San Lucas 9
9
Caꞌnéé Jesús man chuvi̱j nij síí tucuꞌyón snana̱ soꞌ caꞌa̱nj caꞌmi̱i̱ natáj nij soꞌ a
1Dan me se canacúún Jesús man chuvi̱j nij síí tucuꞌyón snana̱ soꞌ, ne̱ cunuu chre̱ꞌ nij soꞌ, ne̱ rqué soꞌ se nucua̱j man nij soꞌ, ga̱a ne̱ caꞌve̱e quiꞌya̱j canaán nij soꞌ rihaan me maꞌa̱n nana̱ chre̱e do̱ꞌ, caꞌve̱e caꞌne̱e̱ nij soꞌ chiꞌii̱ xráá síí ranꞌ do̱ꞌ a. 2Ga̱a ne̱ caꞌnéé soꞌ man nij soꞌ caꞌa̱nj caꞌmi̱i̱ natáj nij soꞌ cheꞌé da̱j vaa uun chij Yaꞌanj, ne caꞌne̱e̱ nij soꞌ chiꞌii̱ xráá nij síí ranꞌ do̱ꞌ a. 3Ne̱ cataj soꞌ rihaan nij soꞌ a:
―A̱ ꞌó rasu̱u̱n se̱ nica̱j soj caꞌa̱nj soj maꞌ. Chruun garroté do̱ꞌ, nanj do̱ꞌ, se chá do̱ꞌ, saꞌanj do̱ꞌ, se̱ nica̱j soj maꞌ. O̱rúnꞌ nique̱e̱ yatzéj nu̱u̱ soj caꞌa̱nj ga̱ soj á. 4Ne̱ me maꞌa̱n veꞌ cuchi̱ꞌ soj ne̱ caꞌvej ꞌo̱ soꞌ cara̱nꞌ soj roꞌ, ne̱ veé veꞌ yoꞌ ꞌo̱ cara̱nꞌ soj nda̱a se cu̱riha̱nj soj chumanꞌ yoꞌ á. 5Ne̱ me maꞌa̱n ꞌo̱ chumanꞌ se̱ caꞌvej rá nij síí chiha̱nj cuno̱ nij soꞌ snana̱ soj roꞌ, ta̱náj soj chumanꞌ yoꞌ, ne̱ cavi̱i̱ soj tuꞌva chumanꞌ yoꞌ, ne̱ nacuna̱nꞌ soj tacóó soj cayu̱u yoꞌóó tachru̱u̱ ma̱n chumanꞌ yoꞌ tacóó soj á. Nda̱a dan, ga̱a ne̱ xca̱j nij síí chiha̱nj yoꞌ cuentá se vaa tumé nij soꞌ cacunꞌ se vaa ne caꞌve̱j rá nij soꞌ cuno̱ nij soꞌ snana̱ soj maan ado̱nj ―taj Jesús rihaan chuvi̱j nij soꞌ a.
6Ga̱a ne̱ caꞌanj nij soꞌ nij chumanꞌ, ne̱ caꞌmii natáj nij soꞌ snana̱ Yaꞌanj nana̱ sa̱ꞌ, ne̱ me rej maꞌa̱n va̱j nij soꞌ caꞌnéj nij soꞌ chiꞌii̱ xráá nij síí ranꞌ a.
Xcaj síí nica̱j suun cuꞌna̱j Herodes cuentá cheꞌé Jesús a
7Dan me se cuno síí nica̱j suun cuꞌna̱j Herodes nu̱ꞌ se vaa quiꞌyaj Jesús, ga̱a ne̱ guun rá Herodes queneꞌe̱n soꞌ me síí me Jesús a. ꞌO̱ se taꞌa̱j yuvii̱ cataj se vaa cunuu iꞌna̱ꞌ uún Juan Síí Cutaꞌ Ne man yuvii̱, 8ne̱ ꞌó taꞌa̱j yuvii̱ cataj se vaa curuviꞌ uún síí cuꞌna̱j Elías síí cayáán ga̱a naá, ne̱ ꞌó taꞌa̱j yuvii̱ cataj se vaa cunuu iꞌna̱ꞌ uún ꞌo̱ síí nataꞌ snana̱ Yaꞌanj ga̱a naá a. 9Tza̱j ne̱ maꞌa̱n Herodes cataj a:
―A̱j caviꞌ Juan, ne̱ xꞌneꞌ chihá Juan, quiꞌyáj a. Tza̱j ne̱ ne neꞌenj me yuvii̱ me síí nihánj, ne̱ tuꞌva nii da̱nj cheꞌé soꞌ rihanj maꞌ ―taj Herodes a.
Ga̱a ne̱ guun uxrá rá Herodes queneꞌe̱n soꞌ man Jesús a.
Rqué Jesús se chá ꞌu̱nꞌ míj (5,000) snóꞌo a
10Dan me se namán chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ, ne̱ nataꞌ nij soꞌ rihaan Jesús cheꞌé nu̱ꞌ nij suun sa̱ꞌ noco̱o quiꞌyaj nij soꞌ rej caꞌanj nij soꞌ a. Ga̱a ne̱ nica̱j Jesús man ta̱ranꞌ nij soꞌ, caꞌanj nij soꞌ nda̱a tuꞌva chumanꞌ cuꞌna̱j Betsaida rej yaníj a. 11Tza̱j ne̱ queneꞌen ꞌo̱ xꞌneꞌ noco̱o yuvii̱ rej caꞌanj Jesús, ga̱a ne̱ canocoꞌ nij soꞌ man Jesús, caꞌanj nij soꞌ a. Ga̱a ne̱ veꞌé caꞌmii Jesús ga̱ xꞌneꞌ noco̱o yuvii̱ canocoꞌ man soꞌ, ne̱ caꞌmii natáj soꞌ cheꞌé da̱j vaa uun chij Yaꞌanj, ne̱ nahuun nij síí ranꞌ, quiꞌyaj soꞌ a.
12Dan me se nichrunꞌ cata̱ꞌ güii, ne̱ dan me se nichrunꞌ chuvi̱j nij síí tucuꞌyón snana̱ Jesús rihaan soꞌ, ne̱ cataj nij soꞌ a:
―Qui̱ꞌyáá so̱ꞌ se ndoꞌo, ne̱ naꞌne̱j so̱ꞌ chrej man nij yuvii̱, caꞌa̱nj nij soꞌ rej chumanꞌ noco̱o do̱ꞌ, chumanꞌ raꞌa̱ do̱ꞌ, ga̱a ne̱ ma̱n veꞌ cara̱nꞌ nij soꞌ do̱ꞌ, ma̱n se chá quiri̱ꞌ nij soꞌ cha̱ nij soꞌ do̱ꞌ a. Tza̱j ne̱ rej ma̱n níꞌ nihánj me se rcoꞌ tacaan me nihánj, ne̱ taj rej cara̱nꞌ nij soꞌ do̱ꞌ, taj se chá cha̱ nij soꞌ do̱ꞌ, nihánj maꞌ ―taj nij soꞌ rihaan Jesús a.
13Tza̱j ne̱ cataj Jesús rihaan nij soꞌ a:
―Rque̱ maꞌa̱n soj se chá cha̱ nij yuvii̱ á ―taj Jesús rihaan nij soꞌ a.
Ga̱a ne̱ cataj nij soꞌ a:
―Tza̱j ne̱ taj se chá rihaan núj maꞌ. Ma̱an se o̱rúnꞌ ꞌu̱nꞌ rachrúún ne̱ vi̱j gue̱e̱ xcuaj vaa rihaan núj na̱nj á. Xraj ne̱ caꞌve̱e caꞌa̱nj núj, ne̱ quira̱a̱n núj se chá cha̱ cunuda̱nj nij yuvii̱ ri̱i̱ uxrá nihánj na̱nj á ―taj nij soꞌ rihaan Jesús a.
14Dan me se ꞌu̱nꞌ míj snóꞌo mán rej yoꞌ ta̱ꞌ asuun ado̱nj. Tza̱j ne̱ cataj Jesús rihaan nij síí tucuꞌyón snana̱ soꞌ a:
―Ca̱yáán nij yuvii̱ rihaan yoꞌóó, quiꞌya̱j soj, ne̱ dan me se cunu̱u chre̱ꞌ ꞌo̱ vi̱j chiha̱a̱ chi̱ꞌ (50) vi̱j chiha̱a̱ chi̱ꞌ yuvii̱ ca̱yáán ꞌo̱ ꞌo̱ rej, quiꞌya̱j soj á ―taj Jesús rihaan nij soꞌ a.
15Ne̱ veé da̱nj quiꞌyaj nij soꞌ, ne̱ caꞌanj ca̱yáán cunuda̱nj nij yuvii̱ a. 16Dan me se taꞌaa Jesús ꞌu̱nꞌ nij rachrúún ga̱ ro̱j xcuaj yoꞌ, ga̱a ne̱ niꞌya̱j soꞌ rej xta̱ꞌ, ne̱ cataj soꞌ guun niꞌya̱j níꞌ rihaan Yaꞌanj cheꞌé se chá yoꞌ a. Ga̱a ne̱ cuxraꞌ taꞌa̱j soꞌ rachrúún do̱ꞌ, nee̱ xcuaj do̱ꞌ, ne̱ caxríj soꞌ ston nij síí tucuꞌyón snana̱ soꞌ, cheꞌé rej caxri̱i̱ nij soꞌ ston nij yuvii̱ a. 17Ga̱a ne̱ chá ta̱ranꞌ nij yuvii̱, ne̱ caraa rque nij soꞌ ne̱ nda̱a quináj ndoꞌo se chá a. Ga̱a ne̱ naquiꞌyaj chre̱ꞌ nij soꞌ nu̱ꞌ se quináj tuꞌva yuvii̱, ne̱ caraa nij soꞌ ꞌó cunu̱ꞌ chuvi̱j scaa a.
Cataj xnaꞌanj Pedró me síí me Jesús a
18Dan me se ꞌo̱ güii caꞌanj Jesús ꞌo̱ rej yaníj cachíín niꞌya̱j soꞌ rihaan Yaꞌanj, ne̱ nij síí tucuꞌyón snana̱ soꞌ roꞌ, ma̱n rej yoꞌ ga̱ soꞌ, ne̱ xnáꞌanj soꞌ man nij soꞌ, cataj soꞌ a:
―Me si̱j mé ꞌu̱nj, taj nij yuvii̱ ga̱ ―taj Jesús, xnáꞌanj soꞌ man nij soꞌ a.
19―Vaa síí taj se vaa síí cuꞌna̱j Juan Síí Cutaꞌ Ne man yuvii̱ mé so̱ꞌ ado̱nj. Ne̱ vaa síí taj uún se vaa síí cuꞌna̱j Elías síí nataꞌ snana̱ Yaꞌanj ga̱a naá mé so̱ꞌ chugua̱nj. Ne̱ vaa síí taj uún se vaa ꞌó síí nataꞌ snana̱ Yaꞌanj ga̱a naá mé so̱ꞌ xa̱ꞌ. Da̱nj taj ꞌo̱ ꞌo̱ taꞌa̱j nij yuvii̱ na̱nj á ―taj nij soꞌ a.
20Ga̱a ne̱ cataj Jesús rihaan nij soꞌ a:
―Ne̱ maꞌa̱n soj, ga̱a ne̱ me si̱j mé ꞌu̱nj, rá soj ga̱ ―taj Jesús, xnáꞌanj soꞌ man nij síí tucuꞌyón snana̱ soꞌ a.
Ga̱a ne̱ cataj Pedró a:
―Si̱j Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ chugua̱nj ―taj soꞌ rihaan Jesús a.
21Ga̱a ne̱ caꞌneꞌ Jesús suun rihaan nij soꞌ a:
―Se̱ cataj nij soj nana̱ vaa da̱nj rihaan a̱ ꞌó nij yuvii̱ maꞌ ―taj Jesús rihaan nij soꞌ a.
Cataj xnaꞌanj Jesús se vaa cavi̱ꞌ soꞌ ne̱ cunu̱u iꞌna̱ꞌ uún soꞌ a
22Ga̱a ne̱ cataj uún Jesús rihaan nij síí tucuꞌyón snana̱ soꞌ a:
―Xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ no̱ xcúún ꞌu̱nj quira̱nꞌ ndoꞌo ꞌu̱nj sayuun quiꞌya̱j nij síí uun chij do̱ꞌ, quiꞌya̱j nij xrej ata̱ suun noco̱o do̱ꞌ, quiꞌya̱j nij síí naquiꞌyaj cu̱u stucua̱nj Moisés do̱ꞌ, ne̱ nachri̱ꞌ ndoꞌo nij soꞌ ni̱ꞌyaj nij soꞌ mán ꞌu̱nj, ne̱ ticavi̱ꞌ nii mán ꞌu̱nj, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj ado̱nj ―taj Jesús rihaan nij soꞌ a.
23Ga̱a ne̱ cataj soꞌ rihaan cunuda̱nj nij yuvii̱ a:
―Sese me rá ꞌo̱ soꞌ canoco̱ꞌ soꞌ manj, ne̱ se̱ guun rá soꞌ quiꞌya̱j soꞌ se vaa me rá maꞌa̱n soꞌ quiꞌya̱j soꞌ maꞌ. Ne̱ caꞌve̱e se quira̱nꞌ uxrá soꞌ sayuun do̱ꞌ, caꞌve̱e se nda̱a cachro̱n nii man soꞌ rihaan rcutze̱ do̱ꞌ, tza̱j ne̱ da̱j a̱ güii me se ꞌo̱ canoco̱ꞌ xraan soꞌ manj ado̱nj. 24Tza̱j ne̱ sese vaa ꞌo̱ síí me rá ti̱nanii man maꞌa̱n rihaan sayuun, ne̱ vaa güii ꞌo̱ cavi̱ꞌ nimán soꞌ ado̱nj. Tza̱j ne̱ sese cavi̱ꞌ ꞌo̱ soꞌ cheꞌé se me soꞌ síí noco̱ꞌ manj, ne̱ vaa güii cunu̱u iꞌna̱ꞌ uún soꞌ ado̱nj. 25Ne̱ a̱ me se quiri̱ꞌ ꞌo̱ soꞌ sese quiꞌya̱j canaán soꞌ nu̱ꞌ rasu̱u̱n ma̱n rihaan chumii̱ nihánj, ne̱ caꞌa̱nj niꞌya̱ nimán maꞌa̱n soꞌ, rá soj ga̱. 26Dan me se xa̱ꞌ síí uun naꞌa̱j niꞌya̱j manj ne̱ uun naꞌa̱j niꞌya̱j snana̱j, tza̱j ne̱ vaa güii gu̱un naꞌa̱j ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ni̱ꞌyaj ꞌu̱nj man soꞌ asa̱ꞌ caꞌnaꞌ uún ꞌu̱nj rihaan chumii̱ nihánj ado̱nj. Ne̱ güii yoꞌ me se niꞌndaj ya̱ sa̱ꞌ veꞌé gu̱un chij ꞌu̱nj caꞌna̱ꞌ ꞌu̱nj, ne̱ niꞌndaj ya̱ sa̱ꞌ veꞌé gu̱un chij Réé ꞌu̱nj Yaꞌanj do̱ꞌ, nij se‑mo̱zó Yaꞌanj nij síí gue̱e̱ do̱ꞌ ado̱nj. 27Nihánj me se cata̱j yá ꞌu̱nj rihaan soj se vaa xa̱ꞌ taꞌa̱j soj si̱j nicu̱nꞌ nihánj cuano̱ me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ guun cheꞌe̱ Yaꞌanj uun chij Yaꞌanj rihaan chumii̱ nihánj na̱nj ado̱nj ―taj Jesús rihaan cunuda̱nj nij soꞌ a.
Chuguu̱n ndoꞌo man Jesús niꞌya̱j nij síí tucuꞌyón snana̱ soꞌ a
28Quisíj caꞌmii Jesús nana̱ vaa da̱nj, ga̱a ne̱ cachén ꞌo̱ tu̱nj güii ta̱ꞌ asuun, ga̱a ne̱ nica̱j Jesús man Pedró do̱ꞌ, Juan do̱ꞌ, Jacobo do̱ꞌ, ne̱ cavii soꞌ raa̱ ꞌo̱ quij xca̱a̱n, caꞌanj cachi̱nj niꞌya̱j soꞌ rihaan Yaꞌanj a. 29Ga̱a cachíín niꞌya̱j soꞌ rihaan Yaꞌanj, ne̱ ꞌo̱ cunuu ino̱ rihaan soꞌ, ne̱ cunuu catzi̱i̱ saga̱nꞌ soꞌ, ne̱ nda̱a raa̱n la maꞌa̱n saga̱nꞌ soꞌ a. 30Ga̱a ne̱ ta̱j niꞌyo̱n naquiꞌyaa vi̱j snóꞌo rihaan nij soꞌ, ne̱ nanó ro̱j soꞌ cuentó ga̱ Jesús, ne̱ Moisés do̱ꞌ, Elías síí nataꞌ snana̱ Yaꞌanj ga̱a naá do̱ꞌ, me ro̱j soꞌ a. 31Dan me se nda̱a chuguu̱n la maꞌa̱n curuviꞌ ro̱j soꞌ, ne̱ caꞌmii ro̱j soꞌ ga̱ Jesús cheꞌé se vaa quira̱nꞌ Jesús chumanꞌ Jerusalén, ne̱ cheꞌé se vaa cavi̱i̱ soꞌ rihaan chumii̱ nihánj nanꞌ soꞌ, nda̱a vaa guun rá Yaꞌanj quiꞌya̱j soꞌ a. 32Dan me se caꞌnaꞌ ndoꞌo nej rihaan nij tuvi̱ꞌ Pedró, tza̱j ne̱ ne coto̱j nij soꞌ maꞌ. Queneꞌen nij soꞌ nda̱a vaa chuguu̱n Jesús, ne̱ queneꞌen nij soꞌ man ro̱j síí nicu̱nꞌ ga̱ soꞌ a. 33Ga̱a ne̱ guun cheꞌe̱ ro̱j síí nicu̱nꞌ ga̱ Jesús caꞌanj yaníj ro̱j soꞌ rihaan Jesús, ga̱a ne̱ cataj Pedró rihaan Jesús a:
―Cuna̱j uxrá vaa mán núj nihánj ga̱ so̱ꞌ, maestro. Ne̱ quiꞌya̱j núj vaꞌnu̱j veꞌ yacataj ca̱yáán soj na̱nj á. ꞌO̱ veꞌ ca̱yáán so̱ꞌ, ne̱ ꞌó veꞌ ca̱yáán síí cuꞌna̱j Moisés, ne̱ ꞌó veꞌ ca̱yáán síí cuꞌna̱j Elías rugua̱nj ―taj Pedró rihaan Jesús a.
Tza̱j ne̱ ne queneꞌe̱n uxrá soꞌ da̱j me cheꞌé caꞌmii soꞌ rihaan Jesús da̱nj a̱ maꞌ. 34Ataa quisi̱j caꞌmii soꞌ nana̱ vaa da̱nj, ga̱a ne̱ caꞌnaꞌ ꞌo̱ ngaa rej xta̱ꞌ, ne̱ caráán ngaa xráá nij soꞌ ne̱ naxíj nij soꞌ rque ngaa, ne̱ cuchuꞌviꞌ vaꞌnu̱j nij síí tucuꞌyón snana̱ Jesús yoꞌ a. 35Ga̱a ne̱ Yaꞌanj roꞌ, caꞌmii nana̱ cuno nij soꞌ rque ngaa yoꞌ a.
―Síí nihánj me Taꞌníj síí narij man na̱nj ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.
36Quisíj caꞌmii Yaꞌanj, ga̱a ne̱ ta̱j o̱rúnꞌ Jesús nicunꞌ, queneꞌen nij soꞌ a. Tza̱j ne̱ ꞌo̱ caráán tuꞌva nij soꞌ se vaa queneꞌen nij soꞌ, ne̱ güii guun da̱nj me se a̱ ꞌó yuvii̱ ne cata̱j xnaꞌanj nij soꞌ rihaan a.
Nahuun sa̱ꞌ ꞌo̱ xnii nu̱u̱ nana̱ chre̱e nimán, quiꞌyaj Jesús a
37Dan me se cachén ꞌo̱ yanꞌ, ne̱ quisíj güii, ga̱a ne̱ caꞌanj Jesús ga̱ nij síí tucuꞌyón snana̱ soꞌ rej rque̱ a. Ga̱a ne̱ nariꞌ tuviꞌ nij soꞌ ga̱ ri̱i̱ yuvii̱ a. 38Dan me se nucua̱j ndoꞌo caꞌmii ꞌo̱ síí ꞌnaꞌ scaꞌnúj nij yuvii̱ rihaan Jesús, ne̱ cataj soꞌ a:
―Achíín ni̱ꞌyáj rihaan so̱ꞌ se vaa cunu̱u ꞌe̱e̱ rá so̱ꞌ ni̱ꞌyaj so̱ꞌ taꞌníj cheꞌé se o̱rúnꞌ ra̱a̱ soꞌ me taꞌníj, maestro. 39ꞌO̱ se naruviꞌ nana̱ chre̱e nimán taꞌníj, ne̱ ta̱j niꞌyo̱n snúú soꞌ, ne̱ aguáj soꞌ, ne̱ avii yatanꞌ tuꞌva soꞌ, ꞌyaj nana̱ chre̱e yoꞌ, ne̱ ꞌyaj chiꞌi̱i̱ ndoꞌo nana̱ chre̱e yoꞌ man taꞌníj, ne̱ sayu̱u̱n uxrá cu̱riha̱nj nana̱ chre̱e yoꞌ nimán taꞌníj ado̱nj. 40Ne̱ dan me se rqueé ꞌu̱nj man nij síí tucuꞌyón snana̱ so̱ꞌ se vaa quiri̱i̱ nij soꞌ nana̱ chre̱e nimán taꞌníj, tza̱j ne̱ ne caꞌve̱e quiri̱i̱ nij soꞌ nana̱ chre̱e nimán taꞌníj maꞌ ―taj snóꞌo yoꞌ rihaan Jesús a.
41Ga̱a ne̱ cataj Jesús a:
―Dan me se síí ne amán rá me soj si̱j ma̱n rihaan chumii̱ nihánj cuano̱, ne̱ chiꞌi̱i̱ vaa nimán soj, ne̱ a̱ me daj cache̱j ga̱ soj, ne̱ a̱ me daj ga̱a̱ naj nimanj ni̱ꞌyaj ꞌu̱nj man soj, ga̱a ne̱ caꞌve̱e quiꞌya̱j canaán soj ga̱. Ni̱caj so̱ꞌ man taꞌníí so̱ꞌ caꞌna̱ꞌ so̱ꞌ rihanj cuaj á ―taj Jesús a.
42Dan me se ga̱a ꞌnaꞌ xnii, ne̱ nu̱ꞌ snúú xnii, ne̱ naxruꞌ xnii, quiꞌyaj nana̱ chre̱e yoꞌ, tza̱j ne̱ caꞌneꞌ Jesús suun rihaan nana̱ chre̱e se vaa cu̱riha̱nj yoꞌ nimán xnii a. Dan me se curiha̱nj nana̱ chre̱e yoꞌ nimán xnii, ne̱ nahuun sa̱ꞌ xnii, quiꞌyaj Jesús, ne̱ nagoꞌ Jesús man xnii rihaan rej xnii a. 43Ga̱a ne̱ queneꞌen nij yuvii̱ se vaa nucua̱j ndoꞌo Yaꞌanj síí quiꞌyaj suun sa̱ꞌ noco̱o yoꞌ, ne̱ caráyaꞌa̱nj nu̱ꞌ nij soꞌ a.
Cataj xnaꞌanj uún Jesús se vaa vaa güii cavi̱ꞌ soꞌ a
Dan me se caráyaꞌa̱nj cunuda̱nj nij yuvii̱ se vaa quiꞌyaj Jesús a. Ga̱a ne̱ cataj Jesús rihaan nij síí tucuꞌyón snana̱ soꞌ a:
44―A̱ ꞌó xcoꞌ se̱ niꞌyón soj nana̱ nihánj nana̱ cata̱j xnaꞌanj ꞌu̱nj rihaan soj cuano̱ maꞌ. Dan me se ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me se vaa güii nago̱ꞌ nii mán ꞌu̱nj rihaan yuvii̱ ado̱nj ―taj Jesús rihaan nij síí tucuꞌyón snana̱ soꞌ a.
45Tza̱j ne̱ ne queneꞌe̱n nij soꞌ me se me raj cata̱a nana̱ caꞌmii Jesús maꞌ. ꞌO̱ se naquiꞌyaj yuve̱ Yaꞌanj nana̱ yoꞌ rihaan nij soꞌ cheꞌé yan se̱ xcaj nij soꞌ cuentá a. Ne̱ cuchuꞌviꞌ nij soꞌ xna̱ꞌanj nij soꞌ man Jesús cheꞌé nana̱ yoꞌ a.
Cataj Jesús me síí gu̱un chij doj a
46Dan me se guun cheꞌe̱ nij síí tucuꞌyón snana̱ Jesús caꞌmii cunuꞌ nij soꞌ me nij soꞌ gu̱un chij doj a. 47Tza̱j ne̱ xcaj Jesús cuentá da̱j vaa nimán nij soꞌ, ne̱ cheꞌé dan taꞌaa soꞌ raꞌa ꞌo̱ xnii leꞌe̱j, ne̱ nica̱j soꞌ cachrón soꞌ xꞌnúú soꞌ, 48ga̱a ne̱ cataj Jesús rihaan nij soꞌ a:
―Me maꞌa̱n ꞌo̱ síí aráj cochro̱j ne̱ aꞌmii sa̱ꞌ soꞌ ga̱ ꞌo̱ xnii leꞌe̱j nihánj cheꞌé se‑chu̱vií ꞌu̱nj, ne̱ adi̱ꞌ ma̱ꞌanj me aráj cochro̱j ne̱ aꞌmii sa̱ꞌ soꞌ ga̱ vaa na̱nj ado̱nj. Dan me se síí aꞌmii sa̱ꞌ ga̱ ꞌu̱nj me se né o̱rúnꞌ ꞌu̱nj me aꞌmii sa̱ꞌ soꞌ ga̱ maꞌ. Ma̱an Yaꞌanj ya̱ síí caꞌnéé mán ꞌu̱nj me aráj cochro̱j ya̱ soꞌ ne̱ aꞌmii sa̱ꞌ ya̱ soꞌ ga̱ vaa na̱nj ado̱nj. ꞌO̱ se síí nica̱ꞌ doj rihaan ta̱ranꞌ soj roꞌ, me síí vaa se uun doj rihaan ta̱ranꞌ soj a ―taj Jesús rihaan nij síí tucuꞌyón snana̱ soꞌ a.
Cataj xnaꞌanj Jesús se vaa me maꞌa̱n síí ne unuꞌ ga̱ soꞌ me tuviꞌ soꞌ a
49Ga̱a ne̱ cataj síí cuꞌna̱j Juan rihaan Jesús a:
―Queneꞌen núj man ꞌo̱ síí ataꞌ tuꞌva se‑chu̱vií so̱ꞌ, ne̱ uriha̱nj nana̱ chre̱e nimán yuvii̱, ꞌyaj soꞌ, na̱nj maestro. Tza̱j ne̱ caráán núj chrej quiꞌya̱j soꞌ da̱nj, cheꞌé se né si̱j chéé ga̱ níꞌ me soꞌ, taj núj, na̱nj maestro ―taj Juan rihaan Jesús a.
50Tza̱j ne̱ cataj Jesús rihaan soꞌ a:
―Se̱ raꞌaan soj quiꞌya̱j soꞌ da̱nj maꞌ. ꞌO̱ se xa̱ꞌ síí ne unuꞌ ga̱ soj, tza̱j ne̱ tuviꞌ soj me soꞌ ado̱nj ―taj Jesús rihaan Juan do̱ꞌ, rihaan ꞌó nij síí tucuꞌyón snana̱ soꞌ do̱ꞌ a.
Cataj xnaꞌanj Jesús rihaan ro̱j síí cuꞌna̱j Jacobo ga̱ Juan se vaa nij caꞌmii ro̱j soꞌ a
51Dan me se ga̱a nichrunꞌ güii quina̱nꞌ Jesús xta̱ꞌ, ga̱a ne̱ ꞌo̱ caꞌnéé nucua̱j nimán soꞌ caꞌa̱nj soꞌ chumanꞌ Jerusalén a. 52Dan me se caꞌneꞌ soꞌ suun rihaan do̱j síí chéé ga̱ soꞌ quita̱j ya̱a̱n nij soꞌ nano̱ꞌ nij soꞌ veꞌ cara̱nꞌ nij tuvi̱ꞌ nij soꞌ, ga̱a ne̱ caꞌanj nij síí caꞌanj suun, ne̱ cuchiꞌ nij soꞌ ꞌo̱ chumanꞌ ya̱nj nij síí samaritano a. 53Tza̱j ne̱ quiraꞌaan nij síí samaritano veꞌ tucuá nij soꞌ rihaan Jesús, cheꞌé se guun rá soꞌ caꞌa̱nj soꞌ chumanꞌ Jerusalén a. 54Dan me se ga̱a queneꞌen ro̱j síí tucuꞌyón snana̱ Jesús ro̱j síí cuꞌna̱j Jacobo ga̱ Juan, se vaa quiraꞌaan nij síí samaritano veꞌ, ga̱a ne̱ xnáꞌanj ro̱j soꞌ man Jesús, cataj ro̱j soꞌ a:
―Me rá so̱ꞌ cachi̱nj niꞌya̱j núj rihaan Yaꞌanj, ne̱ caꞌne̱j Yaꞌanj yaꞌan, ne̱ caca̱a̱ nij síí samaritano yoꞌ naꞌ ―taj ro̱j soꞌ, xnáꞌanj ro̱j soꞌ man Jesús a.
55Tza̱j ne̱ niꞌya̱j Jesús man ro̱j soꞌ, ne̱ caxríj yuva̱a̱ Jesús man ro̱j soꞌ a. 56Ga̱a ne̱ caꞌanj nij tuvi̱ꞌ Jesús ꞌó chumanꞌ a.
Caꞌmii Jesús ga̱ vaꞌnu̱j síí tiha̱j guun rá canoco̱ꞌ man soꞌ a
57Ga̱a va̱j nij soꞌ chrej, ga̱a ne̱ caꞌnaꞌ ꞌo̱ soꞌ, caꞌmii soꞌ ga̱ Jesús a:
―Ca̱nocóꞌ ꞌu̱nj mán so̱ꞌ me rej maꞌa̱n caꞌa̱nj so̱ꞌ na̱nj á ―taj soꞌ rihaan Jesús a.
58Ga̱a ne̱ cataj ya̱ Jesús se vaa ranꞌ soꞌ chéé soꞌ a:
―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Tza̱j ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ doj rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.
59Ne̱ dan me se cataj Jesús rihaan ꞌó soꞌ a:
―Ca̱nocóꞌ so̱ꞌ manj caꞌa̱nj níꞌ á ―taj Jesús rihaan soꞌ a.
―Caꞌve̱j so̱ꞌ nanj tucuaj, ne̱ nda̱a cavi̱ꞌ réj, ga̱a ne̱ cachi̱nꞌ ꞌu̱nj man réj, ga̱a ne̱ ca̱nocóꞌ ꞌu̱nj mán so̱ꞌ na̱nj á ―taj soꞌ rihaan Jesús a.
60Tza̱j ne̱ cataj Jesús rihaan soꞌ a:
―Caꞌne̱ꞌ rá so̱ꞌ cachi̱nꞌ maꞌa̱n nij síí caviꞌ nimán man tuviꞌ soꞌ xnangá á. Ne̱ caꞌa̱nj so̱ꞌ, caꞌmi̱i̱ natáj so̱ꞌ cheꞌé da̱j vaa uun chij Yaꞌanj á ―taj Jesús rihaan soꞌ a.
61Ne̱ dan me se cataj ꞌó soꞌ uún rihaan Jesús a:
―Me raj ca̱nocoj mán so̱ꞌ, Señor. Tza̱j ne̱ asino caꞌve̱j so̱ꞌ caꞌa̱nj cata̱j xnaꞌanj ꞌu̱nj rihaan nij tuvij, ga̱a ne̱ caꞌna̱j, ne̱ caꞌa̱nj níꞌ na̱nj á ―taj soꞌ rihaan Jesús a.
62Tza̱j ne̱ cataj Jesús rihaan soꞌ a:
―Síí oro̱ꞌ nee niꞌya̱j rej xco̱ roꞌ, daj chiha̱a̱ míj se̱ cavii nica̱ tucuáán quiꞌya̱j soꞌ maꞌ. Ne̱ síí me rá canoco̱ꞌ manj me se se̱ guun ca̱nica̱j uún soꞌ rej xco̱ soꞌ maꞌ. Ne̱ sese da̱nj quiꞌya̱j soꞌ, ne̱ daj chiha̱a̱ míj se̱ caꞌvee gu̱un chij Yaꞌanj nimán soꞌ maꞌ ―taj Jesús rihaan soꞌ a.
Currently Selected:
San Lucas 9: trc
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. 2024 segunda versión electrónica
San Lucas 9
9
Caꞌnéé Jesús man chuvi̱j nij síí tucuꞌyón snana̱ soꞌ caꞌa̱nj caꞌmi̱i̱ natáj nij soꞌ a
1Dan me se canacúún Jesús man chuvi̱j nij síí tucuꞌyón snana̱ soꞌ, ne̱ cunuu chre̱ꞌ nij soꞌ, ne̱ rqué soꞌ se nucua̱j man nij soꞌ, ga̱a ne̱ caꞌve̱e quiꞌya̱j canaán nij soꞌ rihaan me maꞌa̱n nana̱ chre̱e do̱ꞌ, caꞌve̱e caꞌne̱e̱ nij soꞌ chiꞌii̱ xráá síí ranꞌ do̱ꞌ a. 2Ga̱a ne̱ caꞌnéé soꞌ man nij soꞌ caꞌa̱nj caꞌmi̱i̱ natáj nij soꞌ cheꞌé da̱j vaa uun chij Yaꞌanj, ne caꞌne̱e̱ nij soꞌ chiꞌii̱ xráá nij síí ranꞌ do̱ꞌ a. 3Ne̱ cataj soꞌ rihaan nij soꞌ a:
―A̱ ꞌó rasu̱u̱n se̱ nica̱j soj caꞌa̱nj soj maꞌ. Chruun garroté do̱ꞌ, nanj do̱ꞌ, se chá do̱ꞌ, saꞌanj do̱ꞌ, se̱ nica̱j soj maꞌ. O̱rúnꞌ nique̱e̱ yatzéj nu̱u̱ soj caꞌa̱nj ga̱ soj á. 4Ne̱ me maꞌa̱n veꞌ cuchi̱ꞌ soj ne̱ caꞌvej ꞌo̱ soꞌ cara̱nꞌ soj roꞌ, ne̱ veé veꞌ yoꞌ ꞌo̱ cara̱nꞌ soj nda̱a se cu̱riha̱nj soj chumanꞌ yoꞌ á. 5Ne̱ me maꞌa̱n ꞌo̱ chumanꞌ se̱ caꞌvej rá nij síí chiha̱nj cuno̱ nij soꞌ snana̱ soj roꞌ, ta̱náj soj chumanꞌ yoꞌ, ne̱ cavi̱i̱ soj tuꞌva chumanꞌ yoꞌ, ne̱ nacuna̱nꞌ soj tacóó soj cayu̱u yoꞌóó tachru̱u̱ ma̱n chumanꞌ yoꞌ tacóó soj á. Nda̱a dan, ga̱a ne̱ xca̱j nij síí chiha̱nj yoꞌ cuentá se vaa tumé nij soꞌ cacunꞌ se vaa ne caꞌve̱j rá nij soꞌ cuno̱ nij soꞌ snana̱ soj maan ado̱nj ―taj Jesús rihaan chuvi̱j nij soꞌ a.
6Ga̱a ne̱ caꞌanj nij soꞌ nij chumanꞌ, ne̱ caꞌmii natáj nij soꞌ snana̱ Yaꞌanj nana̱ sa̱ꞌ, ne̱ me rej maꞌa̱n va̱j nij soꞌ caꞌnéj nij soꞌ chiꞌii̱ xráá nij síí ranꞌ a.
Xcaj síí nica̱j suun cuꞌna̱j Herodes cuentá cheꞌé Jesús a
7Dan me se cuno síí nica̱j suun cuꞌna̱j Herodes nu̱ꞌ se vaa quiꞌyaj Jesús, ga̱a ne̱ guun rá Herodes queneꞌe̱n soꞌ me síí me Jesús a. ꞌO̱ se taꞌa̱j yuvii̱ cataj se vaa cunuu iꞌna̱ꞌ uún Juan Síí Cutaꞌ Ne man yuvii̱, 8ne̱ ꞌó taꞌa̱j yuvii̱ cataj se vaa curuviꞌ uún síí cuꞌna̱j Elías síí cayáán ga̱a naá, ne̱ ꞌó taꞌa̱j yuvii̱ cataj se vaa cunuu iꞌna̱ꞌ uún ꞌo̱ síí nataꞌ snana̱ Yaꞌanj ga̱a naá a. 9Tza̱j ne̱ maꞌa̱n Herodes cataj a:
―A̱j caviꞌ Juan, ne̱ xꞌneꞌ chihá Juan, quiꞌyáj a. Tza̱j ne̱ ne neꞌenj me yuvii̱ me síí nihánj, ne̱ tuꞌva nii da̱nj cheꞌé soꞌ rihanj maꞌ ―taj Herodes a.
Ga̱a ne̱ guun uxrá rá Herodes queneꞌe̱n soꞌ man Jesús a.
Rqué Jesús se chá ꞌu̱nꞌ míj (5,000) snóꞌo a
10Dan me se namán chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ, ne̱ nataꞌ nij soꞌ rihaan Jesús cheꞌé nu̱ꞌ nij suun sa̱ꞌ noco̱o quiꞌyaj nij soꞌ rej caꞌanj nij soꞌ a. Ga̱a ne̱ nica̱j Jesús man ta̱ranꞌ nij soꞌ, caꞌanj nij soꞌ nda̱a tuꞌva chumanꞌ cuꞌna̱j Betsaida rej yaníj a. 11Tza̱j ne̱ queneꞌen ꞌo̱ xꞌneꞌ noco̱o yuvii̱ rej caꞌanj Jesús, ga̱a ne̱ canocoꞌ nij soꞌ man Jesús, caꞌanj nij soꞌ a. Ga̱a ne̱ veꞌé caꞌmii Jesús ga̱ xꞌneꞌ noco̱o yuvii̱ canocoꞌ man soꞌ, ne̱ caꞌmii natáj soꞌ cheꞌé da̱j vaa uun chij Yaꞌanj, ne̱ nahuun nij síí ranꞌ, quiꞌyaj soꞌ a.
12Dan me se nichrunꞌ cata̱ꞌ güii, ne̱ dan me se nichrunꞌ chuvi̱j nij síí tucuꞌyón snana̱ Jesús rihaan soꞌ, ne̱ cataj nij soꞌ a:
―Qui̱ꞌyáá so̱ꞌ se ndoꞌo, ne̱ naꞌne̱j so̱ꞌ chrej man nij yuvii̱, caꞌa̱nj nij soꞌ rej chumanꞌ noco̱o do̱ꞌ, chumanꞌ raꞌa̱ do̱ꞌ, ga̱a ne̱ ma̱n veꞌ cara̱nꞌ nij soꞌ do̱ꞌ, ma̱n se chá quiri̱ꞌ nij soꞌ cha̱ nij soꞌ do̱ꞌ a. Tza̱j ne̱ rej ma̱n níꞌ nihánj me se rcoꞌ tacaan me nihánj, ne̱ taj rej cara̱nꞌ nij soꞌ do̱ꞌ, taj se chá cha̱ nij soꞌ do̱ꞌ, nihánj maꞌ ―taj nij soꞌ rihaan Jesús a.
13Tza̱j ne̱ cataj Jesús rihaan nij soꞌ a:
―Rque̱ maꞌa̱n soj se chá cha̱ nij yuvii̱ á ―taj Jesús rihaan nij soꞌ a.
Ga̱a ne̱ cataj nij soꞌ a:
―Tza̱j ne̱ taj se chá rihaan núj maꞌ. Ma̱an se o̱rúnꞌ ꞌu̱nꞌ rachrúún ne̱ vi̱j gue̱e̱ xcuaj vaa rihaan núj na̱nj á. Xraj ne̱ caꞌve̱e caꞌa̱nj núj, ne̱ quira̱a̱n núj se chá cha̱ cunuda̱nj nij yuvii̱ ri̱i̱ uxrá nihánj na̱nj á ―taj nij soꞌ rihaan Jesús a.
14Dan me se ꞌu̱nꞌ míj snóꞌo mán rej yoꞌ ta̱ꞌ asuun ado̱nj. Tza̱j ne̱ cataj Jesús rihaan nij síí tucuꞌyón snana̱ soꞌ a:
―Ca̱yáán nij yuvii̱ rihaan yoꞌóó, quiꞌya̱j soj, ne̱ dan me se cunu̱u chre̱ꞌ ꞌo̱ vi̱j chiha̱a̱ chi̱ꞌ (50) vi̱j chiha̱a̱ chi̱ꞌ yuvii̱ ca̱yáán ꞌo̱ ꞌo̱ rej, quiꞌya̱j soj á ―taj Jesús rihaan nij soꞌ a.
15Ne̱ veé da̱nj quiꞌyaj nij soꞌ, ne̱ caꞌanj ca̱yáán cunuda̱nj nij yuvii̱ a. 16Dan me se taꞌaa Jesús ꞌu̱nꞌ nij rachrúún ga̱ ro̱j xcuaj yoꞌ, ga̱a ne̱ niꞌya̱j soꞌ rej xta̱ꞌ, ne̱ cataj soꞌ guun niꞌya̱j níꞌ rihaan Yaꞌanj cheꞌé se chá yoꞌ a. Ga̱a ne̱ cuxraꞌ taꞌa̱j soꞌ rachrúún do̱ꞌ, nee̱ xcuaj do̱ꞌ, ne̱ caxríj soꞌ ston nij síí tucuꞌyón snana̱ soꞌ, cheꞌé rej caxri̱i̱ nij soꞌ ston nij yuvii̱ a. 17Ga̱a ne̱ chá ta̱ranꞌ nij yuvii̱, ne̱ caraa rque nij soꞌ ne̱ nda̱a quináj ndoꞌo se chá a. Ga̱a ne̱ naquiꞌyaj chre̱ꞌ nij soꞌ nu̱ꞌ se quináj tuꞌva yuvii̱, ne̱ caraa nij soꞌ ꞌó cunu̱ꞌ chuvi̱j scaa a.
Cataj xnaꞌanj Pedró me síí me Jesús a
18Dan me se ꞌo̱ güii caꞌanj Jesús ꞌo̱ rej yaníj cachíín niꞌya̱j soꞌ rihaan Yaꞌanj, ne̱ nij síí tucuꞌyón snana̱ soꞌ roꞌ, ma̱n rej yoꞌ ga̱ soꞌ, ne̱ xnáꞌanj soꞌ man nij soꞌ, cataj soꞌ a:
―Me si̱j mé ꞌu̱nj, taj nij yuvii̱ ga̱ ―taj Jesús, xnáꞌanj soꞌ man nij soꞌ a.
19―Vaa síí taj se vaa síí cuꞌna̱j Juan Síí Cutaꞌ Ne man yuvii̱ mé so̱ꞌ ado̱nj. Ne̱ vaa síí taj uún se vaa síí cuꞌna̱j Elías síí nataꞌ snana̱ Yaꞌanj ga̱a naá mé so̱ꞌ chugua̱nj. Ne̱ vaa síí taj uún se vaa ꞌó síí nataꞌ snana̱ Yaꞌanj ga̱a naá mé so̱ꞌ xa̱ꞌ. Da̱nj taj ꞌo̱ ꞌo̱ taꞌa̱j nij yuvii̱ na̱nj á ―taj nij soꞌ a.
20Ga̱a ne̱ cataj Jesús rihaan nij soꞌ a:
―Ne̱ maꞌa̱n soj, ga̱a ne̱ me si̱j mé ꞌu̱nj, rá soj ga̱ ―taj Jesús, xnáꞌanj soꞌ man nij síí tucuꞌyón snana̱ soꞌ a.
Ga̱a ne̱ cataj Pedró a:
―Si̱j Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ chugua̱nj ―taj soꞌ rihaan Jesús a.
21Ga̱a ne̱ caꞌneꞌ Jesús suun rihaan nij soꞌ a:
―Se̱ cataj nij soj nana̱ vaa da̱nj rihaan a̱ ꞌó nij yuvii̱ maꞌ ―taj Jesús rihaan nij soꞌ a.
Cataj xnaꞌanj Jesús se vaa cavi̱ꞌ soꞌ ne̱ cunu̱u iꞌna̱ꞌ uún soꞌ a
22Ga̱a ne̱ cataj uún Jesús rihaan nij síí tucuꞌyón snana̱ soꞌ a:
―Xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ no̱ xcúún ꞌu̱nj quira̱nꞌ ndoꞌo ꞌu̱nj sayuun quiꞌya̱j nij síí uun chij do̱ꞌ, quiꞌya̱j nij xrej ata̱ suun noco̱o do̱ꞌ, quiꞌya̱j nij síí naquiꞌyaj cu̱u stucua̱nj Moisés do̱ꞌ, ne̱ nachri̱ꞌ ndoꞌo nij soꞌ ni̱ꞌyaj nij soꞌ mán ꞌu̱nj, ne̱ ticavi̱ꞌ nii mán ꞌu̱nj, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj ado̱nj ―taj Jesús rihaan nij soꞌ a.
23Ga̱a ne̱ cataj soꞌ rihaan cunuda̱nj nij yuvii̱ a:
―Sese me rá ꞌo̱ soꞌ canoco̱ꞌ soꞌ manj, ne̱ se̱ guun rá soꞌ quiꞌya̱j soꞌ se vaa me rá maꞌa̱n soꞌ quiꞌya̱j soꞌ maꞌ. Ne̱ caꞌve̱e se quira̱nꞌ uxrá soꞌ sayuun do̱ꞌ, caꞌve̱e se nda̱a cachro̱n nii man soꞌ rihaan rcutze̱ do̱ꞌ, tza̱j ne̱ da̱j a̱ güii me se ꞌo̱ canoco̱ꞌ xraan soꞌ manj ado̱nj. 24Tza̱j ne̱ sese vaa ꞌo̱ síí me rá ti̱nanii man maꞌa̱n rihaan sayuun, ne̱ vaa güii ꞌo̱ cavi̱ꞌ nimán soꞌ ado̱nj. Tza̱j ne̱ sese cavi̱ꞌ ꞌo̱ soꞌ cheꞌé se me soꞌ síí noco̱ꞌ manj, ne̱ vaa güii cunu̱u iꞌna̱ꞌ uún soꞌ ado̱nj. 25Ne̱ a̱ me se quiri̱ꞌ ꞌo̱ soꞌ sese quiꞌya̱j canaán soꞌ nu̱ꞌ rasu̱u̱n ma̱n rihaan chumii̱ nihánj, ne̱ caꞌa̱nj niꞌya̱ nimán maꞌa̱n soꞌ, rá soj ga̱. 26Dan me se xa̱ꞌ síí uun naꞌa̱j niꞌya̱j manj ne̱ uun naꞌa̱j niꞌya̱j snana̱j, tza̱j ne̱ vaa güii gu̱un naꞌa̱j ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ni̱ꞌyaj ꞌu̱nj man soꞌ asa̱ꞌ caꞌnaꞌ uún ꞌu̱nj rihaan chumii̱ nihánj ado̱nj. Ne̱ güii yoꞌ me se niꞌndaj ya̱ sa̱ꞌ veꞌé gu̱un chij ꞌu̱nj caꞌna̱ꞌ ꞌu̱nj, ne̱ niꞌndaj ya̱ sa̱ꞌ veꞌé gu̱un chij Réé ꞌu̱nj Yaꞌanj do̱ꞌ, nij se‑mo̱zó Yaꞌanj nij síí gue̱e̱ do̱ꞌ ado̱nj. 27Nihánj me se cata̱j yá ꞌu̱nj rihaan soj se vaa xa̱ꞌ taꞌa̱j soj si̱j nicu̱nꞌ nihánj cuano̱ me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ guun cheꞌe̱ Yaꞌanj uun chij Yaꞌanj rihaan chumii̱ nihánj na̱nj ado̱nj ―taj Jesús rihaan cunuda̱nj nij soꞌ a.
Chuguu̱n ndoꞌo man Jesús niꞌya̱j nij síí tucuꞌyón snana̱ soꞌ a
28Quisíj caꞌmii Jesús nana̱ vaa da̱nj, ga̱a ne̱ cachén ꞌo̱ tu̱nj güii ta̱ꞌ asuun, ga̱a ne̱ nica̱j Jesús man Pedró do̱ꞌ, Juan do̱ꞌ, Jacobo do̱ꞌ, ne̱ cavii soꞌ raa̱ ꞌo̱ quij xca̱a̱n, caꞌanj cachi̱nj niꞌya̱j soꞌ rihaan Yaꞌanj a. 29Ga̱a cachíín niꞌya̱j soꞌ rihaan Yaꞌanj, ne̱ ꞌo̱ cunuu ino̱ rihaan soꞌ, ne̱ cunuu catzi̱i̱ saga̱nꞌ soꞌ, ne̱ nda̱a raa̱n la maꞌa̱n saga̱nꞌ soꞌ a. 30Ga̱a ne̱ ta̱j niꞌyo̱n naquiꞌyaa vi̱j snóꞌo rihaan nij soꞌ, ne̱ nanó ro̱j soꞌ cuentó ga̱ Jesús, ne̱ Moisés do̱ꞌ, Elías síí nataꞌ snana̱ Yaꞌanj ga̱a naá do̱ꞌ, me ro̱j soꞌ a. 31Dan me se nda̱a chuguu̱n la maꞌa̱n curuviꞌ ro̱j soꞌ, ne̱ caꞌmii ro̱j soꞌ ga̱ Jesús cheꞌé se vaa quira̱nꞌ Jesús chumanꞌ Jerusalén, ne̱ cheꞌé se vaa cavi̱i̱ soꞌ rihaan chumii̱ nihánj nanꞌ soꞌ, nda̱a vaa guun rá Yaꞌanj quiꞌya̱j soꞌ a. 32Dan me se caꞌnaꞌ ndoꞌo nej rihaan nij tuvi̱ꞌ Pedró, tza̱j ne̱ ne coto̱j nij soꞌ maꞌ. Queneꞌen nij soꞌ nda̱a vaa chuguu̱n Jesús, ne̱ queneꞌen nij soꞌ man ro̱j síí nicu̱nꞌ ga̱ soꞌ a. 33Ga̱a ne̱ guun cheꞌe̱ ro̱j síí nicu̱nꞌ ga̱ Jesús caꞌanj yaníj ro̱j soꞌ rihaan Jesús, ga̱a ne̱ cataj Pedró rihaan Jesús a:
―Cuna̱j uxrá vaa mán núj nihánj ga̱ so̱ꞌ, maestro. Ne̱ quiꞌya̱j núj vaꞌnu̱j veꞌ yacataj ca̱yáán soj na̱nj á. ꞌO̱ veꞌ ca̱yáán so̱ꞌ, ne̱ ꞌó veꞌ ca̱yáán síí cuꞌna̱j Moisés, ne̱ ꞌó veꞌ ca̱yáán síí cuꞌna̱j Elías rugua̱nj ―taj Pedró rihaan Jesús a.
Tza̱j ne̱ ne queneꞌe̱n uxrá soꞌ da̱j me cheꞌé caꞌmii soꞌ rihaan Jesús da̱nj a̱ maꞌ. 34Ataa quisi̱j caꞌmii soꞌ nana̱ vaa da̱nj, ga̱a ne̱ caꞌnaꞌ ꞌo̱ ngaa rej xta̱ꞌ, ne̱ caráán ngaa xráá nij soꞌ ne̱ naxíj nij soꞌ rque ngaa, ne̱ cuchuꞌviꞌ vaꞌnu̱j nij síí tucuꞌyón snana̱ Jesús yoꞌ a. 35Ga̱a ne̱ Yaꞌanj roꞌ, caꞌmii nana̱ cuno nij soꞌ rque ngaa yoꞌ a.
―Síí nihánj me Taꞌníj síí narij man na̱nj ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.
36Quisíj caꞌmii Yaꞌanj, ga̱a ne̱ ta̱j o̱rúnꞌ Jesús nicunꞌ, queneꞌen nij soꞌ a. Tza̱j ne̱ ꞌo̱ caráán tuꞌva nij soꞌ se vaa queneꞌen nij soꞌ, ne̱ güii guun da̱nj me se a̱ ꞌó yuvii̱ ne cata̱j xnaꞌanj nij soꞌ rihaan a.
Nahuun sa̱ꞌ ꞌo̱ xnii nu̱u̱ nana̱ chre̱e nimán, quiꞌyaj Jesús a
37Dan me se cachén ꞌo̱ yanꞌ, ne̱ quisíj güii, ga̱a ne̱ caꞌanj Jesús ga̱ nij síí tucuꞌyón snana̱ soꞌ rej rque̱ a. Ga̱a ne̱ nariꞌ tuviꞌ nij soꞌ ga̱ ri̱i̱ yuvii̱ a. 38Dan me se nucua̱j ndoꞌo caꞌmii ꞌo̱ síí ꞌnaꞌ scaꞌnúj nij yuvii̱ rihaan Jesús, ne̱ cataj soꞌ a:
―Achíín ni̱ꞌyáj rihaan so̱ꞌ se vaa cunu̱u ꞌe̱e̱ rá so̱ꞌ ni̱ꞌyaj so̱ꞌ taꞌníj cheꞌé se o̱rúnꞌ ra̱a̱ soꞌ me taꞌníj, maestro. 39ꞌO̱ se naruviꞌ nana̱ chre̱e nimán taꞌníj, ne̱ ta̱j niꞌyo̱n snúú soꞌ, ne̱ aguáj soꞌ, ne̱ avii yatanꞌ tuꞌva soꞌ, ꞌyaj nana̱ chre̱e yoꞌ, ne̱ ꞌyaj chiꞌi̱i̱ ndoꞌo nana̱ chre̱e yoꞌ man taꞌníj, ne̱ sayu̱u̱n uxrá cu̱riha̱nj nana̱ chre̱e yoꞌ nimán taꞌníj ado̱nj. 40Ne̱ dan me se rqueé ꞌu̱nj man nij síí tucuꞌyón snana̱ so̱ꞌ se vaa quiri̱i̱ nij soꞌ nana̱ chre̱e nimán taꞌníj, tza̱j ne̱ ne caꞌve̱e quiri̱i̱ nij soꞌ nana̱ chre̱e nimán taꞌníj maꞌ ―taj snóꞌo yoꞌ rihaan Jesús a.
41Ga̱a ne̱ cataj Jesús a:
―Dan me se síí ne amán rá me soj si̱j ma̱n rihaan chumii̱ nihánj cuano̱, ne̱ chiꞌi̱i̱ vaa nimán soj, ne̱ a̱ me daj cache̱j ga̱ soj, ne̱ a̱ me daj ga̱a̱ naj nimanj ni̱ꞌyaj ꞌu̱nj man soj, ga̱a ne̱ caꞌve̱e quiꞌya̱j canaán soj ga̱. Ni̱caj so̱ꞌ man taꞌníí so̱ꞌ caꞌna̱ꞌ so̱ꞌ rihanj cuaj á ―taj Jesús a.
42Dan me se ga̱a ꞌnaꞌ xnii, ne̱ nu̱ꞌ snúú xnii, ne̱ naxruꞌ xnii, quiꞌyaj nana̱ chre̱e yoꞌ, tza̱j ne̱ caꞌneꞌ Jesús suun rihaan nana̱ chre̱e se vaa cu̱riha̱nj yoꞌ nimán xnii a. Dan me se curiha̱nj nana̱ chre̱e yoꞌ nimán xnii, ne̱ nahuun sa̱ꞌ xnii, quiꞌyaj Jesús, ne̱ nagoꞌ Jesús man xnii rihaan rej xnii a. 43Ga̱a ne̱ queneꞌen nij yuvii̱ se vaa nucua̱j ndoꞌo Yaꞌanj síí quiꞌyaj suun sa̱ꞌ noco̱o yoꞌ, ne̱ caráyaꞌa̱nj nu̱ꞌ nij soꞌ a.
Cataj xnaꞌanj uún Jesús se vaa vaa güii cavi̱ꞌ soꞌ a
Dan me se caráyaꞌa̱nj cunuda̱nj nij yuvii̱ se vaa quiꞌyaj Jesús a. Ga̱a ne̱ cataj Jesús rihaan nij síí tucuꞌyón snana̱ soꞌ a:
44―A̱ ꞌó xcoꞌ se̱ niꞌyón soj nana̱ nihánj nana̱ cata̱j xnaꞌanj ꞌu̱nj rihaan soj cuano̱ maꞌ. Dan me se ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me se vaa güii nago̱ꞌ nii mán ꞌu̱nj rihaan yuvii̱ ado̱nj ―taj Jesús rihaan nij síí tucuꞌyón snana̱ soꞌ a.
45Tza̱j ne̱ ne queneꞌe̱n nij soꞌ me se me raj cata̱a nana̱ caꞌmii Jesús maꞌ. ꞌO̱ se naquiꞌyaj yuve̱ Yaꞌanj nana̱ yoꞌ rihaan nij soꞌ cheꞌé yan se̱ xcaj nij soꞌ cuentá a. Ne̱ cuchuꞌviꞌ nij soꞌ xna̱ꞌanj nij soꞌ man Jesús cheꞌé nana̱ yoꞌ a.
Cataj Jesús me síí gu̱un chij doj a
46Dan me se guun cheꞌe̱ nij síí tucuꞌyón snana̱ Jesús caꞌmii cunuꞌ nij soꞌ me nij soꞌ gu̱un chij doj a. 47Tza̱j ne̱ xcaj Jesús cuentá da̱j vaa nimán nij soꞌ, ne̱ cheꞌé dan taꞌaa soꞌ raꞌa ꞌo̱ xnii leꞌe̱j, ne̱ nica̱j soꞌ cachrón soꞌ xꞌnúú soꞌ, 48ga̱a ne̱ cataj Jesús rihaan nij soꞌ a:
―Me maꞌa̱n ꞌo̱ síí aráj cochro̱j ne̱ aꞌmii sa̱ꞌ soꞌ ga̱ ꞌo̱ xnii leꞌe̱j nihánj cheꞌé se‑chu̱vií ꞌu̱nj, ne̱ adi̱ꞌ ma̱ꞌanj me aráj cochro̱j ne̱ aꞌmii sa̱ꞌ soꞌ ga̱ vaa na̱nj ado̱nj. Dan me se síí aꞌmii sa̱ꞌ ga̱ ꞌu̱nj me se né o̱rúnꞌ ꞌu̱nj me aꞌmii sa̱ꞌ soꞌ ga̱ maꞌ. Ma̱an Yaꞌanj ya̱ síí caꞌnéé mán ꞌu̱nj me aráj cochro̱j ya̱ soꞌ ne̱ aꞌmii sa̱ꞌ ya̱ soꞌ ga̱ vaa na̱nj ado̱nj. ꞌO̱ se síí nica̱ꞌ doj rihaan ta̱ranꞌ soj roꞌ, me síí vaa se uun doj rihaan ta̱ranꞌ soj a ―taj Jesús rihaan nij síí tucuꞌyón snana̱ soꞌ a.
Cataj xnaꞌanj Jesús se vaa me maꞌa̱n síí ne unuꞌ ga̱ soꞌ me tuviꞌ soꞌ a
49Ga̱a ne̱ cataj síí cuꞌna̱j Juan rihaan Jesús a:
―Queneꞌen núj man ꞌo̱ síí ataꞌ tuꞌva se‑chu̱vií so̱ꞌ, ne̱ uriha̱nj nana̱ chre̱e nimán yuvii̱, ꞌyaj soꞌ, na̱nj maestro. Tza̱j ne̱ caráán núj chrej quiꞌya̱j soꞌ da̱nj, cheꞌé se né si̱j chéé ga̱ níꞌ me soꞌ, taj núj, na̱nj maestro ―taj Juan rihaan Jesús a.
50Tza̱j ne̱ cataj Jesús rihaan soꞌ a:
―Se̱ raꞌaan soj quiꞌya̱j soꞌ da̱nj maꞌ. ꞌO̱ se xa̱ꞌ síí ne unuꞌ ga̱ soj, tza̱j ne̱ tuviꞌ soj me soꞌ ado̱nj ―taj Jesús rihaan Juan do̱ꞌ, rihaan ꞌó nij síí tucuꞌyón snana̱ soꞌ do̱ꞌ a.
Cataj xnaꞌanj Jesús rihaan ro̱j síí cuꞌna̱j Jacobo ga̱ Juan se vaa nij caꞌmii ro̱j soꞌ a
51Dan me se ga̱a nichrunꞌ güii quina̱nꞌ Jesús xta̱ꞌ, ga̱a ne̱ ꞌo̱ caꞌnéé nucua̱j nimán soꞌ caꞌa̱nj soꞌ chumanꞌ Jerusalén a. 52Dan me se caꞌneꞌ soꞌ suun rihaan do̱j síí chéé ga̱ soꞌ quita̱j ya̱a̱n nij soꞌ nano̱ꞌ nij soꞌ veꞌ cara̱nꞌ nij tuvi̱ꞌ nij soꞌ, ga̱a ne̱ caꞌanj nij síí caꞌanj suun, ne̱ cuchiꞌ nij soꞌ ꞌo̱ chumanꞌ ya̱nj nij síí samaritano a. 53Tza̱j ne̱ quiraꞌaan nij síí samaritano veꞌ tucuá nij soꞌ rihaan Jesús, cheꞌé se guun rá soꞌ caꞌa̱nj soꞌ chumanꞌ Jerusalén a. 54Dan me se ga̱a queneꞌen ro̱j síí tucuꞌyón snana̱ Jesús ro̱j síí cuꞌna̱j Jacobo ga̱ Juan, se vaa quiraꞌaan nij síí samaritano veꞌ, ga̱a ne̱ xnáꞌanj ro̱j soꞌ man Jesús, cataj ro̱j soꞌ a:
―Me rá so̱ꞌ cachi̱nj niꞌya̱j núj rihaan Yaꞌanj, ne̱ caꞌne̱j Yaꞌanj yaꞌan, ne̱ caca̱a̱ nij síí samaritano yoꞌ naꞌ ―taj ro̱j soꞌ, xnáꞌanj ro̱j soꞌ man Jesús a.
55Tza̱j ne̱ niꞌya̱j Jesús man ro̱j soꞌ, ne̱ caxríj yuva̱a̱ Jesús man ro̱j soꞌ a. 56Ga̱a ne̱ caꞌanj nij tuvi̱ꞌ Jesús ꞌó chumanꞌ a.
Caꞌmii Jesús ga̱ vaꞌnu̱j síí tiha̱j guun rá canoco̱ꞌ man soꞌ a
57Ga̱a va̱j nij soꞌ chrej, ga̱a ne̱ caꞌnaꞌ ꞌo̱ soꞌ, caꞌmii soꞌ ga̱ Jesús a:
―Ca̱nocóꞌ ꞌu̱nj mán so̱ꞌ me rej maꞌa̱n caꞌa̱nj so̱ꞌ na̱nj á ―taj soꞌ rihaan Jesús a.
58Ga̱a ne̱ cataj ya̱ Jesús se vaa ranꞌ soꞌ chéé soꞌ a:
―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Tza̱j ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ doj rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.
59Ne̱ dan me se cataj Jesús rihaan ꞌó soꞌ a:
―Ca̱nocóꞌ so̱ꞌ manj caꞌa̱nj níꞌ á ―taj Jesús rihaan soꞌ a.
―Caꞌve̱j so̱ꞌ nanj tucuaj, ne̱ nda̱a cavi̱ꞌ réj, ga̱a ne̱ cachi̱nꞌ ꞌu̱nj man réj, ga̱a ne̱ ca̱nocóꞌ ꞌu̱nj mán so̱ꞌ na̱nj á ―taj soꞌ rihaan Jesús a.
60Tza̱j ne̱ cataj Jesús rihaan soꞌ a:
―Caꞌne̱ꞌ rá so̱ꞌ cachi̱nꞌ maꞌa̱n nij síí caviꞌ nimán man tuviꞌ soꞌ xnangá á. Ne̱ caꞌa̱nj so̱ꞌ, caꞌmi̱i̱ natáj so̱ꞌ cheꞌé da̱j vaa uun chij Yaꞌanj á ―taj Jesús rihaan soꞌ a.
61Ne̱ dan me se cataj ꞌó soꞌ uún rihaan Jesús a:
―Me raj ca̱nocoj mán so̱ꞌ, Señor. Tza̱j ne̱ asino caꞌve̱j so̱ꞌ caꞌa̱nj cata̱j xnaꞌanj ꞌu̱nj rihaan nij tuvij, ga̱a ne̱ caꞌna̱j, ne̱ caꞌa̱nj níꞌ na̱nj á ―taj soꞌ rihaan Jesús a.
62Tza̱j ne̱ cataj Jesús rihaan soꞌ a:
―Síí oro̱ꞌ nee niꞌya̱j rej xco̱ roꞌ, daj chiha̱a̱ míj se̱ cavii nica̱ tucuáán quiꞌya̱j soꞌ maꞌ. Ne̱ síí me rá canoco̱ꞌ manj me se se̱ guun ca̱nica̱j uún soꞌ rej xco̱ soꞌ maꞌ. Ne̱ sese da̱nj quiꞌya̱j soꞌ, ne̱ daj chiha̱a̱ míj se̱ caꞌvee gu̱un chij Yaꞌanj nimán soꞌ maꞌ ―taj Jesús rihaan soꞌ a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. 2024 segunda versión electrónica