Yochanan 12
12
kapitel tsvelf
1un zeks teg far Pesach iz Yeshua/Yehoshua gekumen kein Beit-Anyah, vu El'azar iz geven, vemen Yeshua/Yehoshua hot oifgevekt fun di toite. 2men hot deriber dorten far im gemacht a sude, un Marta hot badint; El'azar ober iz geven einer fun di, vos zenen gezesen mit im baim tish. 3un Miryam hot genumen a funt loitern, kostbarn nardzalbeil, un gezalbt (dermit) di fis fun Yeshuan/Yehoshuan, un opgevisht zaine fis mit ire hor; un dos hoiz hot zich ongefilt mit dem reiech fun dem zalbeil. 4ober Yehude Ish-K'riot, einer fun zaine talmidim, der, vos hot im gezolt farraten, hot gezogt: 5farvos hot men nisht farkoift dem dozikn zalbeil far drai hundert dinrim un gegeben (dos gelt) tsu oremelait? 6un dos dozike hot er gezogt, nisht vail er hot zich gedaiget vegen di oremelait; nor vail er iz geven a ganev, un gehat di pushke un flegt untershlogen, vos men hot araingeleigt. 7Yeshua/Yehoshua hot deriber gezogt: loz zi tsufriden, tsum tog fun main kvure hot zi es bahalten. 8vorem di oremelait hot ir tomed bai zich, mich ober hot ir nisht alemol.
9un a groiser hamon Yidn hot zich dervust, az er gefint zich dorten; un zei zenen gekumen nisht bloiz tsulib Yeshuan/Yehoshuan, nor oich kedei tsu zen El'azarn, vemen er hot oifgevekt fun di toite. 10di hoipt koyanim ober hoben zich baroten, afile El'azarn tsu teiten; 11vail a sach fun di Yidn zenen tsulib im avekgegangen, un hoben gegloibt in Yeshuan/Yehoshuan.
12tsumorgens hot der hamon am, vos iz gekumen oif Yom Tov, gehert, az Yeshua/Yehoshua kumt kein Yerushalayim, 13hoben zei genumen palmentsvaign, un zenen arois im antkegentsugein, un hoben geshrigen:
Hosanna,
bruch haba beshem Hashem, Melech Yisroel!
(Tehillim 118:25)
(gebentsht iz der,
vos kumt inem nomen fun dem Har G-t,
der Melech fun Yisroel).
14un gefinendik a yung eizele, hot zich Yeshua/Yehoshua deroif aroifgezetst, vi es shteit geshriben:
15forcht dich nisht, du tochter fun Tsien,
ze, dain Melech kumt,
raitndik oif a yung eizele.
(Zecharyah 9:9)
16dos hoben zaine talmidim tsum ersht nisht farshtanen; nor ven Yeshua/Yehoshua iz shoin geven farherlecht, hoben zei zich demolt dermont, az es iz geven geshriben vegen im, un az dos hot men geton tsu im. 17un di mase mentshn, vos iz geven mit im, ven er hot El'azarn aroisgerufen funem keyver, un im oifgevekt fun di toite, hot eides gezogt vegen im. 18tsulib dem take iz der oilem im antkegengegangen, vail zei hoben gehert, az er hot geton dos dozike nes. 19deriber hoben di Perushim gezogt einer tsum andern: ir zet, az ir poielt gornisht; ze, di gantse velt loift im shoin noch!
20un es zenen geven einike Greeks tsvishen di, vos hoben oyle regl geven, kedei zich tsu buken dem Yom Tov; 21un zei zenen tsugekumen tsu Filiposn, vos hot geshtamt fun Beit-Tzaidah in Galil, un hoben im gebeten, azoi tsu zogen: Har, mir vilen zen Yeshuan/Yehoshuan. 22kumt Filipos un zogt es tsu Andrey; kumt Andrey mit Filiposn un zogen es tsu Yeshuan/Yehoshuan; 23Yeshua/Yehoshua ober hot zei geentfert, azoi tsu zogen: es iz gekumen di sho, az der Bar Enosh zol farherlecht veren. 24beemes, beemes zog ich aich: oib dos kerendel veits falt in der erd arain un shtarbt nisht, blaibt es alein; oib ober es shtarbt yo, brengt es a sach peires. 25der, vos hot lib zain nefesh, farlirt es; un der, vos hot faint zain nefesh in der doziker velt, vet es ophiten tsum eibikn leben. 26oib emitser dint mich, zol er mir nochfolgen; un vu ich bin, dort vet oich main diner zain; oib emitser dint mich, vet der foter im opgeben koved. 27itst iz main nefesh baumruikt; un vos zol ich zogen? foter, zai mich matsl fun der doziker sho? ober tsulib dem bin ich doch gekumen tsu der doziker sho. 28foter, farherlech dain nomen! un es iz gekumen a kol fun himel: ich hob shoin farherlecht un vel vider faherlechen. 29der hamon mentshn, vos iz geshtanen un zich tsugehert, hot gezogt, es hot gedunert; andere hoben gezogt: a malech hot geredt tsu im. 30hot Yeshua/Yehoshua geentfert un gezogt; nisht tsulib mir iz dos dozike kol gekumen, nor tsulib aich. 31itst iz dos mishpot fun der doziker velt; itst vet der sar fun der doziker velt aroisgevorfen veren indroisen. 32un ich, ven ich vel oifgehoiben veren fun der erd, vel tsien alemen tsu mir. 33dos dozike hot er gezogt, meramez tsu zain, mit vos far a toit er geit shtarben. 34der oilem hot deriber geentfert tsu im: mir hoben gehert fun der toire, az der Moshiach blaibt oif eibik; un viazoi zhe zogstu: der Bar Enosh muz oifgehoiben veren? ver iz dos der doziker Bar Enosh? 35hot Yeshua/Yehoshua tsu zei gezogt: noch a kleine vaile iz dos licht tsvishen aich. geit zhe inem licht beshas ir hot es, kedei di fintsternish zol aich nisht iberfalen; un der, vos geit in der fintsternish, veist nisht vu er geit. 36beshas ir hot dos licht, gloibt inem licht, kedei ir zolt veren kinder funem licht. dos hot Yeshua/Yehoshua geredt, un iz avekgegangen, un hot zich farborgen fun zei. 37un hagam er hot geton far zei azoifil nisem, hoben zei (alts) nisht gegloibt in im; 38kedei dos vort fun Yeshayah hanovi zol mekuyem veren, vos er hot gezogt:
o Har, ver hot gegloibt undzer shmue?
un oif vemen hot zich antplekt
der orem fun Har (Hashem)?
(Yeshayah 53:1)
39derfar hoben zei nisht gekent gloiben, vail Yeshayah hot vider gezogt:
40un er hot blind gemacht zeiere oigen,
hart gemacht zeier harts,
kedei zei zolen nisht zen mit di oigen,
un banemen miten harts,
un tshuve ton,
un ich zol zei heilen.
(Yeshayah 6:9,10)
41dos hot Yeshayah gezogt, vail er hot gezen zain koved, un geredt vegen im. 42doch hoben a sach afile fun di sorim gegloibt in im, nor tsulib di Perushim hoben zei es nisht moide geven, kedei zei zolen nisht geleigt veren in cheirem arain; 43vorem zei hoben liber gehat dem koved fun mentshn, vi dem koved fun Hashem.
44un Yeshua/Yehoshua hot oisgerufen un gezogt: der, vos gloibt in mir, gloibt nisht in mir, nor in dem, vos hot mich geshikt. 45un der, vos zet mich, zet dem, vos hot mich geshikt. 46ich bin gekumen a licht in der velt arain, kedei yeder einer, vos gloibt in mir, zol nisht blaiben in der fintsternish. 47un oib emitser hert maine reid, un hit zei nisht, vel ich im nisht mishpeten; vorem ich bin nisht gekumen, kedei ich zol mishpeten di velt, nor kedei ich zol rateven di velt. 48der, vos varft mich op un nemt nisht on maine reid, hot shoin zain shoifet; dos vort, vos ich hob geredt, dos vet im mishpeten in dem letstn tog. 49vail ich hob fun mir alein nisht geredt; nor er, vos hot mich geshikt, der foter alein, hot mir gegeben a gebot, vos ich zol zogen, un vos ich zol reden. 50un ich veis, az zain gebot iz eibik leben. deriber vos ich red, red ich azoi, vi der foter hot tsu mir geredt.
Actualmente seleccionado:
Yochanan 12: OYBCLATN
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
OYBC Yiddish (Hebrew script) in Latin script © Copyright 2024 AFII