John Kilekithi Tsa
Kilekithi Tsa
John ye pa no Jisü ghili yè keu kimiji küsaje no paw kaku kishekha ke: Hipaqo yèpüa keu ye nongu pelo Jisü ye Messiah, Alhou Nu, kepi pülülu peniye ke, eno pülülu keu vechewo nongu pelo pa je lono aküxü alu peniye ke.
John no paw kaku hipau kiphimiqo lau yè keu ye lhophekulu akitheuw xüghili kepi pìye nike ghenguno Bible lo pulhosükütsü ghili tsaqo—Inahuu abothu lo—pesü paw kaku huthuke. Pulhosükütsü atüghiu no atsala tsünì dolo no kishekha ketoi, John ghí paw kaku kikithi hila ghenguno akikihi tsünì peitha ke. Jewmiqo ghenguno akikihi tsünì ye akuchopu achipi shive keu ngò kupukülai keu michi ke, tiye Alhou no akümlà shiqhive keu vechewo ayeghiqha ghenguno pa kimiji pephe-piye keu ke.
Xüghili ye amqo kini lono pipüani. Atüghiu no Jisü no aqha gizülo müla keu ghili pipüani eno tiye kokütha tsünì ani. Kokütha kümtsü lo timiqo no kíshi aküpülü momu pülümo keu lono Jisü khochile keno tipau pìthitsü ghi asheho püani. Kokütha akiniù ye loto shi Hechekulu ghulhu pinedo shekha ghuloki lo Jisü no ayeghiqha ghenguno pa küxü tsüve keu ghili ani.
John ye Jisü no atsa kole “Ni ye,” ipikeu ghuthu tsünì paw lhomichi pephe-piye keu yèpe qhike. Atsa kole “Ni ye,” ipikeu ye Alhou no püzüu pa likhi pa pephe-piye keu je ke. Tipau kimihi shi, John ye Jisü no akümzapu michipu tsünì shikeu yèpe qhike. John no ye keu ghola lo apinedo tsalà atüghiu lo Jisü xülekuthu ghili ghuthu kini pipüani. Hipau ghola lono pa ye pulhosükütsü akitheu küká ye ningu no xü akeu yeghi lo hephosü iloghivea kepi shikumto tsüke.
Actualmente seleccionado:
John Kilekithi Tsa: STB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.