By Waters Van RusSample

“Ek is die opstanding en die lewe”

Die goeie Herder lê sy lewe af vir sy skape. Maar is dit genoeg? Wat word nou van die skape? Wat word van al God se kinders wat in Jesus glo? Wat gebeur met hulle as hulle te sterwe kom? Wat help dit dan dat hulle ’n Herder gehad het? Jesus gee self die antwoord.

Jesus is nie net die Herder wat sy lewe vir sy skape aflê nie; Hy is ook die opstanding en die lewe! Jesus se kruisdood het ons nie net van die monster van sondeskuld bevry nie, maar sy opstanding het vir ons die weg na die ewige lewe gebaan.

Jesus lui met hierdie verklaring ’n nuwe dimensie in, ’n hemelse dimensie. Uiteraard verstaan ons feitlik niks daarvan nie, behalwe dat dit ’n ongelooflik opwindende vooruitsig is. Hierdie vooruitsig is die vrug van Jesus se gehoorsaamheid tot die dood toe. Dis die heerlike vrug van ’n pynlike lydensweg. Dié vrug kan ons duskant die dood maar net in die geloof aanvaar. En kinderlik bly daaroor jubel.

Hierdie oordenking is geneem uit BY WATERS VAN RUS deur Johan Smit © Christelike Uitgewersmaatskappy.