a ni zei,” a tī na.
14 #
Dān 28:15-20; Sām 72:9; Mik 7:17 Hankēng Zehova Pathianin marūl kōma,
“Nangin hivan tin hin nei thō sika,
Ranvāi dōra lē phila ramsa ngāi dōra nēka,
Khomāk tung khīt in na ti.
Na vonnāl le lōn na ti,
Na damsūnga philvut sāk in na ti.
15 #
Rui 13:5; Isa 7:14; Mt 1:23; Lk 1:31; Rōm 16:20; Gal 4:4; Heb 2:14; Anl 12:17 Nang lē nupang kongkāra,
Nang na chī lē ama chī kongkāra rālduina sin ka ting.
Amā'n na lū la khui in ti,
Nangin ama kemadil la khui in na ti,”
a tī na.
16 #
Sām 48:5-6; Isa 13:8; Zer 4:31; Mik 4:9; 1Ko 11:3; Efe 5:22; 1Ti 2:15 Amā'n nupang kōma,
“Na lunghāng lē na nāihā nā chu mansōn sabak ka ting.
Ana chunga nāi nei na ti.
Na ningōlna chu na tangsa tiang ei ni rang,
Amā'n na chunga ruiril in ti,”
a tī na.
17 #
Zōb 5:7; Chp 1:13; Zer 3:1; Rōm 8:20 Hatuka amā'n Adam kōma,
“Na thāinū chong nei rangāi sika,
‘Hava nātā nei sāk nōk rang,’
Tīna chong kei na pēka thing marā nei sāk sika,
Phil chu nang na sika khomāk a tung zei.
Na damsūnga apōng chunga,
Hava nātā nēksāk in na ti.
18 #
Zōb 31:40; Isa 5:6; Heb 6:8 Hava han nang na ranga raling lē rabuor hong mōng in ti.
Nangin phila sūlring ngāi sāk in na ti.
19 #
Zōb 7:21; 1Ko 15:47; 2Th 3:10; Heb 9:27 Nang chu phila nā kīr rēt māseng chu,
Na māi rathan azāna nēksāk in na ti.
Nang chu hava nātā ānlāk nei nī sika,
Philvut kēng nā ni,
Philvut dēna kīr in na ti,”
a tī na.
20 #
2Ko 11:3; 1Ti 2:13 Adam-in a thāinū chu mī dam dōra nū ei ni sika Evi#3:20 Evi: “Damna” tīna. a phuo na. 21Zehova Pathianin Adam lē a thāinū rang mevun kultāi anchuol a sin a, amāni chu a mantiang a.
22 Zehova Pathianin, “Entā, miring chu sia le sa riatna a dōn a, koini ngāi bila angkhat anga kēng a ni zei. Atun chu a kut le damna thing marā ābān lam vinga, asāka, kumkhuona a dam chian lam ngāi,” a tī na. 23Hasikhan Zehova Pathianin ama ei suokna phil dēna sin āthō ranga, Eden rahuon ātā a masuok a. 24#1Sa 4:4; 2Sa 6:2; 2Rē 19:15; 2Kh 5:8; Zōb 40:19; Isa 37:16; Izk 10:1Hankēng Zehova'n miring chu a not a. Eden rahuon suolama kerub#3:24 Kerub: Vānpalāi chi khat. ngāi lē damna thingkung lampui ārung ranga moi achuong khendāi anlīm titir chu a siak a.
Currently Selected:
Aphutna 3: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.