Versículos bíblicos populares de Yn. 15

Compartir

“Ese ndi kumusabibu ne enywe muli chisakia chase. Yesi yesi omenya mwise mala ese menye mu niye alaama kamatuunda kamakali, sikila se munyala mwakhola siosi siosi ne mukhali ne nase tawe.

Menya mu buambaani ne nase, ne nase ndamenya mu buambaani ne nanywe. Lusakia se lunyala lwaama kamatuunda lwong'ene ne lukhali khu musabibu tawe. Mu ngila neng'ene enywe se munyala mwaama kamatuunda ne mukhamenyile mwise tawe.

Mulaebwa sisiindu siosi siosi nisio mulasaba kaaba bali mulamenya mwise, mala kamakhuwa kase kosi kamenye mwinywe.

Enywe se mwandobora ese tawe, ese niye owamurobora enywe, mala namuruma ndi muche mwaame kamatuunda kamakali, lukano lwe kamatuunda kamenya lukali. Khwako Paapa akhamuelesie siosi siosi nisio mukhasabe mu lisina liase.

Mbao busiime bukali nibwo omundu anyala aba nabwo khu basaale bewe nga khuaana bulamu bwewe sikila nibo tawe.

Niye afunanga buli lusakia mwise lukhaananga kamatuunda tawe, mala asonjolanga buli lusakia lulwaama kamatuunda, nio lube lulayi ne khukhwama kamatuunda kamakali.

Lilaka liase nilieli: Siimana mwabene ne mwabene busa, nga ese ne namusiima enywe.

“Luyali lwa Paapa wase lwekesibwa ne nanywe nemwama kamatuunda kamakali ne mu ngila yino mwekela babeeka base.

“Ese ndi kumusabibu kwa ng'ali ne Paapa wase ali omulimi.

Yesi yesi okhamenya mwise tawe, amwaatwa aleeyi nga lusakia mala oome. Ne chisakia nga echo chirio, bachibusianga alala mala bachimwaata mu mulilo bachosia.

Namubooleele kano nio ekhoyo yase ebe mwinywe lundi mwesi mube ne khoyo yenywe mubwichufu.

Mwaba ne muria kamalaka kase, mulamenya mu busiime bwase, nga ese sesi naria kamalaka ka Paapa wase mala namenya mu busiime bwewe.

Kano nono, niko mulakiilisia enywe, siimana mwabeene ne mwabeene.

Abanga enywe be sibala andi sibala siamusiima nga babaandu basio. Ne kakhali, namurobora khukhwama mu sibala ne se muli be sibala tawe ako niko kakila sibala ne simubiila enywe.