Versículos bíblicos populares de YOHANE 15

Compartir

Gɑ̌ bɑ thə́ mlù', po pɑ́ bǔ thə́. Mo yə ě cwə nə m̀ biŋ shwə nə e a, mo bɔ gɔ yam nthɔm jɔmyɔ̌m, nə pa' po cyə tə́ pɑ̌ nə m̀ bɑ po tə́ gɔ ku' nə ghə sɔmywə pɑ́.

Po cwə nə m̀ pá' gɑ̌ shwə nə po a! Dəŋdəŋ pa' pǔ thə pɑ tə la nə to thə ba a tə́ gɔ yam nthɔm do e a pɑ̀, a bɑ dəŋdəŋ po'o nə po bi a pɑ gɑ po ka cwə nə m̀.

Po cwə nə m̀, ghɔm tsɑ̌ piŋ shwə nə po, bɑ po gɔ ló ywə yə po wə shəŋ a, a sɔ' bi po.

Tə wɔ nə lə́ shwɔ' a pɑ́, myə̀ nə lə́ shwɔ' wɔ, biŋ jap wɔ gɑ po ghɔ jam nthɔm, a nthɔm mɔ pɑ pɑ́wə tə bi a po lò pɑ́ kɑ́ lɑ́ bi Tá shyə m nə́ tso tsɑ̌ bɑ e gɔ hɑ bi po.

Bi a pɑ sɔmmo lə́ ghə kuŋnyə tə́ shyə́ mo yə e hɑ vɔk e nə thə́ pɔ pyə é ŋkhuŋ wap a.

Bǎ ya pú thə́ lə́ yə a la nə m̀, tə́ la' á pɑ jam nthɔm a, e nthé é; tə́ yə pǔ thə yə a jam nthɔm a, é pɑ só tə́ a cəŋtə́ jam.

Mco' mə̌ bɑ gɑ: Po pɑ́ ŋkhuŋnyə wɔ wɔ pa' ŋ də ŋkhuŋ wɔ a.

Ywə yə a gu'tə Tá a bɑ gɑ́ po yam nthɔm a yɔ́m, biŋ bɑ pɑkhʉ̌ pɑ̌.

Gɑ̌ bɑ thə́ mlù' nyənyɔ, Tá a pɑ mo yə é dé thə́ bɔ a.

Mo pɑ tə́ cwə nə m̀ bɑ pú gɔ ma' e pé pa' bǔ mthə́ a, e yə́m, pú lak ma' mɔk, é khə́.

Gɑ̌ siŋ wɔ mnwə bɔ awɛ po'o gɑ́ yɑ̀ nə ŋwɛnyə pɑ́ yɔ, a yɔ nə ŋwɛnyə pɑ́ yɑ̀.

Po zhyə̀ mco' mə̌, bɑ po gɔ cwə nthʉm kuŋnyə a, dəŋdəŋ pa' gɑ̌ jyə́ mco' Tá a shwə nthʉm kuŋnyə e a.

Ywə yə gɑ̌ gɔm bi po a bɑ́ gɑ́ po kuŋnyə wɔ wɔ.

Po lə́ pe' bɑ́ pɔ̀ dzʉ́, bɑ dzʉ̌ ŋkhuŋ ywə yə a bɑ́ yə́ a; da' gɑ po tə́ bɑ́ pɔ̀ dzʉ́ pɑ́: Myə̀ nə lə́ nthé wɔ nə dzʉ̌, a ywə yə a gə tə́ dzʉ̌ pɔ wɔ a.