Versículos bíblicos populares de Xhun 4

Compartir

Tan u quBʼaal Tiuxh, aanxelal kuxh vet tatineʼ. Echetz s-tiʼile jatvaʼlxh inqʼa xaol nik saʼon inatxhkʼuulal Tiuxh, tul taanxelalxh laʼ tzajk vinatxhkʼuulaneʼ. Atz aʼ viTiuxhil Tiuxh laʼ toksa s-tuul tiʼ vinatxhkʼuulaneʼ, —xeʼt Jesuus te u ixoq.{*}

Pet opoonyetz vet inqʼa qʼij, tan aʼetz vete uvaʼ atil oʼ s-txheel, uvaʼ tu taanxelalxh inqʼa niman tetz quBʼaal Tiuxh laʼ tzajk vinatxhkʼuulaneʼ. Tan aʼetz nik isaʼ quBʼaal Tiuxh, inqʼa taanxelalxh laʼ tzajk u natxhkʼuulaʼm. Aʼetz u nuqla natxhkʼuulaʼme uvaʼ nik isaʼ quBʼaal Tiuxh. Tul aʼetz nik itxhok quBʼaal Tiuxh inqʼa xaol uvaʼ taanxelalxh laʼ tzajk vinatxhkʼuulaneʼ.

Pet u xaol uvaʼ laʼ ukʼan u aʼ uvaʼ, in laʼ aqʼon s-te, tan yeʼl inpaqt laʼ kam t-tzaqatziʼil. Tan eche titzʼ invaʼq viʼal aʼ toq tatin qʼij isaq u xaol. Tul yeʼl iyaʼebʼal imotxebʼal qʼij isaq laʼ ibʼana, —xeʼt Jesuus.

Tul ech tal Jesuus s-eche: —Bʼaʼn uvaʼ ootzaql koq vibʼaʼnil quBʼaal Tiuxh uvaʼ laʼ utxhi laʼ taqʼ see, atz ootzaql koq u viqleʼm, in, uvaʼ nik abʼin vajaʼ see, tul laʼetz utxhi laʼ aabʼi avajaʼ s-ve, uvaʼ itzʼchil nik ibʼaneʼ uvaʼ nik taqʼ qʼij saq uvaʼ yeʼl iyaʼebʼal imotxebʼal. Tul laʼ vaqʼ see, —xeʼt Jesuus.

Yaʼne ech tal Jesuus te inqʼa nikich itxhus tibʼ s-kʼatza s-eche: —Nik innima kam uvaʼ nik isaʼ vinBʼaal laʼ inbʼana. Tul nik insaʼ itzoqpisal s-kaqaayil kam uvaʼ qat itxhaq tzaan in vinBʼaal tiʼ ibʼanaxeʼ. Aʼetz uvaʼe, nik tetxhbʼu u vaanxelal vatz quBʼaal Tiuxh.

Yaʼne ech tal u ixoq s-eche: —Iqʼesal, kametz koq laʼ uule tiqʼol jaʼul avajaʼ, tan yeʼxhkam invaʼq iqʼomal aaʼn. Tul sibʼ at bʼen u aʼ paqte. Pet aloq ¿taletz atil u aʼ bʼa uvaʼ itzʼchil nik ibʼaneʼ nik aaleʼ?

Yaʼne ech tal u ixoq te Jesuus s-eche: —Vootzaqle uvaʼ laʼ ul u Mesiias. Aʼe, uvaʼ Kriisto alel s-tiʼ inpaqte. Atz aʼ uvaʼe, laʼ uli, tul laʼ ul tal inuqul jankʼal inqʼa yol s-qe, —xeʼt u ixoq. Tul ech tal Jesuus s-eche: —Aʼetz ine uvaʼ nik inyolon savuchʼ s-txheel, —xeʼt Jesuus te u ixoq.

—Koʼvaq s-viʼ. Tul koʼ qil val u Vinaq uvaʼ jikxh qat talt s-ve jankʼal inqʼa bʼanel vaʼn. Aʼetz nik vale uvaʼ, aʼ vet u Kriistoe, —xeʼt u ixoq.