LUKA 1
1
Nzangu zi mboti zi kasonika Luka
1Teyofidi wu lukumu lwingi, Batu bingi bameki kusonika mambu ma masalami ha kati di betu. 2Basoniki mambu batu babakele bamoni mambu ha masalamiki batukembe betu kikuma ki bawu. Batu bana bakele hakana tangu masalamiki mambu mumbala yintete, pe bandika hakana bayandiki kuta pandi yi mambu mene. 3Menene ndingiki bubunkete mambu makulu ma mahioki yandika luyandiku. Kiakina yi mongi kiyeke na yifeti sonika pe masonga pila mahiokidi mambu samu Teyofidi. 4Nzodi wuyaba na mambu ma ba kukembeke batu samu di Yesu mene makiedika.
KUBUTUKA PE KILEKE KI YEZU
Wanzio wusa samu na kubutuka ku Zaa m'botiki
5Muntangu Erode kakele Mfumu mu mbanza yi Yudeya, kukala yi nganga Nzambi mosi muzina di Zakadiya ka zingiki hakana. Kakele mundonga yi banganga Nzambi yi batediki kibuka ki Abia. Yandi yi n'ketwandi bakala ba bola mukikanda ki nganga Nzambi wuntete wu Isalayele, Aroni. 6Zakadiya yi Luzebeti ba bola bakala yi masonga kuntwala Nzambi. Disongidila, ba lendeke minsiku mi mfumu basadiku mbi. 7Mana Luzebeti kakeloko yi pila yi kubuta mwana, kiakina ba keloko yi bana. Pe yandi yi Zakadiya bakele banunu. 8Kilumbu kimosi Zakadiya kasadiki kisalu kiandi ki kingana Nzambi kuntwala Nzambi, samu dikele tangu kibuka kiandi kisolami ku n'sadila Nzambi mukati di tempelo. 9Kukala kikalulu ki kingana nzambi mu kubula zeki samu di kumonga pangu nafwene mu kukota mu tempelo di mfumu mu kuyoka masi ma bum'fwa. Kikele kisalu ki banganga Nzambi pe zina basodi di Zakadiya. 10Bwoso kikalulu, kibuka kibatu kiakulu kikosani samu di kuyilama mu kusambila Nzambi hanzila mu kiyanzala ki tempelo. 11Mana Zakadiya ha kakele mukati di tempelo, wanzio wu katumi mfumu n'lubuki di Zakadiya kukoko diki tata di mese ma masi mabufwa. 12Zakadiya haka mwene wanzio, ka diyangisi bwingi pe boma bukwete. 13Mana wanzio n'kembe yandi: Zakadiya, wiku boma samu kusambila Nzambi ngeyi widi kwo. Ngeyi yi n'ketu ngeyi Luzebeti lubuta mwana mosi wu yakala pe lubanda n'tela Zaa m'botiki. 14Kakuheka kiesi kingi pe batu bingi bakala yi kiesi mutangu di kabutuka. 15Mfumu ka m'onga mutu bunkete mu kimakulu. Ka nwoko vinu nalo malafu makaka mangolo ata kilumbu kimosi, pe ngolo zi peve santu zikala ku yandi kete kabutuka. 16Ku bunsuki, Kakabusa batu ba Isalayele bingi ba kabukila mfumu Nzambi bawu. 17Kakala mutu wu wukala yi peve pe yi ngolo zi n'longi Eliya. Yandi kakwisa kutwala mfumu, kuyidika mbundu zi batu samu dikwisa ku yandi. Kakabusa ngwakana ku batata yi bana ma bawu, pe kabalula mabanza ma ba bakondaka kuzitisa mayele ma Nzambi. 18Zakadiya n'hiudi wanzio, “bwe yi yabila mamana mahoyi na masalama mukiedika? Yene n'unu, pe n'ketu mene kene n'unu mu kubuta bana.” 19Wanzio n'kabudidi mvutu yandi, “zina dimene Ngabidie pe ntelemi kuntwala Nzambi. Nzambi kantumi yisa kukamba nsangu zi mboti zi samu di mwana ngeyi wu yakala. 20Butwene wamboti! Mambu mayi kukembe nge masalama kiedika mutangu di kasodi Nzambi. Mana bwoso wukonda tambusa mambu mamene, Nzambi kakasa n'wa ngeyi. Kukoko dihika mukuhoya yi kuna kilumbu mwana ngeyi wu yakala kabutuka.” 21Batu ba hanzila ba hingidiki Zakadiya. Kalubuka hanzila ba dihiudiki nki kikuma kazingidiki mukati ka tempelo. 22Muntangu Zakadiya kalubuki hanzila mu kiyanzala ki tempelo, kakukiku mukuhoya yi bawu. Bwabuna bayebe na mweneke kimangu ki Nzambi mu tempelo samu kabahosiki mu bidimbu kukoko, mana kasele ngutu. 23Ha biwene bilumbu biandi biki salu, ka kabukiku nzwandi. 24Kunima bilumbu, n'ketu Zakadiya luzebeti kumi ku kifundu, pe kazakadiki n'zo kiana yi ba kweno kitesu ki ngondi tanu. 25Kahoyi, “mu mbundwandi mfumu sadi ngolo mukusia mene yi buta mwana. Nsongidi mene nkeni zi yandi pe nkatudi mene nsoni mu mesu ma batu kikuma ki kukonda bana.”
Wanzio hoyi kubutuka ku Yesu
26Mu ngondi sambanu di kifundu ki Luzebeti, wanzio Ngabidie Nzambi ka n'tumi ku mavulu ma batelaka Nazareti mu mbanza galileya. 27Kenda ku ngunza mosi wu n'ketu zina diandi dikele Madiya. Bibuti biandi ban'kembe ngeyi kwela mwana yakala muzina di yozefu, wuwene mukikanda ki ntotila Davidi. 28Wanzio kisa kwe yandi pe n'kembe, mboti ngeyi, Madiya. Mfumu kene yi ngeyi. Kusakumuni ngeyi kuhioka ba nketo ba kulu! 29Nsangu zi wanzio zi n'yangisi Madiya pe ka dihiudi, nki kikuma kapedidi mene mboti yi bwabu? 30Bwabuna wanzio n'kembe, “kadiku yi boma, Madiya, samu Nzambi kusongidi mamboti.” 31Wa diambu di. Monga kifundu Buta mwana yakala n'heka zina Yesu. 32Kakala mutu mbuta pe batu ban'tela mwana yakala wu tata wandu wuwene handandu biakulu. Mfumu Nzambi pungu ka n'nkitula yandi mfumu hantandu batu bandi, bwoso bukele nkakandi Davidi. 33Kakala yi kimfumu mukikanda ki Yakobi mvula yi mvula, yandi kayambuloko mu kunatisa. 34Bwabuna Madiya n'hiudi wanzio, “bwe masalama, samu mene ngieboko kuzinga yi yakala? ” 35Wanzio n'kabudidi mvutu, “peve santu yi kulumuka kungeyi pe ngolo zi mfumu zulu zi kufinika. Nkiakina santu mwana wubutuka ba banda n'tela mwana Nzambi pungu.” 36Wa diambu di: ata mvulazandi zi pusani, kiwutu kiaku Luzebeti pe kene ku kifundu ki mwana yakala. Kifundu kikumiki ki ngondi sambanu ata batu ba hoyi na kabutoko. 37Nzambi fwene kusala kima kiakulu. 38Bwabuna Madiya n'kabudidi mvutu, yene yi mfumu boso n'sadi. Yambula mambu makulu mahoyiki ku mene malungana ku mene. Bwabuna wanzio ka n'sisi yandi.
Madiya wetala luzebeti
39Kunima di bilumbu binkeke, Madiya kayilami pe nwanini kwenda ku mbanza yi yudeya mu mavulu makati-kati di miongo. 40Tangu kakumi munzo Zakadiya pe n'hele Luzebeti mboti. 41Buna kawidi Luzebeti mboti yi Madiya, mwana ningani mu kifundu ki Luzebeti yi kiesi, pe Luzebeti bese yi peve santu. 42Kayamuki yi kiesi kwe Madiya pe hoyi, “Madiya, Nzambi songidi luzolo lwingi kwe ngeyi kuhioka banketu ba kulu. Pe Nzambi n'sakumuni mwana wu buta.” 43Ngeyi wene ngudi mfumu mene wusatala mene! Mfwenoko mu lukumu lumbuta lwalu. 44Yeke kukamba Samu, buna ngwidi mboti ngeyi, mwana ningani yi kiesi mu kifundu kimene. 45Mfumu ka kusakumuni ngeyi samu wutambusi na mfumu kalungisa maka kukembe kasala mudiambu dingeyi. 46Bwabuna Madiya hoyi, “mu mamboti mamene makulu, yi n'kumisi Nzambi.” 47Lutu lumene lwakulu lwene yi kiesi ku Nzambi, ngulusi mene. 48Samu kasadi mudiambu dimene munkeni bwoso n'sadiandi wu bulemvu. Yandika buntwene pe malanda, batu bahoya na Nzambi wu nsakumuna mene. 49Samu Nzambi n'kwa ngolo zakulu kasadi mambu mangituka samu dimene, zina diandi diene di santu. 50Nzambi kasongila nkeni zi yandi mvula yi mvula samu diba ban'fukimina yandi Pe ba ban'sadilaka. 51Kasadi mambu mambuta mungolo zandi. Ka kulumunaka batu ba lulendo pe ba bayindulaka na bene batu bambuta. 52Ka katudi mungolo bamfumu mubizika bibawu bilukumu, mana katombudi batu ba badi kulumunaka. 53Nzambi kadisi batu ba nzala bima bibunkete, mana ba kudi ba mvwama pe kabaheloko kima. 54Kasadisi batu ba Isalayele bansadi bandi, bayindudi kusongila nkeni zi bawu. 55Mamboti ma Abalami pe yi kanda diandi diakulu samu di mvula yi mvula. Munzila yayina, kasisi ngwesi zi kahene kuba nkakazetu. 56Madiya kazakadiku nzo Luzebeti ngatu ngondi tatu. Pe ka kabukiku nzwandi ku Nazaleti.
Kubutuka ku Zaa m'botiki
57Tangu diwene samu Luzebeti kabuta mwandi, kabuti mwana wu yakala. 58Tangu ba kazakadiki bawu kizika kimosi yi yandi yi biwutu biandi ha bawidi na Nzambi n'wididi nkeni zingi sadi mambu mamboti ku yandi, pe bakele yi kiesi ki yandi samu di kubutuka ku mwana yandi. 59Tangu mwana kalungisi bilumbu nana, banduku yi bukanda ba kosani samu di kusangula ba kulu kikuma ki ku n'yotusa mwana Zakadiya. Kayindudiki na zina diandi di kala Zakadiya samu dia dikele zina di tatandi. 60Mana ngudiandi mongi ndinga pe hoyi, “lo, ba banda n'tela Zaa m'botiki.” 61Ban'kembe yandi, mweko yi mutu mukikanda kienu wene yi zina dina. 62Bwabuna basadi kidimbu ku tata mwana mukusia ba hiula nki zina ba banda n'tedila mwana. 63Zakadiya lombi mwa dibaya kasonika hantandu diawu, pe soniki mambu ma: zina diandi Zaa m'botiki “ba kulu ba bakosani hakana bamwene ngituka mambu ma kasoniki.” 64Muna ntangu diadina, Zakadiya bandiki kuhoya yi batu lulaki lu ningani bandiki kukumisa Nzambi. 65Batu ba kulu babakele bazakadi bele-bele yi bawu bayituki bwingi pe bakele yi boma. Mutu wakulu muhata di miongo mi yudeya bayandi kuhoyila makulu ma masalami. 66Mutu yandi kulu wuna wu widi kikuma kimambu mana kayandiki kuyindula mo mu kuyituka bwingi. Ba hoyi, “makiedika mwana wu ha kavula bwe kakala? Kakuma mutu mosi wu m'funu wingi. Ba hoyi bwabu samu kikele kimwasa mutu na mfumu kakele yi yandi. 67Pe Zakadiya kabese yi peve santu pe yandiki kulonga mupila yina ka n'kembe Nzambi. Kahoya, ” 68Lukumu lwene lu mfumu, Nzambi-mpungu wu betu batu ba Isalayele wu tunsikisaka. Samu kakwisa mu makiedika pe kahulusa batu bandi. 69Ntu hele ngulusi wu ngolo samu di betu kikanda ki Davidi, n'sadiandi 70Mamene kiedika mambu Nzambi makahoyi na kasala, kuhioka bambikudi bandi ba basantu babakele muntangu nkulu. 71Kahitiki Ngulusi samu di betu samu katuhulusa betu ku bambeni ba betu pe ku batu ba kulu ba batumenga betu. 72Kasadi bwabuna samu di kusongila luzolo luyandiku bankaka ba betu pe mu kuyindula ngwakana ku yandi kusantu ku kasadi yi bawu. 73Bwabuna kakani bwingi ngwakana yi nkaka betu Abalami. 74Kadidi ndefi pe kumanima kisa mukusia ntu huluka betu ku moko ma bambeni ba betu, samu di ku n'sadila Nzambi mukukonda kubanga. 75“Kangala kuntwala yandi mu busantu pe yi masonga mu minsiku miakulu mi luzingi lu betu.” 76Mana mwana ngeyi, bantela mbikudi Nzambi pungu wuhioki zulu samu ka kwenda kuntwala mfumu samu di kuyidika zi nzila zi yandi. 77Samu di kuhana mazaya ma ngulusi ku batu bayandi munzila yi kulolula masumu ma bawu. 78Mukikuma kingolo zi mbuta zi Nzambi betu wene kuzulu, tangu di lubuki di ntusongila betu nkeni kwe Nzambi. 79Samu di kusongila na batu ba bazakadi mupiba pe Kasadisa ba beke zinga mukati di piba pe yi kininga ki lufwa, pe samu kutunatisa mu ngemba.' 80Mwana vudi pe kumi ngolo mu peve. Kakala vulaka mu n'seke tii kilumbu kintete ki bamwene yandi ku batu ba Isalayele.
Currently Selected:
LUKA 1: PPP
Highlight
Share
Copy
Want to have your highlights saved across all your devices? Sign up or sign in
Pelende Bible by Beyond Translation is licensed under Creative Commons Attribution-ShareAlike 4.0 License.