Gha ta Wəshi 5
5
Sləa ka shihɛ se te Adam hwa'a te Nowɛ
1Wa nyi sləa hwelefefi nyi kesawa mbe Adam nyi:
Ma te veci nya pate mbeli Shala ne, kala ghəa ŋkɛ pate hɛ ŋkɛ. 2Yɛ za le male pate hɛ ŋkɛ, pa ŋkɛ wəpikɛ hɛ ba'a ndeke nda sləa mbeli ke hɛ te veci nya pate hɛ ŋkɛ.
3Pa Adam menete va gwəmsə ba'a mahekenemsə. Pa ŋkɛ yake wəzege teza nya kala gheŋkɛ ba'a hekate nda slə kaSɛt. 4Ma kwetere wəmbəa ya ta Sɛt ne, pa Adam menete va gwəmsə deghese. Nahe ŋkɛ keyake kweci ŋwale tezhili ba'a ŋwalea kwɛ. 5Ma kwa menete va ŋkɛ gwəmsə mesli ba'a mahekenemsə pɛtɛa ŋkɛ ne, mtiwə ŋkɛ.
6Va gwəmsə ba'a mcɛfe menete Sɛt nda yake Ɛnos ŋkɛ. 7Kwetere wəmbəa ya ta Ɛnos ne, va gwəmsə deghese ba'a mberefaŋe menete Sɛt zhɛkwa. Nahe ŋkɛ keyake kweci ŋwale tezhili ba'a ŋwalea kwɛ. 8Ma kwa menete va ŋkɛ gwəmsə mesli ba'a meŋe bakeghəmbe pɛtɛa ŋkɛ ne, mtiwə ŋkɛ.
9Ma kwa menete va Ɛnos meslimsə ne, pa ŋkɛ yake wəzege teza: Kɛnan. 10Kwetere wəmbəa ya ta Kɛnan ne, va gwəmsə deghese ba'a meŋe mcɛfeghəmbe menete Ɛnos zhɛkwa. Nahe ŋkɛ keyake kweci ŋwale tezhili ba'a ŋwalea kwɛ. 11Ma kwa menete va Ɛnos gwəmsə mesli ba'a mcɛfe pɛtɛa ŋkɛ ne, mtiwə mtenyɛ.
12Ma kwa menete va Kɛnan mberefaŋemsə ne, pa ŋkɛ yake Malalɛyɛl kawəzege teza. 13Kwetere wəmbəa ya ta Malalɛyɛl ne, va gwəmsə deghese ba'a wəfaɗemsə menete Kɛnan zhɛkwa. Nahe ŋkɛ keyake kweci ŋwale tezhili ba'a ŋwalea kwɛ. 14Ma kwa menete va Kɛnan gwəmsə mesli ba'a meŋe pɛtɛa ŋkɛ ne, mtiwə mtenyɛ.
15Va ŋkwaŋemsə mcɛfeghəmbe menete Malalɛyɛl nda yake Yɛrɛd ŋkɛ. 16Kwetere wəmbəa ya ta Yɛrɛd ne, va gwəmsə deghese ba'a mahekenemsə menete Malalɛyɛl zhɛkwa. Nahe ŋkɛ keyake kweci ŋwale tezhili ba'a ŋwalea kwɛ. 17Ma kwa menete va Malalɛyɛl gwəmsə deghese ba'a meslimsə mcɛfeghəmbe pɛtɛa ŋkɛ ne, mtiwə mtenyɛ.
18Va gwəmsə ba'a ŋkwaŋemsə bakeghəmbe menete Yɛrɛd nda yake Ɛnok ŋkɛ kawəzege teza. 19Kwetere wəmbəa ya ta Ɛnok ne, va gwəmsə deghese menete Yɛrɛd zhɛkwa. Nahe ŋkɛ keyake kweci ŋwale tezhili ba'a ŋwalea kwɛ. 20Ma kwa menete va Yɛrɛd gwəmsə mesli ba'a ŋkwaŋemsə bakeghəmbe pɛtɛa ŋkɛ ne, mtiwə mtenyɛ.
21Va ŋkwaŋemsə mcɛfeghəmbe menete Ɛnok nda yake Matəsalɛm ŋkɛ kawəzege teza. 22Kwetere wəmbəa ya ta Matəsalɛm ne, va gwəmsə mahekene menete Ɛnok kwa hweŋkwa ta Shala. Nahe ŋkɛ keyake kweci ŋwale tezhili ba'a ŋwalea kwɛ. 23Va gwəmsə mahekene ba'a ŋkwaŋemsə mcɛfeghəmbe menete Ɛnok teghweme pɛtɛa ŋkɛ. 24Ma kwa zelete hweŋkwa ta Shala ŋkɛ ne, terayɛ ŋkɛ zanyɛ, kwa nza ŋkɛ nahe Shala keleghe ŋkɛ kadzeme shɛ.
25Va gwəmsə ba'a deghesemsə mberefaŋeghəmbe menete Matəsalɛm nda yake Lɛmɛk ŋkɛ. 26Kwetere wəmbəa ya ta Lɛmɛk ne, va gwəmsə mberefaŋe ba'a deghesemsə bakeghəmbe menete Matəsalɛm zhɛkwa. Nahe ŋkɛ keyake kweci ŋwale tezhili ba'a ŋwalea kwɛ. 27Ma kwa menete va Matəsalɛm gwəmsə mesli ba'a ŋkwaŋemsə meslighəmbe pɛtɛa ŋkɛ ne, mtiwə mtenyɛ.
28Ma kwa menete va Lɛmɛk gwəmsə ba'a deghesemsə bakeghəmbe ne, pa ŋkɛ yake wəzege teza. 29Pa ŋkɛ ndeke nda slə kaNowɛ. Kwa nza ŋkɛ ma ke: «Gheŋkɛ nde tegweɗakwe ɓəmə wənə mbe slene ta ɓəmə ba'a va yaka nya te gheɓəmə, va nya bezlamte hɛɗi Mahwətə.» 30Kwetere wəmbəa ya ta Nowɛ ne, va gwəmsə mcɛfe ba'a meslimsə mcɛfeghəmbe menete Lɛmɛk zhɛkwa. Nahe ŋkɛ keyake kweci ŋwale tezhili ba'a ŋwalea kwɛ. 31Ma kwa menete va Lɛmɛk gwəmsə mberefaŋe ba'a mberefaŋemsə mberefaŋeghəmbe pɛtɛa ŋkɛ ne, mtiwə ŋkɛ.
32Va ta Nowɛ gwəmsə mcɛfe nda yake ŋwale tezhili mahekene ŋkɛ: Sɛm, Sham ba'a Zhafɛt.
Actualmente seleccionado:
Gha ta Wəshi 5: BEK12
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
La Bible en langue Kapsiki avec les livres deutérocanoniques © Alliance Biblique du Cameroun 2012.