Mathiu 6
6
1Takamaihmena tenesarolan tehwaga ut temiar le nemrin neremim moma ilar takaihm; mero in ka tenesarosan nemrin to Remimiar le neai.
2Mero in ka takama tenakofen atu nar ker teneshalan naiu le nemram, rolkoma nerem kamaiusit ilar karol le nimwa ahwak mene le suatu moma neremim takani vivi ilar. Nuparhien tiakani to kamiar ilar kenarosita nemri tenilar.
3Mero ama tenakofen atu nar ker tenesolan nelimam mul rhinatin neta nelimam matu ramol.
4Moma tenakofen atu maniwan an Remam ierem terahm maniwan terepofena nemrin kam ik.
5An takama nakamehwak tenesarolan kama nerem kamaiusit ilar, mero in takarolkeikei nailan mohwak le nimwa ahwak mene le suatu pisiak, moma neremim takaihm ilar. Nuparhien tiakani to kamiar ilar kenarosita nemrin tenilar.
6Mero ik takama tenakahwak uan imwa taham hmarig in tapin an mohwak kam Remam ierem remarik maniwan, an Remam ierem terahm maniwan terepofena nemrin kam ik.
7Mero le nahwakan temiar tenesahroan nimwan nakaran kama Jentail kamarol; mero in ka nekin ilur rakahmo kamero ilar le nakarpukan tenilar.
8Mero rolmok tenesarolan kama ilar mero in ka Remimiar rhinatin nar nakarolkeikei an mepehrapuk ton.
9Mero in ka tona tenakaihwak moklan, Remimar le neai, Netigam terausim.
10Neremerean taham terua, Nakeikeian taham terol moma le neai ne le ten.
11Ofa towe nar tiakarkin towe.
12Mosita netetan temar an iemarosita netetan te ierem ramomakin kamar.
13An tenesiran kamar to nofenofenan, mero os miuh kamar to ieremitat.
14Mero in ka takama tenakarosita netetan te neremim, Remimiar le neai raposita mun netetan temiar.
15Mero ama tenesarositean netetan te neremim, Remimiar teresositean netetan temiar.
16An ama nakaimek tenesarolan nemrimiar rait tat kama nerem kamaiusit ilar; mero in ka ilar kamarol nemrin ilar retat moma neremim takaihm moma kamaimek. Nuparhien tiakani to kamiar, ilar kenarosita nemrin tenilar.
17Mero ik takama tenakamek ol kaluk le tamkapa an hmapel nemram.
18Moma neremim tesaihman mama nakamek, mero Remam terahm maniwan, an Remam ierem terahm maniwan terepofena nemrin kam ik.
19Teneseitkauigenan nauta temiar le ten uk iken uin mene namtean kaitaken, an nakihla takahipu nar maikihla in.
20Mero tenakaitkauigen nauta temiar le neai iken uin mene namtean kasaitakenan, an nakihla kasahipuan nar maikihla in.
21Mero in ka iken nauta taham ramarik iken an nekim mun iken.
22Nisia le nubalakitil nakanemritil; mero in ka takama nakanemram teravit, an nubalakam petum refakak petum.
23Mero takama nakanemram retat, an nubalakam petum repapinap etahun. Takama hnakakan taham rapinap napinapanka ribor aken.
24Ieremim ker to resolatkokunan nar to ieremera kiu. Mero in ka to rapomakin ker an molkeikei ker; wa repehapatin nowa taha ker an mepeseniapkisan ker. Kamiar nesaisanenan to nolatkokunan nar to Wuhgin mene naremnar le ten uk.
25Mero in ka tiakani to kamiar, tenesareginan to nemihwan temiar moma neta tenakarkin wa tenakaramnum, mene to nubalakamiar moma neta tenakarviu kamiar lan. Nemihwan iravit kama naunganan, an nubalakitil iravit kama nar kamava lan.
26Aihm ru nemenuk le neai, kasarhiwan mesewaian, mesarhwafugenpenan imwa, an Remimiar le neai ramaugen ilar. Kamiar nakarut mun kama ilar.
27An kamiar pehe nekim ramol tipil kam ik nakasanen to nolan nubalakam rapam tahman?
28Retol nekimiar rakahmo puk nar nakamarua lan? Nekimiar rakahmo naugan nik le neki nuhwal moma kametuaribor; kasaisuman an kasarolan napin.
29Mero tiakani to kamiar, Solomon le navitan petum tahan remeseviuan kama nar uk ker.
30Mero takama Wuhgin remeviu nuhwal te ten mok lan ierem revia towe an tolauk kofen le nekam, an resolan mun moma tereviu kamiar, kamiar nerem nuparhienan temiar resuas?
31Mero in ka tenesareginan, mama, Neta takarkin? wa Neta takaramnum? wa, Neta takarviu katar lan?
32Mero in ka nerem Jentail kamaitkoigen naremnar min uk; mero in ka Remimiar le neai rhinatin moma nakarolkeikei nar min uk.
33Mero aiupan maitkoigen niko tahan mene tehwaga ut tahan, an naremnar min uk kapofena mun kam kamiar.
34Mero in ka nekimiar reshopukan nian tolauk; mero in ka nian tolauk terakahmo atu in. Nahwohwean te nian karena ribor ton.
Actualmente seleccionado:
Mathiu 6: LEN1902
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Published by the British and Foreign Bible Society in 1902, reprinted in 1935.