Marcos 11
11
Ca wa' mao cain Jerusalém Jeju
Mateus 21.1-11; Lucas 19.28-40; João 12.12-19
1Wixicam pin iri nanain Jerusalém ma' ne, hwet ac cacain na ca paric to ne xirim ma', pain Betfagé ma', je pain Betânia ma', ca to ja' pan nain Pacun Nein Oliveira ma'. Tomi' ac tococwa na co taxipa' ca ma'. Ma' 2 nana co tomi' ca ma'. 2Mama' jein ca paric to ne xirim ma', ca querec hwe ma'. Hwet pin iri jein ne, mam' ac hwein tara wijimain burro ca tucu pan wa ma', ca om xao pe querec camain' wa ma'. Tacom' hot jein, an qui' ac hwein tara ta. 3Mo ta ma' i ma' pahu' quem cuhu' wari' ma', mo ta para tacom' hot hwein quem cuhu', tomi' ac hun tara: Om na, param inain na Taramaxicon nuxut ta ac hun tara. An in qui' ho' tain na ta jun quem na ca tomi' tococwa ma'.
4Ma ac caca na, mama' ac caca na, mam' ac cacain na wijimain burro pain wana. Wara tucu pan pe ta pain cacarain man ca corom ac xine xirim ma'. Tacom' hot ac cacain na. 5To nanain i ma' wari' co tomi' querec nonon quem. Ma' i ma' pahu'? Para tacom' hot hwein wijimain burro ma' quem nonon.
6Tomi' hwet ac cocon na pain ca tomi' nucun Jeju. Ma, an mao jein ta ac cocon na. 7An mi' ac cocon pain na Jeju, cum xo' ac cacain na xonein con womicocon, xao pe ac cain na Jeju#11.7 Je ca xirao' pe ca profeta con Jeju pain cara pane. Ca' na ca xirao' pe nucun: Taraju wet je oro wari' nein Jerusalém! Hwet nuhu' taramaxicon nuhu' ta! Om ca xec xec ca, xao pe pe nain xonein wijimain burro, ac i ma' na ca xirao' pe ca profeta pane.. 8Mija nana wari' co cum xo' nonon womicocon pain wana ma'. Ma' nana oro xucucun co an toco' mi' nonon pain oro wijimain taparain pana ca ton qui' caca pain oro xitot ma' quem#11.8 Cum xo' iri nonon womicocon pain wana oro wari' ne, je pain ca an toco' mi' cocon pain oro wijimain taparain pana ma' quem, ac i ma' na ca an hwet mi' cocon pain ca in ac cocon ma', je pain ca tomi' querec te tamana cocon ma'. . 9Merem ac caca na co o nonon ma', wiricoco co maqui' nana pa'ao' ma' quem, merem ca' nana: In ac xun Iri' Jam ta! Tomi' querec te xun co cwa' co mam' maqui' nain ca hwara' opa nucun Iri' Jam cwa' nana. 10Tomi' querec te xun co cwa' co taramaxicon pe tain nain maxicon hwanana nexi' Davi cara pane ta. In ac xun Iri' Jam co pe nain iri' pawin cain ta. Ac i ma' na ca merem caca ma'.
11Wa' mao ac cain na Jerusalém Jeju, corom mao ac cain na ca tao' caho' nein cote ne xiricon Iri' Jam quem. Noro noro pi' pin iri tata oro wari' pain oro ca ara caca ma' ne, hwet mao ac ca na. Maji ta ac tococwa na co taxipa' ca ma', co ma' 12 nana ma'. Mama' ac cacain na Betânia, xi om ne ca wara irawin pin ara ne ta.
12Xec pin iri na ne, maji ta ac caca na, paca' ac cacain na Betânia. Xuruxut xuruxut, pe' ac ca na Jeju. 13Querec pira ac cain na panaji figo ma'. Mija na tenenein. Querec xi' ta, am ma' ne winain ta ac ca na. Xut hwet iri nain ne, om ca mam' cain memem, om na winain. Ma' e' na tenenein. Xi hwet querec ne xec ca wina pin ne ta. 14Tomi' noro ac cain na panaji. Om ta xac mami' xine winam ta nain pain ca tomi' noro cain ma'. Taraju nonon pain ca tomi' cain i ma' co taxipa' ca ma' quem.
Ca tomi' jein hwerehwet pin tococwa co vender to nanain carawa pain cote ne xiricon Iri' Jam
Mateus 21.12-17; Lucas 19.45-48; João 2.13-22
15Tan' mama' iri nanain Jerusalém ma' ne, corom mao ac cain na ca tao' caho' nein cote ne xiricon Iri' Jam Jeju ma'. Tomi' jein hwerehwet pin ac tococwa na oro wari' co cut nanain carawa ca tom tain' xi' caca ma', wiricoco co vender nanain quem, tomi' jein hwerehwet tomi' jein hwerehwet pi' pin tata. Joc camara' pin ac cain na oro pana ca taramaja to caca co meo taxipa' nanain oro xijein dinheiro ma', joc camara' pin ac cain na oro pana ca mam' xao to to caca co vender taxipa' nonon xucu' ma' quem. 16Tomi' in pin ac tococwa na co cut nanain caramaxicocon ca vender xi' caca ma' quem. Cut maho' jein caramajuhu' pain ca xuruxut tiquin' hwein xiricon Iri' Jam ta tata. 17Cain' cain' xihwe quem ac tococwa na. Om ca xirao' ca' xine ca tomi' nucun Iri' Jam pain capijacon ra? Ca' na ca xirao' pe nein ta: Cote ne xuru ca', je tara ca tomi' to tomi' to pi' pin cacapa' oro xucucun wari' ta na ca xirao' pe nein con. Wahu' iri na ne, ara em' pin hwein. Ara xiricocon oro wari' co an noc xa taxipa' nanain carawa pin hwein ta na ca tomi' carapita tococwa ma'#11.17 Oro sacerdote pain cote ne xiricon Iri' Jam pane, noc tamana nanain dinheiro nucucun oro romano pain dinheiro nucucun oro grego, xi xirao' pe ara cacain jamicon wari' pain ta nana. Noc nain i ma' Iri' Jam ta nana. Je ca taramaja to cacain ca tao' caho' nein cote ne xiricon Iri' Jam caram ma' co meo nanain oro xijein dinheiro ma' quem. Maqui' iri nana oro wari' co tom tain' mi' xun nonon pain carawa Iri' Jam ne, co cut xin nanain boi pain ovelha con xucu' ma', cut ca' ac tococwa na pain dinheiro nucucun tatirim, mi' in hwet ac tococwa pain na iri' dinheiro nein cote ne xiricon Iri' Jam. Ha' ac tococwa na pain ca mam' cut cacain carawa ca tom tain' xin caca pane. Oro co meo nanain dinheiro ma', mixein tamana nana quem. Horon iri na dinheiro nucucun tatirim ca cut caca ma' ne, mi' in hwet wijimain e' ac cacain na dinheiro nein cote ne xiricon Iri' Jam ma' quem. .
18Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, taraju nanain ca tomi' nucun Jeju. Tomi' xo' ac xucucun na: Cain' cain' xuxun quem? Cain' xi to' pa' pin ac xun quem xucucun. Jin' ara xi' nonon Jeju, xi wa wa pan ara cocon oro wari' ta. Wa wa wa wa pi' pin nonon. Taraju hohot ara xi' nonon ca pijim' nucun.
19Irawin pin iri na ne, paca' ac cain na Jerusalém Jeju cocon co taxipa' ca ma'.
20Xec pin iri na ne, in mama' xin Jerusalém ta ac caca na, xuruxut xuruxut tiquin' ca' ac cacain na panaji figo cara pane. Querec ac cacain na pain ca cono' pin ne tenenein ma'. Mi' pin na caximain ma' quem. 21He ac ca na Pedro, mam' pe wet ac cain na ca tomi' noro cain Jeju pane. Noro rain panaji figo ca tomi' noro ma pane Taramaxicon co ca' na taxipa' capijacon Iri' Jam. Mi' pin na ta non.
22Om na, howa jun Iri' Jam pain ca ara tain cain oro ca ara ra hun ma' ac ca na Jeju. 23Je ca tomi' xuhu' ca', tomi' iri'o' inuhu' ta ac tococwa na. Mo ta tomi' ca' hwein cote ne pacun ma': Tequi' pe ra ta, xin pocom pan xijem pain cote ne com cain, mo ta tomi' ac i ma' hwein. Mo ta om tara con ta'a camain' hwe pain xumuhu' quem. Mo ta howa hwe pain ca tequi' pe tara, xin pocom pan ac xijein tara pain cote ne com cain ta hwein ma'. Ha' ac cuhu' tara, tequi' pe ac ne tara, xin pocom pan ac xijein tara pain cote ne com. 24Je ca tomi' xuhu' ca' ac tococwa na. Oro ca mi' ne hun Iri' Jam ma', pain ca tomi' hun ma', na e' na pain ca howa hun pain ca ara mi' xuhu' pain cuhu' ma'. Ac ca wara ara mi' cuhu' pain tara pain ca howa hun ma'. Ara mi' ac cuhu' pain tara quem. 25Mo ta tomi' xun Cotere' Iri' Jam hwe, mo ta mana' hun wari' pain ca ara cup cuhu' ma'. Mana' mana' om pin jun pain. Ma' ta xic am pin cain ca caracat nuhu' Cotere' co pe pawin cwain. 26Mo ta mana' cara hun pain ca ara cup cuhu' ma'. Om ac ne tara ca xic am pin cain ca caracat nuhu' Cotere' co pe pawin cwain quem na ca tomi' tococwa co taxipa' ca ma'.
Ca tomi' querec cocon Jeju pain ca ma' co mi' nem pain ca ara main oro ca ara ma ma' quem cocon
Mateus 21.23-27; Lucas 20.1-8
27In mama' ac cacain na Jerusalém. Xut in ac cain na ca tao' caho' nein cote ne xiricon Iri' Jam Jeju ma'. Xuruxut hwet pan ac cocon na oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés cocon oro xucucun taramaxicon nuxut pain ca judeu urut ca'. Tomi' querec ac cocon na: 28Ma' co mi' nem pain ca ara main oro ca ara ma ma' quem? Ma' co ara rain nem pain na ca tomi' querec cocon ma'.
29-30Wata' quem, tomi' querec xim inuhu' quem ac tococwa na. Tomi' querec xuhu' con João cara pane, co ja' taxipa' nonon pain com oro wari' pane. Ma' co ja' roron pain com oro wari' non quem? Mi' non pain Iri' Jam ra? Mi' non pain wari' ra? Tomi' xine. Mo ta tomi' hwet mahu' pain wixicon co tomi' non pane, tomi' hwet ac xuhu' pain tara wixicon co ara rain napa' pain oro ca ara ta' ca' ac tococwa na.
31Cain' xi tomi' xun quem ac xucucun na. Mo ta mi' non pain Iri' Jam xun, tomi' querec mami' ac capari' tara, para om howa hun quem ac capari' tara. 32Mo ta mi' non pain wari' xun. Cain' cain' xixi' quem? Om ca tomi' ac xin i ma' ta nana. Jin' ara xi' nonon oro wari' oro taramaxicon ma', xi iri' profeta na João iri' profeta na João pi' pin ara caca ta.
33Om ca taxi' urut ta ac cocon na.
Je i ma' ira, om ta tomi' hwet tain wixicon co ara rain napa' pain oro ca ara ta' ca' quem na ca tomi' tococwa ma'.
Actualmente seleccionado:
Marcos 11: TBPN
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil
Marcos 11
11
Ca wa' mao cain Jerusalém Jeju
Mateus 21.1-11; Lucas 19.28-40; João 12.12-19
1Wixicam pin iri nanain Jerusalém ma' ne, hwet ac cacain na ca paric to ne xirim ma', pain Betfagé ma', je pain Betânia ma', ca to ja' pan nain Pacun Nein Oliveira ma'. Tomi' ac tococwa na co taxipa' ca ma'. Ma' 2 nana co tomi' ca ma'. 2Mama' jein ca paric to ne xirim ma', ca querec hwe ma'. Hwet pin iri jein ne, mam' ac hwein tara wijimain burro ca tucu pan wa ma', ca om xao pe querec camain' wa ma'. Tacom' hot jein, an qui' ac hwein tara ta. 3Mo ta ma' i ma' pahu' quem cuhu' wari' ma', mo ta para tacom' hot hwein quem cuhu', tomi' ac hun tara: Om na, param inain na Taramaxicon nuxut ta ac hun tara. An in qui' ho' tain na ta jun quem na ca tomi' tococwa ma'.
4Ma ac caca na, mama' ac caca na, mam' ac cacain na wijimain burro pain wana. Wara tucu pan pe ta pain cacarain man ca corom ac xine xirim ma'. Tacom' hot ac cacain na. 5To nanain i ma' wari' co tomi' querec nonon quem. Ma' i ma' pahu'? Para tacom' hot hwein wijimain burro ma' quem nonon.
6Tomi' hwet ac cocon na pain ca tomi' nucun Jeju. Ma, an mao jein ta ac cocon na. 7An mi' ac cocon pain na Jeju, cum xo' ac cacain na xonein con womicocon, xao pe ac cain na Jeju#11.7 Je ca xirao' pe ca profeta con Jeju pain cara pane. Ca' na ca xirao' pe nucun: Taraju wet je oro wari' nein Jerusalém! Hwet nuhu' taramaxicon nuhu' ta! Om ca xec xec ca, xao pe pe nain xonein wijimain burro, ac i ma' na ca xirao' pe ca profeta pane.. 8Mija nana wari' co cum xo' nonon womicocon pain wana ma'. Ma' nana oro xucucun co an toco' mi' nonon pain oro wijimain taparain pana ca ton qui' caca pain oro xitot ma' quem#11.8 Cum xo' iri nonon womicocon pain wana oro wari' ne, je pain ca an toco' mi' cocon pain oro wijimain taparain pana ma' quem, ac i ma' na ca an hwet mi' cocon pain ca in ac cocon ma', je pain ca tomi' querec te tamana cocon ma'. . 9Merem ac caca na co o nonon ma', wiricoco co maqui' nana pa'ao' ma' quem, merem ca' nana: In ac xun Iri' Jam ta! Tomi' querec te xun co cwa' co mam' maqui' nain ca hwara' opa nucun Iri' Jam cwa' nana. 10Tomi' querec te xun co cwa' co taramaxicon pe tain nain maxicon hwanana nexi' Davi cara pane ta. In ac xun Iri' Jam co pe nain iri' pawin cain ta. Ac i ma' na ca merem caca ma'.
11Wa' mao ac cain na Jerusalém Jeju, corom mao ac cain na ca tao' caho' nein cote ne xiricon Iri' Jam quem. Noro noro pi' pin iri tata oro wari' pain oro ca ara caca ma' ne, hwet mao ac ca na. Maji ta ac tococwa na co taxipa' ca ma', co ma' 12 nana ma'. Mama' ac cacain na Betânia, xi om ne ca wara irawin pin ara ne ta.
12Xec pin iri na ne, maji ta ac caca na, paca' ac cacain na Betânia. Xuruxut xuruxut, pe' ac ca na Jeju. 13Querec pira ac cain na panaji figo ma'. Mija na tenenein. Querec xi' ta, am ma' ne winain ta ac ca na. Xut hwet iri nain ne, om ca mam' cain memem, om na winain. Ma' e' na tenenein. Xi hwet querec ne xec ca wina pin ne ta. 14Tomi' noro ac cain na panaji. Om ta xac mami' xine winam ta nain pain ca tomi' noro cain ma'. Taraju nonon pain ca tomi' cain i ma' co taxipa' ca ma' quem.
Ca tomi' jein hwerehwet pin tococwa co vender to nanain carawa pain cote ne xiricon Iri' Jam
Mateus 21.12-17; Lucas 19.45-48; João 2.13-22
15Tan' mama' iri nanain Jerusalém ma' ne, corom mao ac cain na ca tao' caho' nein cote ne xiricon Iri' Jam Jeju ma'. Tomi' jein hwerehwet pin ac tococwa na oro wari' co cut nanain carawa ca tom tain' xi' caca ma', wiricoco co vender nanain quem, tomi' jein hwerehwet tomi' jein hwerehwet pi' pin tata. Joc camara' pin ac cain na oro pana ca taramaja to caca co meo taxipa' nanain oro xijein dinheiro ma', joc camara' pin ac cain na oro pana ca mam' xao to to caca co vender taxipa' nonon xucu' ma' quem. 16Tomi' in pin ac tococwa na co cut nanain caramaxicocon ca vender xi' caca ma' quem. Cut maho' jein caramajuhu' pain ca xuruxut tiquin' hwein xiricon Iri' Jam ta tata. 17Cain' cain' xihwe quem ac tococwa na. Om ca xirao' ca' xine ca tomi' nucun Iri' Jam pain capijacon ra? Ca' na ca xirao' pe nein ta: Cote ne xuru ca', je tara ca tomi' to tomi' to pi' pin cacapa' oro xucucun wari' ta na ca xirao' pe nein con. Wahu' iri na ne, ara em' pin hwein. Ara xiricocon oro wari' co an noc xa taxipa' nanain carawa pin hwein ta na ca tomi' carapita tococwa ma'#11.17 Oro sacerdote pain cote ne xiricon Iri' Jam pane, noc tamana nanain dinheiro nucucun oro romano pain dinheiro nucucun oro grego, xi xirao' pe ara cacain jamicon wari' pain ta nana. Noc nain i ma' Iri' Jam ta nana. Je ca taramaja to cacain ca tao' caho' nein cote ne xiricon Iri' Jam caram ma' co meo nanain oro xijein dinheiro ma' quem. Maqui' iri nana oro wari' co tom tain' mi' xun nonon pain carawa Iri' Jam ne, co cut xin nanain boi pain ovelha con xucu' ma', cut ca' ac tococwa na pain dinheiro nucucun tatirim, mi' in hwet ac tococwa pain na iri' dinheiro nein cote ne xiricon Iri' Jam. Ha' ac tococwa na pain ca mam' cut cacain carawa ca tom tain' xin caca pane. Oro co meo nanain dinheiro ma', mixein tamana nana quem. Horon iri na dinheiro nucucun tatirim ca cut caca ma' ne, mi' in hwet wijimain e' ac cacain na dinheiro nein cote ne xiricon Iri' Jam ma' quem. .
18Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, taraju nanain ca tomi' nucun Jeju. Tomi' xo' ac xucucun na: Cain' cain' xuxun quem? Cain' xi to' pa' pin ac xun quem xucucun. Jin' ara xi' nonon Jeju, xi wa wa pan ara cocon oro wari' ta. Wa wa wa wa pi' pin nonon. Taraju hohot ara xi' nonon ca pijim' nucun.
19Irawin pin iri na ne, paca' ac cain na Jerusalém Jeju cocon co taxipa' ca ma'.
20Xec pin iri na ne, in mama' xin Jerusalém ta ac caca na, xuruxut xuruxut tiquin' ca' ac cacain na panaji figo cara pane. Querec ac cacain na pain ca cono' pin ne tenenein ma'. Mi' pin na caximain ma' quem. 21He ac ca na Pedro, mam' pe wet ac cain na ca tomi' noro cain Jeju pane. Noro rain panaji figo ca tomi' noro ma pane Taramaxicon co ca' na taxipa' capijacon Iri' Jam. Mi' pin na ta non.
22Om na, howa jun Iri' Jam pain ca ara tain cain oro ca ara ra hun ma' ac ca na Jeju. 23Je ca tomi' xuhu' ca', tomi' iri'o' inuhu' ta ac tococwa na. Mo ta tomi' ca' hwein cote ne pacun ma': Tequi' pe ra ta, xin pocom pan xijem pain cote ne com cain, mo ta tomi' ac i ma' hwein. Mo ta om tara con ta'a camain' hwe pain xumuhu' quem. Mo ta howa hwe pain ca tequi' pe tara, xin pocom pan ac xijein tara pain cote ne com cain ta hwein ma'. Ha' ac cuhu' tara, tequi' pe ac ne tara, xin pocom pan ac xijein tara pain cote ne com. 24Je ca tomi' xuhu' ca' ac tococwa na. Oro ca mi' ne hun Iri' Jam ma', pain ca tomi' hun ma', na e' na pain ca howa hun pain ca ara mi' xuhu' pain cuhu' ma'. Ac ca wara ara mi' cuhu' pain tara pain ca howa hun ma'. Ara mi' ac cuhu' pain tara quem. 25Mo ta tomi' xun Cotere' Iri' Jam hwe, mo ta mana' hun wari' pain ca ara cup cuhu' ma'. Mana' mana' om pin jun pain. Ma' ta xic am pin cain ca caracat nuhu' Cotere' co pe pawin cwain. 26Mo ta mana' cara hun pain ca ara cup cuhu' ma'. Om ac ne tara ca xic am pin cain ca caracat nuhu' Cotere' co pe pawin cwain quem na ca tomi' tococwa co taxipa' ca ma'.
Ca tomi' querec cocon Jeju pain ca ma' co mi' nem pain ca ara main oro ca ara ma ma' quem cocon
Mateus 21.23-27; Lucas 20.1-8
27In mama' ac cacain na Jerusalém. Xut in ac cain na ca tao' caho' nein cote ne xiricon Iri' Jam Jeju ma'. Xuruxut hwet pan ac cocon na oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés cocon oro xucucun taramaxicon nuxut pain ca judeu urut ca'. Tomi' querec ac cocon na: 28Ma' co mi' nem pain ca ara main oro ca ara ma ma' quem? Ma' co ara rain nem pain na ca tomi' querec cocon ma'.
29-30Wata' quem, tomi' querec xim inuhu' quem ac tococwa na. Tomi' querec xuhu' con João cara pane, co ja' taxipa' nonon pain com oro wari' pane. Ma' co ja' roron pain com oro wari' non quem? Mi' non pain Iri' Jam ra? Mi' non pain wari' ra? Tomi' xine. Mo ta tomi' hwet mahu' pain wixicon co tomi' non pane, tomi' hwet ac xuhu' pain tara wixicon co ara rain napa' pain oro ca ara ta' ca' ac tococwa na.
31Cain' xi tomi' xun quem ac xucucun na. Mo ta mi' non pain Iri' Jam xun, tomi' querec mami' ac capari' tara, para om howa hun quem ac capari' tara. 32Mo ta mi' non pain wari' xun. Cain' cain' xixi' quem? Om ca tomi' ac xin i ma' ta nana. Jin' ara xi' nonon oro wari' oro taramaxicon ma', xi iri' profeta na João iri' profeta na João pi' pin ara caca ta.
33Om ca taxi' urut ta ac cocon na.
Je i ma' ira, om ta tomi' hwet tain wixicon co ara rain napa' pain oro ca ara ta' ca' quem na ca tomi' tococwa ma'.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil