LUKU 24

Yesu vunaa

(Mat 28:1-10; Maa 16:1-8; Yuh 20:1-10)

1Azumanɛnna zĩ kɔnkɔkɔnkɔ nɔgbɛ̃ pìnɔ bò ò gɛ̀ɛ mira pì kĩnaa kũ nísi gbĩ nna kũ ò a soru kɛ̀ɛo. 2Ò lè ò gbɛ̀ɛ gò mira lɛ́a. 3Kũ ò gɛ̃̀, odi Dikiri Yesu gɛ̀ ero. 4Ò kú bídi gũn, akũ gɔ̃gbɛ̃ gbɛ̃nɔn pla kenɔ bò ò sùḿma kũ pɔ́kasa kũ òtɛn tɛ́ kɛnɔo dana. 5Vĩna ń kũ ò ń mìi nàtɛ, akũ gɔ̃gbɛ̃ pìnɔ pìńnɛ: À kɛ̀ dera átɛn gbɛ̃ bɛ̃nɛ wɛtɛ gɛ̀nɔ tɛ́ɛ? 6À kú laro, à vù. À tó yã kũ à òárɛ gɔrɔ kũ à kú Galili dɔágu 7à pì, séto ò Bisãsiri Nɛ́ kpá kifirinɔa ò a pá lía, a gɔrɔ aakɔ̃de zĩ ani vu. 8Akũ a yã pìi dɔ̀ńgu. 9Bona mira kĩnaa, ò gɛ̀ɛ ò yã pì baaruu kpà zĩ̀ri gbɛ̃nɔn kuri awɛɛdonɔnɛ kũ gbɛ̃ kparanɔ. 10Mariama Magadalɛni kũ Yoanao kũ Yamisi da Mariamao kũ nɔgbɛ̃ kpara kũ ò kú kũńwonɔ mɛ́ ò yã pìi ò zĩ̀rii pìnɔnɛ. 11Akũ nɔgbɛ̃ pìnɔ yã pìi kɛ̀ńnɛ lán fàai yã bà, odi síro. 12Akũ Pita fùtɛ à bàa sì à gɛ̀ɛ mira pì kĩnaa. Kũ à wɛ́ kpàtɛ mira pìn, adi pɔ́ke ero, sé táaru bizanɔ, akũ à ɛ̀ra à tà laasun gũn, yã pì a kũ̀ gbãna.

Zaa Ɛmausi zɛ́n

(Maa 16:12-13)

13Gɔrɔ dokɔ̃nɔ pì zĩ Yesu ìba gbɛ̃nɔn pla kenɔ tɛn gɛ́ lakutu kũ òdi pi Ɛmausi. À zã̀ kũ Yurusalɛmuo lán kiloo kuri awɛɛdo bà. 14Òtɛn yã kũ à kɛ̀ pínki fàai bokɔ̃nɛ, 15akũ gɔrɔ kũ òtɛni a fàai bo òtɛni a laasun lɛ́, Yesu ń lé zɛ́n, akũ òtɛn táa o lɛɛlɛ. 16Akũ ń wɛ́ sìsi odi a dɔ̃ro. 17Akũ à ń lá à pì: Bɔ́ yãn á tɛ́ átɛn o kũ kɔ̃oo? Akũ ò zɛ̀ ń ãn sisina. 18Ń gbɛ̃ do kũ òdi pinɛ Keleopa wèa à pì: Mɔkɔ̃n nibɔɔmɛ n ũ ndo Yurusalɛmu gwɛɛ, kũ ńdi yã kũ à kɛ̀ gɔrɔ pla dia dɔ̃roo? 19Akũ à ń lá à pì: Yã kpatemɛɛ? Ò wèa ò pì: Yesu Nazɛra yãmɛ. Annabi zɔ̃kɔ̃ɔmɛ. Gbɛ̃ sĩnda pínki dɔ̃ kũ a yãkɛna kũ a yã'onaao bò Luda kĩnaamɛ. 20Akũ sa'orikinɔ kũ ó gbãnadenɔ dake kpàḿma, de ò ga yãkpatɛ kɛnɛ yãi, akũ ò a pà lía ò a dɛ̀. 21Ókɔ̃nɔ sɔ̃, daken ótɛn da ani Isarailanɔ mì sí. Abire gbɛra yã pì kɛna gɔrɔ aakɔ̃den gbãra. 22Akũ yã kũ ó nɔgbɛ̃ kenɔ òo bò ó sarɛ. Kũ ò gɛ̀ɛ a mira kĩnaa kɔnkɔala káakukaaku, 23odi a gɛ̀ lero. Ò sù ò pì malaikanɔ bò ò sùḿma ò pìńnɛ à kú wɛ̃̀ndiio. 24Akũ ó gbɛ̃kenɔ gɛ̀ɛ ò mira pìi gwà, ò è lákũ nɔgbɛ̃ pìnɔ òńnɛ nà, à kú gwero. 25Akũ Yesu pìńnɛ: Laasunsaridenɔ, adì yã kũ annabinɔ ò sí likalikaro. 26Luda dí ditɛ Arumasihu wɛ́tãmma le lán dí bà gbasa à gɛ̃ a gakuri gũnloo? 27Naana zaa Musa takadaa ari à gɛ̀ɛ pɛ́ annabinɔ pɔ́a pínki, Yesu yã kũ à kɛ̃na Luda yãn a musu bɔ̀kɔtɛńnɛ pínki.

28Kũ ò kà kãni kũ lakutu kũ òtɛn gɛ́nwo, Yesu kɛ̀ lákũ áni gɛ̃ zɛ́la bà. 29Akũ ò a kũ̀kũ ò pì: Ǹ gɔ̃ kũoo la. Ɔkɔsi kɛ̀, gu tɛn si. Akũ à gɛ̃̀ ɔnn à gɔ̃̀ kũńwo. 30Gɔrɔ kũ àtɛn pɔ́ ble kũńwo, akũ à burodii sɛ̀ à arubarikaa dàn, akũ à lìkɔ̃rɛ à kpàḿma. 31Akũ ń wɛ́ kɛ̃̀ ò a dɔ̃̀ sà, akũ ò kùrai. 32Akũ ò òkɔ̃nɛ: Kũ àtɛn yã owɛrɛ zɛ́n àtɛn Luda yã bɔkɔtɛwɛrɛ, ó nɛ̀sɛɛ gũn tɛn puroo? 33Akũ ò fùtɛ gwe gɔ̃̀nɔ ò ɛ̀ra ò gɛ̀ɛ Yurusalɛmu. Ò a zĩ̀ri gbɛ̃nɔn kuri awɛɛdonɔ è kakarana gwe kũ gbɛ̃ kũ ò nàḿmanɔo 34òtɛn pi: Dikiri vù yãpuramɛ, à a zĩda mɔ̀ Simɔnɛ. 35Akũ gbɛ̃nɔn pla pìnɔ zɛ́ gũn yã bàbańnɛ kũ deran ò a dɔ̃̀ nà burodi likɔ̃rɛnaa gũnwo.

Yesu bo à suna a ìbanɔnɛ

(Mat 28:16-20; Maa 16:14-18; Yuh 20:19-23; Zĩr 1:6-8)

36Kũ òtɛn yã pì o lɛ, kãnto ò a è zɛna ń tɛ́, akũ à pìńnɛ: Àgɔ̃ kú kũ aafiaao! 37Akũ swɛ̃̀ɛ kɛ̃̀ńgu ò kɛ̀ gìri, òtɛn da gyãwãnden ò è. 38Akũ à pìńnɛ: À kɛ̀ dera á nɛ̀sɛɛ fùtɛɛ? À kɛ̀ dera á kú kũ nɛ̀sɛ plaoo? 39À ma ɔnɔ kũ ma gbánɔ gwa, kũ makũmɛ. À ɔ nama à gwa. Gyãwãnde dìgɔ̃ mɛ̀ kũ wáo vĩ lákũ á èma nàro. 40Kũ à ò lɛ, akũ à a ɔnɔ kũ a gbánɔ mɔ̀ńnɛ. 41Pɔnna gũn odi we kãaoro, kũ à bò ń sarɛ yãi. Akũ à ń lá à pì: Pɔ́ble ke kun yá? 42Akũ ò kpɔ̀ kpátɛana kɔ̃̀nɔɔ kpàa, 43akũ à sì à sò ń wára. 44Akũ à pìńnɛ: Yã kũ ma òárɛ gɔrɔ kũ má kú kãáo mɛ́ à kɛ̀. Ma pì séto yã kũ ò ò ma musu Musa doka takadan kũ annabinɔ takadao kũ Zabura takadao papa pínki. 45Akũ à ń nɛ̀sɛɛ wɛ̃̀ńnɛ de ò yã kũ à kú takada pìnɔ gũn dɔ̀rɔ dɔ̃. 46À pìńnɛ: Ò kɛ̃̀ Luda yãn ò pì Arumasihu ni wɛ́tãmma e, a gɔrɔ aakɔ̃de zĩ ani futɛ bona gan, 47oni waazi kɛ buri sĩnda pínkinɛ kũ a tɔ́o naana zaa Yurusalɛmu, de ò nɛ̀sɛ litɛ ń durunnanɔ kɛ̃ḿma. 48Ákɔ̃nɔ yã pì sèedadenɔ ũ. 49Makũ sɔ̃, mani gba kũ ma De a lɛ́ sɛ̀ kpãzãárɛ. Àgɔ̃ kú wɛ̃tɛ gũn la ari gbãna bo ludambɛ à daála.

Tana kũ Yesuo ludambɛ

(Maa 16:19-20; Zĩr 1:9-11)

50Kũ Yesu bò kũńwo wɛ̃tɛ kpɛ ari Bɛtani sarɛ, akũ à a ɔnɔ sɛ̀ lei à arubarikaa dàńgu. 51Kũ àtɛn arubarika dańgu lɛ, akũ à kɛ̃̀ḿma, Luda a sɛ̀ à tà kãao a kĩnaa. 52Akũ ò donyĩ kɛ̀nɛ ò ɛ̀ra ò tà Yurusalɛmu kũ pɔnna zɔ̃kɔ̃ɔo. 53Òdigɔ̃ kú Luda ɔnn gɔrɔ sĩnda pínki ògɔ̃ Luda sáabu kpá.

Actualmente seleccionado:

LUKU 24: BB2005

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre Bisã Bible 2005

LUKU 24

Versículos bíblicos populares de
LUKU 24

Escucha a LUKU 24

Biblia:

Busa

Versión: Bisã Bible 2005 - BB2005

LUKU 24

LUKU 24

Versículos bíblicos populares de LUKU 24

Escucha a LUKU 24

Biblia:

Busa

Versión: Bisã Bible 2005 - BB2005

LUKU 24

Versículos bíblicos populares de
LUKU 24