A’NPHUTNA 2
2
1Khang’khan vânhnōi ralei rakip kha insyemsō jo. 2Ni 7 tluk ning khan chu Pathen in aṭōntlo rakip kha aleichai joa châm le’nhnga jo.#He 4.4,10 #Sōk 20.11 3Ama’n ni 7 ning kha aṭhensōt a ahlop mônga vângṭhat aleipek, ajârchu akutsyem rakip kha khava ning aleichai joa, aṭōntlo le’nhnga jo. 4Khang’khan vânhnōi hi le’nsyema kae.
Eden Rahōn
Rōngpu Pathen in vânhnōi asyem lai khan 5raleichunga kaharkung, thingkung, anse-hleina heite leihmông mak. Ajârchu khō laman sûrmak, khana tûte’n hlei leithlō mak hei. 6Tâk-kha thōia inphut tui kha ahei sōk leh raleichung hi tui in amanchor sik kae.
7Khava sōa Rōngpu Pathen in raleia inphut matlak aloa, pase inkhat aleisyem. Ama’n ahnâr khura hringna kaphuk amasa khuma pase kha mihring hongkachang jo.
8Khava pha Rōngpu Pathen in nisō intongting Eden rahōn inkhat asyem; asyem mipa kha khana khan aleida. 9Ama’n thingkung kaṭha rakip amankek a, kara kaṭhaṭha amanra a kae. Khava alaiṭimtak a khan akase leh akaṭha manhret theina khana hringkhō kapek thingkung inkhat aman hmônga kae.#Ṭph 2.7; 22.2,14
10Eden shunga khan, kavadung inkhat kalōnga, khan rahōn kha tui amanchora kae. Eden akhe jo leh chu abâk manlia inṭhen a kalōng jo. 11Hma-inkei tuidung kha Pishon inti, Havilah ram ave mankima kalōng. 12(Khana khan sana intheng kasōk, khan chu thai marim katuitak leh hlung mankatam he’m inhmua kae.) 13Inhni tlukna tuidung kha Gihon kae; Cush ram ave mankima kalōng. 14Inthum tlukna tuidung kha Tigris kae; Assyria nisōting kalōng, khana manli tlukna tuidung kha Euphrates kae.
15Khava pha Rōngpu Pathen in mipa kha rahōn kathlō sik leh aka-hrung sik a Eden a ada jo. 16Ama’n ahnenga, “Rahōn shunga thing kara rakip heiso nasâk thei sik, 17sova akase leh akaṭha manhretna kapekthei tei loa. So chu nasâk hêrmak sik kae; nang in nasâk ning akathi sik che kae,” atipek.
18Khava pha Rōngpu Pathen in, “Pase sik a abing rōk a aka-om sik hi akaṭha changmak. Ke’n, ama ta’nloipui sik leh a’nthōpui sik inkhat kasyem pek sik,” ati. 19Khana ama’n raleia inphut vaiphin ṭhahrep aloa ranhring rakip leh va rakip asyem jo hei, khava sōa mihring khan anrahming et aphō heina sik, ahnenga man enna sik khahei kha aṭhōi hei, khang’khan rahming anleichen et jo. 20Khava jâra mihring khan sha rakip leh va rakip rahming aphō jo hei; tâk khahei kâra inkhatbek ama inloipui leh a’nthōpui sik rahōi kasōk leiom mak.
21Khava pha Rōngpu Pathen in, mihringpa kha amanje hngera, aje kathi amanâkru inkhat alosōt pek a, abi hmun kha amansip pek nôk a kae. 22Ama’n manâkrua inphut nuhmei inkhat asyema, ahnenga aṭhōipek a kae. 23Khava sōa mipa khan,
“Achaina, hinahin kei kapōzek inkhat ka-om jo,
aru karua inlosōt, khana aravōi karavōia a’nlosōt kae.
Pasea inphut losōt achang jâra, ‘Nuhmei’ a’nti sik kae,” ati.
24Khava jâra pase inkhat in anu leh apa adahlona anuhmei leh a’nchun hei kae, khana taksa pumkhat akachang hei kae.#Mt 19.5; Mk 10.7,8; 1 Cor 6.16; Eph 5.31
25Pase leh nuhmei kha antaksa arōksaia leika-om hei, kha’num le’nzak mak hei.
Actualmente seleccionado:
A’NPHUTNA 2: KOMRBSI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.