Marcos 12
12
Ca pijim' joc mam' mi' tococwa cocon oro co taramaja to nanain totain uva
Mateus 21.33-46; Lucas 20.9-19
1Pijim' joc mam' mi' xuhu' cocon oro co taramaja to nanain totain uva ta ac tococwa na, pijim' ac tococwa na: Ma' na wari' pane. Oin' ac cain na totain uva. Tao' caho' ac cain na, xe' ac cain na manain cote ne pacun ca mam' hum' pe xine cominain uva quem. Quep ac cain na xirim ca mao pawin ma' quem, ma' ta piri' pe ca wari' co querec wet nain ta na. Tomi' xo' ac tococwa na co taramaja to taxipa' nanain xitot. Taramaja to jein totain uva ne ca' ac tococwa na. Paca' iri tara memem ne, mene ac hwein tara xijein cacarain ma', mene ac tain tara xijein cacarain ca' quem, ac i ma' tara ca pagar xuhu' pain ca taramaja nuhu' ta ac tococwa na. Mao tain pira ina ta ac tococwa na, mao ac ca na quem.
2Maqui' pin iri na oro xec nein ca paca' pin ne memem ma' ne, tomi' ac ca na waximain xitot ma', tomi' non co taramaja mi' e' non pain ca pe pan ca ma'. Hwet roron co taramaja to nanain totain uva ne cain, cut ac main tara memem ne cocon ta na ca tomi' con ma'. Ma ac ca na, mao ac ca na quem. 3Ane om ha' cocon caram ma' co taramaja to nanain xitot ne. Quep nonon. To' ac cocon na. In mao ra ta ac cocon na quem. Om ca mi' cocon pain memem nucun waximain xitot.
4Tomi' ac con na xucun co taramaja mi' e' non pain ca pe pan ca ma'. Hwet roron co taramaja to nanain totain uva ne cain, cut ac main tara memem ne cocon ta non. Ma ac ca na, mao ac ca na quem. Ane om ha' cocon co ma' quem ne. To' nonon pain winacon, quep xirac tamana nonon quem.
5Hwet roron ta ac con na xucun ma'. Ane to' pa' pin cocon co ma' quem ne. Hwet jujun quem ac tococwa na oro xucucun ma' quem. Mija nana co hwet jujun ca ma'. Ane quep xirac quep xirac tococwa ne. Ma' nana co to' wawa ma', ma' ac caca na oro xucucun co to' parapa' pin wawa ma' quem.
6Xica' pe na wari' co pe ho' non waximain xitot ma', wirico panxica co om noc camain' ca ma'. Aram aram tomi' ac con na: Hwet roron quem arain. Cut pan rain memem ne cocon ta non. Ma ac ca na, mao ac ca na quem. Tomi' ha' totoron panxita' cwa' paxi' na ca coromicat nucun cote ca ira.
7Ane om tomi' ha' caca co taramaja to nanain xitot ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na. 8Quep ac cocon na, to' pa' pin ac cocon na, xin hwet ca' ac cocon na pain xitot quem. Ac i ma' nana co taramaja to nanain totain uva pane na ca pijim' nucun Jeju.
9Tomi' querec ac tococwa na: Cain' cain' ta' ca waximain xitot quem? Taraju wet xine e'. Hwet pan totoron oro co taramaja to nanain totacon, to' parapa' pin ac cocon tara, noro ac cocon tara oro xucucun co taramaja to nanain totain uva nucun quem. 10Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine:
Pacun ca noc pin caca wari' co quep xin paxi' nanain xirim ma',
aram aram iri' pacun ca to' teren nain xirim pin na.
11Wirico Iri' Jam pan na co ara nain i ma'.
Wa wa tamana ac urun na quem.
Ac i ma' na ca xirao' pe xine pain capijacon Iri' Jam pane na ca tomi' tococwa ma'#12.11 Pain ca tomi' nucun Iri' Jam ca', tomi' mi' non Jeju. Wirico Jeju co an xiho' nain pacun ca noc pin xine ma'. Wiricoco oro taramaxicon co an xiho' nonon wari' co quep xin paxi' nanain xirim ma' quem. Ca' na ca tomi' ta' ca Iri' Jam ma'. Main noc paxi' totoron Jeju oro taramaxicon. Ame hwe e', main Taramaxicon pan tara ta. Wata' pan tara co Taramaxicon ra non ta na Iri' Jam, ac i ma' na ca tomi' ta' ca ma. .
12He, tomi' napari' ron ac caca na oro taramaxicon nuxut pain ca judeu urut ca', pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma'. Ane jin' cocon oro wari' ne. Je ca om quep cocon ma'. Mama' ac caca na.
Ca tomi' querec tococwa pain ca pagar xine imposto
Mateus 22.15-22; Lucas 20.20-26
13Om ca pain homa ne, tomi' ac caca na oro taramaxicon nuxut pain ca judeu urut ca', tomi' nonon oro fariseu cocon oro win ma' ca taramaxicon Herodes ma' quem. Mo tomi' jun Jeju ta nonon. Tomi' querec jun. Mo ta tomi' pan tem ca, ha' ac capari' tara pain ca quep xun ta nonon.
14Xuruxut hwet ac cocon na, tomi' ac cocon na: Tomi' xim urut pum taramaxicon co ca' na taxipa' capijacon Iri' Jam. Taxi' urut pum pain ca om mixein ma ma'. Querec querec ac wiricoco pi' pin nenem oro wari' ma' quem. Co hwara' opa nana ma', co om hwara' opa nana ma' quem, querec querec ac wiricoco nenem, xi tomi' querec te paxica' momon ta. Ca' na xo' maparut pain capijacon Iri' Jam ca an hwet mi' napari' pain ca xuruxut xo' wa pain ca tomi' ha' je capari' quem. Je ca tomi' querec xim urut pum ca' ac cocon na. Hohot na pain ca pagar tocwa pain imposto taramaxicon nucucun oro romano ra? Om ca hohot ne ra? 15Cain' cain' xuxut quem? Pagar xuxun pain? Om ta pagar xuxun pain? Ac i ma' na ca tomi' querec ximama' cocon ma'.
Ane querec pin' cocon Jeju ne, querec pin' nonon pain ca ac ca iri'o' xi' ca' tara me caca ma'. Para tomi' querec ximama' mahu' ma' ac tococwa na. Param mahu' pain ca tomi' pan tem wa ra tata. Je i ma' ira, mi' xine pain denário ta. Noro tain ta ac tococwa na. 16An mi' ac cocon pain na quem.
Tomi' querec ac tococwa na: Ma' jamicon co cwa', pain moeda ca'? Ma' wixicon co cwa' ca xirao' pe xine pain quem na ca tomi' querec tococwa ma'.
Jamicon taramaxicon nucucun oro romano ta. Wixicon quem nonon.
17Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'. Wa wa ac cocon na quem.
Ca tomi' querec cocon pain ca e' mami' xi' caca co wara cono' nana ma'
Mateus 22.23-33; Lucas 20.27-40
18Xuruxut hwet ac cocon na Jeju oro saduceu. Howa ca' nana oro saduceu: Om ca e' mami' xi' caca oro wari' co wara cono' nana ta nana. Tomi' ac cocon na Jeju: 19Tomi' xim urut pum ta taramaxicon co ca' na taxipa' capijacon Iri' Jam ac cocon na. Ca' na ca xirao' mi' capari' Moisés cara pane: Mo ta mi' pin ca wari' ma', mo ta om wanxi' mi' cam manacon ma', na e' na pain ca an cam coxa' ca. Ma' ta wijima cama con ta taram. Pije' co aram aram wanxi' mi' cam ma', ac ca wanxi' con tara cwaji' ca co wara mi' pin ta, ac i ma' na ca xirao' mi' capari' Moisés pane. 20Je ca tomi' querec xim urut pum quem ac cocon na. Ma' na wari' co ma' 6 nana xurucun. Co pan' cain' pane, an ac cam na narima', aram aram mi' pin ac ca na. Om ca wanxi' ca. 21Co ja' corom mao non co pan' cain' ma', an ac cam na, aram aram mi' pin ac ca na. Om ca wanxi' ca quem. Ac i ma' na co ja' corom mao non co ma' quem, an nam manacon cwaji' ca, aram aram mi' pin ac ca na. Om ca wanxi' ca co ma' quem. 22Ac i ma' ac i ma' pi' pin nana, an an xam' nanam manacon cwaji' caca co pan' cain' pane, aram aram cono' pin ac caca na, om ca wanxi' camain' caca pane. Aram aram mi' pin ac cama na narima' ma' quem. 23Je ca tomi' querec xim urut pum ca' quem ac cocon na. Maqui' iri tara xec nein ca e' mami' xi' caca co wara cono' nana ma' ne. Mon xira co narima' ne tam nam quem? Ma' 7 ara xi' nana co an nanam pane na ca tomi' querec cocon ma'.
24Om ca coromicat xo' hwe ta ac tococwa na. Om ca taraju pa' hwein capijacon Iri' Jam ca xirao' to caca oro profeta cara pane, xi querec pin' hwein ca hwara' opa tamana nucun ma', pain ca ha' con pain ca to' e' mami' cocon oro wari' co wara cono' nana ma' quem. 25E' mami' iri tatara co wara cono' nana ne, an xiho' ac cocon tara oro jam co taramaja mi' nonon Iri' Jam. Om ta cut caca narima'. Ca narima' nequequem ma', om ta cut cacama tarama' quem. 26Pain ca e' mami' xi' caca co wara cono' nana ma', xirao' mi' nuhu' pain Moisés cara pane. Om ca noro hwein ca xirao' nucun pain ca pijim' qui' cain wijimain pana ca wiran ximao pane ra? Wara pain paxi' na ca cono' caca Abraão con Isaque con Jacó cara pane, ane tomi' ca' con Moisés Iri' Jam pane ne: Wata' co Iri' Jam cwa'. Iri' Jam ne napa' Abraão cwa', Iri' Jam ne napa' Isaque cwa', Iri' Jam ne napa' Jacó cwa' quem. Iri' Jam ne Iri' Jam ne wet nanapa' ta na ca tomi' con Moisés Iri' Jam pane. 27Je ca taxi' xuxun pain ca e' e' wet nucucun quem, xi Iri' Jam ne cocon Iri' Jam oro wari' co wara cono' nana ta. Iri' Jam ne e' nonon co e' nana ta. Je ca tomi' xuhu' ca' ac tococwa na. Om ca coromicat xo' camain' hwe ta. Om ca taraju pa' hwein capijacon Iri' Jam ca xirao' to caca oro profeta cara pane, xi querec pin' hwein ca hwara' opa tamana nucun pain ca ha' con pain ca to' e' mami' cocon oro wari' co wara cono' nana ta. Ac i ma' na ca tomi' tococwa ma'#12.27 Oro saduceu pane, pain ca om ta e' mami' xi' caca co wara cono' nana ta caca ma', jain jain nonon oro wari' pain ca howa an xiho' cocon. Na e' na pain ca an xiho' cacapari' pain ca howa nexi' ca' nana. Je ca tomi' querec cocon Jeju cocon wari' co cono' ca' nanam manacocon. Hehe tara Jeju, om ta tomi' xo' ac capari' xi' paxi' nonon. Ane tomi' xo' tococwa ne. Hehe pan ac caca na. To' quiji' pan tata pain ca howa ximama' nucucun..
Ca xirao' nucun Moisés ca awi tiquin' ca' nain oro wirain ca xirao' nucun
Mateus 22.34-40
28Ma' ac ca na co ca' na taxipa' nain ca xirao' nucun Moisés ma'. Taraju nonon pain ca tomi' xucucun ma'. Querec pin' non Jeju pain ca tomi' xo' cocon ma' quem. Je ca xut hwet con ma'. Tomi' querec ac con na: Ma' ca xirao' nucun Moisés ca awi tiquin' ca' nain oro wirain ca xirao' nucun quem na ca tomi' querec con ma'.
29Tomi' ac con na Jeju: Main ca' ca awi tiquin' ca' nain oro wirain:
Taraju wet je ta oro wari' nein Israel.
Iri' Jam ne urun Taramaxicon nexi' cwa'. Xica' pe na Taramaxicon nexi' co Taramaxicon.
30Ta noc hun Iri' Jam co Taramaxicon ne hwe ma' me ta.
Na e' na pain ca tomi' querec te mip hun pain iri' xumuhu'.
Jain jain jun pain ca tomi' querec te mip hun ta.
Ta coromicat ni ca' hun me.
An hwet pe jein ca om noc hun pain oro ca ara hwe ta.
Ac i ma' napari'. 31Ma' na wirain ca xirao' nucun ca awi quem. An xiho' nain i ca' ca tomi' ta' ne. Ca' na ca xirao' nein:
Ta noc huhun oro win ma' hwe me ta.
Win ne ca om noc pan xujuhu' ta.
Ac i ma' napari' quem. Om na wirain ca xirao' nucun Moisés ca awi tiquin' ca' nain i ca' ca tomi' ta' ne na ca tomi' con ma'.
32Awi na ta taramaxicon co ca' na taxipa' capijacon Iri' Jam. Iri'o' na ca tomi' nem ta. Xica' pe na Iri' Jam co Iri' Jam. Om na xucun, xica' pe na. 33Na e' na pain ca tomi' querec te mip xun pain iri' ximixi'. Ta coromicat ni ca' xun, an hwet pe xin ca om noc xun pain oro ca ara iri' ca'. Ta noc xuxun oro win ma' nexi' quem. Win ne ca om noc pan xijexi' ca'. Je ca param mi' capari' Iri' Jam. Param pije' nain oro carawa ca tom tain' mi' xun ca', param pije' nain oro xijein carawa ca mi' xun ca'. Param tamana napari' pain ca om noc xun je pain ca om noc xuxun oro win ma' nexi' quem na ca tomi' ca wari' ma'.
34Jeju ma', querec pin' non pain ca taraju pa' nucun. Tomi' ac con na: Taraju pa' ma ma' ira. Om ta i'ina taramaxicon pe ho' xim quem Iri' Jam ta na ca tomi' con ma'.
Om pin ac caca na wari' co tomi' querec ximama' nonon ma', xi hehe ara cocon ta.
Ca tomi' querec tococwa pain ca ma' co iri' hwanana ne ca Cristo quem tococwa
Mateus 22.41-46; Lucas 20.41-44
35Pijim' pe iri nain ca tao' caho' nein cote ne xiricon Iri' Jam Jeju ma' ne, pain ca ca' na tococwa pain capijacon Iri' Jam oro wari' ma', tomi' querec ac tococwa na: Cain' cain' ne ca coromicat nuhu' cocon oro co ca' na taxipa' nanain ca xirao' nucun Moisés quem? Para winacon Davi cocon Cristo quem? 36Xi tomi' ac i ca' ara ca Davi pain ca xirao' pe nucun pane ta, pain ca tomi' mi' con Cristo pane. Je Tamataracon Iri' Jam ca mi' non pain ca tomi' nucun pane. Ca' na ca tomi' ca pane:
Tomi' non Taramaxicon ne Iri' Jam co iri' Taramaxicon ma'.
Xao pe ho' ne pain iri' cwere ca'.
Aram aram maqui' pa' ac quem tara xec nein ca to' quiji' pin toton ta' co noc nenem ma'.
Taramaxicon pe ho' cara ac momon tara ta.
Ac i ma' na ca tomi' xucucun Iri' Jam con Cristo pane ta na ca xirao' pe nucun Davi pane.
37Je ca tomi' xuhu' ca' ac tococwa na. Taramaxicon ne non Cristo Davi cara pane. Cain' cain' xira quem? Ma' tara ca wina ac con quem na ca tomi' tococwa ma'#12.37 Cristo co to' witan roron oro wari' ta ca Iri' Jam pane, winacon Davi paxi' na pain ca wari' nucun pane. Ane Taramaxicon ne pan con Davi ne, xi om ne ca Taramaxicon pan ara ca Cristo pain ca Iri' Jam nucun ta..
Mija nana wari' co taraju nonon Jeju ma'. Om ca paric camain' caca. Taraju hohot nonon ca tomi' nucun quem.
38Ca' na iri tata pain capijacon Iri' Jam ne, tomi' ac tococwa na: Ma' tara xumuhu' me, ta an xiho' huhun oro co ca' na taxipa' nanain ca xirao' nucun Moisés ma'. In ac tatarapari' oro wari' ta nana. Je ca to taxipa' cocon wom co awi tamana, mam' xuruxut in mam' xuruxut in nonon quem. Tomi' querec te xo' tatarapari' oro wari' co xao to to nanain ximijain cidade quem nana. 39Param nanain ca xao to xo' wa cocon oro taramaxicon pain oro xirim ca cut in to xucucun ma', param nanain ca xao to xo' wa cocon oro taramaxicon pain ca cao' querec te wi nucucun quem. 40Mixein nanam oro narima' co cono' ca' nanam waram taxicacam, cut noc xa ac cacain na oro caramaxicacam. Cote ne ac ne na ca tomi' nucucun pain ca tomi' cocon Iri' Jam ma' quem. Ma' ta awi nana ta cacapari' oro wari' ta nana. Ac ca iri'o' xi' ca' tara me nana. Wap tamana pan totoron Iri' Jam ta. Om ta wap homa tococwa oro xucucun co pan teretem nana ma'. Caram ma' iri nana ne, wap tamana pan ac tococwa tara ta na ca tomi' tococwa ma'.
Narima' co mi' ca' nam taxicam, co mi' non pain wijimain dinheiro nequem Iri' Jam pane
Lucas 21.1-4
41Jeju ma', xao pe tucu in hwet ac cain na pana ca cut ho' to cacain dinheiro ca mi' xin cacain cote ne xiricon Iri' Jam oro wari' ma'. Ja' noro ac tococwa na oro wari' pain ca cut ho' cacain dinheiro nucucun pain panaji. Mija nana co caramaju nana ma', co cut ho' nanain cote ne dinheiro. 42Maqui' ac cama na narima' co mi' ca' nam taxicam. Ximin na, om nam carawa. Cut ho' 2 ac camain na wijimain moeda pain panaji dinheiro ma'. Om ca hwara' camain' ne wijimain dinheiro nein moeda ca mi' cama ma'. Iri' wijimain na.
43Harahap je ta ac tococwa na co taxipa' ca ma'. Noro jem narima' ma', co mi' ca' nam taxicam ma'. Wijimain paxi' na dinheiro ca cut ho' cama pain panaji dinheiro ma', ane querec hwara' con Iri' Jam ne. Ac ca hwara' tiquin' ca' nein na oro cote ne dinheiro ca cut ho' caca oro xucucun wari' ma'. Tomi' iri'o' inuhu' ta. 44Oro xucucun wari' ma', mi' hwara' paxi' nanain dinheiro nucucun. Ane pe ho' cara cocon oro wirain ne. Narima' co mi' ca' nam taxicam ma' iri na ne, om paxi' nam carawa. Ane mi' mi' pi' pin camain wijimain dinheiro ca pe ho' nam ne. Om pin nam dinheiro ca mam' cut cama carawa ca cao' cama na ca tomi' tococwa ma'.
Actualmente seleccionado:
Marcos 12: TBPN
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil
Marcos 12
12
Ca pijim' joc mam' mi' tococwa cocon oro co taramaja to nanain totain uva
Mateus 21.33-46; Lucas 20.9-19
1Pijim' joc mam' mi' xuhu' cocon oro co taramaja to nanain totain uva ta ac tococwa na, pijim' ac tococwa na: Ma' na wari' pane. Oin' ac cain na totain uva. Tao' caho' ac cain na, xe' ac cain na manain cote ne pacun ca mam' hum' pe xine cominain uva quem. Quep ac cain na xirim ca mao pawin ma' quem, ma' ta piri' pe ca wari' co querec wet nain ta na. Tomi' xo' ac tococwa na co taramaja to taxipa' nanain xitot. Taramaja to jein totain uva ne ca' ac tococwa na. Paca' iri tara memem ne, mene ac hwein tara xijein cacarain ma', mene ac tain tara xijein cacarain ca' quem, ac i ma' tara ca pagar xuhu' pain ca taramaja nuhu' ta ac tococwa na. Mao tain pira ina ta ac tococwa na, mao ac ca na quem.
2Maqui' pin iri na oro xec nein ca paca' pin ne memem ma' ne, tomi' ac ca na waximain xitot ma', tomi' non co taramaja mi' e' non pain ca pe pan ca ma'. Hwet roron co taramaja to nanain totain uva ne cain, cut ac main tara memem ne cocon ta na ca tomi' con ma'. Ma ac ca na, mao ac ca na quem. 3Ane om ha' cocon caram ma' co taramaja to nanain xitot ne. Quep nonon. To' ac cocon na. In mao ra ta ac cocon na quem. Om ca mi' cocon pain memem nucun waximain xitot.
4Tomi' ac con na xucun co taramaja mi' e' non pain ca pe pan ca ma'. Hwet roron co taramaja to nanain totain uva ne cain, cut ac main tara memem ne cocon ta non. Ma ac ca na, mao ac ca na quem. Ane om ha' cocon co ma' quem ne. To' nonon pain winacon, quep xirac tamana nonon quem.
5Hwet roron ta ac con na xucun ma'. Ane to' pa' pin cocon co ma' quem ne. Hwet jujun quem ac tococwa na oro xucucun ma' quem. Mija nana co hwet jujun ca ma'. Ane quep xirac quep xirac tococwa ne. Ma' nana co to' wawa ma', ma' ac caca na oro xucucun co to' parapa' pin wawa ma' quem.
6Xica' pe na wari' co pe ho' non waximain xitot ma', wirico panxica co om noc camain' ca ma'. Aram aram tomi' ac con na: Hwet roron quem arain. Cut pan rain memem ne cocon ta non. Ma ac ca na, mao ac ca na quem. Tomi' ha' totoron panxita' cwa' paxi' na ca coromicat nucun cote ca ira.
7Ane om tomi' ha' caca co taramaja to nanain xitot ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na. 8Quep ac cocon na, to' pa' pin ac cocon na, xin hwet ca' ac cocon na pain xitot quem. Ac i ma' nana co taramaja to nanain totain uva pane na ca pijim' nucun Jeju.
9Tomi' querec ac tococwa na: Cain' cain' ta' ca waximain xitot quem? Taraju wet xine e'. Hwet pan totoron oro co taramaja to nanain totacon, to' parapa' pin ac cocon tara, noro ac cocon tara oro xucucun co taramaja to nanain totain uva nucun quem. 10Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine:
Pacun ca noc pin caca wari' co quep xin paxi' nanain xirim ma',
aram aram iri' pacun ca to' teren nain xirim pin na.
11Wirico Iri' Jam pan na co ara nain i ma'.
Wa wa tamana ac urun na quem.
Ac i ma' na ca xirao' pe xine pain capijacon Iri' Jam pane na ca tomi' tococwa ma'#12.11 Pain ca tomi' nucun Iri' Jam ca', tomi' mi' non Jeju. Wirico Jeju co an xiho' nain pacun ca noc pin xine ma'. Wiricoco oro taramaxicon co an xiho' nonon wari' co quep xin paxi' nanain xirim ma' quem. Ca' na ca tomi' ta' ca Iri' Jam ma'. Main noc paxi' totoron Jeju oro taramaxicon. Ame hwe e', main Taramaxicon pan tara ta. Wata' pan tara co Taramaxicon ra non ta na Iri' Jam, ac i ma' na ca tomi' ta' ca ma. .
12He, tomi' napari' ron ac caca na oro taramaxicon nuxut pain ca judeu urut ca', pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma'. Ane jin' cocon oro wari' ne. Je ca om quep cocon ma'. Mama' ac caca na.
Ca tomi' querec tococwa pain ca pagar xine imposto
Mateus 22.15-22; Lucas 20.20-26
13Om ca pain homa ne, tomi' ac caca na oro taramaxicon nuxut pain ca judeu urut ca', tomi' nonon oro fariseu cocon oro win ma' ca taramaxicon Herodes ma' quem. Mo tomi' jun Jeju ta nonon. Tomi' querec jun. Mo ta tomi' pan tem ca, ha' ac capari' tara pain ca quep xun ta nonon.
14Xuruxut hwet ac cocon na, tomi' ac cocon na: Tomi' xim urut pum taramaxicon co ca' na taxipa' capijacon Iri' Jam. Taxi' urut pum pain ca om mixein ma ma'. Querec querec ac wiricoco pi' pin nenem oro wari' ma' quem. Co hwara' opa nana ma', co om hwara' opa nana ma' quem, querec querec ac wiricoco nenem, xi tomi' querec te paxica' momon ta. Ca' na xo' maparut pain capijacon Iri' Jam ca an hwet mi' napari' pain ca xuruxut xo' wa pain ca tomi' ha' je capari' quem. Je ca tomi' querec xim urut pum ca' ac cocon na. Hohot na pain ca pagar tocwa pain imposto taramaxicon nucucun oro romano ra? Om ca hohot ne ra? 15Cain' cain' xuxut quem? Pagar xuxun pain? Om ta pagar xuxun pain? Ac i ma' na ca tomi' querec ximama' cocon ma'.
Ane querec pin' cocon Jeju ne, querec pin' nonon pain ca ac ca iri'o' xi' ca' tara me caca ma'. Para tomi' querec ximama' mahu' ma' ac tococwa na. Param mahu' pain ca tomi' pan tem wa ra tata. Je i ma' ira, mi' xine pain denário ta. Noro tain ta ac tococwa na. 16An mi' ac cocon pain na quem.
Tomi' querec ac tococwa na: Ma' jamicon co cwa', pain moeda ca'? Ma' wixicon co cwa' ca xirao' pe xine pain quem na ca tomi' querec tococwa ma'.
Jamicon taramaxicon nucucun oro romano ta. Wixicon quem nonon.
17Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'. Wa wa ac cocon na quem.
Ca tomi' querec cocon pain ca e' mami' xi' caca co wara cono' nana ma'
Mateus 22.23-33; Lucas 20.27-40
18Xuruxut hwet ac cocon na Jeju oro saduceu. Howa ca' nana oro saduceu: Om ca e' mami' xi' caca oro wari' co wara cono' nana ta nana. Tomi' ac cocon na Jeju: 19Tomi' xim urut pum ta taramaxicon co ca' na taxipa' capijacon Iri' Jam ac cocon na. Ca' na ca xirao' mi' capari' Moisés cara pane: Mo ta mi' pin ca wari' ma', mo ta om wanxi' mi' cam manacon ma', na e' na pain ca an cam coxa' ca. Ma' ta wijima cama con ta taram. Pije' co aram aram wanxi' mi' cam ma', ac ca wanxi' con tara cwaji' ca co wara mi' pin ta, ac i ma' na ca xirao' mi' capari' Moisés pane. 20Je ca tomi' querec xim urut pum quem ac cocon na. Ma' na wari' co ma' 6 nana xurucun. Co pan' cain' pane, an ac cam na narima', aram aram mi' pin ac ca na. Om ca wanxi' ca. 21Co ja' corom mao non co pan' cain' ma', an ac cam na, aram aram mi' pin ac ca na. Om ca wanxi' ca quem. Ac i ma' na co ja' corom mao non co ma' quem, an nam manacon cwaji' ca, aram aram mi' pin ac ca na. Om ca wanxi' ca co ma' quem. 22Ac i ma' ac i ma' pi' pin nana, an an xam' nanam manacon cwaji' caca co pan' cain' pane, aram aram cono' pin ac caca na, om ca wanxi' camain' caca pane. Aram aram mi' pin ac cama na narima' ma' quem. 23Je ca tomi' querec xim urut pum ca' quem ac cocon na. Maqui' iri tara xec nein ca e' mami' xi' caca co wara cono' nana ma' ne. Mon xira co narima' ne tam nam quem? Ma' 7 ara xi' nana co an nanam pane na ca tomi' querec cocon ma'.
24Om ca coromicat xo' hwe ta ac tococwa na. Om ca taraju pa' hwein capijacon Iri' Jam ca xirao' to caca oro profeta cara pane, xi querec pin' hwein ca hwara' opa tamana nucun ma', pain ca ha' con pain ca to' e' mami' cocon oro wari' co wara cono' nana ma' quem. 25E' mami' iri tatara co wara cono' nana ne, an xiho' ac cocon tara oro jam co taramaja mi' nonon Iri' Jam. Om ta cut caca narima'. Ca narima' nequequem ma', om ta cut cacama tarama' quem. 26Pain ca e' mami' xi' caca co wara cono' nana ma', xirao' mi' nuhu' pain Moisés cara pane. Om ca noro hwein ca xirao' nucun pain ca pijim' qui' cain wijimain pana ca wiran ximao pane ra? Wara pain paxi' na ca cono' caca Abraão con Isaque con Jacó cara pane, ane tomi' ca' con Moisés Iri' Jam pane ne: Wata' co Iri' Jam cwa'. Iri' Jam ne napa' Abraão cwa', Iri' Jam ne napa' Isaque cwa', Iri' Jam ne napa' Jacó cwa' quem. Iri' Jam ne Iri' Jam ne wet nanapa' ta na ca tomi' con Moisés Iri' Jam pane. 27Je ca taxi' xuxun pain ca e' e' wet nucucun quem, xi Iri' Jam ne cocon Iri' Jam oro wari' co wara cono' nana ta. Iri' Jam ne e' nonon co e' nana ta. Je ca tomi' xuhu' ca' ac tococwa na. Om ca coromicat xo' camain' hwe ta. Om ca taraju pa' hwein capijacon Iri' Jam ca xirao' to caca oro profeta cara pane, xi querec pin' hwein ca hwara' opa tamana nucun pain ca ha' con pain ca to' e' mami' cocon oro wari' co wara cono' nana ta. Ac i ma' na ca tomi' tococwa ma'#12.27 Oro saduceu pane, pain ca om ta e' mami' xi' caca co wara cono' nana ta caca ma', jain jain nonon oro wari' pain ca howa an xiho' cocon. Na e' na pain ca an xiho' cacapari' pain ca howa nexi' ca' nana. Je ca tomi' querec cocon Jeju cocon wari' co cono' ca' nanam manacocon. Hehe tara Jeju, om ta tomi' xo' ac capari' xi' paxi' nonon. Ane tomi' xo' tococwa ne. Hehe pan ac caca na. To' quiji' pan tata pain ca howa ximama' nucucun..
Ca xirao' nucun Moisés ca awi tiquin' ca' nain oro wirain ca xirao' nucun
Mateus 22.34-40
28Ma' ac ca na co ca' na taxipa' nain ca xirao' nucun Moisés ma'. Taraju nonon pain ca tomi' xucucun ma'. Querec pin' non Jeju pain ca tomi' xo' cocon ma' quem. Je ca xut hwet con ma'. Tomi' querec ac con na: Ma' ca xirao' nucun Moisés ca awi tiquin' ca' nain oro wirain ca xirao' nucun quem na ca tomi' querec con ma'.
29Tomi' ac con na Jeju: Main ca' ca awi tiquin' ca' nain oro wirain:
Taraju wet je ta oro wari' nein Israel.
Iri' Jam ne urun Taramaxicon nexi' cwa'. Xica' pe na Taramaxicon nexi' co Taramaxicon.
30Ta noc hun Iri' Jam co Taramaxicon ne hwe ma' me ta.
Na e' na pain ca tomi' querec te mip hun pain iri' xumuhu'.
Jain jain jun pain ca tomi' querec te mip hun ta.
Ta coromicat ni ca' hun me.
An hwet pe jein ca om noc hun pain oro ca ara hwe ta.
Ac i ma' napari'. 31Ma' na wirain ca xirao' nucun ca awi quem. An xiho' nain i ca' ca tomi' ta' ne. Ca' na ca xirao' nein:
Ta noc huhun oro win ma' hwe me ta.
Win ne ca om noc pan xujuhu' ta.
Ac i ma' napari' quem. Om na wirain ca xirao' nucun Moisés ca awi tiquin' ca' nain i ca' ca tomi' ta' ne na ca tomi' con ma'.
32Awi na ta taramaxicon co ca' na taxipa' capijacon Iri' Jam. Iri'o' na ca tomi' nem ta. Xica' pe na Iri' Jam co Iri' Jam. Om na xucun, xica' pe na. 33Na e' na pain ca tomi' querec te mip xun pain iri' ximixi'. Ta coromicat ni ca' xun, an hwet pe xin ca om noc xun pain oro ca ara iri' ca'. Ta noc xuxun oro win ma' nexi' quem. Win ne ca om noc pan xijexi' ca'. Je ca param mi' capari' Iri' Jam. Param pije' nain oro carawa ca tom tain' mi' xun ca', param pije' nain oro xijein carawa ca mi' xun ca'. Param tamana napari' pain ca om noc xun je pain ca om noc xuxun oro win ma' nexi' quem na ca tomi' ca wari' ma'.
34Jeju ma', querec pin' non pain ca taraju pa' nucun. Tomi' ac con na: Taraju pa' ma ma' ira. Om ta i'ina taramaxicon pe ho' xim quem Iri' Jam ta na ca tomi' con ma'.
Om pin ac caca na wari' co tomi' querec ximama' nonon ma', xi hehe ara cocon ta.
Ca tomi' querec tococwa pain ca ma' co iri' hwanana ne ca Cristo quem tococwa
Mateus 22.41-46; Lucas 20.41-44
35Pijim' pe iri nain ca tao' caho' nein cote ne xiricon Iri' Jam Jeju ma' ne, pain ca ca' na tococwa pain capijacon Iri' Jam oro wari' ma', tomi' querec ac tococwa na: Cain' cain' ne ca coromicat nuhu' cocon oro co ca' na taxipa' nanain ca xirao' nucun Moisés quem? Para winacon Davi cocon Cristo quem? 36Xi tomi' ac i ca' ara ca Davi pain ca xirao' pe nucun pane ta, pain ca tomi' mi' con Cristo pane. Je Tamataracon Iri' Jam ca mi' non pain ca tomi' nucun pane. Ca' na ca tomi' ca pane:
Tomi' non Taramaxicon ne Iri' Jam co iri' Taramaxicon ma'.
Xao pe ho' ne pain iri' cwere ca'.
Aram aram maqui' pa' ac quem tara xec nein ca to' quiji' pin toton ta' co noc nenem ma'.
Taramaxicon pe ho' cara ac momon tara ta.
Ac i ma' na ca tomi' xucucun Iri' Jam con Cristo pane ta na ca xirao' pe nucun Davi pane.
37Je ca tomi' xuhu' ca' ac tococwa na. Taramaxicon ne non Cristo Davi cara pane. Cain' cain' xira quem? Ma' tara ca wina ac con quem na ca tomi' tococwa ma'#12.37 Cristo co to' witan roron oro wari' ta ca Iri' Jam pane, winacon Davi paxi' na pain ca wari' nucun pane. Ane Taramaxicon ne pan con Davi ne, xi om ne ca Taramaxicon pan ara ca Cristo pain ca Iri' Jam nucun ta..
Mija nana wari' co taraju nonon Jeju ma'. Om ca paric camain' caca. Taraju hohot nonon ca tomi' nucun quem.
38Ca' na iri tata pain capijacon Iri' Jam ne, tomi' ac tococwa na: Ma' tara xumuhu' me, ta an xiho' huhun oro co ca' na taxipa' nanain ca xirao' nucun Moisés ma'. In ac tatarapari' oro wari' ta nana. Je ca to taxipa' cocon wom co awi tamana, mam' xuruxut in mam' xuruxut in nonon quem. Tomi' querec te xo' tatarapari' oro wari' co xao to to nanain ximijain cidade quem nana. 39Param nanain ca xao to xo' wa cocon oro taramaxicon pain oro xirim ca cut in to xucucun ma', param nanain ca xao to xo' wa cocon oro taramaxicon pain ca cao' querec te wi nucucun quem. 40Mixein nanam oro narima' co cono' ca' nanam waram taxicacam, cut noc xa ac cacain na oro caramaxicacam. Cote ne ac ne na ca tomi' nucucun pain ca tomi' cocon Iri' Jam ma' quem. Ma' ta awi nana ta cacapari' oro wari' ta nana. Ac ca iri'o' xi' ca' tara me nana. Wap tamana pan totoron Iri' Jam ta. Om ta wap homa tococwa oro xucucun co pan teretem nana ma'. Caram ma' iri nana ne, wap tamana pan ac tococwa tara ta na ca tomi' tococwa ma'.
Narima' co mi' ca' nam taxicam, co mi' non pain wijimain dinheiro nequem Iri' Jam pane
Lucas 21.1-4
41Jeju ma', xao pe tucu in hwet ac cain na pana ca cut ho' to cacain dinheiro ca mi' xin cacain cote ne xiricon Iri' Jam oro wari' ma'. Ja' noro ac tococwa na oro wari' pain ca cut ho' cacain dinheiro nucucun pain panaji. Mija nana co caramaju nana ma', co cut ho' nanain cote ne dinheiro. 42Maqui' ac cama na narima' co mi' ca' nam taxicam. Ximin na, om nam carawa. Cut ho' 2 ac camain na wijimain moeda pain panaji dinheiro ma'. Om ca hwara' camain' ne wijimain dinheiro nein moeda ca mi' cama ma'. Iri' wijimain na.
43Harahap je ta ac tococwa na co taxipa' ca ma'. Noro jem narima' ma', co mi' ca' nam taxicam ma'. Wijimain paxi' na dinheiro ca cut ho' cama pain panaji dinheiro ma', ane querec hwara' con Iri' Jam ne. Ac ca hwara' tiquin' ca' nein na oro cote ne dinheiro ca cut ho' caca oro xucucun wari' ma'. Tomi' iri'o' inuhu' ta. 44Oro xucucun wari' ma', mi' hwara' paxi' nanain dinheiro nucucun. Ane pe ho' cara cocon oro wirain ne. Narima' co mi' ca' nam taxicam ma' iri na ne, om paxi' nam carawa. Ane mi' mi' pi' pin camain wijimain dinheiro ca pe ho' nam ne. Om pin nam dinheiro ca mam' cut cama carawa ca cao' cama na ca tomi' tococwa ma'.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil