मती 3
3
बपतिसमा आलवा वाला यूहना ने काम
(मरकुस 1:1–8; लूका 3:1–18; यूहना 1:19–28)
1वणअ दाड़ा मा यहुदिया परदेस ने हुनी जगा मा परसार करतो थकण बपतिसमा आलवा वालो यूहना विय आजो, 2#मती 4:17; मर 1:15नी वी परसार करवा लागो, “तमो आपड़े पाप हू मन बदलो, केमके हरग ने राज कनी आवी गियू हे।” 3यो यूहना विस हे जिने बारामा परमेसवर ने हाड़े हू बुलवा वाला यसाया केजू तु,
“हुनी जगा मा एक हादवा वाला ने आवाज़ आवी रेजी हे के,
‘परबू ने हारू वाट तयार करो,
नी विने वाट हिदी करो।’ ”
4यूहना ने लबरअ ऊट ने वाल ने बणजअ थकण त नी विने केड़ मा खालड़ा ने पटो बादजो तो। टिड्डी नी मेद खातो तो, नी हुनी जगा मा रेतो तो। 5वणी वला यरूसलेम नी हेता यहुदिया परदेस ने नी यरदन नदी ने आहे पाहे ने मनका वणा कनी वगळअ थाजअ। 6नी वणय आपड़े आपड़े पाप मानी नी यरदन नदी मा यूहना हू पाणी हू बपतिसमा लिदू।
7 #
मती 12:34; 23:33 जेरे वणाय यू जुजू के, कईक फरीसी नी सदुकी#3:7 सदुकी मनका यहुदिय मा हू एक समू हे। व मनका मरवा बाद जीवी उटवा माते विसवास नीं करी हे। वणा कनी पाणी हू बपतिसमा लिवा आवी रेजा ता, नी वी वणहू केतो तो, “हे हाप ने सुरे, तमय कणाय सकोर किदा हो के, परबू ने आवणा वाली री हू वसो? 8तमय अणी वातअ ने सबूत आलवू पड़हीं के, हासु तमारे मन बदलजू हे। 9#यूह 8:33नी तमो आपड़े मन मा यू नकी हुसो के, ‘अमअ अबराहम ने सन्तान ह।’ मुँ तमय हू कऊँ हूँ के, परमेसवर अणअ पाटा हू अबराहम ने हारू सन्तान पेदा करी हके हे। 10#मती 7:19 एवा कराड़ो रूकड़अ कापणा ने हारू थोक मा मेलजो हे, नी जी जी रूकडू हाऊ फल नीं आले, ते वु कापी दड़जू जाहीं नी आग मा दड़ी दिदू जाहीं। 11मुँ ते तमय तमारे मन बदलवा ने हारू पाणी हू बपतिसमा आलु हूँ, पण जी मय हू वदार तागतवर हे आवी रेजो हे मुँ विने खाहड़अ खुलवा ने लायक नीं हूँ। वी तमय आग नी पवितर आतमा हू बपतिसमा आलहीं। 12विने आत मा हुपडू हे नी वी आपड़े खलु सई तरह हू साफ करहीं, जणाहू गऊँ ते हुकला हू अलग करहीं नी आपड़े कुटी मा वगळा करहीं, नी हुकलू ते वणी आग मा दड़ी दिहीं जिए किरे नीं ओलाहीं।”
ईसु ने बपतिसमा
(मरकुस 1:9–11; लूका 3:21,22)
13वणी वला ईसु गलील हू हिड़ीनी यरदन नदी ने हिड़े यूहना हू पाणी हू बपतिसमा लिवा आजो। 14पण यूहना ईसुई रोकवा लागो नी वणाहू केजू, “मय पोते तारे आत हू पवितर आतमा हू बपतिसमा लिवा ने जरूरत हे। ते पसे तु हय मय कनी आजो हे?”
15ईसुई वणाहू केजू, “अबार ते अणीस तरह हू थावा दे। केमके परमेसवर ने दारमीकता अमय इमुस पुरू करवू हाऊ हे।” तेरे पसे यूहनाय विने वात मानी लिदी।
16नी जेरे ईसु पाणी हू बपतिसमा लईनी तरत पाणी माहू बान्णे आजो ते, जुओ, आकास खुली गियू। वणाय परमेसवर ने आतमा कबुतर ने हरकी नीसे उतरती नी पोता माते आवती डिटी। 17#मती 12:18; 17:5; मर 1:11; लूका 9:35तेरे आकास मा ये वाणी थाजी के, “यो मारे खास लाड़ळो सुरो हे। जणाहू मुँ कईक राजी हूँ।”
Actualmente seleccionado:
मती 3: WBR
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 2023 NLCI
CC BY-NC-ND 4.0