Yoane 15
15
Yes isin ru namp mu nte
1Minyi ru isin ru namp mua barabara muantompa sia vinyo,#15:1 Vinyo : mana ma Putu muntoko u kate a ntompa sa mpuk mite, rukompua ra munta nte mua vinyo. Tata angwak nonto a munta.
2Tampa siami sikima si wara rek utsho ntomp bo, yante ikes keka tampa ikima ntshi itsho ntompa, yante itotor sues isina yinta itshui ntompa sekra.
3Kekanko binu bumayempu isina ruey ramabisuengs minyi.
4War ana u kat ami, minyi ake rapawar u kat abinu. Nko tampa yinta uyeb utsho ntompa yamet bo, mpe yinta unamt nto isina ru namp bo, nkos binu ake bakeyeb utsho mpe binu unamt nto ami bo.
5Minyi rungwa ru isin ru namp, binu bungwak tampa. Ntshu uwar u kat ami, ntshu wara minyi ake u kat ante, ya itshu ntompa sia buiki ; mpe bapamps nto ami binu bak yeb uker iket bo.
6Mpe muot awar rek uwar u kat ami, yebumpis busuebe nko tampa ; ya iom, keka banta bitori, bibok u tshiya, inamat.
7Mpe bawara u kat ami, mey mami ake mpe mawar u kat a binu, romp ana bikima biwont binu, bapabirab.
8Mpe batsho ntompa sia buiki, keka Tata aton, keka binu buwar baronki bami.
9Nko amapont Tata, minyi ake ramabiwont ; war ana u kate nsong ruwont rami.
10Mpe binu baront bikin biami, binu bupawar kat nsong muami, nko aronto minyi bikin bia Tata, minyi rungwa kat nsong muante.
11Minyi rumabiror mey mene, isina nianko muami muwar u kat a binu keka nianko mua binu murek.
12Ikin rami ri rine, binu buwonts binu a binu, nko ama-biwont minyi.
13Rek a muot ngwa i nsong munene muareka yone ntshu uwus bampayi bante.
14Binu bu bampai bami, mpe binu baker nko amabiror minyi.
Yes awar mpai ntshu baronki
15Minyi rak biur baker ngun, isina baker ngun keanyebak mey munkerk kumu ante; di minyi rumabiur bampai isina amabiyeb minyi, mey makima maok minyi ngwa Tata.
16Ka binu bamasor minyi bo, di minyi ramabisor, ramabitom isina binu buwe butshu ntompa, keka ntompa a binu iwar sera sera ; isina makima muromp binu Tata i rukompua rami, apabiweke.
17Mey mumabiror minyi, isin binu buwonts binu a binu.
18Mpe bat ba man bubiok pis, bayeb ana ampe, banta batapok minyi pis buso bua binu.
19Mpe binu baruwar bat ba man, bat ba man barak biwont; di isina binu rek bawar bat ba man, minyi ramabisor u nteng a bat, isina kankos bat ba man bu biwok pis.
20Kana ana ruey ramabiror minyi ampe ; nker ngun keane- kak kumu ante bunen. Amampons ba ntshoro, bukaka- sabimons a binu ake ntshoro ; mpe banta baruronto ruey rami, banta barak saront ra binu.
21Di banta bubiker mey mas makima isina rukompua rami, isina banta uyeb yone ntshu amatom minyi bo.
22Mpe minyi raruwar rek uwiy, mpe raruwar rek basuengs mey, keka rek bawar i bube bo ; di kekanko banta rek irims ri bube bua banta bo.
23Ntshu pok minyi pis, angok ake Tata.
24Di mpe minyi raruwar, reke uker mingun u nteng a banta miawar muot mwetshi yuek rek uker, keka rek bawar i bube bo ; di kekanko banta bumatar, ba bumapok minyi pis nto ake Tata.
25Di mey mene mawiy isina kukoks ruey rungwak rapunta u kat ibo ra banta ampe : Bumapok pis?
26Di nter yeiwiy Nkers, ntshu yeibitoms minyi ngwa Tata, awar Puinki a barabara, yante iwiy ngwa Tata, yante ipatot bungont buami.
27A binu ake butot bungont buami isina awara binu nto ami bukwetshi. 16
Actualmente seleccionado:
Yoane 15: EJK2012
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright © 2012, ASAREB, Suisse MiDi BIBLE