Matìù 19

Èngǎ̧ Yesò adù̧ ànəa màntu̧ àvi

(Mk 10:1-12)

1Yesò pàa a màndaꞋa mèngà̧ maa, sa Galìlî me ghǎ àbâ àlaꞋ a Jùdià yu à agua èdzî Jodàn la. 2TaꞋà ènɔ̧̂ bòt e kùŋe atò ngà tà bəè bòt àghɔ̧ a kètsìà wɔb.

3Bèfalèsiì ko e kɨꞋɨ me kɨ enyɔ̀Ꞌte a Yesò, mbììte atò nê “Tè mbɨ̧ ta te bɨ̧ɨ̧nè nê, ànəa ko aà və betsiꞋa a ghɨ̀ tè wòt tû̧ vi vi mbɨ̀Ꞌɨ̀ tà kɔ̀ŋkè la à?”

4Yesò bɨ̀ɨ̀lè nê, “Bɨ bakà tɔ àdziꞋ yu a èbem àkata Mbɔ̧ɔ̧mà a laꞋnê ngɔ̀ŋ li me bùꞋu, Mbɔ̧ɔ̧mà ghɨ̀ mbâ̧ nè àvi la à? 5Tà bɔ̂ shuê nê, mbâ̧ bɔ ndɨ tàa sa tǎt vi bɔ̂ nyɨ̌ vi, bɔ̂ vi vi aa fɔte e tsiꞋi àghɨ yeamɔꞋ la. 6Ale, bɔ ka tsi ngu mbɨ̀Ꞌɨ̀ bòt tsa tsa, bɔ tsiꞋi àghɨ yeamɔꞋ.” È wu ale, àghɨa Mbɔ̧ɔ̧mà tsəꞋne la, wɔ̀bȩ̂ ka sàbtè.

7Bèfalèsiì bu e mè mbììte atò nê, “Ale, tè Musì li ngɨ̀ na ka shuê nê wòt me kɨ etu̧ vi vi tà ŋǎ tò kèba àkatè enɨ nyɨꞋte nê ye tu̧ atò, ka mbɔ̂ fəa tò tà me gha à?”

8Yesò bɨ̀ɨ̀lè nê, “Musì li me bɨ̧ɨ̧ne nê, betsiꞋa wòt tu̧ vi vi, ale, ngu ndɨ̀ wu mèntɨ̧ɨ̧ mɨ̧ nàa nkwèèla la. Mbɔ̂ ngɔ̀ŋ li me bùꞋu à ka lem ngu a èlɨ mbɔŋ. 9TsiꞋ è shua wɨ̧ nê, wòt tà tu̧ vi vi ane ànəa ko tsa, kà wu laꞋ nê, àvi wu nɔ̀ŋkè bɔ̂ wòt tsa, ngà ndzɔ̀Ꞌɔ àvi kǒ tsa la, ŋut ko nê ye wua njɨ̀a àbȩ.”

10ÀfɨꞋa mbɔŋ, bɔkatè Yesò e shuê abua tò nê, “A wu ewu anè a kètsìà mbâ̧ bɔ̂ vi vi, ko a bɔ̂ŋ nê wòt tseke avi kà lem ndzɔꞋ.”

11Ka Yesò shuê abua yɔb nê “È nka laꞋà èngà̧ waa abua wàa, wàa; e ndàꞋa wuê abua bòt bu Mbɔ̧ɔ̧mà ghɨ bɔ bɨ̧ɨ̧ne èngǎ̧ mbɔŋ la. 12Ane bòt bu kà yɔꞋ la èbeko àa ngɨ̀ bɔ me lɔ̀Ꞌɔ a si bɔ̀ ka bɔ ntɨ̀ a màndzɔꞋɔ, èbeko e me bakà yɔꞋ è ghɨ̀à bɔbȩ, ka nê èbe bɔ gha ambo kèfɔ̧̀ Mbɔ̧ɔ̧mà ntû̧ eyɔꞋɔ la. Wòt tàa ko ebɨ̧ɨ̧ne èngà̧ waa la tà bɨ̧ɨ̧ne.”

Yesò fà̧à̧te bɔtechɨɨle

(Mk 10:13-16; Lk 18:15-17)

13Bòt ko e nɨ bɔtechɨɨle nkɨ̀Ꞌɨ̂ Yesò naa nɔ̀ŋe èbu bi a ègwet lɔb etsàꞋte Mbɔ̧ɔ̧mà àtsəa yɔb. Bɔkatè tò e ŋȩte bòt mbɔŋ.

14Yesò shuê nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨꞋɨ̀ bɔ̀ɔ̀ba wàà.” 15Tà ghɨ̀ ale, nɔ̀ŋè èbu bi a ègwet bɔ̧ bu ndɔ̀ɔ̀le àwɔb mbɔ̂ me ghǎ.

Wakèsà èkab kǒ

(Mk 10:17-31; Lk 18:18-30)

16Wòt kǒ li nkɨ̀Ꞌɨ̂ abua Yesò nê, “NyɨꞋtà, ànəa ntsɔ̧̀a betsiꞋa e ngɨ̀ tè mbɔ̀ mèmpème kàlìà la wu ghà à?”

17Yesò bɨ̀ɨ̀lè nê, “À ghɨ̀ na ka me tɔ am ane wòt ntsɔ̧̀ à? Wòt nàà ndàꞋ wemɔ̀Ꞌ tà wu wòt ntsɔ̧̀ la. À me kɨ ebɔ mèmpème kàlìà, à me nɔ̀ŋe mbɨ̧te Mbɔ̧ɔ̧mà.”

18Tà mè mbììte a Yesò nê, “Mbɨ̧te ŋaà?” Yesò bɨ̀ɨ̀lè nê, “À ka mbùŋè wɔ̀bȩ̂, à ka njɨ̀ àbȩ, à ka ntsɔŋ, à ka mbɨ̧̀ɨ̧̀ne ànəa àfɨte àtsəa wòt. 19Me zəa tǎt wè bɔ̂ nyɨ̌ wè, mè me kɔ̀ŋkè wanyɨ wè mbɨ̀Ꞌɨ̀, àwɔ̀ mbɔŋ.”

20Wakèsà wu bɨ̀ɨ̀lè nê “Mâ nɔ̀ŋe mbɨ̧ tàa à shua la tègème, kò àghɨa ko a belè à?”

21Yesò shu abua tò nê, “À lâ me kɨ kùꞋu a mbì Mbɔ̧ɔ̧mà, à ghà fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, mbɔ̂ nkɨ̀Ꞌɨ̂ nkùŋè am, ko aa li jandèlè a ègwet.”

22Mbɨ̀Ꞌɨ̀ wakèsà wu zə ànəê yaa la, tà lɔ̀Ꞌɔ me ghǎ ane tèsȩ, nkàà nê tà li ntaꞋa bɔ èghɨ nyaŋ.

23Yesò shu abua bɔkatè bi nê, “TsiꞋ è shua wɨ̧ ane nkûŋ nê, a taꞋa wua nkwèèla abua wòt èkab taa nyi a Kèfɔ̧̀ Mbɔ̧ɔ̧mà. 24TsiꞋ è mě shua wɨ̧ nê, aà njùa anyà̧ mbɨ̀Ꞌɨ̀ loà naa tɔɔ a èbem èləꞋə sàꞋa, tè ntsè ndɨ wòt èkab nàa nyi a kèfɔ̧̀ Mbɔ̧ɔ̧mà la.”

25Bɔkatè Yesò è zə èngà̧ waa, a taꞋa tsè àwɔb, bɔ tsiꞋi biite nê, “Tè a wu anè, ko betsiꞋa wàà bɔ mèmpème à?”

26Yesò bê ndɔ̀kè àvi ndzè àwɔb shu nê, “Aà nkwèèla abua bɔbȩ, ka è wu nè Mbɔ̧ɔ̧mà, ko àghɨ àgème aà njùa.”

27Pità bɨ̀ɨ̀le nê, “Ye ndɨ baa sa èghɨ ègème nkùŋe awê la. Àbȩ̀ aya nàa li wu ghàà?”

28Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la. 29Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà. 30Ka bòt nyaŋ, bɔ̀ wua mbì àfɨ̀Ꞌ yaa la, bɔɔ li tsiꞋa akwèn, èbe bɔ̀ wua akwèn la e tsiꞋa a mbì.”

Actualmente seleccionado:

Matìù 19: mnf

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre Mundani

Matìù 19

Versículos bíblicos populares de
Matìù 19

Biblia:

Mundani

Versión: Mundani - mnf

Matìù 19

Matìù 19

Versículos bíblicos populares de Matìù 19

Biblia:

Mundani

Versión: Mundani - mnf

Matìù 19

Versículos bíblicos populares de
Matìù 19