Lʉkas 9
9
Yesʉs lé elomo mɨlʉmlʉ mye
(Mataos 10.9; Markus 6.8)
1No ó Yesʉs a ze jebe esama le ompʉn be ewʉm e l'oba, ze dwe be nkul ó, bé dwihɨ bʉr moleme, le ejomo bʉr mosyɛb. 2Nye ntɔʼ lomo be ó, myé toʼ le elɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ, le etiʼ mɨsyoblʉ. 3Nye ó: «Bɨn to é cyen yiʼ ó, abe e fumo é mbo, abe e myah, nkʉ bler, nkʉ mɔn. Ato ga e bɨdur bɨba. 4Mbɛr wiwɛh bɨn bé óniŋlɔ tɨʼ ɨ, diʼe ga tɨ, to pyal é jɔʼ bɨn bé ómʉa, laa nyiha kwar ɨ. 5ǃƗ bʉr si be, agwɨm bɨlan e bɨn nɛʼɛ, bɨn bé à tɨ koho dih é jɔʼ bɨn lé eduho kwar wɔɔ, to e cyen yin dolo e. Syɛɛla yaa, yé ónwahle be, lɛʼle be ó, bé mu ó e mobyaʼ.»
6No ó mɨlʉmlʉ mye, myé a ze jà zi, toŋɔ mokwar e mokwar mɛh, to le elɛɔ bʉr Mbɨambɨa Lɔɔ, le etiʼɔ mɨsyoblʉ é bɨgumo bibyɛh.
Erod mu ó lé ejoʼo lɔɔ lé etiibe e bɨdweʼle bɨ nkul mo Yesʉs ɨ
(Mataos 14.1; Markus 6.14)
7Njwɨɨbʉr Erod Antɨpas a be ó si joʼo lɔɔ bɨsa bibyɛh byé a dɨ syɛɛlɨ ɨ. Nye a baagʉa ndumlo tɨ, ebe, baʼ bʉr, bé a lɛɛ-lɛɛ ó: «Yʉanes, nyi pàh é foo!» 8Bʉʉ, bé ó: «Hɨʼɨ, Élie ó ndɨ si bula ze nɨ.» Bʉʉ nteme, bé ó: «Yaaa, yé ó nuu ngwiha mɨlɔb fih a be molu pihe e. Nyi bula pàh!» 9Erod nyɛɛ a lɛɛ é we paʼ ó: «Me ekʉ gʉa ó, me a si kʉ tiʼe Yʉanes lʉ. No ó, mʉr lɔb we lé elwibɔ wâʼ ɛ, nye zé?» Nye ntɔʼ ze saa ó, nye bee ó nye.
Yesʉs lé edwe bʉr otɔɔyin otɛn mode
(Mataos 14.13; Markus 6.30; Yʉanes 6.1)
10É jɔʼ mɨlʉmlʉ mo Yesʉs, myé a ka bula ɛ, myé ntɔʼ taŋle nye sa yiyɛh myé a sa ɛ. Nye ntɔʼ nʉa mye, to e mye é gumo bé toʼ di bé ome e. Yé a be ó paʼ zi kwar ndɨ e die ó, Betsɛda ɛ. 11Sa gwar, ntuntuma bʉr, yé a be ó si jʉʼra no, yé ntɔʼ du nye é koo pihe. No ó nye a ze soho be, ntɔʼ lɛɛ Mbɨambɨa Lɔɔ lé etiibe e jwɨ̀ʼa mo Zyɛm ɨ, le etiʼ mɨsyoblʉ mimyɛh.
12É bii kʉʼ, Esama le ompʉn ewʉm e l'oba, bé ze pyal boo Yesʉs. Bé e nye ó: «Buula ntuntuma bʉr yi, yé fiʼɨ, to é mokwar ndwe e mompɔ́ɔ́ ndɨ kaʼ e l'ebò e bɨna ga ɛ. Yʉʉ jɔʼ, bé óbee bɨja ndwe e mode. Bé abe e nkul eka di wâ, ebe, bɨna ga bé wâʼ ó, é lʉn.» 13Yesʉs ntɔʼ lɛɛ e be ó: «Bɨn bʉr o tɨ, dweʼ ga be mode.» Bé e Yesʉs ó: «Gwɔɔ lɛɛ ó, bɨh dweʼ be mode. Zê go agʉa ó, bɨh bé ó, njɨ e bɨbler bɨtɛn e l'ofu oba ɛ? Zê go lé egwɨm ó, bɨh toʼ, to bwam be mode ɛ?» 14Tina, yé ó, bʉr, bé a be tɨʼ ó, bʉrʉm e bʉrʉm kwoʼ be otɔɔyin otɛn! Yesʉs ntɔʼ lɛɛ e l'ompʉn be ó: «Dilɨ ga be si, montumo montumo. Entumo egwar, lé diʼe bʉr mowʉm motɛn e mpuʼ.»
15Bé ntɔʼ sa nteme no. Bʉr ze di si, montumo montumo. 16Yesʉs ntɔʼ nʉa bɨbler bɨtɛn e l'ofu oba, bɨn mih kʉ, ze dwe Zyɛm ekiba é lɔb mode maa, ze pɛ̂ʼ me bɨpeh, timle ompʉn be, ó bé kaba bʉr bya. 17Bʉr bɨbɛh ze de, é de de, díle. Bé ze syɛŋ mode mé a kur si ɨ, bé ntɔʼ loŋlo bɨkar ewʉm e bɨba.
Yesʉs ó ndɨ Lœma mulo mo Zyɛm
(Mataos 16.13; Markus 8.30)
18É lʉʉ dobo, Yesʉs a be ó lé ejwɨʼla e Zyɛm nye ome é l'empàh. Ompʉn be ze pyal. Nye ntɔʼ dî e be ó: «Bʉr, bé epa kʉ lɛɛ wâʼ ó, me zé?» 19Ompʉn, bé ntɔʼ bɨha ó: «Baʼ, bé elɛɛ ó, go ó Yʉanes Ndubʉr. Bʉʉ, bé ó, go ó Élie. Bʉʉ nteme, bé elɛɛ ó, go ó nuu ngwiha mɨlɔb a bɛa dwè, ntɔʼ bula pàh ɛ.» 20Nye ntɔʼ dî e be ó: «A bɨn bɛɛ, bé elɛɛ ó, me zé?» Pyɛr ntɔʼ bɨha ó: «Go ó Lœma mulo mo Zyɛm!» 21Yesʉs ntɔʼ cyel be mpene, adwo ba ó, bé l'alɛɛ mʉr sa yaa.
Yesʉs lé ebal ompʉn be é lɔb efie le é jɔʼ efoʼ
(Mataos 16.21; Markus 8.31—9.1)
22Nye ze lɛɛ e be ó: «Yé ekʉ jala ó, Mwan mo Mʉr, nye sia e mɨtuu é buobuo. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»
«Me du ó Yesʉs» nye ó, go nkɛŋɨ klos yo
(Mataos 10.37; 16.24; Markus 8.34; Lʉkas 14.25)
23Yesʉs ntɔʼ lɛɛ e bɨbɛh ó: «Yé be ó, mʉr, nye egwɨm du me nɛʼɛ, nye kɛha tiʼ ye. Nye ònkɛɛ klos ye dobo lɨlɛh. Nye òdu me, 24ebe, mʉr lé egwɨm kamle e tiʼ ye e, nye ódimle ye. Waa lé emɛʼle ó, nye fuo bir tiʼ ye é lɔb wam ɨ, nyiha óbaʼle ye. 25ǃƗ mʉr si nʉa bɨsa bɨ si nwaʼ bibyɛh, fuʼla to dimle tiʼ ye, nkʉ fib tiʼ molu mo mpoʼ mɨmɛh nɛʼɛ, wáa nyɔm ndɨ nye tɨʼ ɨ? 26Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba me, zyɛŋa e maa mo Sɔŋ we, ndwe e maa beengles ndɨ mɨsaŋ ɨ. 27Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ bé aŋa dwè, bé l'apa bee jwɨ̀ʼa mo Zyɛm.»
Yesʉs lé esiila nyʉl
(Mataos 17.1; Markus 9.2)
28Yesʉs ze nʉa Pyɛr bé e Yʉanes ndwe e Jacques, ntɔʼ bere é l'ecwɨʼ kʉ, lé eto jwɨʼla e Zyɛm, é jɔʼ yaa, nye osi lwib mokan monɨ e molu mwom. 29É jɔʼ Yesʉs a be, nye mu lé ejwɨʼla e Zyɛm ɨ, mpom we ndwe e mɨkan mye ntɔʼ siila. Bibyɛh mu kʉ be njɨ é pan-pan mpʉ ndweh mpie. 30Ngbaa le eka be nɛʼɛ, bʉʉ bʉrʉm oba ze nyin kunokuno e nye, bé e boo nɔɔ lé elɛɛla. Yé a be ó Moyiz bé e Élie. 31Bé a be nteme ó e moncɛnba. Bé a be ó lé elɛɛla é mpʉ Yesʉs muno ze to dwè ɨ Yerʉsalɛm ɨ. 32Pyɛr bé e bʉr o nduo ye, bé a taare be ó é bɨdwo é tuʼ. Pie tɨ, bé ze jɨma, ze bee moncɛnba mo Yesʉs ndwe e maa mo bʉrʉm oba bé e boo nɔɔ, bé a be e. 33É jɔʼ Moyiz bé e Élie, bé a be, bé mu lé ejɨ pʉʼa gumo Yesʉs a be e, Pyɛr ze lɛɛ e Yesʉs ó: «Da, yé é laŋle mbɨa ó, bɨna diʼe ga wâ. Bɨna sa ga mompaʼ, bɨsaʼ bɨlɛl: le yo, le yaa mo Moyiz ndwe e yaa mo Élie!» (Nye a baapa kʉ gʉa sa nye lɛŋɨ ɨ.)
34Nye dina lé elwib no nɛʼɛ, dwine ze buuro be. Ompʉn, bé ntɔʼ joʼo bʉa lé ebee dwine yaa lé ebuuro be no. 35Bé ka joʼo ó, nuu twii lé eduho é mɨnkur tʉŋlʉ ó: «Nwa, nye ó mwan wam, waa me ndɨ si pɛh ɛ. Joʼa ga nye.» 36É jɔʼ twii waa a be si sil lwib ɨ, bé a kʉ ka bee ó njɨ Yesʉs nye ome. Ompʉn be ntɔʼ twe é leb. É til molu yaa, bé a baalɛɛ mʉr sa bé a bee e.
Yesʉs lé etiʼ mwan a sia e l'eleme e
(Mataos 17.14; Markus 9.14)
37É mɛn tɨ, bé ze fulo é l'ecwɨʼ, mpampaʼ bʉr ntɔʼ ze, lé eze bɔma e Yesʉs. 38É bʉr baa, yé a be ó e nuu mʉr. Mʉr waa kʉ ze bahle nkœme. Nye ó: «Hɛɛya! Yeʼle, paʼ bee mpʉ mwan wam ndɨ ɨ. Nye ó etiʼe e mwan lam! 39Nye e bɨbla sisim lé emɛr nye e bɨjɔʼ ɛ. É bɨjɔʼ byaa, nye ebʉ-bʉ bɨtim. Wé esa nye ó, mpʉ sa lɛɛ ó, nye esile bʉʼ. Wé esa ó, lwaare nye nyʉl é larada, mogul dɨ pyal nye é nʉm é ntomo-ntomo. Wé ekʉ bî nye! Wé é kɔbla lé edwih. 40Me a be ó si jwɨʼla e l'ompʉn bo ó, bé dwihɨ nye wa, bɨbɛh kar, akoʼo.» 41Yesʉs ntɔʼ lɛɛ ó: «Bɨn ozyɛhozyɛh o bʉr o ndɨ akpɛl buʼla ɛ! Me ódiibe é sama yin, to pyal é yáa jɔʼ? Me kaʼ dihbe bɨn, to fiʼ é yáa gumo? Ntaʼ e mwan go wâ.»
42É jɔʼ mwan a kʉ pyal kunokuno e Yesʉs ɨ, eleme laa ntɔʼ ncyeŋ nye é guʼ-guʼ-guʼ, nkɛŋ nye si. Yesʉs ze bâm e bɨbla sisim yaa, yé ntɔʼ duho. Yesʉs ze tiʼ mwan, ntɔʼ timle sɔŋ nya. 43Bɨbɛh, bé a si di é jehe lé ebee bɨsyɛɛla bɨnɨnɨ mo Zyɛm.
Yesʉs lé ebal ompʉn be é lɔb efie le é jɔʼ mba
(Mataos 17.22; Markus 9.30)
Bʉr bɨbɛh, bé a be tina ó lé ekʉ jehe bɨsyɛɛla bibyɛh Yesʉs a sa ɛ. Yesʉs ntɔʼ lɛɛ e l'ompʉn be ó: 44«Bɨn bɛɛ, bɨn bé à kʉ gʉa mɛr ekan me muno ze lɛɛ bɨn é bananaʼ lɨ: Mwan mo Mʉr mu ó kunokuno le ekɛhɔ é mobo mo bʉr.» 45Dam be no, ompʉn be, bé a baagʉa joʼo sa nye a lɛɛ be e. Ekan laa, lé a be be ó fela, ó bé l'ayi kpahbe joʼo le. Bé a be nteme ó, lé ekpɛɛ lé edî nye tia é lɔb waa.
Zé ndɨ é bul bwaʼ é jwɨ̀ʼa mo Zyɛm?
(Mataos 18.1; Markus 9.33)
46Mɨlʉmlʉ mye ze taare lé edo paʼra wɔɔ, lé egwɨm gʉa mʉr sama yɔɔ lé elaa bʉʉ é mpwaʼ nkʉŋ ɨ. 47Yesʉs a si gʉa bɨjwɨʼ bé a be e bye é mɨmo si ɨ. Nye ze nʉa mancyom, cyel nye kunokuno e nye. 48Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»
Waa ndɨ é zyɛŋa ga wina ɛ
(Markus 9.38)
49No ó Yʉanes a nʉa lwib, ze lɛɛ ó: «Da, bɨh bé a si bee mʉr lé edwih bʉr moleme é die lo! Bɨh ntɔʼ jwɨʼla kamle nye ó, nye gwaʼa lé esa syɛɛla yaa, ebe, mʉr waa, nye adu go é mpʉ bɨh bɛɛ lé esa ɛ.» 50Yesʉs, nye e be ó: «Daʼ kamle ga mbi mʉr waa lé edwih bʉr moleme, ebe, mʉr ndɨ abe bɨn é nkɔm nkɔm-nkɛɛ ɛ, nye ó é nkɔm win.»
Bʉʉ bʉr o Samari lé ebene Yesʉs
51É jɔʼ elu Yesʉs a jala ó, nye pʉʼa é si nwaʼ, lé a be, lé mu lé ekunbo e, nye ze tiʼe é leme we ó, nye to ó Yerʉsalɛm. 52Nye ntɔʼ cen mɨlʉmlʉ mye zi dolo. Bé ze to, to ni é nuu kwar é lal Samari ó, bé toʼ, to komlo nye ja gʉ. 53To kœb ó, bʉr o kwar waa, bé a baakpɛl bɨlan e nye, ebe, bé a bee ó, yé ó bʉr o to Yerʉsalɛm ɨ#9.53 Bʉr o Samari, bé a gʉa é wɔɔ paʼ ó, bʉr bɨbɛh, bé ejala le edwiibɨ Zyɛm ó, é l'ecwɨʼ lɔɔ, Gerizim, abe Yerʉsalɛm. No ó bé a dɨ ntwɨm ndwe le ebene bʉr o b'a be, bé a be lé eto Yerʉsalɛm ɨ.. 54Mbea ompʉn be, Jacques bé e Yʉanes, bé a bee no e, bé ntɔʼ lɛɛ ó: «Da, yé be ó, go ómɛʼle nɛʼɛ, bɨh bé ócaʼ siʼe, yé óduho é jobo kʉ ɨ, yé diʼɨ bɨbɛh!»
55Yesʉs ntɔʼ dwibra, bâm e be.#9.55 Myʉʉ mɨnjʉ̌m mɨtila mɨ lwib grɛk myɛɛ, myé e peh yi: «Nye e be ó: “Bɨn bé agʉa mbi sisim bɨn bé a bɨlan e we e, ebe, Mwan mo Mʉr a baaze é si nwaʼ lé eze jʉ bʉr. Nye a ze ó, bé biʼe tiʼ molu mo mpoʼ mɨmɛh é zi we.”» 56Bé ze to é nuu kwar fih.
Mpʉ mʉr lé ejala le edu Yesʉs ɨ
(Mataos 8.18)
57Mpʉ Yesʉs bé e l'ompʉn be, bé a be, bé mu temezi ɨ, nuu mʉr ntɔʼ lɛɛ e Yesʉs ó: «Da, me ódu go gumo yiyɛh go óto e.» 58Yesʉs ntɔʼ bɨha e nye ó: «Onyamosʉʼ, bé ó e mokul. Bɨnɔn e mɔʼ. Sa gwar, Mwan mo Mʉr, nye abe e simsim gumo nye kɛlɨ lʉ.» 59Nye ze lɛɛ e nuu mʉr ó: «Ntaʼ, ze du me.» Mʉr waa, nye e Yesʉs ó: «Da, paʼ bir ba me, me taara to dɨl sɔŋ wam.» 60No ó nye a ze lɛɛ e nye ó: «Birɨ odwè, bé dɨlɨ mɨmuu myɔɔ. Gwɔɔ, toʼ, to lɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ.» 61Nuu mʉr nteme ntɔʼ lɛɛ e nye ó: «Da, me nteme, me ódu go. Sa gwar, paʼ bir me, me taara to jɛna e mbɛr bʉr wam.» 62Yesʉs ntɔʼ lɛɛ e nye ó: «Mbi mʉr lé etaare lé esea syɛɛ, ntɔʼ ka bir, dwɛʼ pihe e, nye abe ba e nyɔm é jwɨ̀ʼa mo Zyɛm.»
Actualmente seleccionado:
Lʉkas 9: ozmBad
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2002, Wycliffe Bible Translators, Inc. All rights reserved.
Lʉkas 9
9
Yesʉs lé elomo mɨlʉmlʉ mye
(Mataos 10.9; Markus 6.8)
1No ó Yesʉs a ze jebe esama le ompʉn be ewʉm e l'oba, ze dwe be nkul ó, bé dwihɨ bʉr moleme, le ejomo bʉr mosyɛb. 2Nye ntɔʼ lomo be ó, myé toʼ le elɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ, le etiʼ mɨsyoblʉ. 3Nye ó: «Bɨn to é cyen yiʼ ó, abe e fumo é mbo, abe e myah, nkʉ bler, nkʉ mɔn. Ato ga e bɨdur bɨba. 4Mbɛr wiwɛh bɨn bé óniŋlɔ tɨʼ ɨ, diʼe ga tɨ, to pyal é jɔʼ bɨn bé ómʉa, laa nyiha kwar ɨ. 5ǃƗ bʉr si be, agwɨm bɨlan e bɨn nɛʼɛ, bɨn bé à tɨ koho dih é jɔʼ bɨn lé eduho kwar wɔɔ, to e cyen yin dolo e. Syɛɛla yaa, yé ónwahle be, lɛʼle be ó, bé mu ó e mobyaʼ.»
6No ó mɨlʉmlʉ mye, myé a ze jà zi, toŋɔ mokwar e mokwar mɛh, to le elɛɔ bʉr Mbɨambɨa Lɔɔ, le etiʼɔ mɨsyoblʉ é bɨgumo bibyɛh.
Erod mu ó lé ejoʼo lɔɔ lé etiibe e bɨdweʼle bɨ nkul mo Yesʉs ɨ
(Mataos 14.1; Markus 6.14)
7Njwɨɨbʉr Erod Antɨpas a be ó si joʼo lɔɔ bɨsa bibyɛh byé a dɨ syɛɛlɨ ɨ. Nye a baagʉa ndumlo tɨ, ebe, baʼ bʉr, bé a lɛɛ-lɛɛ ó: «Yʉanes, nyi pàh é foo!» 8Bʉʉ, bé ó: «Hɨʼɨ, Élie ó ndɨ si bula ze nɨ.» Bʉʉ nteme, bé ó: «Yaaa, yé ó nuu ngwiha mɨlɔb fih a be molu pihe e. Nyi bula pàh!» 9Erod nyɛɛ a lɛɛ é we paʼ ó: «Me ekʉ gʉa ó, me a si kʉ tiʼe Yʉanes lʉ. No ó, mʉr lɔb we lé elwibɔ wâʼ ɛ, nye zé?» Nye ntɔʼ ze saa ó, nye bee ó nye.
Yesʉs lé edwe bʉr otɔɔyin otɛn mode
(Mataos 14.13; Markus 6.30; Yʉanes 6.1)
10É jɔʼ mɨlʉmlʉ mo Yesʉs, myé a ka bula ɛ, myé ntɔʼ taŋle nye sa yiyɛh myé a sa ɛ. Nye ntɔʼ nʉa mye, to e mye é gumo bé toʼ di bé ome e. Yé a be ó paʼ zi kwar ndɨ e die ó, Betsɛda ɛ. 11Sa gwar, ntuntuma bʉr, yé a be ó si jʉʼra no, yé ntɔʼ du nye é koo pihe. No ó nye a ze soho be, ntɔʼ lɛɛ Mbɨambɨa Lɔɔ lé etiibe e jwɨ̀ʼa mo Zyɛm ɨ, le etiʼ mɨsyoblʉ mimyɛh.
12É bii kʉʼ, Esama le ompʉn ewʉm e l'oba, bé ze pyal boo Yesʉs. Bé e nye ó: «Buula ntuntuma bʉr yi, yé fiʼɨ, to é mokwar ndwe e mompɔ́ɔ́ ndɨ kaʼ e l'ebò e bɨna ga ɛ. Yʉʉ jɔʼ, bé óbee bɨja ndwe e mode. Bé abe e nkul eka di wâ, ebe, bɨna ga bé wâʼ ó, é lʉn.» 13Yesʉs ntɔʼ lɛɛ e be ó: «Bɨn bʉr o tɨ, dweʼ ga be mode.» Bé e Yesʉs ó: «Gwɔɔ lɛɛ ó, bɨh dweʼ be mode. Zê go agʉa ó, bɨh bé ó, njɨ e bɨbler bɨtɛn e l'ofu oba ɛ? Zê go lé egwɨm ó, bɨh toʼ, to bwam be mode ɛ?» 14Tina, yé ó, bʉr, bé a be tɨʼ ó, bʉrʉm e bʉrʉm kwoʼ be otɔɔyin otɛn! Yesʉs ntɔʼ lɛɛ e l'ompʉn be ó: «Dilɨ ga be si, montumo montumo. Entumo egwar, lé diʼe bʉr mowʉm motɛn e mpuʼ.»
15Bé ntɔʼ sa nteme no. Bʉr ze di si, montumo montumo. 16Yesʉs ntɔʼ nʉa bɨbler bɨtɛn e l'ofu oba, bɨn mih kʉ, ze dwe Zyɛm ekiba é lɔb mode maa, ze pɛ̂ʼ me bɨpeh, timle ompʉn be, ó bé kaba bʉr bya. 17Bʉr bɨbɛh ze de, é de de, díle. Bé ze syɛŋ mode mé a kur si ɨ, bé ntɔʼ loŋlo bɨkar ewʉm e bɨba.
Yesʉs ó ndɨ Lœma mulo mo Zyɛm
(Mataos 16.13; Markus 8.30)
18É lʉʉ dobo, Yesʉs a be ó lé ejwɨʼla e Zyɛm nye ome é l'empàh. Ompʉn be ze pyal. Nye ntɔʼ dî e be ó: «Bʉr, bé epa kʉ lɛɛ wâʼ ó, me zé?» 19Ompʉn, bé ntɔʼ bɨha ó: «Baʼ, bé elɛɛ ó, go ó Yʉanes Ndubʉr. Bʉʉ, bé ó, go ó Élie. Bʉʉ nteme, bé elɛɛ ó, go ó nuu ngwiha mɨlɔb a bɛa dwè, ntɔʼ bula pàh ɛ.» 20Nye ntɔʼ dî e be ó: «A bɨn bɛɛ, bé elɛɛ ó, me zé?» Pyɛr ntɔʼ bɨha ó: «Go ó Lœma mulo mo Zyɛm!» 21Yesʉs ntɔʼ cyel be mpene, adwo ba ó, bé l'alɛɛ mʉr sa yaa.
Yesʉs lé ebal ompʉn be é lɔb efie le é jɔʼ efoʼ
(Mataos 16.21; Markus 8.31—9.1)
22Nye ze lɛɛ e be ó: «Yé ekʉ jala ó, Mwan mo Mʉr, nye sia e mɨtuu é buobuo. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»
«Me du ó Yesʉs» nye ó, go nkɛŋɨ klos yo
(Mataos 10.37; 16.24; Markus 8.34; Lʉkas 14.25)
23Yesʉs ntɔʼ lɛɛ e bɨbɛh ó: «Yé be ó, mʉr, nye egwɨm du me nɛʼɛ, nye kɛha tiʼ ye. Nye ònkɛɛ klos ye dobo lɨlɛh. Nye òdu me, 24ebe, mʉr lé egwɨm kamle e tiʼ ye e, nye ódimle ye. Waa lé emɛʼle ó, nye fuo bir tiʼ ye é lɔb wam ɨ, nyiha óbaʼle ye. 25ǃƗ mʉr si nʉa bɨsa bɨ si nwaʼ bibyɛh, fuʼla to dimle tiʼ ye, nkʉ fib tiʼ molu mo mpoʼ mɨmɛh nɛʼɛ, wáa nyɔm ndɨ nye tɨʼ ɨ? 26Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba me, zyɛŋa e maa mo Sɔŋ we, ndwe e maa beengles ndɨ mɨsaŋ ɨ. 27Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ bé aŋa dwè, bé l'apa bee jwɨ̀ʼa mo Zyɛm.»
Yesʉs lé esiila nyʉl
(Mataos 17.1; Markus 9.2)
28Yesʉs ze nʉa Pyɛr bé e Yʉanes ndwe e Jacques, ntɔʼ bere é l'ecwɨʼ kʉ, lé eto jwɨʼla e Zyɛm, é jɔʼ yaa, nye osi lwib mokan monɨ e molu mwom. 29É jɔʼ Yesʉs a be, nye mu lé ejwɨʼla e Zyɛm ɨ, mpom we ndwe e mɨkan mye ntɔʼ siila. Bibyɛh mu kʉ be njɨ é pan-pan mpʉ ndweh mpie. 30Ngbaa le eka be nɛʼɛ, bʉʉ bʉrʉm oba ze nyin kunokuno e nye, bé e boo nɔɔ lé elɛɛla. Yé a be ó Moyiz bé e Élie. 31Bé a be nteme ó e moncɛnba. Bé a be ó lé elɛɛla é mpʉ Yesʉs muno ze to dwè ɨ Yerʉsalɛm ɨ. 32Pyɛr bé e bʉr o nduo ye, bé a taare be ó é bɨdwo é tuʼ. Pie tɨ, bé ze jɨma, ze bee moncɛnba mo Yesʉs ndwe e maa mo bʉrʉm oba bé e boo nɔɔ, bé a be e. 33É jɔʼ Moyiz bé e Élie, bé a be, bé mu lé ejɨ pʉʼa gumo Yesʉs a be e, Pyɛr ze lɛɛ e Yesʉs ó: «Da, yé é laŋle mbɨa ó, bɨna diʼe ga wâ. Bɨna sa ga mompaʼ, bɨsaʼ bɨlɛl: le yo, le yaa mo Moyiz ndwe e yaa mo Élie!» (Nye a baapa kʉ gʉa sa nye lɛŋɨ ɨ.)
34Nye dina lé elwib no nɛʼɛ, dwine ze buuro be. Ompʉn, bé ntɔʼ joʼo bʉa lé ebee dwine yaa lé ebuuro be no. 35Bé ka joʼo ó, nuu twii lé eduho é mɨnkur tʉŋlʉ ó: «Nwa, nye ó mwan wam, waa me ndɨ si pɛh ɛ. Joʼa ga nye.» 36É jɔʼ twii waa a be si sil lwib ɨ, bé a kʉ ka bee ó njɨ Yesʉs nye ome. Ompʉn be ntɔʼ twe é leb. É til molu yaa, bé a baalɛɛ mʉr sa bé a bee e.
Yesʉs lé etiʼ mwan a sia e l'eleme e
(Mataos 17.14; Markus 9.14)
37É mɛn tɨ, bé ze fulo é l'ecwɨʼ, mpampaʼ bʉr ntɔʼ ze, lé eze bɔma e Yesʉs. 38É bʉr baa, yé a be ó e nuu mʉr. Mʉr waa kʉ ze bahle nkœme. Nye ó: «Hɛɛya! Yeʼle, paʼ bee mpʉ mwan wam ndɨ ɨ. Nye ó etiʼe e mwan lam! 39Nye e bɨbla sisim lé emɛr nye e bɨjɔʼ ɛ. É bɨjɔʼ byaa, nye ebʉ-bʉ bɨtim. Wé esa nye ó, mpʉ sa lɛɛ ó, nye esile bʉʼ. Wé esa ó, lwaare nye nyʉl é larada, mogul dɨ pyal nye é nʉm é ntomo-ntomo. Wé ekʉ bî nye! Wé é kɔbla lé edwih. 40Me a be ó si jwɨʼla e l'ompʉn bo ó, bé dwihɨ nye wa, bɨbɛh kar, akoʼo.» 41Yesʉs ntɔʼ lɛɛ ó: «Bɨn ozyɛhozyɛh o bʉr o ndɨ akpɛl buʼla ɛ! Me ódiibe é sama yin, to pyal é yáa jɔʼ? Me kaʼ dihbe bɨn, to fiʼ é yáa gumo? Ntaʼ e mwan go wâ.»
42É jɔʼ mwan a kʉ pyal kunokuno e Yesʉs ɨ, eleme laa ntɔʼ ncyeŋ nye é guʼ-guʼ-guʼ, nkɛŋ nye si. Yesʉs ze bâm e bɨbla sisim yaa, yé ntɔʼ duho. Yesʉs ze tiʼ mwan, ntɔʼ timle sɔŋ nya. 43Bɨbɛh, bé a si di é jehe lé ebee bɨsyɛɛla bɨnɨnɨ mo Zyɛm.
Yesʉs lé ebal ompʉn be é lɔb efie le é jɔʼ mba
(Mataos 17.22; Markus 9.30)
Bʉr bɨbɛh, bé a be tina ó lé ekʉ jehe bɨsyɛɛla bibyɛh Yesʉs a sa ɛ. Yesʉs ntɔʼ lɛɛ e l'ompʉn be ó: 44«Bɨn bɛɛ, bɨn bé à kʉ gʉa mɛr ekan me muno ze lɛɛ bɨn é bananaʼ lɨ: Mwan mo Mʉr mu ó kunokuno le ekɛhɔ é mobo mo bʉr.» 45Dam be no, ompʉn be, bé a baagʉa joʼo sa nye a lɛɛ be e. Ekan laa, lé a be be ó fela, ó bé l'ayi kpahbe joʼo le. Bé a be nteme ó, lé ekpɛɛ lé edî nye tia é lɔb waa.
Zé ndɨ é bul bwaʼ é jwɨ̀ʼa mo Zyɛm?
(Mataos 18.1; Markus 9.33)
46Mɨlʉmlʉ mye ze taare lé edo paʼra wɔɔ, lé egwɨm gʉa mʉr sama yɔɔ lé elaa bʉʉ é mpwaʼ nkʉŋ ɨ. 47Yesʉs a si gʉa bɨjwɨʼ bé a be e bye é mɨmo si ɨ. Nye ze nʉa mancyom, cyel nye kunokuno e nye. 48Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»
Waa ndɨ é zyɛŋa ga wina ɛ
(Markus 9.38)
49No ó Yʉanes a nʉa lwib, ze lɛɛ ó: «Da, bɨh bé a si bee mʉr lé edwih bʉr moleme é die lo! Bɨh ntɔʼ jwɨʼla kamle nye ó, nye gwaʼa lé esa syɛɛla yaa, ebe, mʉr waa, nye adu go é mpʉ bɨh bɛɛ lé esa ɛ.» 50Yesʉs, nye e be ó: «Daʼ kamle ga mbi mʉr waa lé edwih bʉr moleme, ebe, mʉr ndɨ abe bɨn é nkɔm nkɔm-nkɛɛ ɛ, nye ó é nkɔm win.»
Bʉʉ bʉr o Samari lé ebene Yesʉs
51É jɔʼ elu Yesʉs a jala ó, nye pʉʼa é si nwaʼ, lé a be, lé mu lé ekunbo e, nye ze tiʼe é leme we ó, nye to ó Yerʉsalɛm. 52Nye ntɔʼ cen mɨlʉmlʉ mye zi dolo. Bé ze to, to ni é nuu kwar é lal Samari ó, bé toʼ, to komlo nye ja gʉ. 53To kœb ó, bʉr o kwar waa, bé a baakpɛl bɨlan e nye, ebe, bé a bee ó, yé ó bʉr o to Yerʉsalɛm ɨ#9.53 Bʉr o Samari, bé a gʉa é wɔɔ paʼ ó, bʉr bɨbɛh, bé ejala le edwiibɨ Zyɛm ó, é l'ecwɨʼ lɔɔ, Gerizim, abe Yerʉsalɛm. No ó bé a dɨ ntwɨm ndwe le ebene bʉr o b'a be, bé a be lé eto Yerʉsalɛm ɨ.. 54Mbea ompʉn be, Jacques bé e Yʉanes, bé a bee no e, bé ntɔʼ lɛɛ ó: «Da, yé be ó, go ómɛʼle nɛʼɛ, bɨh bé ócaʼ siʼe, yé óduho é jobo kʉ ɨ, yé diʼɨ bɨbɛh!»
55Yesʉs ntɔʼ dwibra, bâm e be.#9.55 Myʉʉ mɨnjʉ̌m mɨtila mɨ lwib grɛk myɛɛ, myé e peh yi: «Nye e be ó: “Bɨn bé agʉa mbi sisim bɨn bé a bɨlan e we e, ebe, Mwan mo Mʉr a baaze é si nwaʼ lé eze jʉ bʉr. Nye a ze ó, bé biʼe tiʼ molu mo mpoʼ mɨmɛh é zi we.”» 56Bé ze to é nuu kwar fih.
Mpʉ mʉr lé ejala le edu Yesʉs ɨ
(Mataos 8.18)
57Mpʉ Yesʉs bé e l'ompʉn be, bé a be, bé mu temezi ɨ, nuu mʉr ntɔʼ lɛɛ e Yesʉs ó: «Da, me ódu go gumo yiyɛh go óto e.» 58Yesʉs ntɔʼ bɨha e nye ó: «Onyamosʉʼ, bé ó e mokul. Bɨnɔn e mɔʼ. Sa gwar, Mwan mo Mʉr, nye abe e simsim gumo nye kɛlɨ lʉ.» 59Nye ze lɛɛ e nuu mʉr ó: «Ntaʼ, ze du me.» Mʉr waa, nye e Yesʉs ó: «Da, paʼ bir ba me, me taara to dɨl sɔŋ wam.» 60No ó nye a ze lɛɛ e nye ó: «Birɨ odwè, bé dɨlɨ mɨmuu myɔɔ. Gwɔɔ, toʼ, to lɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ.» 61Nuu mʉr nteme ntɔʼ lɛɛ e nye ó: «Da, me nteme, me ódu go. Sa gwar, paʼ bir me, me taara to jɛna e mbɛr bʉr wam.» 62Yesʉs ntɔʼ lɛɛ e nye ó: «Mbi mʉr lé etaare lé esea syɛɛ, ntɔʼ ka bir, dwɛʼ pihe e, nye abe ba e nyɔm é jwɨ̀ʼa mo Zyɛm.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2002, Wycliffe Bible Translators, Inc. All rights reserved.