Mata Nwɔŋ bəraa íí dá bɔbm̀ zɔ̀ŋə núúboòraa rú roó
Nwɔŋ bəraa íí dá bɔbm̀ zɔ̀ŋə núúboòraa rú roó
Zɔ̀ŋə núúboòraa rú rə, Mata í' nɛ́b aa oò nɛɛ̀n bərə, nwɔŋ bəraa Yéésù gám, bít kə̀ tù' bəraa Yéésù mà' rə, bádǹ daànmbìá. Aarə tə́ nyɛdkèá, nwɔŋ bəraa bə̀ bád Núúboòd Gìdńnú rə, nwɔŋ pɛ̀sə́ bə̀ bərá, nɛ́b aarə naú. Bít Mata yid bɔ̀m in nə́ŋ̀má i'ǹmbə̀ sé, nwɔŋ bəraa bàà nɛɛ̀n aa Yéésù dáà yaànà rú, kə̀ Nɛ́ŋə̀ aa Vɛnɛ́b tɔ̀bə̀ gààd kílə́m yílú, vúgà Vɛnɛ́b naà rə kíin doó. Mata bád núúboòraa yée, bɔ̀b ma'ǹmbə̀ káb, nɛ́b bagké Yéésù bə̀ bəd boò gàb kúnú, tɛ́mbagké boò aa Yéésù, Nɛ́ŋə̀ aa Vɛnɛ́b tɔ̀bə̀ gààd kílə́m yílə́ rə naà rə, páá lígə́rì sɔ̀ɔ̀nkè nwɔŋ bəraa núúboòd doo rú rə rú, bít dá bə̀ láŋ̀ kaŋ̀mbə̀ tɛ́mbagké rú.
Nwɔŋ yíl bə̀ nə́ŋ̀ aa báan bɔbm̀ zɔ̀ŋə dú rə, Vɛnɛ́b í' nɛ́b bəd boò ləə bəǹ kúnú. Aarə í' tə́ baànmbə̀ boò kùm wɔ̀ɔ̀làá. Aarə in gbà'á aa tə́ in aa Mata í' kàn nɛɛ̀n, nɛ́b aa bə̀ tə́ núúboòd oò gádǹ də, boò gàb Yéésù insánke yílə́ rə i'ǹ doó.
Nwɔŋ yíl bə̀ bəraa zɔ̀ŋə núúboòraa rú roó
– Yéésù dooù bərá, kə̀ lɛbké oòra (1.1–2.23)
– Nwɔŋ aa Yohana nɛ́d baptisma bə̀ piìn gám doó (3.1-12)
– Baptisma aa bə̀ pii Yéésù roó, bít kə̀ nɛɛ̀n aa bə̀ zááù rú roó (3.13–4.11)
– Tù' bəraa Yéésù mà' Galili yɛ́b bəroó (4.12–18.35)
– Yéésù zá' Galili yɛ́b ba, ɛ̀m Urusalima bìlú (19.1–20.34)
– Lɛ́bke Yéésù bìá, fágə́n oòra, bít kə̀ val oòra (21.1–27.66)
– Yéésù díímì valú (28.1-20)
Actualmente seleccionado:
Mata Nwɔŋ bəraa íí dá bɔbm̀ zɔ̀ŋə núúboòraa rú roó: SLNT98
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Nouveau Testament en Samba Leko © Alliance Biblique du Cameroun, 1998.