Versículos bíblicos populares de Muuduko 19

Compartir

Toro mollounapiyoduke toga Lootolluro abolo tov aikomgu gunyubwosumdo sokakwono. Toro soka kuga'gwo kuuno Lootolluro abolo tov talo imo'no'no suwasulo pwolbusuko adavokakwono. Lootolluro abolo tov su toro sumo'nokakwono.

Toro aduuwiyolo kuvi kuruv Lootol yere mavlavokaikono. Toro yoduke toga ensel tooral Looteke'aro gamoro abolo tokwe'aro gamoro taiyo tovake'aro tonumdotai wagwolago tovi kwa'mgu tomuuno kemi ato tovi'aro abomogaibworomokalokwolorakono. Gooti Yawel Looteke tonumdotaino kalo wino'no toro kwiyo'mwojokaikono.

Wagwolago tovida'ai bomogaibworomokalokwino sumaleyokwe aro amadolorakono. “Kevu nobolpiyokweyo'mo tov lukado neya dovlaiyulo. Toro plavopi toga aikomgu gunyubwosumdo mipinono. Aki kwako worato su toru mamwalpinono. Toro kugaikul kuruv yiuno muumuudo tooraiyomno kano kano juloulo.” Amadolorakono.

Toro te Gooti Yawel wagwolago kwako wora'maluko wo'dupudo tonyu toro amollounapiyokaikono. Aki Gooti Yawel Lootolluro amwallajuko towai kaiyako amollounapiyoka toga Lootolluro ganumamwolo Eburaiyamolluno kuudo saurokaikono. Toro yau'no sumaiyokwe Lootol kwako su towai nobolo'jokweyo'mo pumuuno amorapiyokaikono.