متا ۱۱
۱۱
یوحنا سوأل عیسا جَا
1 عیسا بأزون کی اَ فرمأنَ خو دوأزده‌تأ شأگردَ فأدأ، جٚه اویَه بوشؤ کی اوشأنٚ شهرأنٚ#۱۱:۱ یونأنی: اَشأنٚ شهرأن. دورون آموج بٚده و موعیظه بوکونٚه.
2 او وخت کی یوحنا کی زندأنٚ دورون ایسأبو، مسیحٚ کأرأنٚ خٚوٚرٚ بشتأوسته، خو شأگردأنَ، اونی ورجأ اوسه کوده کی اونی جَا وأوٚرسٚد: 3 «آیا تو هو مسیح ایسی کی وأستی بأمؤبی، یا وأ اینفرٚ دِه رأفأ بئیسیم؟»
4 عیسا اوشأنَ بٚفرمأسته: «وأگردید یوحنا ورجأ و اونچی بشتأوستید و بیدِیید، اونٚ رِه وأگویا بوکونید کی 5 چوطؤ کورأنٚ چومأن وأزَ بٚده، شٚلأن رأ شٚده، جوذأمیأن شفأ یأفده، کرأن ایشتأوده، بٚمٚرده‌یأن زٚنده بٚده و فِقِرأنٚ رِه او پیغأم کی نیجأت دِهه وأگویأ بِه. 6 و اونَ بیگید: خوشأ بحألٚ اونی کی می وأسی لغزش نوخوره.»
7 او وخت کی یوحنا شأگردأن شؤئؤندوبود، عیسا مردومٚ رِه اونی جَا گب زِئنَ، سٚربیگیفته و بٚفرمأسته: «بوشؤبید بیأبأنٚ دورون کی چوجور مردأکی‌یَ بیدینید؟ ایتأ لٚسٚ مردأی، نی مأنستَن، کی هرتأ بأدٚ اَمرأ بٚپٚرکٚش اَیِه؟ 8 یا رأفأ ایسأبید ایتأ مردأکَ، گیرأنٚ لیوأس اَمرأ بیدینید؟ نه، اوشأنی کی گیرأنٚ لیوأس دوکودٚد، پأدیشأیأنٚ قصرأنٚ دورون زٚندیگی کونٚده. 9 ینی بوشؤبید ایتأ پیغمبرَ بیدینید؟ هطؤیه، شٚمٚره گم کی یوحنا ایتأ پیغمبرٚ جَایٚم پیله‌تره. 10 یوحنا هونی ایسه کی موقدسٚ کیتأبأنٚ دورون اونی جَا بینیویشته بوبوسته: "من می پیغمبرَ پیشتر جٚه تو اوسه کونم، و اون، رأیَ تٚرَه آمأده کونِه."#۱۱:۱۰ ملاکی ۱:۳.
11 «رأس‌رأسِی شٚمٚره گم تومأمٚ اینسأنأنٚ میأن کی تأ اَسه زٚندیگی بوکودٚد، هیکس یوحنا کی تعمید دِهه جَا پیله‌تر نییٚه؛ حتأ اَطؤیم، کوجه‌دأنه‌ترین نفر خودا پأدیشأیی دورون اونی جَا پیله‌تره. 12 و جٚه یوحنا رسألتٚ زمأتٚ سرگیفتن تأ اَسه، خودا پأدیشأیی قودرت و قوّتٚ اَمرأ پٚخشَ بوستأندره،#۱۱:۱۲ یا آسمأنٚ پأدیشأیی غیظ و غضب میأن دکفته. یا اونی حق، خشونت کودأندٚرٚده و پور زورأن اونَ بٚدٚس اَوٚرده. 13 چونکی تومأمٚ پیغمبرأن و تورأت تأ یوحنا زمأت نوبوّت کودیدی. 14 و اگه اونچی کی شٚمٚره گم قوبیل کونیدی، اون هو ایلیایٚ نبی ایسه کی هوطؤ کی پیغمبرأن نوبوّت بوکوده بود، وأستی بأیِه. 15 هرکی گوش کأر کونِه بشتأوه.
16 «ینی تأنٚم بٚگم اَ نسل چی‌یَ مأنه؟ کوجه زأکأنی‌یَ مأنه کی کوچه و بأزأرٚ میأن کٚرأ بأزی کودأندرد و خوشأنی ریفِقأنٚ جَا گله شیکأیت کونٚده و گده: 17 " شِمِره نِی بٚزِییم، رقص نوکودیدی، مرثیه بخأندیم، گریه نوکودید." 18 چونکی یوحنا خو وختٚ خوردن و وأخوردن رِه نٚنأیی، گیدی: "دیو بٚزِکه". 19 ولی اینسأنٚ پٚسر#۱۱:۱۹ «اینسأنٚ پٚسر» ایتأ لقب ایسه کی عیسا خؤرَه بٚکأر بٚره. کی میهمأنی شِه و بوخور وأخور کونه، گیدی: " شکم پیس و شرأب خؤرَه و بأج فأگیرأن و گونأکأرأنٚ اَمرأ بینیش ویریز دأره!" ولی حیکمتٚ دوروستی‌یَ، اونی آخرپٚسی و مأصولٚ جَا شأ ثأبیت کودن.»
ایمأن نأشتنٚ آخرپٚسی
20 بأزون عیسا شورو بوکود او شهرأنَ سٚرزنش کودن کی ویشترٚ خو موجیزه‌یأنَ اویَه بوکوده بو، ولی اوشأن خوشأنی گونأیأنٚ جَا توبه نوکودٚد و خودا ور وأنگردستٚد. 21 «اَی وأی تِرِه اَی خورَزین و اَی بیت صیدا! چونکی اگه موجیزه‌یأنی کی شیمی میأن بوکودم، صور و صیدونٚ فأسیدٚ شهرأنٚ دورون بوکوده بیم، اوشأنی کی اویَه زٚندیگی کونٚده خٚیلی زمأت پیش، خوشأنی گونأیأنٚ جَا توبه بوکوده بود، و شندره پندٚره دوکوده بود و خأک و خأکیسترٚ سٚر نیشتیدی کی خوشأنی پٚشیمأنی‌یَ نیشأن بٚدٚد. 22 ولی شٚمٚره گم کی دأوری روجٚ رِه، صور و صیدونٚ وضعٚ حأل، جٚه شیمی وضعٚ حأل خٚیلی بِیتره. 23 و تو اَی کَفَرناحوم، آیا آسمأنٚ ور، بوجؤر شی؟ هیوخت! تو او بیجیر، بٚمٚرده‌یأنٚ دونیأ دورون شی، چونکی اگه او موجیزه‌یأن کی تی میأن بوکودم، سُدومٚ فأسیدٚ شهرٚ دورون بوکوده بیم، تأ ایمرو، بأقی مأنستی. 24 تٚرَه گم کی دأوری روجٚ دورون، سُدومٚ اوضأع جٚه تی اوضأع خٚیلی بِیتره.»
«می ورجأ بأئید»
25 بأزین، عیسا دوعأ بوکود و بٚفرمأسته: «اَی پئر، آسمأن و زیمینٚ صأب، تی جَا ممنون کی اَ کأرأنَ اوشأنٚ جَا کی خوشأنٚ عألیم و زٚبر و زرنگ دأنٚده، قأیمَ کودی و اَشأنَ اوشأنٚ رِه وأشکأفأنه‌یی کی زأکأنَ مأنٚده. 26 هطؤیه اَی پئر، تی دیلخوشی اَن بو کی، اَطؤیی کأر بوکونی.
27 «می پئر همه چی‌یَ می دٚس فأدأ. رأس‌رأسِی هیکس پٚسرَ نشنأسِه جغرز پئر و هیکس رأس‌رأسِی پئرَ نشنأسِه جغرز پٚسر و اوشأنٚم کی پٚسر بٚخأیٚه اونَ اوشأنَ بٚشنأسأنه.»
28 بأزین بٚفرمأسته: «می ورجأ بأئید، اَی تومأمٚ زحمتکشأن و رنج بیدِکأن و من شٚمٚره آسأیش فأدٚم. 29 می یوغَ بچأنَ گیرید و می جَا بأموجید، چونکی سٚربیجیر و دیل‌میهرٚوأنم، و شیمی جأنٚ دورون آسأیش یأفیدی. 30 چونکی می یوغ رأحت ایسه و می بأر کی شیمی چأن نٚهٚم، سوبوک.»
Actualmente seleccionado:
متا ۱۱: GLK_NT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Transform Iran