मार्कुस छेप्ताप चिनातोक
छेप्ताप चिनातोक
मार्कुसङा छेप्तुना ना नुसालागा छेप्ताप उङा खाॽला तारोक्तुक्सु “निङ्वाफुमागा उच्या खिरिस्ट येसुगा नुसाला खाॽला सुरु लेङ्मेहा॥” नाबे येसुङा चोगुहा काम नुङ् चोक्तोक्का उतुम्बे छेप्तुक्सु॥ येसुङा चोक्तोक तोक्तुक्साहा बाङ्ना चेॽया उङा चोगुहा कामभाङ् था तोङ्मे॥ उङा निङ्वाफुमागा चेॽया चिन्दुचि, इसिॽहा मुइचि लोन्धाक्सुचि, याॽमिचि पाप छेमा पिचि॥ येसुङा का याॽमिगा पापका लागि बोलिदान लेङ्से तायाङ्ना, “निङ्वाफुमागा उच्याङान” कायामा॥
ना छेप्ताप मार्कुसङा प्याक लोॽवा येसुङा चोगुहा कामगा उतुम्बे जोड पिहोङ् छेप्तुक्सु॥ न्हाङा बाप्तिस्मा पिखुबा युहान्ना, येसुगा बाप्तिस्मा नुङ् येसुगा जाचका उतुम्बे चा मिमिक छेप्तुक्सु॥ न्हाङ् सोलोक न्नागा हेक्साङ् येसुङा याॽमि नुमेतुचिहा, चिन्दुचिहा चेॽयागा उतुम्बे छेप्तुक्सु॥ ना छेप्ताप मेन्माना बेलाबे येसु न्लाबुना, कुरुसपे न्छुसिना न्हाङ् हिङ्गिलिक लेक्साना चेॽयागा उतुम्बे छेप्तामा॥
ना छेप्तापपे छोक्ताहा चेॽया
येसुगा नुसाला सुरु लेक्साहा १:१-१३
येसुङा गालिलबे चोगुहा काम १:१४–९:५०
गालिलभाङ् यारुसालेम सोम्मा १०:१-५२
यारुसालेमबे हेक्साङ्हा हाप्ताचि ११:१–१५:४७
येसु स्यानाभाङ् हिङ्गिलिक लेक्साना १६:१-८
स्यानाभाङ् हिङ्गिलिक लेक्साहोङ् चेलाचिगाबे ओताना न्हाङ् वालोकपे ख्याना १६:९-२०
Actualmente seleccionado:
मार्कुस छेप्ताप चिनातोक: YAKH
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2023, Wycliffe Bible Translators, Inc. and Nepal Bible Society