Versículos bíblicos populares de YOHANE 14

Compartir

Gɑ wə nthak hwitə bi po; gɑ̌ hɑ hwitə a bi po. Ŋ tə hɑ m nthi pa' dzʉ̌ hɑ a pɑ́. Lam tsɔ kɑ kwi' sɔ, po kɑ kwi' bwɔk.

Yeso ghɔm bi e gɑ: Gɑ̌ bɑ məjyə, bíŋ bɑ́ nyənyɔ, bíŋ bɑ vɔk. Sɔmmo tə́ gɔ bi Tá tə cyə pɑ m nə m̀ pɑ.

A lam tsɔ kɑ sɔ; po piŋ Si, po piŋ ba myə̀ yɑ̌.

Tə́ Parakle, Zhwenyə Dɔlɔ̌ yə Tá gɔ təm bi po cyə m nə́ tso tsɑ̌ a gɔ sɔ' zhi'tə wɔ guŋ mnwə awɛ, piŋ ghə po kamtə myə də ghɔm a awɛ.

Mo yə ě tɔm mco' mə̌, biŋ bɑ giŋ nə a, mo bɔ ŋkhuŋ a: Mo yə ě nəŋ ŋkhuŋ a, bɑ Tá a gɔ kuŋ e, ba myə̀ yɑ̌ piŋ ŋkhuŋ e, Ta piŋ gə e zhyə a.

a shwyɛ'nyə Tá, e hɑ mu' Parakle yə pu a pu gɔ pɑ́ guŋ mcwə awɛ a bi po. Yú nə bɑ Zhwenyə nyənyɔ, mo yə dzʉ̌ bɑ e ka ku' nə kwi e a, nə pa' dzʉ̌ tə́ jɔ e pɑ́, e lə nəŋ jyə́ e. Po bɑ pǒ zhyə e nə pa' e shwə bəŋ po, biŋ bɑ nə po.

Gúŋ ywə awɛ yə po gɔ lɑ tsó tsɑ̌ lo a, bɑ gɑ̌ gɔ ghə, po'o gɑ a cyə m nə Mú pu ghu'tə Tà. Po lo ywə bəm m nə tso tsɑ̌ bɑ gɑ̌ gɔ ghə po'o.

Po kuŋ a bɑ po gɔ kaktʉɔ nə ghiŋ nə́ mco' mə̌

Mtsʉ' bɑ dyə Tá a tə́ jɔ́m; ka po'o a bɑ gɑ̌ ghɔm bi po gɑ́ gɑ̌ gɔ ghɔ nyaptə tsʉ' bi po yə po gɔ sɔ' pɑ́ nə á lə?

Cwə yə gɑ̌ gɔ ghɔ tə nyaptə tsʉ' bi po a, a biŋ sɔ' dɑ wɔ pɑ ghɔ̌, po'o gɑ́ tsʉ' yə gɑ̌ nə a, ba wɔ yɔ sɔ' bɑ́ tsʉ'u.

Tomasi ghɔm bi e gɑ: Cyəpɔ, pyə bɑ pyə ka zhyə́ bǎ tsʉ yə o gɔ m nə a, tə̀ pyə gɔ zhyə́ məjyə m gɑ́ kɑ?