Aswamisio 18
18
1Kokau kaŋun konyou ko Asene kodol Korinto. 2#Rom 16:3. Kodum Eyudayat ekekiror Akuila, euriat koPonto, kerai ŋesi abunore ŋipeŋin koItalia nepepe kakeberu Pirisikila, naarai abu Kulaudio kicorakinite Iyudayan kere anyoun koRome. Kodol Paul mama ejaas; 3#Asw 20:34; 1 Kor 4:12. naarai kerai akeceswam adiopet, kosal mamakec, kiswamata nepepe, naarai keraas ikasubak iweman. 4Kopetanak akiro katukos ŋinisabato, kotam aimaumaun Iyudayan ka Iyonanin.
5 #
Asw 17:14,15. Konye nakijesunotor Sila ka Timoteo koMakedonia, kitiŋaik akirot Paul, kitejenanak lyudayan ebe Yesu ŋes Kristo. 6#Asw 13:46,51; 20:26. Nakitepegiata ka ainyanakin Edeke, kilakilak inapeneke, kotema kes atiar, “Kojaas aokotokus akwesikus; alai eoŋ; amear kwana alosi mama ejaas Imo.” 7Konyou kanen, koloma togo loka etuŋanan ekekiror Tito Yusito, loemai Edeke, lokeapias eketogo katukos. 8#1 Kor 1:14. Abu Kirisipo ekayaiton loka atukos kiyuu Ejakait, nepepe ka lukokaleke kere; nakiirariata Ikorinton luipu Paul kiyuut, kibatisai. 9#1 Kor 2:3. Kolimok Ejakait Paul kaitapoet kuare ebe, “Sirikikurianar, konye kiner, sirikililiŋ; 10#Yos 1:5,9; Isa 41:10; 43:5; Yer 1:8; Kos 2:23; Yok 10:16. naarai ajai eoŋ nenipe kajo, kwabo emamei ituŋanan yenikisurokini aitican; naarai ejaas eoŋ ituŋa luipu ore lo.” 11Kosalak nen apak naka ekaru ediopet ka ilapio ikanykape, isisianakini kes akirot naka Edeke.
12Konye nakeraar Galio ekayaiton loko Akaia, konyoikis Iyudayan Paul ketau ediopet, koyaata airabis. 13Kobalas ebe, “Ijodijodi ekesa lo ituŋa aima Edeke asurokin ikisila.” 14#Asw 25:18-20. Konye nakekotor Paul aooŋ akeituk, kotema Galio Iyudayan atiar, “Wu yes Iyudayan, arai erai akirot naka aswam aronis arai naka adiakaret naerono, tikebusakinit atitiŋikin kayes; 15#Yok 18:31. konye arai erai akirot naka aiŋiseta nuka akiro ka ikiroria ka ikisilakus, nukus bo ŋun; mam eoŋ akoto araut ekatubon kaŋun.” 16Kireŋea kes kairabis. 17#1 Kor 1:1. Kikamutu kere Sosetene, ekayaiton loka atukos, koleata kairabis. Konye mam Galio apodo ŋun.
18 #
Mar 6:9,18; Asw 21:24. Kokau kaŋun kosalak Paul apaarasia nuipu, kosodi kotwar iinacan, kikwaŋar alosit Suria, kouparos ka Pirisikila ka Akuila. Kobaren akekou koKenekerea, naarai kiyapot. 19Kodoloto Epeso, kinye kes kaŋina; konye koloma ŋesi elopet atukos, kopeta ka Iyudayan akiro. 20Nakilipiata ŋes asalakin apak naepol, koŋer; 21#Rom 1:10; 1 Kor 4:19; Yak 4:15. konye kotwaras kakes kobala ebe, “Aboŋuni bobo mama ijaas arai itoiokit Edeke.” Kikwaŋa anyoun ko Epeso.
22 #
Asw 21:15. Nakedokunia Kaisarea, kodoka kiyoga ekanisa, kijesar Antiokia. 23Kosalak nen adiopak, kosodi konyou, kitor anatar akwapin nuka Galatia, ka Pirugia, itogogoŋi ikesisiak kere.
24 #
1 Kor 3:6. Kobu Eyudayat Epeso, ekekiror Apolo, euriat loka Alegesanderia, etuŋanan loisisianakinitai; kerai lokapedor kotoma nukiwadikatai. 25#Asw 19:3; Rom 12:11; Apu 3:15. Aponi kituutooritete korot loka Ejakait; kodunyakinite komoyo, kinera kisisianakini kacoit akiro nuka Yesu, konye kojeni aibatis naka Yokana bon. 26Kogeu einer katitiŋ katukos; konye nakiirariata Pirisikila ka Akuila, koyaŋaasi ŋes, kiyatakis aitejenun kacoit erot loka Edeke. 27#2 Kor 3:1; Kol 4:10. Nakekotor aikwaŋar alosit Akaia, kisicerededata iinacan, kiwadikakis ikesisiak aisukunyikin ŋes, Nakedolio, kiŋarak noi ŋul lukiyuunito kanuka asianut, 28#Asw 9:22; 17:3. naarai kiteleka Iyudayan kagogoŋ, kaitebeikin, itodikini kakiro nukiwadikatai ebe Yesu ŋes Kristo.
Currently Selected:
Aswamisio 18: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.