Versículos bíblicos populares de Mateo 26

Compartir

Pysareko rãngapo avy peche hareka pirure, mahẽ peakui mbai porãmbape. Aikuaa pynykyrẽytẽ mbai haikaviva pijaporã, tẽvã pyndyroo kãngy.

Heishu reta: Shyrykovepe ãĩñymbasy, ãñandu ãmano verã rãĩmi. Kopẽĩ pime hareka avy peche shyhevikui.

Hãrã Jesús ohoposhy tynonderã, ĩñesu hova mbojapeve yvyre, hareka jurureshu Tũpa: Sheru, katuãra rỹmbyhasa shyhevi ko ñymbasykue. Tẽvã avy tiko she aipotava, koñeĩ tiko nde ripota.

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Karumapo ñynoĩ retarã, Jesús heky pãhã, haivi ohovasa; pysẽãmarã meẽshu mboireare hãrã heishu: Peu, kova hai shyrete.

Haivi mỹnyhẽjy pente vaso vino, haivi ñymboi'ĩãrẽ, mbyhasashu mboireare hãrã hei: Jyvache pimbyupy kova vino.

Haivi oujy mboireare'õpe hesha opa oche reta hãrã heishu Pedro: Katu'ãĩteira pysarekotẽ pẽĩve, pente ora?

Hãrã she haijy pee, koivive hauveamapo uva tyy, haujy verã arapeve penendie py'ahuva, Sheru mburuvisha vasurã.

Haipe Pedro mãnduahe Jesús heishu vekua rãĩmi, “Ndei uru ñyrãrã mbahapyjypo shiñomikui”. Pedro õhẽ katuaperã jaheote'i, shara mbasyiterã.

Pupũ'ã, jahajyvy, shara ouma shymeẽ verã.

Jesús heishu: Ñonojy ndykyse pukuva hyrupe. Opaite kyse puku poryva, kyse pukupẽĩpo jukahajy.