Matié 3
3
Nô do ddari do Jâ go disé kalang to kang toi
(Mark 1:1–8; Luk 3:1–18; Jâ 1:19–28)
1A duro wolé lé na, Jâ go disé kalang to kang ’yé doré nô a duro gada do Judé toa. 2Ddi yé wa: Ga bega kebegeng cawa Leu do Dang ni jia ’yoab. 3Na Jâ go Esai go cogelé kebu go Kumu koi ba yé kual goi, ddi yé wa:
Kema go pena noi wa togé bérné a duro gada,
Ga nyanegeng giyong go Bagulong koi,
Ga nyanai ddar, ddai ddi ’er dang duro tab.
4Badigé ga Jâ kai na legema tadda, ddi saddu kelau go bbala toi, ddi dia sabu dang tumu do cong. 5Kalang ga Jorsalem dang Judé dang kalang ga jomé kebu kurai go Jurdé andong mam ’yé gusi. 6Ké tor isinwa dogé toa dang tumu kalang, kardené ddi disegé to kang cin kurai go Jurdé.
7Kiddin ga Jâ ba sol ga Parisié kang ga Sadusié combu wa orang gusi ca ddia disegé to kang na, ddi yégé wa: Keng kumbulo karndi, na wanga gelegeng ca keng ger mainyé do wa orang ga? 8Ga lageng gié go ba bbal gelé waldong wang ca keng ba kebegeng. 9Keng ’erem wa: Keng Abraham moinderei, ama ddo keng ’eremé main kain ’eno, cawa ’enung yegeng waldong wang: Kumu danga dono do ca belé keddang Abraham monderei. 10Sumo jia ’yoab ca sideré haiyong gaserégé, sia goni goni goa wa ddara ’eno na, ka siri dibi cin tua. 11’Enung desegeng to kang ca gelé waldong wang ca keng bé kebegeng, ama ddi go da orang na, ddia desegeng dang Habé ga Kumu kai bua, dang tua bu’. Ddi ddung danga dono, ’enung bbala go ca aié giabé gai ’eno. 12Ddianga ’engo doi do pié ’ubar a cin gasa cong, ddia nyim gasa gai bégé duro tugulu doi, ama ddia ’ul ’ubar cong dang tua do go banyong ’eno bering.
Disé go Jésu koi to kang
(Mark 1:9–11; Luk 3:21–22)
13Kardené Jésu sai a Galali ’yé Jurdé gusu Jâ ca kondia disi to kang. 14Ama Jâ nari, ddi yei wa: ’Enung dar ca jia desunga ji to kang ma, ji jiga caga gusung bbad ga? 15Ama Jésu jogu yei wa: Ji ja, dda na loa main kain cakcak kua ca ser to henga ga Kumu kederei ba dargé.
16Kardené Jâ jé kual goi. Kiddin ga ddi ba disé Jésu to kang na, ddi nai dang a cin kang. A kiddin lé padda dang hangong, ddi sol Habé ga Kumu kai gesingu cai main bulo kain. 17Kardené no yaga a dang waldong wang, to yé wa: Kua, na Kurandang go kedereng ba ’yei nain, gusung mowung cai bbani ’eno.
Actualmente seleccionado:
Matié 3: TNG1978
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Alliance biblique universelle (United Bible Societies) 1978.