Versículos bíblicos populares de Xhun 5

Compartir

Tira toq val sete: Jaʼl u xaol nik abʼin vinyol, tul laʼ iqeja uvaʼ, aʼ vinBʼaal txhaqon tzaan in, atetz qʼij isaq uvaʼ yeʼl iyaʼebʼal imotxebʼal. Atz yeʼletz vete u yol laʼ jaʼp s-tiibʼa tiʼ ibʼen tu kʼaxkʼo uvaʼ laʼ iqʼon tu kamchil, pet at vet qʼij isaq.

Tul til Jesuus uvaʼ xoklich u yaabʼ. Tul tootzaqich Jesuus uvaʼ naʼynaqich tok vet yaabʼil s-tiʼ. Tul ech tal Jesuus s-te s-eche: —¿Nik asaʼeʼ laʼ abʼan bʼaʼn? —xeʼt Jesuus.

Pet bʼantan tekʼxh nik etxhʼoti viyolbʼal quBʼaal Tiuxh, inqʼa tzʼibʼamal ka. Tan aʼ nik etitzʼa uvaʼ tiʼ vetxhʼotit inuqul viyolbʼal quBʼaal Tiuxh toq eleqvat qʼij esaq uvaʼ yeʼl iyaʼebʼal imotxebʼal. Aʼetz nik yolonk viyolbʼal quBʼaal Tiuxh s-viʼ. Tul aaletz yeʼ nik esaʼt inqeexeʼ in, u Kriisto, in, uvaʼ laʼ aqʼon qʼij esaq uvaʼ yeʼl iyaʼebʼal imotxebʼal.

Yaʼne ech tal Jesuus te u yaabʼ s-eche: —Lakpen. Tul lak vatxʼatxh tzeʼ. Tul xaon veteʼ, —xeʼt Jesuus. Taletz kuxh Jesuus u yol uvaʼe, tul yekich ibʼan vet u vinaq bʼaʼn uvaʼ oybʼaliche. Tul ilak vet vitxʼatxh tzeʼ. Tul xaon veteʼ. Poro xeem qʼij saavadoich u qʼij uvaʼs ibʼant u vinaq bʼaʼn taʼn Jesuus.

Yaʼne ech tal Jesuus te inqʼa iqʼesal uqʼeʼybʼal s-eche: —Tira toq val sete: Yeʼxhkam vaʼq laʼ inbʼan sinjunal, in viKʼaol quBʼaal Tiuxh. Pet aʼ nik inbʼan kam uvaʼ nik vil ibʼant vinBʼaal. Tan kam uvaʼ nik ibʼan vinBʼaal, tul antetzxh uvaʼe nik inbʼane.