Versículos bíblicos populares de ARING KELESING 3

Compartir

Pelalau doh anan nyineng nah bua anan, deng en kani, sayu lan jam bua na', nei ngivah nah iha' avin bua atih ngavan na' seng nei nyemugen, pelalau pah iha' ala bua anan en na' kani, dahin ma'uk men laké' na' lahuh, laké' na' pah kani na'.

Nyipa' atih iha' nah kelalau lalé' tugé' men hang lim-lim tulan aleng uh en Tuhan Allah na ha' usun tana. Nyipa' kuma' men doh anan, “Adang nunih dahun Tuhan Allah, ‘Lim iung bua alem lida anih, meng kua' kuman bua na',’ nunan dahun Na' kurik?”

Akui seng na ika' pebunu dahin doh anih, nunan pah pahu ka' dahin pahu na' lahuh, anak na' seng lemruk kahung ka', dahin anak ka' seng nudek tumin na'.”

Ken Na' men doh anan, “Akui seng ma'uk katé' men ika' tegu ika' mali, nunan pah tegu ika' nganak lahuh, ika' ga' tusah aya', ika' pah seng liveng té' hawam, nurei pah lahuh hawam aleng seng dekaya' té' ujung ka'.”

Ateng umah ka' musang ika' ilau ket im kani, ateng ka' tei uli balui tana la'an, avin men tana kah pa'un Kui na ika', adang uli ha' pup tana kah ika' lahuh.”

Ken Na' pah la'an men laké' anan, “Avin ika' uh kelenghi dahun doh ka', tei kuman bua aleng uh Ek bara, em mun ika' kani na', beka' im kani pah, avin anan tana anih pah tulah kenam dahin katé' nah ika' ilau ket im kani té' usun tana nih ji iung urip ka'.

Ken Tuhan men iha', “Hi aleng bara men kua', ja kua' jam kua' utoh nunan? Nuno' nan, kua' kani nah bua aleng Ngavak mano' kua' em mun kua' kani na' arei di iah?”

Iha' muga dawa' men lida atih, dahin men béh matan dau pa'un té' lida Eden anan en Na' nei nah kuri-kuri meliket kerub paget malat aleng té' apui aleng ngelat pa'en, ja pian iung bua urip anan.

Adam anan na aran doh na' Hawa, avin iha' nah aleng hinan kelunan lim-lim.